[glow=FFCCFF]
لقي (3) أشخاص حتفهم ونجا (11) آخرين، اثر غرق عبارة نيلية صغيرة عصر يوم 14/09/2010م كانت في رحلة نيلية عادية وعلى متنها 16 شخصاً، في النيل الازرق قبالة برج الفاتح ، وافاد احد الناجين ان العبارة تعرضت لعطل فني مفاجئ مما افقدها القدرة على الحركة، الامر الذي تسبب في عملية الغرق، مبينا ان حمولة العبارة تقدر بـ 30راكباً ومن بين الناجين شخص ظل متمسكاً بالعبارة من الداخل الى ان تم انتشالها.
هذا الخبر منقولاً من الاهرام
الي متي وهذا الاستهتار بقيمة الانسان في السودان لاتوجد ضوابط حمائية لمرتادي اللنشات والعبارات النيلية هل يعقل ان تقلع رحلة نيلية بدون قوارب حماية؟؟؟ وبدون معدات نجاة ؟؟؟ادناها كفرات وبالونات هوائية فهل عز علي المسئولين عن هذا المرفق الحيوي توفير الضوابط الوقائية لمالكي اللنشات؟؟؟
ولمياء رحمها الله كانت علي متن القارب واستشهدت وودعت الدنيا بشبابها اذ تبلغ من العمر 19 ربيعا وتدرس هندسة معمار بالصف الثاني كانت من اكثر صديقاتي مرحاً وذات شخصيه بريئه جذابه ....فقدناها وفقنا وجودها ....لاتزال الى الآن صدى ضحكاتها يتردد على اذني ودعتنا وذهبت تاركه خلفها والدين محروقي الحشا مفطوري القلب والله ادمع قلبي رؤيه دموع عمو عامر تجري على خديه الماً على قفد ابنته بالذات عندما يرى اي صديقه من صديقاتها وماقادره اتخيل شعور اختيها لميس وشهد واخوها محمد شنو هسي ولمياء ماموجوده بينهم بالذات هي لانها زي الروح البتدب المرح والحركه في اي حته تكون فيها وشعور زملائها شنو ياربي ؟؟
طبعا نحنا صديقاتها هنا جفت الدموع من اعيننا ...بالذات لما نتأمل اللوحات الراسماها باناملها المبدعه والله مسخ علينا العيد ومسخ علينا اي شي حتى عرس واحده زميلتنا جاني الخبر وانا فيهو سودت الدنيا في وشي
لمياء"الله يرحمها " راحت وده يومها بس طبعاً في احدً ما في قمممممه الاستهتار والزول ده منو؟؟
صاحب اللنش؟؟ ....الجهات المختصه؟؟ ...منوووووووو؟؟
رحمها الله وتقبلها مع الصديقين والشهداء
ظلت الكوارث تطل برأسها علينا من كل صوب وحدب
اعتقد ان السببالرئيسي موجود في طبعنا السوداني البسيط
فنحن قوم قمنا علي الطيبه الزائده
ولايوجد عندنا الحرص الزائد
والمسؤلين لديهم التواكليه كل مسئول بتكل الموضوع في ضهر التاني
ولابد من ان نصحي من غفوتنا هذه ولي عوده لو كان في العمر بقيه
بكل بساطة ارواح الناس بقت لعبة , تتزكري يا ياسمين الماساة بتاعت تحطم الطائرات
طيارة بعد طيارة في مطار الخرطوم و السبب عطل فني و الناس يروحوا كده هباء
ما في اهتمام بموضوع التاكد من المحركات و كله فوضى في فوضى
الغلطان سيد العبارة لانه الناس امنوه على حياتهم و ممتلكاتهم عشان ينقلهم عبر النيل لكنه استهتر بالامانة
رحمها الله وتقبلها مع الصديقين والشهداء
ظلت الكوارث تطل برأسها علينا من كل صوب وحدب
اعتقد ان السبب الرئيسي موجود في طبعنا السوداني البسيط
فنحن قوم قمنا علي الطيبه الزائده
ولايوجد عندنا الحرص الزائد
والمسؤلين لديهم التواكليه كل مسئول بتكل الموضوع في ضهر التاني
ولابد من ان نصحي من غفوتنا هذه ولي عوده لو كان في العمر بقيه
والكتير الكتير عن حوادثنا الغريبة والغبية في نفس الوقت البيظهر فيها تجاهل المسئولين عن سلامة المواطنين ، ونقول الحمد لله إنو كان ما من ركاب الباخرة النيلية المنكوبة أحد السائحين الأجانب وإلا كانت حتكون الكارثة أعظم .
