اصلو طيار ايربص(a330)

[احاسيس]

اصبحنا
> وأصبح الملك لله ..

>
قالها عم بدوى وهو ينهض من سريره متثاقلاً ويفرك عينيه
متجها نحو باب الشارع بعد سماعه لطرقات عليه ، فتح عم بدوى الباب
وهو ينهر (كلبته) الذى دفعها حب الإستطلاع لمعرفة الطارق وما أن
فتح عم بدوى الباب حتى وجد أمامه شاباً يحمل على كتفه شنطه جلدية سوداء:
- السلام عليكم يا حاج
- وعليكم السلام ورحمة الله تعالى وبركاته
- معليش يا حاج بس عاوزين قروش النفايات
أدخل عم بدوى يده داخل (العراقىالبلدى) الذى كان يرتديه وأخرج
عدداً من الجنيهات سلمها للشاب والذى قبل أن يقوم بتسليم الإيصال
نظر إلى (كلبة) عم بدوى ملياً ثم نظر إليه وقال:
- يا حاج (الكلبه) بتاعتكم دى باين عليها عندها مبادئ سعر...
- (مندهشاً) : سعر شنو؟ الكلبه دى من البيت ما بتطلع..
- كل الدلائل يا حاج بتقول إنها مصابه بفيروس السعر الإسمو Virus Lyssa
- يا ولدى الكلبه دى أنا متاكدإنها سليمة ..
- يا حاج ده شغلنا !!
ذهل عم بدوى بعد أن إستمع للعبارةالأخيرة التى أطلقها الشاب (أيه
صلة النفايات بالسعر) إلا أن ذهوله قد تلاشى تماما بعد أن أخبره الشاب
بانه (فى الأصل) طبيب بيطرى إلا أنه لم يجد وظيفه فى مجال تخصصه فإشتغل
(محصلاً) فى شركة النفايات.
وهو يقوم بقفل الباب عائداً إلى داخل المنزل كان عم بدوى يردد
عبارة - لا حول ولا قوة إلا بالله- الشئ الذى جعل زوجته الحاجه
(محاسن) أن تسأله عن سر ترديده لتلك العبارة وعندما أخبرها رددت عليه
قائلة :
- ويعنى شنو؟ هسه (هاشم) ود نفيسه أختى ده ما عندو (دكتوراه فى
القانون) وشغال طباخ مناسبات !
إرتدى عم بدوى ملابسه وخرج من المنزل قاصداً محطة المواصلات إذ
كان عليه أن يذهب لإستلام معاشة الشهرى وعند وصوله إلى المحطه
لم يجد حافلة واحده ذاهبة إلى الخرطوم ففكر أن يقوم بشراء صحيفة
من كشك الجرائد ويشرب (فنجان قهوة)عند إحدى بائعات الشاى ريثما تأتى
إحدى الحافلات وما أن جلس على بنبر البلاستيك أمام احدى ستات الشاى
حتى وجدها تدير معركة (كلامية)حامية الوطيس مع إحدى زميلاتها
متهمة أياها بتصيد الزبائن :
- أمشى كده يا بكالريوس محاسبه ،
هو ذاتو الدنيا لو ما بت كلب أناوأنتى نقعد فى حته واحده!
- بكالريوس المحاسبه مالو؟ عاجبنى ماجستيرك بتاع (التكاليف) ده !
(ثم تنظر إلى الأسطى عبدو) بتاع الأورنيش متوجهه له بالحديث :
عليك الله يا (باشمهندس) عوضيه دى ما حقارة؟ من الصباح تشيل فى
زباينى وأنا ساكته ليها !
(يجيبها وهو منهمكاً يمسح فى
حذاء أحد الزبائن) : والله الأيام دى عوضيه دى بقى لسانا طويل بالحيل
أمبارح القريبه دى عامله ليها (شمطيبه) مع دكتور (عثمان) الببيع
الأكياس، قالت ليهو عامل لينا زحمة أمشى بيع بعيد من الحته دى ! ?
مواصلاً- هو ذاتو دكتور عثمان يستاهل عشان ما بسمع الكلام قلنا
ليهو إختار ليك شغلانية قريبه من (الجراحه) تخصصك يعنى بيع ليكا (أم فتفت .. كوارع) حاجه ذى دى ، قال أيه : الأكياس بتدخل ليهو كويس ! -
مواصلاً- ماهو نحنا هسه عشان (مهندسين) إشتغلنا (هندسة أحذيه) !
فى هذه اللحظة دخلت أحدى الحافلات إلى الموقف فقام عم بدوى بطى
الجريده ووضعها فى جيب الجلابيه
وناول ست الشاى (حق القهوة) متوجها إلى الحافلة التى كانت تقف بينما
الركاب يتوافدون إليها تباعاً ، جلس عم بدوى على أحد الكراسى
الأماميه إلى جانب السائق الذى ما أن دخل إلى الراكبه آخر راكب حتى
قام بقفل الأبواب ثم أمسك بمايكرفون معلق على الطابلون :
السادة الركاب مرحباً بكم على متن (الفرده) رقم 13 المتجهة إلى
الخرطوم ، هذا سائق الحافلة (كابتن صابر) يحييكم ويتمنى لكم رحلة
سعيدة ، سوف نسير بسرعة 60 كيلو فى الساعة ، تبلغ درجة الحرارة
الخارجيّة الآن حوالي الأربعين درجة مئوية بينما تبلغ الداخلية
خمس وأربعين ومن المتوقع وصولناإلى (الإستاد) بعد نصف ساعة من الآن
إن لم تواجهنا أى مطبات مرورية !!
قبل أن يقوم (السائق) بالإقلاع إلتفت إلى عم بدوى الذى إمتلأت قسمات وجهه بعلامات الدهشة
والإستغراب وخاطبه قائلاً :- ما تندهش يا حاج أن أصلو طيار أيربص ( A330) لكن قلنا بدل الواحد ما يقعد عاطل أحسن يمشى أمورو
واللله يستر علينا واللــــــــــــــــه يكضب الشينة

