وعد الاميره طاب مساك بكل خير
لك كل ايات التقدير والاحترام وانت تتواجدين معي
سعيده بيك كتير وخليك قريبه
ليه خليتنى للايام وانا بكل
جوارحى بنادى عليك
ذرفت دموع وما فادت
نذرت الروح وما صابت
نزفت الدم وكل دمعاتى ماجادت
ومن الشوق اصلب الشريان
ورحلت مشيت بدون عنوان
ذادى الريد وكايسه حنان
عشان القاك
وان تناظر بي يجي بعيني بريق
القمر وان شاهدك غاب وأفل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
كيف القاك
اضحك عشان الدنيا تضحك لي
وتفتح مساماتي
واحلم بيك يوماتي
وانا الولهانه فى حبك
وتسلل جوه الروح
ضحكة زول حنين بالحيل
شايل الريد بحر
وشال هجر السنين الطال
وجاك تعبان من سهر الليل
بيدور يرتاح فى حضنك الدافىء
مليان حب وحنان
واضحك تانى واستناك
انا الولهانه فى ريدك
القى معاك احلامي
وتسعد بيك ايامي
وتبسم لي ويبسم لي زماني
واعيش الريده من جواي
والقاك انت معاي
ومابين هنا وهناك
وما بين الحزن والريد
تجيني زي حلم عابر
واعيش اللحظه بتحنان
متين القاك
مشيت عديت بحور المستحيل
عشان القاك وما فترت خطاي
وشلت الحلوه زاد بكره
وقلت الذكرى تبقى معاي
عشان لو اتلاقينا من تانى
وجمعتنا بيك صدفه
تعرف انك يوم كنت مناي
وتعرف انى كم قاسيت
فى سبيل حبك عشان القاك
وابوح بهواي
وانت بعيد ومتناسي
كأننا ما جمعنا الريد واتعاهدنا
ولا عشت حلوه معاي
مشيت خليتنى للايام
ما خليت وراك عنوان
ولا عاودك الحنين جابك
ولا هماك اصلو شقاي
سألتك عليك ليل الشوق
امكن تكون حنيت
وجيت عشان القاك
امكن جابتك ذكرى
وقلت نعيد زمانه الفات
وسألت عليك
كل زول لقاك فى عيوني
وكيف شافوك متحكر
فى سواد العين
وكيف حارساك رموش عيني
وضاريتك من عيون الناس
وانا حبك عايشاه باحساس
بخاف لو الحنين غلبني اليك
القاك بعيد منى
وما القى ليك عنوان
وارجع تانى اشتاق ليك
قول لي القاك كيف
أنا الولهـان ومغـرم بك وقلـبي فيكي اتكسّر
وقعـت في شـباك ريدك وخلاصي منها اتعذّر
وكل ما أحـاول أوصل لك زماني عليّ يتجـبّر
وكل ما أحـاول أفصح لك نفسي عليّ تتكـبّر
وكل ما أحاول أنا انساكي حبك فيني بس يكـبر
وانتـي بعـيدة مجافـياني وما عارفـاني بتكـدّر
وزادت فرقـتك ألمـي وفراقـك له مـا بقـدر
دوام مشغـول أفكر فيكي وعقلي معاكي خـلاص ودّر
أسامـر في نجـوم الليل وأصارع شوقـي وأتصبر
وشـايل الهـم دوام محـزون ونازل دمعـي يتقطّر
تعـبت وصلت حال الموت وخلاص أنا كفني اتحضّر
وبدعـي الرب دوام بالليل وقلـبي حـزين بيتفطّر
يجعـل حـبي في قلـبك ولـي تحـن وتتـذكّـر
