مستجدات جديدة علينا

[نهى محمد الربيع]

زماااان عزيزي القارئ كان إذا استشعر أحدهم بالغضب أو الحزن أو ما شابه (قد يحادث اقرب شخص إليه) فيزول ما به من كدر ونكد ولا يشترط أن يكون محدثك من الاهل أو المعارف فـ(كل اجزائه لنا وطن) والجميع تراهم كالأهل في تعاملاتهم إلى بعضهم قوماً بُسطاء (تستشعر الثقة وأنت معهم) فتقول في دواخلك (تصور كيف يكون الحال لو أهل الحارة ما أهلي)..
أما يومنا هذا فما تغير هوَّ - انك اذا اردت الكدر فيمكن ان تجلبه على نفسك بمجرد حديثك مع شخص (يرى انه من أولاد العز والذوات) فالبعض اعزائي القراء في مجتمعنا انتهجوا أسلوب (شوفوني والمظاهر الخداعة) والفلهمه والقرضمه.. وتلك الفئة الحديث والونسة معها غير مُريحة بتاتاً... وما يثير الحيرة اننا جميعاً كسودانيين وان دخلت مجتمعنا الحضارة والتكنولوجيا وإن تحسن الوضع فجدودنا وجداتنا ناس زمان كان غالبيتهم بل جميعهم بسطاء ومن اختلف عن ذلك تجده متميزاً بأنه (درس الأزهر) أو... أو... ومع ذلك ليس فيهم من يجاهر بـ(شوفونا انحنا سمحين كيف؟ عندنا... حقنا... و...
حقيقة عزيزي القارئ تغيرت نفوس البعض في مجتمعنا فجلبوا لنا غضب المولى من حيث ندري ولا ندري ولا يغير الله ما بقوم حتى يغيروا ما بأنفسهم...
في السلام ده.. اختفى السلام (حَنين المفردات) عند البعض فظهرت مفردات أخرى مثيرة للقرف والغثيان.. واثقة باني لست وحدي التي تستشعر الحقد تجاه الطرف الآخر عندما اسمع منه (هااااي.. اخباركم!!)..
وعبر وسائل الاعلام أعلن للملأ عن عدم رغبتي (وبكامل قواي العقلية) في التواصل واقامة علاقات اخوة أو صداقة مع أي فرد من تلك الفئة (مهما عَلا أو قلَّ شأنه)...
يا شباب اليوم - حركاتكم جبانه وشينه
خلاص نسيتو الماضي - وكمان تغيتوا علينا؟؟؟
ما نحنا بروتاريا - ويادوبنا إتجمينا
ومن (شعوب تالته) - لا زِدنا لا قلينا
كنا علمانين - بي المافي إتربينا
لا كان هناك بيرقر - لا شيه في البترينه
اكلتوا شاورمه - نسيتو السخينه؟؟
دخلتوا الملاهي - ونسيتو حريَّينا؟؟
قعدتوا في القنوات - وقريب ده.. إتحجينا!!
اسأل كمان أمك - من وجبة أم مالبينه
وكيفن زمان - دخان الدوكه طَلعَ عينه
حقيقةً.. كل ما نشكو منه من غلاء المعيشة، العطالة، العنوسة، الـ... الـ... لا أعتبرهُ مصيبة وكارثة قَدرَ التشبه بآخرين لهم عادات وثقافات تختلف عنا.. وما يثير الحيرة انهم (لا سمحين لا بملو العين) هسع ناس القنوات ديل سماحتهم شنو؟

[طالب القرب]

الاخت العزيزة نهي

هذة حملة شرسة للاولاد لماذا هذة اللهجة الحرجة واللهجة التي فيها شي من النبرة الحارة ( او السخة )
ماهي المشاكل التي واجهتك في حياتك لتقولي مثل هذا الكلام الذي يمس جميع الشباب .
يمكن تكوني سمحة ؟ هذا جائز
ربما تكوني غير ذلك ؟ لعدم تعبيرهم لكي
ربما تكوني ؟ بالسوداني ( اختي شاكوش )