[The Sniper]

هههههههههههه

كابتن طيران و ايربص كمان

دي قوية والله


يسلمووو ايدينك احاسيس و لا عدمناك

[احاسيس]

والله يا سنيبر الزمن دا كلوووو وارد

[أبو صديق]

مشكورة يا هسوعلي القصة التي تعبّر عن واقعنا
قال سعر قال
وفي إنتظار إبداعاتك..

[Batta]

نجر تمامحلوة والله يا حسوسة ما يفوتك عشت الدور

[احاسيس]

مشكورة يا هسوعلي القصة التي تعبّر عن واقعنا
قال سعر قال
وفي إنتظار إبداعاتك..

والله ياعمو دا لسان حالنا براااه بيحكى وبيوصف الشافو

والجاب لى اخبارو طلع ما صحفى ههههههه

[احاسيس]

نجر تمامحلوة والله يا حسوسة ما يفوتك عشت الدور

ههههههه عارفك انت حساسة يابطة كان اديك اسمى دا بالمناسبة باحساسك دا اوعى تكونى فنانة بس وعاطلة عن العمل

[أبو صديق]

والله ياعمو دا لسان حالنا براااه بيحكى وبيوصف الشافو

والجاب لى اخبارو طلع ما صحفى ههههههه

هاهااااااااااااي
أكيد طلع مشوار
وشر البلية ما يُضحكُ
وربنا إولي من يصلح وينعدل حالنا

[احاسيس]

هاهااااااااااااي
أكيد طلع مشوار
وشر البلية ما يُضحكُ
وربنا إولي من يصلح وينعدل حالنا

ههههههههههههه ياااااعمو حتى انت طالتك حبوب الهلوسة دى ولا شنو؟

[بعد الزمن]

احي مثل هذه المواضيع الاجتماعية

يا بت ده الواقع بحذافيرو

برمه :

ابدااااااااااااااااااااع

[الهادئه]