كان حصل لي حادث يبين سوء إحتياطات السلامة في السودان ، كانت الحادثة في عام 1996 م ، كنت آنذاك على متن رحلة الخطوط السودانية متوجه من الخرطوم إلى دنقلا على طائرة بوينج 747 وبعد إقلاع الطائرة بحوالي 15 دقيقة أخبرنا طقام الضيافة أن الطائرة حترجع لمطار الخرطوم عشان في اوراق مهمة لازم يودوها دنقلا ...
وبعد أقل من 5 دقائق شاهدنا دخان كثيف من الجناح اليسار للطائرة والطاقم يقول ما تتوتروا والتزموا مقاعدكم - قال نهدأ قال ؟ زول شايف الموت قدامو ويقعد ساكت - وبعد ثواني تميل الطائرة نحو اليسار ووصلنا بعد معجزة مطار الخرطوم لكين !!!
هيدروليك الطائرة توقف تماما وما قدر الكابتن يسيطر على الطائرة والعجلات رفضت تنزل واضطر الكابتن انو يدور حول المطار يفضي الوقود ونزل بالطائرة وفجأة العجلات تنزل وقام الكابتن فرغ هواء العجلات وهبط بالطائرة وهي مسرعة بسرعة عالية جدا بدون سيطرة من الكابتن وبعناية الله سبحانو تستقر الطائرة في نهاية المدرج اتجاه أمية الكهرباء الرئيسية في بُري والنيران من كل اتجاه في الطائرة .
وفتحت أبواب النجاة ونزلنا كلنا في حالة نفسية خطيرة كان الشياب والشبيبة والاطفال في حالة رعب فظيع ، وكان في إصابات بسيطة سيطر عليها المسعفين ونجونا بفضل من الله ومنة والشكر لقائد الطائرة آنذاك كابتن زهير الذي كان آخر من نزل من الطائرة .
وبعد يومين بعد الفحص الفني تبين أن الطائرة كانت غير صالحة للإقلاع وقتها وأصرت الشركة على الرحلة رغم تحذيرات الكابتن ولكن أصر مدير الصيانة أن الطائرة تستطيع الذهاب لندقلا وترجع للخرطوم - يعني إستهتار بحياة البشر لأبعد درجة .
نحن نطالب الرئيس المشير عمر حسن أحمد البشير من هنا بسرعة التحقيق في الحادث ومحاكمة الجاني الحقيقي كي لا تتكرر مثل هذه الحوادث ، وقد قمنا بإختياره رئيساً علينا لكي ننعم بالسلام والطمأنينية في كل جروب حياتنا فليقم سيادته بعمل اللازم وتحيل الجاني الحقيقي للمحاكمة لكي لا يضيع ويهدر دم الشهداء في هذا الحادث وغيره من الحوادث التي تعاقبت في عيد رمضان المبارك .
