القشه

[ود المطامير]

من قمت وأنا صغيرونى ومن اللى سمعتو من حبوباتنا
عن العين وأخوكم
مؤمن إيمان قاطع برجفان العين ، أى والله وحكمة الله الرجفى دا
بحصل لى فى عينى الشمال بس ، من ترجف بفوق الله .. الله ... أمانه
ما الخير برقد هبطرش ، لكن من يرجف الجفن التحت الشهاده والعمل الطيب
على النعمه طوالى بتجيب لى ضقلها يسوى كدا

وعلى مدى سنوات عمرى الغضّه دى هع هع لقيتها صادقه معاى شديد
وأصلو أصلو ما بتكضب على ، ترف بفوق بتجيب لى خير ، ترف بتحت يا كتلت لى زول
يا جابت لى مصيبه ، وبقيت أخاف منها جد جد والله
زمان مره ..كانت بترف بفوق تلاته أيام والله لمّا تصحينى من النوم لكن كنت متكيف
وقلت لنفسى قطع شك دا مشروع غندله عدييييل كدا وفى اليوم الرابع جاتنى ترقيه ليها ضُل
وحكمة الله من كلمونى هى سكتت
والوفيات اللى حصلت لي دى كلها عينى كانت بتكلمنى بيها قبل تلاته أيام
ومن يجينى تلفون بالخبر هى تسكت

أهااا .. الخميس الفات قلت لأم عمرو والله عينى اليمين دى بترفنى بتحت رف جد
ودى أول مره تعملها فى حياتى
أم عمرو إنخلعت وفتحت عويناتها وقالت لى .. سجمى من متين ؟
قلت ليها من الصباح .. قالت لى كُر أكان دايره تجيب لينا مصيبه وتجهجهنا
تانى يوم الرجفى بقى ذى جناح النحله لدرجة إنى بقيت أخاف منها جد جد
وأم عمرو لاحظت لى بعصرها بأصبعى من غير ما أشعر
قامت جابت ليها قشه صغيرونه وبلبلتها بالبصاق ولصقتها لى تحت عينى
قلت ليها دا شنو دا ؟ قالت لى حبوباتنا زمان قالن بوقف الرجفى حق العين

أهاااا .. أنا بقيت أنسى القشه وكلما أمشى فى الشارع ويلاقينى واحد صاحبى ويسلم
على وهو يكون لسه ماسك يدى طوالى يمد يدو ويشيل القشه وأنا أقعد أتكشم ساااى
هو بيفتكرها لاصقه ضهب ساااى وما عارفها دى فرامل أم عمرو

ومن يمشى طوالى أشيل لى قشه وألصقها ببصاقى على عينى وبقت على حكاية الغريق بتعلق بقشه


وغايتو ليوم الليله ولحد اللحظه دى وعينى بترف
والقشه تتراجف معاها ذى آمبير الحراره الخربان ،



دعواتكم معاى القشه تنتصر على الرفّه

[أبو صديق]

[overline]يا عمو ماسمعت بالقشّة التي قصمت ظهر البعير
وووب علينا وووب من جنّك..
كعب الإندراوة..[/overline]

[الدهمشي]

[align=center]هههههههههههههههههههه بدل قشه واااااااااااحدة شيل ليك شوال قش


هههههههههههههههه[/align][/size]

[ود المطامير]

[overline]يا عمو ماسمعت بالقشّة التي قصمت ظهر البعير
وووب علينا وووب من جنّك..
كعب الإندراوة..[/overline]

هع هع هع هع

العمه اللى يكتفوك بيها

أنا قدر صديق

[ود المطامير]

[align=center]هههههههههههههههههههه بدل قشه واااااااااااحدة شيل ليك شوال قش


هههههههههههههههه[/align][/size]

هع هع هع هع

شوال غباش كيف ؟

[أبو صديق]

هع هع هع هع

العمه اللى يكتفوك بيها

أنا قدر صديق

[overline]عااااااارف
خلاص غيّر ال 45 دي
ومااا بنختلف..

صباح الأنوار يااااا[/overline]

[أم عسجد]

السلاااااااااااااااااااام عليكم ورحمه الله تعالى وبركاته
والله ياود المطامير حكايتك حكايه
سرد رائع
لكن بى عماليك دى وشلاقتك دى بشبه لى زول
الله يكضب الشينه

[أبو صديق]

[color=#2e8b57
لكن بى عماليك دى وشلاقتك دى بشبه لى زول
الله يكضب الشينه [/color]

الليله والليله
ياربي إكون
صباحاتو

برمة
ود المطامير صورتو فوق
الشبه في شنو يا مون حيرتموني

[أم عسجد]

الليله والليله
ياربي إكون
صباحاتو

برمة
ود المطامير صورتو فوق
الشبه في شنو يا مون حيرتموني

ههههههههههههه لا لا
اطمن ماهو
الشبه مااااافى الشكل فى الشلاقه

[ود المطامير]

السلاااااااااااااااااااام عليكم ورحمه الله تعالى وبركاته
والله ياود المطامير حكايتك حكايه
سرد رائع
لكن بى عماليك دى وشلاقتك دى بشبه لى زول
الله يكضب الشينه

هع هع هع

وعليكم السلام ورحمة الله وبركاته

هوووووى داك ما أنا

[ود المطامير]

[overline]عااااااارف
خلاص غيّر ال 45 دي
ومااا بنختلف..