اسالي نفسك ولا اسالي اي بت في الدينا ( بتكره التعبير الحلو ولا عدم الصداقة الحلوة ولا الكلام الحلو والمعسول ولا التقييم ولا تفقد الاحول ولا الاخوة النابعة عن صدق )
انا لا ادافع عن شباب ( هاااي .... زي ما قلتي لكن والحمد لله اني شاب
سوداني اصيل دنقلاوي مغترب 8 سنة ولهجتي الدنقلاوية ما اتغيرت الي الان لكن كلامك يحسس الواحد بانك شايلة في نفسك شي ثقيل هو ظاهر في كلامك في الاخير
دة كلامك صاح( انهم (لا سمحين لا بملو العين) هسع ناس القنوات ديل سماحتهم شنو؟)
والله نحنا كسودانيين فينا كل شي وكل سوداني شاب قول ليهو( واحلي شي في الدينا الست الحلوة )
لو ما بعجهو ( رشا الرشيد , ولا تسابيح خاطر . ولا الاسراءتين بتاعين افراح افراح )
جميلات ومحتشمات ونفتخر بهم لو قلتي قنوات تانية دي شي ثاني
اريد منك ان تعتزري للشباب لانك مسيتي كل الشباب الداخل وخارج السودان
واذا كان لديكي مشكلة فو الله هذة مشكلتك فلاتحكمي علي الناس اجمعين هذا من وجه نظري
واذا امسستكي بشي فالعتبي حتي ترضي
تحياتي وموضوعك مهم جدا لكن فيهو شي من الغموض هذا منبر الوضوح
شكرا علي علي الموضوع
تسلمي
حسن سليمان

[dream-lady]

زماااان عزيزي القارئ كان إذا استشعر أحدهم بالغضب أو الحزن أو ما شابه (قد يحادث اقرب شخص إليه) فيزول ما به من كدر ونكد ولا يشترط أن يكون محدثك من الاهل أو المعارف فـ(كل اجزائه لنا وطن) والجميع تراهم كالأهل في تعاملاتهم إلى بعضهم قوماً بُسطاء (تستشعر الثقة وأنت معهم) فتقول في دواخلك (تصور كيف يكون الحال لو أهل الحارة ما أهلي)..
أما يومنا هذا فما تغير هوَّ - انك اذا اردت الكدر فيمكن ان تجلبه على نفسك بمجرد حديثك مع شخص (يرى انه من أولاد العز والذوات) فالبعض اعزائي القراء في مجتمعنا انتهجوا أسلوب (شوفوني والمظاهر الخداعة) والفلهمه والقرضمه.. وتلك الفئة الحديث والونسة معها غير مُريحة بتاتاً... وما يثير الحيرة اننا جميعاً كسودانيين وان دخلت مجتمعنا الحضارة والتكنولوجيا وإن تحسن الوضع فجدودنا وجداتنا ناس زمان كان غالبيتهم بل جميعهم بسطاء ومن اختلف عن ذلك تجده متميزاً بأنه (درس الأزهر) أو... أو... ومع ذلك ليس فيهم من يجاهر بـ(شوفونا انحنا سمحين كيف؟ عندنا... حقنا... و...
حقيقة عزيزي القارئ تغيرت نفوس البعض في مجتمعنا فجلبوا لنا غضب المولى من حيث ندري ولا ندري ولا يغير الله ما بقوم حتى يغيروا ما بأنفسهم...
في السلام ده.. اختفى السلام (حَنين المفردات) عند البعض فظهرت مفردات أخرى مثيرة للقرف والغثيان.. واثقة باني لست وحدي التي تستشعر الحقد تجاه الطرف الآخر عندما اسمع منه (هااااي.. اخباركم!!)..
وعبر وسائل الاعلام أعلن للملأ عن عدم رغبتي (وبكامل قواي العقلية) في التواصل واقامة علاقات اخوة أو صداقة مع أي فرد من تلك الفئة (مهما عَلا أو قلَّ شأنه)...
يا شباب اليوم - حركاتكم جبانه وشينه
خلاص نسيتو الماضي - وكمان تغيتوا علينا؟؟؟
ما نحنا بروتاريا - ويادوبنا إتجمينا
ومن (شعوب تالته) - لا زِدنا لا قلينا
كنا علمانين - بي المافي إتربينا
لا كان هناك بيرقر - لا شيه في البترينه
اكلتوا شاورمه - نسيتو السخينه؟؟
دخلتوا الملاهي - ونسيتو حريَّينا؟؟
قعدتوا في القنوات - وقريب ده.. إتحجينا!!
اسأل كمان أمك - من وجبة أم مالبينه
وكيفن زمان - دخان الدوكه طَلعَ عينه
حقيقةً.. كل ما نشكو منه من غلاء المعيشة، العطالة، العنوسة، الـ... الـ... لا أعتبرهُ مصيبة وكارثة قَدرَ التشبه بآخرين لهم عادات وثقافات تختلف عنا.. وما يثير الحيرة انهم (لا سمحين لا بملو العين) هسع ناس القنوات ديل سماحتهم شنو؟

