منتدى أنا سوداني

جلس حاج احمد على عنقريبه فى ضل الضحى ومدد أرجله قبل أن تعبث أنامل بموجة الراديو الصغير الذى لا يفارقه ابداً الا لقضاء شيئاً ما .. مرت كم دقيقة وهو يدير مؤشر الترددات حتى توقف فجأة عند إحدى المحطات بعد أن جذبه صوت المذيعه الساحر ..
- نستمع الآن الى اتصال هاتفى . الو .. الو ...
- الووووووو
- مرحبا منو معاى ...
- معاك أبكر ..
- اهلييين صديق البرنامج .. أبكر .. بتحب تهدى الاغنية لمنو ؟
- اول حاجة بهدى الاغنية للشعب السودانى بمناسبة الانفصال .
وتانى ليك انتى يا عسل ..
- هاهاهاهاهاهاها
- عجبتك .. طيب والله انتى عسل ومنقه عديل كدا ..!
- هاهاهاهاهاهاهاهاهاهااااااى
- يا بت نحن حنعديها كلها ضحك كدا . ما تذكرى حتى اسم الفنان عشان حقو الادبى وكدا ..
والله شنو يا عسل ..
ينقطع فى تلك للحظة صوت الاتصال الهاتفى قبل أن تدخل دعاية أحدى
المشروبات الكتيرهـ ومسيخه دى ..!
بينما يظل حاج احمد ملصق الراديو فى احد أذنيه يترقب عودة ذلك الصوت الآسر
وتلك الضحكات الصافية ..!
- نعود اليكم سادتى المستمعون وننتقل الان الى مراكز الاقتراع ونتابع الاحداث من هناك ..
- ( الله يحرقك انت والبرنامج الجابيو لينا دهـ )
- انفصال شنو .. ووحدة شنو .. من احداث السلام جات . كل يوم ناطى لينا قرد فى الشاشة
لحدى ما الواحد كرهـ النشره الجوية ذاتو ..؟! هو نحن ناقصيين حركات ولا سكك قطر ياااخ ..
هكذا عبر حاج احمد عن سخطة وغضبه من الانقطاع المفاجىء لبرنامج ( الضحك بقروش ) الذى تبثه اذاعة ( النواعم ) والذى ينتظرهـ بثه بفارق الصبر .!
وهذا ما دفعهو ليرتدى جلبابه الابيض ويحمل عكازهـ وينادى ابنه الاكبر أن ياتى له بتكسى أجرهـ قبل ان يخرج للشارع العام .
وبضع دقائق حتى اخذ الحاج مكانه بجوار سائق التكسى وتدور الونسه
كالمعتاد بينما يجلس ابنه فى المقعد الخلفى .
- على وين يا حاج ..
- ماشى دار الاذاعة .
- عندك تسجيل ولا شنو ؟
- اييى عندى تسجيل بس ما التسجيل الفى بالك ..؟
- كيف يعنى ؟ تسجيل مواليد ولا شنو ؟
- وانت مالك ما تسوق سواقتك وانت ساكت ..!
بينما أبنه . ظل ياكله الحرج مما بدر من ابيه ..!
ودقائق معدودهـ حتى توفق التكسى امام الاذاعة ..
وقبل ان يترجل من العربه حتى رآى تلك المذيعه الرشيقه ,( سيما )
والمخرج ابو جاكومة . والشاعر الكبير , ابو حليمة .. امام باب الاذاعة
- يا جنا .. البلوله .
- نعم يا حاج
- شفتا البنية الزى فريع البان دى ..!
- اييى يا حاج شفتها . دى المذيعه البتقدم برنامج ( الضحك بقروش )
- نعم قلتا شنو ؟ دى يا ها ذاتهااااا . فى ذمتك يا البلوله .. يا سلام وانا اقول الصوت الناعم ده ـ
لا عند النواعم فقط !!
- يا حاج هسى دى شنو دى .. ( تنيص ) زى ( ابو الدنان )
-يا ولد اسكت ساااى على ( بالطرب ) امك اكان زى دى انا من البيت ما بمرق ..!!
- مزيعات أخر زمن .. كرهتنا التلفزيون والاذاعة . الوحده منكشة التقول دقوها فى دقائق قيل
المونتاج ..!
بتاع التكسى يضحك فى الحوار المثير الذى يدعو للدهشة
- اسمع يا حاج انت لو بتعايين لديك !
- اييى مالهن .
- اكان كدى واطاااااتك اصبحت .. ورح حاسبنا خلينا النمشى ..!
وبعدين احلم براحتك ..
البلوله .. الحاج شكلو طشه شبكة ...!؟

سنه يا دار الازاعه

من مفكرة حاج احمد ..

شفتا كيف ..

تعبان انا كتب:السنبلاية
قمة فى السرد الجميل
واحلى شى انك ما دخلتى ولا كلمة بالانجليزى زى اخونا بلبل

شكراً كتير .. يا الاخ تعبان

حقيقى شرفنى مرورك .. يا زوق ..

تخريمه :-

بس .. ( تعبان أنا ) تعبات مالك ..؟!

عازفة الحب كتب:

شكراً عازفه ..؟

ملاك الورد كتب:


ههههههههههههه
و الله بوستات زي دي بتشيل الزول الهم
دي المراهقه المتأخره ولا بلاش
الله يصبر ولده


موتينا بالضحك ,,, و زيدي من الابداعات دي

مياو ...

مرحبا ملاك ...

هههههههههههه شفتى عمك عامل فيها ولد فى العشريين ...!!

رءوف كتب:روعة والله بحق وحقيقة
اصلا انا عارف المبدعين بايريكس وكدة
هسى كان عرستى نصف الكلام دة ما كنتى بتعرفىيهو
الليلة غايتو كان زعلتى تبقى مصيبة

هههههههههههههههههههههه

شفتا عمتى كونداليز رأيس .. البورهـ خلتها تلف العالم كلو

عشان تفك بورتها .. بس ربك ما هون ..

طبعاً هى لما جاتنا هنا فى السودان كانت لابسه مستور

عشان عمى اخوى ابوى ود خالتو كان عاوز يفك ليها بورتها

ويريحها من الجرى وراء الابداع ...

كدا كيف ..

jasmina كتب:

[glow=ffccff]

هههههههههههههههه

ذكرتيني قصة حكتا صاحبتي ...جوها صاحباتها في البيت ...جدها جاب كرسية وعصايتو

وقعد في نص الصالة يتونس مع البنات ...واي زول من اخوانها يجي يسوقو ياحاج تعال

عايزك !! ياجنا امشي انا ذهجت منك خلينا نتونس مع بنيات المغتربين ديل اريتني انا كان اتولدت

الزمن ده بدل عرست حبوبتكم لما شفتها في الحواشة !! هههههه بنيات زي القشطة

طبعاً حرمت تعزم بنات عندها لما جدها سافر .... بوست روعة سوسو ....تحياتي

[/glow]

ههههههههههههههههه

عمنا عمل الحالة وحدة ولا شنو اتربع فى نص البنيات ..!!

والله كلام غريب ..!

( ود البورت ) كتب:

هههههههههه

حاج احمد قاعد وين

دايرين قعده معاو

جنب باب الازاعة .. حارس المزيعات

شفتا كيف ..!

الضحك بقروش ...

the sniper كتب:

ههههههههههههههههههههههههههههههههه
هههههههههههههههههههه
ههههههههههه
هههههه

دا كلو ضحك مجاني هههههههههههه


يسلمووو ايدينك السنبلاية علي الموضوع


دمتي بخير

هههههههههه
الضحك بالمجان مع المزيعات .. اخر زمن ..