ربنا يرحمها ويسكنها فسيح جناته مع الشهداء والصديقين وححسن اؤلئك رفيقا وهم السابقون ونحن اللا حقون
انا ارى ان كل الخطا يقع على عاتق الفني المسئول عن اللنش فنحن غير مطالبين بالتفتيش في كل رحله او بص عن وسائل السلامه يعتي لما اجي اركب بص ماممكن اقول للسائق جرب لي الفرامل والاشارات والاضاءه هذا عمل الفتي والجهات المسئوله عن المراقبة
لكن خليها على الله كل همهم تحصيل الاموال فقط
بكل بساطة ارواح الناس بقت لعبة , تتزكري يا ياسمين الماساة بتاعت تحطم الطائرات
طيارة بعد طيارة في مطار الخرطوم و السبب عطل فني و الناس يروحوا كده هباء
ما في اهتمام بموضوع التاكد من المحركات و كله فوضى في فوضى
الغلطان سيد العبارة لانه الناس امنوه على حياتهم و ممتلكاتهم عشان ينقلهم عبر النيل لكنه استهتر بالامانة
والكتير الكتير عن حوادثنا الغريبة والغبية في نفس الوقت البيظهر فيها تجاهل المسئولين عن سلامة المواطنين ، ونقول الحمد لله إنو كان ما من ركاب الباخرة النيلية المنكوبة أحد السائحين الأجانب وإلا كانت حتكون الكارثة أعظم .
كان حصل لي حادث يبين سوء إحتياطات السلامة في السودان ، كانت الحادثة في عام 1996 م ، كنت آنذاك على متن رحلة الخطوط السودانية متوجه من الخرطوم إلى دنقلا على طائرة بوينج 747 وبعد إقلاع الطائرة بحوالي 15 دقيقة أخبرنا طقام الضيافة أن الطائرة حترجع لمطار الخرطوم عشان في اوراق مهمة لازم يودوها دنقلا ...
وبعد أقل من 5 دقائق شاهدنا دخان كثيف من الجناح اليسار للطائرة والطاقم يقول ما تتوتروا والتزموا مقاعدكم - قال نهدأ قال ؟ زول شايف الموت قدامو ويقعد ساكت - وبعد ثواني تميل الطائرة نحو اليسار ووصلنا بعد معجزة مطار الخرطوم لكين !!!
هيدروليك الطائرة توقف تماما وما قدر الكابتن يسيطر على الطائرة والعجلات رفضت تنزل واضطر الكابتن انو يدور حول المطار يفضي الوقود ونزل بالطائرة وفجأة العجلات تنزل وقام الكابتن فرغ هواء العجلات وهبط بالطائرة وهي مسرعة بسرعة عالية جدا بدون سيطرة من الكابتن وبعناية الله سبحانو تستقر الطائرة في نهاية المدرج اتجاه أمية الكهرباء الرئيسية في بُري والنيران من كل اتجاه في الطائرة .
وفتحت أبواب النجاة ونزلنا كلنا في حالة نفسية خطيرة كان الشياب والشبيبة والاطفال في حالة رعب فظيع ، وكان في إصابات بسيطة سيطر عليها المسعفين ونجونا بفضل من الله ومنة والشكر لقائد الطائرة آنذاك كابتن زهير الذي كان آخر من نزل من الطائرة .
وبعد يومين بعد الفحص الفني تبين أن الطائرة كانت غير صالحة للإقلاع وقتها وأصرت الشركة على الرحلة رغم تحذيرات الكابتن ولكن أصر مدير الصيانة أن الطائرة تستطيع الذهاب لندقلا وترجع للخرطوم - يعني إستهتار بحياة البشر لأبعد درجة .
نحن نطالب الرئيس المشير عمر حسن أحمد البشير من هنا بسرعة التحقيق في الحادث ومحاكمة الجاني الحقيقي كي لا تتكرر مثل هذه الحوادث ، وقد قمنا بإختياره رئيساً علينا لكي ننعم بالسلام والطمأنينية في كل جروب حياتنا فليقم سيادته بعمل اللازم وتحيل الجاني الحقيقي للمحاكمة لكي لا يضيع ويهدر دم الشهداء في هذا الحادث وغيره من الحوادث التي تعاقبت في عيد رمضان المبارك.