اختي نهى -حياك الله-جيتي على الوجع-دي نقطة ذكرتها في المنتدى في مكان ما -ناسية-الا وهو التملص والانسلاخ عن جلدتنا ...التلقيد الاعمى للغرب - التعلق والتشبث باذيال الخليجيين ....صدقيني بمممممممممموت قهر لما اشوف واحدة عاملة فيها سعودية -مطلعة شوشتها وعاملة لتمة-التقول حرامي-ومعلقة الجوال ببرة وتلولو لسان تقول عاضاها نملة .(.يما ...خرعتيني ..وش دعوة ...طفش ...انقلع..قلعة تبلعكم خجلتونا) وباضاني البياكلها الدود سمعت واحدة لما شافت حجة لابسة توبنا -قالت ياي فضيحة!!!
فضيحة عشان لبست التوب -مش شافتها من وجهة نظر غطاء وجه وخلافه...ايه رايكم
انا بنفسي نويت اي بت سودانية بالرياض اشوفها بتتلولو وتكعوج لسانا ...اقول ليها في وشها..غيري جنسيتك ياشاطرة لو مستحية من جنسك -ويرحم جدك الكان بركب حمار وحبوبتك الكانت بتسف سعوط-وهذه ليست شتيمة لهم-فانا افخر بهم واخجل منكي
وكمان الولد المايص ..اللابس طيحني ....يطيح مايقوم-وعامل فيها راجل!!وبس بشاغل وحايم في الشوارع زي كلب الحر
لا لالالالا أنا سخنت ...موضوعك ده لازم اجيهو راجعة

[dream-lady]

الاخت العزيزة نهي

هذة حملة شرسة للاولاد لماذا هذة اللهجة الحرجة واللهجة التي فيها شي من النبرة الحارة ( او السخة )
ماهي المشاكل التي واجهتك في حياتك لتقولي مثل هذا الكلام الذي يمس جميع الشباب .
يمكن تكوني سمحة ؟ هذا جائز
ربما تكوني غير ذلك ؟ لعدم تعبيرهم لكي
ربما تكوني ؟ بالسوداني ( اختي شاكوش )

اسالي نفسك ولا اسالي اي بت في الدينا ( بتكره التعبير الحلو ولا عدم الصداقة الحلوة ولا الكلام الحلو والمعسول ولا التقييم ولا تفقد الاحول ولا الاخوة النابعة عن صدق )
انا لا ادافع عن شباب ( هاااي .... زي ما قلتي لكن والحمد لله اني شاب
سوداني اصيل دنقلاوي مغترب 8 سنة ولهجتي الدنقلاوية ما اتغيرت الي الان لكن كلامك يحسس الواحد بانك شايلة في نفسك شي ثقيل هو ظاهر في كلامك في الاخير
دة كلامك صاح( انهم (لا سمحين لا بملو العين) هسع ناس القنوات ديل سماحتهم شنو؟)
والله نحنا كسودانيين فينا كل شي وكل سوداني شاب قول ليهو( واحلي شي في الدينا الست الحلوة )
لو ما بعجهو ( رشا الرشيد , ولا تسابيح خاطر . ولا الاسراءتين بتاعين افراح افراح )
جميلات ومحتشمات ونفتخر بهم لو قلتي قنوات تانية دي شي ثاني
اريد منك ان تعتزري للشباب لانك مسيتي كل الشباب الداخل وخارج السودان
واذا كان لديكي مشكلة فو الله هذة مشكلتك فلاتحكمي علي الناس اجمعين هذا من وجه نظري
واذا امسستكي بشي فالعتبي حتي ترضي
تحياتي وموضوعك مهم جدا لكن فيهو شي من الغموض هذا منبر الوضوح
شكرا علي علي الموضوع
تسلمي
حسن سليمان

