منتدى أنا سوداني

مرسل: **الأحد 2011.6.12 11:45 pm**

بفتش ليك
بفتش ليك لو القاك
بفتش ليك فى الروح البريدا انا
ياروح الروح
وادخل بين مسامته
واعاين فى ملامح زول
شغل الفؤاد والروح
واتحكر فى قليب ولهان
مناه شوفت المحبوب
وافتش ليك فى الزمن الوقف
وبفتش ليك لو الزمن يصد ويرجع
ويعيد ايام الهوى الاول
بخاف القاك اتغيرت
وارجع تانى اعيش امل بكره
ويكون الامل لقياك
فى الاحلام واسعد بيك
وافتش ليك عشان القاك
وكيف القاك

مرسل: **الأحد 2011.6.12 11:52 pm**

كلمات جميلة
تسعدني اكون اول من تضع بصماتها هنا
دمتي مبدعة

مرسل: **الثلاثاء 2011.6.14 12:31 am**

شمعة حب كتب:كلمات جميلة
تسعدني اكون اول من تضع بصماتها هنا
دمتي مبدعة

شمعة حب لك التحيه والود
تسلمى كتير على التواجد الانيق وسعيده بيك كتير
وبانك اول من وضع مشاركه وتمنياتى ان تكونى دائما معاي
اسعد بيك ياغاليه

عشان القاك
بسافر فى بحور عينيك
وكت تفيض تحنان
وهناك الاقى حنان
وسحر الدنيا فى ضحكة
عيون هيمانه كلها شوق
عشان تلقاك
واسرح بعيد شان القاك
واجيك بشويش اكون جنبك
املي عيوني بشوفتك
وفى قليب ولهان اخت صورتك
ونعيش اللحظه حب وحنان
واتوه فى دنيا ورديه
وتظلنا غيمة مطريه
هناك والدنيا عصريه
ويفرح الخاطر المحزون
وقت القاك

مرسل: **الثلاثاء 2011.6.14 12:34 am**

تسلمى ياقمر

كلمات رائعه

مرسل: **الثلاثاء 2011.6.14 12:46 am**

وعد الاميره كتب:تسلمى ياقمر

كلمات رائعه

وعد الاميره طاب مساك بكل خير
لك كل ايات التقدير والاحترام وانت تتواجدين معي
سعيده بيك كتير وخليك قريبه

ليه خليتنى للايام وانا بكل
جوارحى بنادى عليك
ذرفت دموع وما فادت
نذرت الروح وما صابت
نزفت الدم وكل دمعاتى ماجادت
ومن الشوق اصلب الشريان
ورحلت مشيت بدون عنوان
ذادى الريد وكايسه حنان
عشان القاك

مرسل: **الثلاثاء 2011.6.14 10:12 am**

أستاذة أم صبا
لاتعليق على روعة حرفكم الأنيق

وأرجو ان يكون مروري بقدر روعة حرفكم

عشان القاك
بسافر في بحور الشوق
وبحلم أرسى في مرساك
واعاين بى عيون الريد
واساهر ليلي اسامر بيك نجوم الليل
وبحر الشوق مع الأفلاك

(تقبلوا مروري )

مرسل: **الثلاثاء 2011.6.14 10:23 am**

وان تناظر بي يجي بعيني بريق
القمر وان شاهدك غاب وأفل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل

مرسل: **الأربعاء 2011.6.15 3:02 pm**

كيف القاك
اضحك عشان الدنيا تضحك لي
وتفتح مساماتي
واحلم بيك يوماتي
وانا الولهانه فى حبك
وتسلل جوه الروح
ضحكة زول حنين بالحيل
شايل الريد بحر
وشال هجر السنين الطال
وجاك تعبان من سهر الليل
بيدور يرتاح فى حضنك الدافىء
مليان حب وحنان
واضحك تانى واستناك
انا الولهانه فى ريدك
القى معاك احلامي
وتسعد بيك ايامي
وتبسم لي ويبسم لي زماني
واعيش الريده من جواي
والقاك انت معاي
ومابين هنا وهناك
وما بين الحزن والريد
تجيني زي حلم عابر
واعيش اللحظه بتحنان
متين القاك

مرسل: **الأربعاء 2011.6.15 3:15 pm**

متين القاك
عشان انا روحي زاتا معاك
وفرحة عمري كلها بيك
متين تسعفني بى رؤياك

مرسل: **الثلاثاء 2011.6.21 12:46 pm**

مشيت عديت بحور المستحيل
عشان القاك وما فترت خطاي
وشلت الحلوه زاد بكره
وقلت الذكرى تبقى معاي
عشان لو اتلاقينا من تانى
وجمعتنا بيك صدفه
تعرف انك يوم كنت مناي
وتعرف انى كم قاسيت
فى سبيل حبك عشان القاك
وابوح بهواي
وانت بعيد ومتناسي
كأننا ما جمعنا الريد واتعاهدنا
ولا عشت حلوه معاي
مشيت خليتنى للايام
ما خليت وراك عنوان
ولا عاودك الحنين جابك
ولا هماك اصلو شقاي