[glow=ffccff]
حمد لله على سلامتك حبيب الناس ...والحمد لله انو ربنا سلم
طيب ليه ياجماعه ولمتين وليه الناس ساكته ....ليه ماسمعنا انو في قضيه كبيره رفعت على الناس دي
وكسرت الدنيا ...صحيح الزول الفقدناهو ماحيرجع بس على الاقل يتادب اي زول مستهتر وياخد غيرو
العبره ...واذا كان ماعندو اي مكانه لارواح الناس ...يخاف من العقاب الممكن يلحقو
وبالجد يديك العافيه غلى العباره الاخيره دي كل حرف فيها حرف من ذهب ....نحنا خاتين املنا وممسكين
رقبتنا للعايزينو يعيشنا في هدوء وسلام وطمأنينه ..ننتقل في اي حته وباي وسيله وانا مطمنه انو اي
وسيله حمايه ممكنه موجوده ولو حصل لي اي شي تاني بيكون قدري ونصيبي ..واكون مطمنه على اي
حبيب لي وغالي انو اي اجراء وقائي متوفر عشان يحميهو
والله يصبر اهلها يا رب
المشكلة طبعا انه ما فى اهتمام بارواح الناس وفعلا ارواح الناس بقيت لعبه فى ايديهم
الغلطان صاحب العباره والمسئول منها لانه استهوان بارواح الناس الابرياء
ولا زم ياخد عقابه ليكون عبره للاخرين وعبره لاى شخص يلعب بارواح الناس
لكن نقول ونقول لكن اين الحمكومة واين المسئولين من هذا كله الذى يحصل فى السودان
بس ماقلتي رايك ؟؟ غلطانه لمياء"رحمها الله "والركاب لمايركبو مركب مافيهو معدات حمايه
ولا غلطان المسؤلين البيسمحو للزي ديل تكون حياة الناس بين ايديهم ؟؟
[/glow]
عزيزتى : الموت حق علينا جميعا" اللهم نسألك حسن الخاتمة
أما نحن السودانين فعيبنا الأساسى اللامبالاة فى كل شىء بدء" من مراعاة أهمية الوقت ثم طريقة التعامل فى الأماكن العامة إلى أخطر شىء وهو الإستهتار بأرواح الناس ولو بدأت بذكر الأمثال لما أسعفنا الوقت لكن هنا وبصراحة : أرى أن كل المذكورين اعلاه مسؤلين عن الحادث بغض النظر عن نوع وحدود مسؤلية كل منهم وبالطبع ليمياء رحمها الله تعتبر صغيرة السن عديمة الخبرة والمعرفة مقارنة مع من كان معها والكل تعامل بعفوية وبدون حرص مع العلم بحدوث كوارث مماثلة حتى وإن كان من زمن ولا يفيدنا الأسف على مافات بقدر أن نتعظ ونذكر جميع من حولنا من أحباب وأقارب وجيران ومعارف وفى كل مناسبة بضرورة الإهتمام بوسائل الحماية والطرق الصحيحة للمحافظة على النفس والرجوع من المناسبات والرحلات تامين سالمين غانمين ومبسوطين بدل أن تتحول إلى كارثة وندم وحزن أجارنا الله وإياكم وجميع المسلمين . ولك الشكر على طرح الموضوع للأهمية .
عماد الحسين كتب:ربنا يرحمها ويسكنها فسيح جناته مع الشهداء والصديقين وححسن اؤلئك رفيقا وهم السابقون ونحن اللا حقون
انا ارى ان كل الخطا يقع على عاتق الفني المسئول عن اللنش فنحن غير مطالبين بالتفتيش في كل رحله او بص عن وسائل السلامه يعتي لما اجي اركب بص ماممكن اقول للسائق جرب لي الفرامل والاشارات والاضاءه هذا عمل الفتي والجهات المسئوله عن المراقبة
لكن خليها على الله كل همهم تحصيل الاموال فقط
[glow=ffccff]
منور استاذ عماد
نحنا غير مطالبين استاذ عماد انو نفتش في الوسيله الحنستقلها عن وسائل السلامه صحيح !!