شاكوش ايه ياابني الي انت جاي تقول عليه؟؟؟؟؟؟؟هذا الكلام نابع عن حسرة والم وحب للسودان وابنائه -لايوجد فيه تأثر أو تجربه شخصية
بس دي المشكلة...اي واحد يجي يقول كلمة حق واقفة ليهو في حلقو ...يبدأ الكلام -ماخدة شاكوش -بمبة-مقلب -ياحسرة على ثقافتنا واولوياتنا السطحيييييييييييييية...واعتذارلمين وعشان شنو؟؟كلمة حق؟؟وحتى لوغلط ده رأيها ولم تدس لاحد على طرف ..ووجهه نظر وماسمت وماحددت اسماء-قالت ظاهرة موجودة مهما انكرتها...وفعلا لديها مشكلة وكبيرة كمان ..عارف هي شنو؟؟الالم والحسرة من اولاد بلدها الانسلخو عن جلدهم ولبسو لبسا مابشبهم ...وارجو تقبل كلامي بصدر رحب
اعذرني بس ردك غاظني جدا

[الامل الجديد]

اختي نهى -حياك الله-جيتي على الوجع-دي نقطة ذكرتها في المنتدى في مكان ما -ناسية-الا وهو التملص والانسلاخ عن جلدتنا ...التلقيد الاعمى للغرب - التعلق والتشبث باذيال الخليجيين ....صدقيني بمممممممممموت قهر لما اشوف واحدة عاملة فيها سعودية -مطلعة شوشتها وعاملة لتمة-التقول حرامي-ومعلقة الجوال ببرة وتلولو لسان تقول عاضاها نملة .(.يما ...خرعتيني ..وش دعوة ...طفش ...انقلع..قلعة تبلعكم خجلتونا) وباضاني البياكلها الدود سمعت واحدة لما شافت حجة لابسة توبنا -قالت ياي فضيحة!!!
فضيحة عشان لبست التوب -مش شافتها من وجهة نظر غطاء وجه وخلافه...ايه رايكم
انا بنفسي نويت اي بت سودانية بالرياض اشوفها بتتلولو وتكعوج لسانا ...اقول ليها في وشها..غيري جنسيتك ياشاطرة لو مستحية من جنسك -ويرحم جدك الكان بركب حمار وحبوبتك الكانت بتسف سعوط-وهذه ليست شتيمة لهم-فانا افخر بهم واخجل منكي
وكمان الولد المايص ..اللابس طيحني ....يطيح مايقوم-وعامل فيها راجل!!وبس بشاغل وحايم في الشوارع زي كلب الحر
لا لالالالا أنا سخنت ...موضوعك ده لازم اجيهو راجعة

والله يادريم ليدى انا اصلا جيت ارد على الموضوع شغلتيني بي ردك ونسيت انا دايره اقول شنو
طريقتك واسلوبك ابداع وواصل (انت متربيه مع حبوبتك والا شنو ) قبل شويه كنت بقرأ فى ردك على موضوع احتيار الضره وبرضو لقيت نفسى مشدوهه بى ردك وماقدرت ارد شكلى كده لو باريت ردودك ما حاقدر اكتب اى حاجه . خليك كده طوالى ردك بيخش القلب طوالى لانو على سجيتو مشكوره اختى [/size]

[dream-lady]

والله يادريم ليدى انا اصلا جيت ارد على الموضوع شغلتيني بي ردك ونسيت انا دايره اقول شنو
طريقتك واسلوبك ابداع وواصل (انت متربيه مع حبوبتك والا شنو ) قبل شويه كنت بقرأ فى ردك على موضوع احتيار الضره وبرضو لقيت نفسى مشدوهه بى ردك وماقدرت ارد شكلى كده لو باريت ردودك ما حاقدر اكتب اى حاجه . خليك كده طوالى ردك بيخش القلب طوالى لانو على سجيتو مشكوره اختىthumbup.gifthumbup.gifthumbup.gif[/size]

