يا بنات محتاجه مساعده ضرووورى بالله عليكم العارفه تورينى

[نسمه الروح]

ازييكم انا ما بطوول عليكم

لكن العارفه ولا عندها زول عارف تورينى

انا خريجه وفى شغل فى الرياض فى شركه اسماأليانز إس إف
طريق خريص الملز جسر الخليج بين شارع صلاح الدين و الاحساء

زوجى قال لى شركه تعبانه وما بدو رواتب الموظفين بسرعه
وراافض اشتغل فيها
فى الاخر قال لى انتى حره والقرار قرارك لكن انا عايزه اعرف عنها اى شئ

لانو فى شركه تانيه اتصلو قالو لى تعالى
انا متردده عايزه اعرف رواتبم كيف وصحى فيها مشاكل

[نهـاد]

في رأي تمشي تعملي الأنترفيو

في الشركتين وتحكمي بنفسك

وخلي كمان راي زوجك في الاعتبار أكيد بكون عندو فكرة

وعقبالنا نلقى شغل يارب

[شايقيه وبس]

اؤيد كلام نهاد

[jasmina]

اليانز شخصيا ً

اليانز شخصياً ... الشركه دي بتشغلك كمندوبه مبيعات ... تدخلي بوالص تامين

life و non life واكتلا شي بيضغطو عليكي في انك تجيبي بوالص الايف ( الحياه )

عن طريق التسويق بالهاتف او الميداني على راحتك بس اهم شي تكون في بوالص بتدخل

في رصيدك بيدوكي راتب اساسي رمزي زي 1500 بس وتاني نسبة معينه من كل بوليصه

تدخليها وعندك معدل شهري لازم تدخليه بيتراوح بين 10 و20 الف على حسب مديرتك او

3 بوالص لايف عندك فتره تجريبيه 3 شهور اذا ماقفلتي المعدل حيمشوكي بس الرواتب

كل نهايه شهر بالظبط شيكك بيكون جاهز حق الراتب الاساسي اما النسبه بتنزل يوم 15 في الشهر

اتمنى اكون افدتك ...ودي معلومات صحيحه ميه في الميه لان صاحبتي شغاله فيها ...تحياتي

[محمد نعيم]

ان شاء الله تكوني اشتغلتي؟
اذا اشتغلتي وين الحلاوة

[بعد الزمن]

راجين الشكولاته

[الضراع]

الاخت نسمة الروح
الحمدلله بالسلامة شايفك اليوم طليتي علي المنتدي
انشاءالله تكوني اشتغلتي في شركة أليانز إس إف
نورتي المنتدي من جديد

[امال الناس]

ما عارفي شائفة الزولة دي بتقول يا بنات
دخلت لقيتت الدنيا مليانة بالاولاد
ده كلام شنو يا اخونا؟
يا بنات دي ما مفهومة؟
ولا يا ربي هي قاصدة العكس هو الصحيح