ايوا والله يا احاسيس كلام صح *بتزكر مره عند اقاربنا في الخرطوم ودقا واحد الباب وفتح واحد من الاولاد صغير قام الراجل قال ليو شيل الورقه دي اديها لابوك والورقه فيها دفع الايجاروالولد شالها طبعا هم ابوهم في السعوديه مغترب فبعدين جا اخوهم الكبير يصرخ فيو ليه شايلها مع انو البيت ملك حقهم ايجار لايه؟والله حراميه بجد واالله الراجل كان مرتبك ماعارفه ليه/ثانكس على الموضوع ماقصرتي

[الأميرالحب]

هسو ياهسو :
لقيتك خطيره ومشاء الله عليك ربنا يحفظك
من الحساد
بس كابتن وايربص ما تقولي لي حاجه كده
سلمت يمناك علي الطرح الراقي كرقي صاحبته
دمت بود

ودكبوشيــــــــه

[احاسيس]

احي مثل هذه المواضيع الاجتماعية

يا بت ده الواقع بحذافيرو

برمه :

ابدااااااااااااااااااااع

واقع من عمارة سبعة طوابق هههههههه(تخريمة مهندسة نفسها فى موقع )

اوالله الابداع حضورك المتميز يابعدووو

[احاسيس]

ايوا والله يا احاسيس كلام صح *بتزكر مره عند اقاربنا في الخرطوم ودقا واحد الباب وفتح واحد من الاولاد صغير قام الراجل قال ليو شيل الورقه دي اديها لابوك والورقه فيها دفع الايجاروالولد شالها طبعا هم ابوهم في السعوديه مغترب فبعدين جا اخوهم الكبير يصرخ فيو ليه شايلها مع انو البيت ملك حقهم ايجار لايه؟والله حراميه بجد واالله الراجل كان مرتبك ماعارفه ليه/ثانكس على الموضوع ماقصرتي

لاحول الله والله ياختى الاحتيال اشكال والوان انا اكتر واحدة اتعرضت لمواقف احتيال ونصب قبل كدا سرقو تلفونى بالدقيس
سعيدة بمرورك ياعسل تسلمى

[احاسيس]

هسو ياهسو :
لقيتك خطيره ومشاء الله عليك ربنا يحفظك
من الحساد
بس كابتن وايربص ما تقولي لي حاجه كده
سلمت يمناك علي الطرح الراقي كرقي صاحبته
دمت بود

ودكبوشيــــــــه

ختيييرة باللبن ولا كيف
شفت كيف مستوانا بقى عااالى وطلنا السحاب زاتا الله يستر من الجاى مانقعد نعد النجوم وننوم بالهموم
هههههه
مشكووور كتيير يا امير على الكلام اللذيذ زيك تسلم من كل شر

[بعد الزمن]

[align=center]تسلمى بث سعال محومنى بجاي

برمه :
الفي اضانك ده
استك الايربص ولا استك عجلة
هههههههههههههههههههه[/align][/size]

[احاسيس]

[align=center]تسلمى بث سعال محومنى بجاي

برمه :
الفي اضانك ده
استك الايربص ولا استك عجلة
هههههههههههههههههههه[/align][/size]

لاااااااااااااااااااااااااااااااااااااااااا حرام عليك ياعديم الرقى هسع الله بسعلك وفى ذمتك بضم الذاء وكسر الميم حلقى السمح دى بشبه الاستيك استيك اليطرشق ليك فى شارع مقطوع يوم عرسك وماتلقى محل بنشر وتتاخر على العروس وتطلقك طلاق تلاااااااتى فى الحين واللحظة قولو اميين
امييييييييييييييييييييييييييين

[اروع من الورود]

هع هع نياهاهاهاهاهاهاهاهاهاهاهاها

جد شي غريب

ماهو نحنا هسه عشان (مهندسين) إشتغلنا (هندسة أحذيه) ! >>>> دي عجبتني

يسلمو ياعسوولة على الموضوع الجميل

[الدهمشي]

والله يا سنيبر الزمن دا كلوووو وارد

واحدة بس تكفى

[كيوبيد]

مالو ماعاااااااااااااااااااااادى
انا خريج هندسة مساحة
وشغال ورنيش ما كلو مسح
زرة : اروع من الورود زميل ولا حاجة