ودي مسئوليه المسئول عن اللنش نفسو ...... بس لما يكون في ناس زي ديل بدون ذمه او ضمير
او ماممكن ماعندو تثقيف كافي انو يدرك اهميه الوسائل دي ... مش الافضل عشان نحافظ على ارواحنا
من الزهاق لما نركب وسيله بحريه مثلاً اتاكد انو المركب مجهز بوسائل السلامه دي وهي اكيد بتكون
ظاهره للعيان وفي مكان واضح .....طبعا الكلام مابينطبق على الباصات وتبقى في الحاله دي زي ماقلت
خليها على الله والكاتبو ربنا بيحصل
بس في رايك الناس دي عندهم تعليمات بانو يوفرو الحاجات دي وهم مطنشين ولا اصلا ماعندهم فكره
والله يصبر اهلها يا رب
المشكلة طبعا انه ما فى اهتمام بارواح الناس وفعلا ارواح الناس بقيت لعبه فى ايديهم
الغلطان صاحب العباره والمسئول منها لانه استهوان بارواح الناس الابرياء
ولا زم ياخد عقابه ليكون عبره للاخرين وعبره لاى شخص يلعب بارواح الناس
لكن نقول ونقول لكن اين الحمكومة واين المسئولين من هذا كله الذى يحصل فى السودان
[glow=ffccff]
شكرا محسيه العسل فعلا وين المسؤلين ووين المختصين ؟؟ ليه الى الان في مراكب مهترئه
تنقل الركاب في ضفاف النهر .. معقوله يعني نحنا في القرن الواحد وعشرين ولسه في مراكب
كانها ملصقه بصلصال ولا صمغ ورق ؟؟
طيب انشاء الله مربوطع بحبل بس يكون فيها اطارات ووسيله سلامه كان اتفرتقت ماتضيع حياتي
الماسة الخماسية كتب:عزيزتى : الموت حق علينا جميعا" اللهم نسألك حسن الخاتمة
أما نحن السودانين فعيبنا الأساسى اللامبالاة فى كل شىء بدء" من مراعاة أهمية الوقت ثم طريقة التعامل فى الأماكن العامة إلى أخطر شىء وهو الإستهتار بأرواح الناس ولو بدأت بذكر الأمثال لما أسعفنا الوقت لكن هنا وبصراحة : أرى أن كل المذكورين اعلاه مسؤلين عن الحادث بغض النظر عن نوع وحدود مسؤلية كل منهم وبالطبع ليمياء رحمها الله تعتبر صغيرة السن عديمة الخبرة والمعرفة مقارنة مع من كان معها والكل تعامل بعفوية وبدون حرص مع العلم بحدوث كوارث مماثلة حتى وإن كان من زمن ولا يفيدنا الأسف على مافات بقدر أن نتعظ ونذكر جميع من حولنا من أحباب وأقارب وجيران ومعارف وفى كل مناسبة بضرورة الإهتمام بوسائل الحماية والطرق الصحيحة للمحافظة على النفس والرجوع من المناسبات والرحلات تامين سالمين غانمين ومبسوطين بدل أن تتحول إلى كارثة وندم وحزن أجارنا الله وإياكم وجميع المسلمين . ولك الشكر على طرح الموضوع للأهمية .