اختي الحبيبة العسولة ..الامل الجديد.....نورتي بتعقيبك واسعدتيني بحديثك اللذيذ زيك ..وتباري ردي واباري ردك ونفيد ونستفيد ياعسل ...وحبوبتي الغالية الله يرحمها ..ماتربيت معاها ..لكن ابوي الله يرحمو كان انسان جدا معتز باصله وسودانيته وورثنا فخره واعتزازه
وبشكرك على كلامك الجميل

[لمسة جمال]

الاخت العزيزة نهي

هذة حملة شرسة للاولاد لماذا هذة اللهجة الحرجة واللهجة التي فيها شي من النبرة الحارة ( او السخة )
ماهي المشاكل التي واجهتك في حياتك لتقولي مثل هذا الكلام الذي يمس جميع الشباب .
يمكن تكوني سمحة ؟ هذا جائز
ربما تكوني غير ذلك ؟ لعدم تعبيرهم لكي
ربما تكوني ؟ بالسوداني ( اختي شاكوش )

اسالي نفسك ولا اسالي اي بت في الدينا ( بتكره التعبير الحلو ولا عدم الصداقة الحلوة ولا الكلام الحلو والمعسول ولا التقييم ولا تفقد الاحول ولا الاخوة النابعة عن صدق )
انا لا ادافع عن شباب ( هاااي .... زي ما قلتي لكن والحمد لله اني شاب
سوداني اصيل دنقلاوي مغترب 8 سنة ولهجتي الدنقلاوية ما اتغيرت الي الان لكن كلامك يحسس الواحد بانك شايلة في نفسك شي ثقيل هو ظاهر في كلامك في الاخير
دة كلامك صاح( انهم (لا سمحين لا بملو العين) هسع ناس القنوات ديل سماحتهم شنو؟)
والله نحنا كسودانيين فينا كل شي وكل سوداني شاب قول ليهو( واحلي شي في الدينا الست الحلوة )
لو ما بعجهو ( رشا الرشيد , ولا تسابيح خاطر . ولا الاسراءتين بتاعين افراح افراح )
جميلات ومحتشمات ونفتخر بهم لو قلتي قنوات تانية دي شي ثاني
اريد منك ان تعتزري للشباب لانك مسيتي كل الشباب الداخل وخارج السودان
واذا كان لديكي مشكلة فو الله هذة مشكلتك فلاتحكمي علي الناس اجمعين هذا من وجه نظري
واذا امسستكي بشي فالعتبي حتي ترضي
تحياتي وموضوعك مهم جدا لكن فيهو شي من الغموض هذا منبر الوضوح
شكرا علي علي الموضوع
تسلمي
حسن سليمان

اولا مشكورة جدا نهى ويسلموو ايديكي ثانيا ياطالب القرب ايه جاب لي جاب هي بتحكي عن واقع مرير وبتحاول تنبه اصحاب التقليد الاعمى وبالله ايه اللي جمع بين كلامها وبين اخدها لشاكوش وعلى فكرة موضوعها باين معناه واضح ما فاضح وهي حددت الفئة ما قالت كل السودانين وبالله بينك وبين نفسك ما صادفك اشكال من ديل ولا انت منهم وهي ما قالت شي عن الجمال هي بتتكلم عن عادات وتقاليد ولغتنا السودانية اللي كتير اتخلوا عنها باسم التطور والتحضر وكلامها على فكرة بتسمى النقد البناء لا فيهو هجوم ولاشي والناس اللي هي اتكلمت عنهم ما هي اللي تعتذر ليهم مفروض هم يقدموا الاعتذار لانهم اتخلو عن صفاتنا وكلامنا .....وارجو انك تتقبل تعقيبي على كلامك والصراحة راحة

[برق خاطف]

الاخوات الكريمات , تحية طيبة
كلامكن صاح .. الحركات دي مافي البنات بس .. برضو معاهم الاولاد بتاعين الخليج اصلو ديل تربيتهم خليجية .. ادعو ليهم بالهداية ..
انا قبل يومين كتبت بوست بيتناول قلة الوطنية في شباب اليوم ..

http://www.anasudani.net/fourm/showthread.php?t=54786