مرسل: **الثلاثاء 2011.6.21 12:56 pm**

أكيد بلقاك
بتضحك وتهدي للأفراح
وتدي الناس بشاشة وطيبة
بلسم يداوي كل جراح

مرسل: **الثلاثاء 2011.6.21 6:07 pm**

عشان ألقاك ,,ولاقيتك ,,وأريتو لقانا يوم ما كان

مرسل: **الأربعاء 2011.6.22 4:09 pm**

عشان القاك ومتين القاك
وكت الريد يفيض تحنان
اقول اساهر بين جفون الغزلان
القي الريده فايضه حنان
وعشان حنك يكون تحنان
تعال عشان القاك
ومتع العيون بنظرات
يا بهي الطلعه يا ست البنات
عشان القاك سهرت الليل
وليلي طويل وكلو نواح
متين القاك

ام صباء حرف انيق وكلمات اروع
كوني بخير

مرسل: **الخميس 2011.6.23 1:18 am**

سألتك عليك ليل الشوق
امكن تكون حنيت
وجيت عشان القاك
امكن جابتك ذكرى
وقلت نعيد زمانه الفات
وسألت عليك
كل زول لقاك فى عيوني
وكيف شافوك متحكر
فى سواد العين
وكيف حارساك رموش عيني
وضاريتك من عيون الناس
وانا حبك عايشاه باحساس
بخاف لو الحنين غلبني اليك
القاك بعيد منى
وما القى ليك عنوان
وارجع تانى اشتاق ليك
قول لي القاك كيف

مرسل: **الخميس 2011.6.23 12:09 pm**

قول لي كيف القاك
شلت القليب ومشيت
خليتني اعيش في هواك
ماببقى أصلو براك
ياساحر النظرات
يارقة في معناك
قول لي كيف القاك

مرسل: **الخميس 2011.6.23 12:22 pm**

عشان القاك مشيت درب الريد
وتبعت خطاك
وشلتك جوه قليبي محنه والفه
واتعشمت فى يوم لقياك

مرسل: **الجمعة 2011.6.24 2:08 pm**

أهـــواك

أنا الولهـان ومغـرم بك وقلـبي فيكي اتكسّر
وقعـت في شـباك ريدك وخلاصي منها اتعذّر
وكل ما أحـاول أوصل لك زماني عليّ يتجـبّر
وكل ما أحـاول أفصح لك نفسي عليّ تتكـبّر
وكل ما أحاول أنا انساكي حبك فيني بس يكـبر
وانتـي بعـيدة مجافـياني وما عارفـاني بتكـدّر
وزادت فرقـتك ألمـي وفراقـك له مـا بقـدر
دوام مشغـول أفكر فيكي وعقلي معاكي خـلاص ودّر
أسامـر في نجـوم الليل وأصارع شوقـي وأتصبر
وشـايل الهـم دوام محـزون ونازل دمعـي يتقطّر
تعـبت وصلت حال الموت وخلاص أنا كفني اتحضّر
وبدعـي الرب دوام بالليل وقلـبي حـزين بيتفطّر
يجعـل حـبي في قلـبك ولـي تحـن وتتـذكّـر

مرسل: **السبت 2011.6.25 1:37 am**

جينا نسابق الخطوه بلهفه
عشان نلقاك ونسعد بقربك
وتعرف كيف بنقاسي عشانك
وكيف دوام بنشتاق لحبك

مرسل: **الخميس 2011.6.30 1:13 pm**

قربت منك لما حسيت البعاد
واشتقت لضحكة عيونك
وانت عارف انى بهواك يامناي
وما بتطيب دنياي بدونك
وبرضو ماحسيت حنيني
وبرضو زايد في عنادك
وكل ما اقرب ليك خطوه
انت تعند بي بعادك
حيرت قلبي معاك ياقاسي
احكى قول اسباب غيابك
القاك كيف

مرسل: **الخميس 2011.6.30 1:41 pm**

ام صبا كتب:

قربت منك لما حسيت البعاد
واشتقت لضحكة عيونك
وانت عارف انى بهواك يامناي
وما بتطيب دنياي بدونك
وبرضو ماحسيت حنيني
وبرضو زايد في عنادك
وكل ما اقرب ليك خطوه
انت تعند بي بعادك
حيرت قلبي معاك ياقاسي
احكى قول اسباب غيابك
القاك كيف

هذا حكم الأقـدار بس لازم أتعلم ان الحب بهـذا الزمـن والله دمرني

انتهت قصتـي وكأني كنت أحلم وانتهيت كن الأرض انشقت وبلعتني

منتدى أنا سوداني

عـشـان الـقـاك

عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك

رد: عـشـان الـقـاك