إنّا لله وإنّا إليه راجعون
للفقيدة الرحمة ونسأل الله سبحانه وتعالي أن يسكنها الجنّة مع الصدّيقين والشهداء
وأن يُصبر أهلها المكلومين بفقدها ، وبشاعة الحوادث تكثر وتزيد بإستهتارنا وطيبتنا وعدم
اللامبالاة الذي أصبح ديدنا لمعظم تعاملاتنا اليوميه إضافة لطيبة الشعب الشايللاهو الهاشميه
ومفعم بالرجولة وتنازلاته عن أبسط الحقوق وإقول ليك هو نحنا مالقينا الزول في روحو نطالب
بقروش ليييييه ؟؟؟؟
نعم يجب أن نطالب بتعويض من شركات التأمين التي أصابها التضخم وإمتدت كروش القائمين
علي أمرها إلي مالا يُمكنهم رؤية من هم دونهم وأصبح الربح وزيادة الأرباح الهاجس الوحيد لهم
كما لا يجب أن نقف ونكتفي بالتعويض المادي فقط وأن نطالب بالديّة ومحاكمة كل من له يد في تمريغ
آدميتنا بالتراب والله نسأله أن يلف بعباده ويحفظ أهلنا....
الحقيقة ومن وجهة نظري .. الزول المسئول مسؤولية تامة هو صاحب العبارة .. ناهيك عن تسيب الجهات المسؤولة عن ذلك .. ليه يرضى على نفسو تعذيب الضمير اللي حيواجهو بعدين .. (ده لو كان عنده ضمير أصلا)
أنا ماعايز أرمي اللوم على الجهات المختصة لأنو متأكد تأكد تام أنها ما حتكون فاضية عشان تراقب كل من هب ودب ده شي صعب جدا ..
لكن الشي المفروض اليحصل أنه يكون هناك في مراقبة دورية للعبارات حتى لو صلت لدرجت إنها تكون شهرية يراجع فيها كل مقومات السلامة داخل العبارة وإنزال أشد العقوبات للمخالفين وببساطة نحن وصلنا القرن الـ 22 وعصر التكنولوجيا بقى فارض نفسه ..
ببساطة ممكن نقوم بتنزيل بيانات العبارات أو اللانشات البتقوم بمثل هذه النزهات النيليلة داخل برنامج رقمي ومتابعة أجراءات سلامتها شهريا من خلال الاتصال بصاحبها مباشرة وإلزامه بمراجعة ذلك دوريا ومن خلال السيستم أو البرنامج بيتضح لينا إذا كان هنالك عبارة تم عليها الاجراءات الوقائية أو لا ومن ثم أرسال مشرفين للقيام بعمليات المتابعة لإجراء اللازم في حال عدم حضور صاحب العبارة لتجديد اجراءات السلامة ..
كده بنكون وفرنا على نفسنا كمية الوفيات الحاصلة ده .. طبعا ده بالنسبة للعبارات ..
نحنا غير مطالبين استاذ عماد انو نفتش في الوسيله الحنستقلها عن وسائل السلامه صحيح !!
ودي مسئوليه المسئول عن اللنش نفسو ...... بس لما يكون في ناس زي ديل بدون ذمه او ضمير
او ماممكن ماعندو تثقيف كافي انو يدرك اهميه الوسائل دي ... مش الافضل عشان نحافظ على ارواحنا
من الزهاق لما نركب وسيله بحريه مثلاً اتاكد انو المركب مجهز بوسائل السلامه دي وهي اكيد بتكون
ظاهره للعيان وفي مكان واضح .....طبعا الكلام مابينطبق على الباصات وتبقى في الحاله دي زي ماقلت
خليها على الله والكاتبو ربنا بيحصل
بس في رايك الناس دي عندهم تعليمات بانو يوفرو الحاجات دي وهم مطنشين ولا اصلا ماعندهم فكره
عنها وعن اهميتها ؟؟
[/glow]
اختي jasmina
اشكرك على المجامله
اكيد في تعليمات لكل وسائل النقل لوفير وسائل الامن والحماية وهناك قوانين وتشربعات لكنها مثلها مثل الكثير معطله وغير مفعلة لغياب المحاسبة والمراقبة واهمال اصحاب وسائل النقل شوفي حالة اخونا في الطائرة الطيار اقول غير صالحة للرحله اقولوا ليه امشي ديل استحقوا اعدام
تقبلي تحياتي