صباح الأنوار يااااا[/overline]

ما قلت ليك تم تهكير حسابى من قولة تيت

[بعد الزمن]

[align=center]هههههههههههه
والله القش دا حكايتو حكاية

برمه :

هسي لو لقاك زول بقشتك دي وعند سيجارة وقش الكبريت بتاعه كملان
وخرمان وبفتش ليه فى ولعة ما بتكون حليت ليه مشكلة بقشتك دي
وكما قال الشاعر :
مصائب قوم عند قوم فوائد[/align][/size]

[عمار ود الشرفه]

الكاشف ... القشه الماتعتر ليك .. قول امين ...
يا زووول والله خليتنا نضحك برااانا زي المجانييين ... قولت لي فرامل ام عمرو ...

برمه ::
ما حكيت لينا حكاية ام عمرو

[Hoomy]

كويس ماختت ليك
قشة كبريت

مولعة طبعا

اقول ليك ياود المطامير انت ماتريح ام عمر وريح نفسك واكشح فيها شطة

بس خلاص
حرررررررررررم تاني ماترف

[الزهرة البيضاء]

ههها ههها بس اوع تكون قشه مكشاشه

[عبدالله عوض الكريم احمد]

متعك الله بالصحة ود المطامير
لكن والله حكاتك حكايه
بس لو قلنا ليك غيرها !!
بتبقي عندنا مشكلة في قطع الغيار
لانو الموديلات القديمه دي قطعها مافي وتوليف مابنفع فيها كمان
ولاكيف يا ابو الصديق ؟؟؟
تلووووووووووووووووووووووووب
سعال ليك ازول مطاميركم دي دحين لاسع في
الود والتقدير لك والاحترام
ودمسكين

[الدغري]

لك التحية أخي وشكرا على الابداع

[brain]

بسم الله ماشاء الله الله أكبر .
بختك يا عم عندك جهاز انزار مبكر على أعلى مستوى غايتو بخليك تعمل احتياطات وكده يعني ما بتفاجئك البلاوي لكن حكاية القشة في العين دي انا خايف الناس تقول عليك مجنتر .هههههههههه
لكن يا أخوي بالجد كده الموضوع ده من ناحية شرعية خطير وبدخلك في حسابات ضيقة لأنك بتتشايم من رفه معينة وبتخاف منها وبتتفائل برفة معينة والكلام ده في النهاية من باب التطير والتتطير يؤثر في صدق الاعتقاد وينافي الايمان بالله تعالي أنَّ التّشاؤمَ في نظرِ الإسلام من الأوهامِ والسَّخافات والخيالاتِ، فاوجب محاربتُها واجتثاثُها من جذورها وأصلها، قال ( ص ): ((لا عدوَى ولا طِيَرةَ ولا هامةَ ولا صفَر)) أخرجه الشيخان، وعن ابن مسعود رضي الله عنه مرفوعًا: ((الطِّيَرة شرك، الطِّيَرة شركٌ)) أخرجه أبو داود والترمذيّ وصحّحه الحاكم ووافقه الذهبي ، فقد روِي عن النبيِّ أنه قال: ((من ردَّته الطيَرةُ عن حاجته فقد أشرك)) رواه أحمد ويقول العلماء هو نَقص في التوحيد والاعتمادِ على الله جلّ وعلا. وعن ابن عامر رضي الله عنه قال: ذكِرَت الطيرةُ عند رسول الله فقال: ((أحسنُها الفأل، ولا تردُّ مسلمًا، فإذا رأى أحدكم ما يكرَه فليقل: اللّهمّ لا يأتي بالحسنات إلا أنت، ولا يدفع السيئاتِ إلا أنت، ولا حولَ ولا قوّة إلا بك)) ومنه أيضًا قوله: ((اللّهمّ لا خيرَ إلا خيرُك، ولا طَيرَ إلاّ طيرك، ولا إلهَ غيرك)).
شفت يا صحبي الموضوع كبير كيف ؟؟!!!

[ود المطامير]

[align=center]هههههههههههه
والله القش دا حكايتو حكاية

برمه :

هسي لو لقاك زول بقشتك دي وعند سيجارة وقش الكبريت بتاعه كملان
وخرمان وبفتش ليه فى ولعة ما بتكون حليت ليه مشكلة بقشتك دي
وكما قال الشاعر :
مصائب قوم عند قوم فوائد[/align][/size]

والله آبعد الزمن
لاقنى زولاً طيب خلاص وهو الفوق دا
إسمو باللنقليزى غلبنى تب
لكن جزاهو الله خير وقال لى النضمى البتسوى فوقو دا
فيهو وفيهو فى حكم ربنا وأخوك قلبو بقى يسو تج تج تج

أهااا .. آخوى .. هى قشه قربت تقوم بى كمان إنت جبت ليها سيجاره ؟

[ود المطامير]

الكاشف ... القشه الماتعتر ليك .. قول امين ...
يا زووول والله خليتنا نضحك برااانا زي المجانييين ... قولت لي فرامل ام عمرو ...

برمه ::
ما حكيت لينا حكاية ام عمرو

ود عمى

تسلم لى إنت من كل شر