كارثة التعليم السوداني

[pink]

اولا سلام عليكم
قبل ما ابدأ موضوعي عاوزةاضع في بالكم انو التعليم السوداني قديما _مش من زمن بعيد_كان بيضرب بيه المثل في القوة و الجامعات السودانية كانت من احسن الجامعات ليس على المستوى العربي بل العالمي....
التعليم الان :
تدهور واضح وتراجع بعد ان كان في المقدمة وما محتاج اي كوارث عشان ترجعوا للوراء
الكارثة الكبرى تحدث:
المشهد الاول:يسرع الأساتذة الأجلاء إلى المدرسة المجاورة ويحاصرهم الوقت والسباق القوي على نسخة من كتاب نعم نسخة واحدة هي التي تخص الأستاذ في المدرسة المجاورة يحتاجها زميله الذي لا يجد نسخة يدرس منها وليس أمامه إلاّ التدريس بالإستلاف.
يمضي الوقت وينقضي زمن الحصة ذلك أن الأستاذ لا يستطيع أن يقدم الدرس دون أن يكتب ملخصاً له، والملخص لا بد أن يكون واسعاً ليتمكن التلاميذ من النقل. إذ لا كتب عندهم يعودون إليها.
والعبقرية كلها عند وزارة التربية والتعليم، التي وجدت الحل الشافي والعلمي والتربوي والإنساني.
قَرّرت الوزارة أن تعتمد كتابين لطلاب السنة الثالثة من المرحلة الثانوية الكتاب القديم والكتاب الجديد.
من توافر له القديم فلا بأس، ومن توافر له الجديد فلا بأس.
والإمتحان منهما جميعاً والوزارة الموقرة العبقرية سَتضع الإمتحان من الكتابين والأسئلة سَتكون من هذا وذاك بالاختيار، وعلى كل طالب أن يجيب على التي ترد من الكتاب الذي تحصل عليه.
هذه أول مُعالجة يمكن أن نسميها مُعالجة الفشل بكارثة.
كَارِثَة تعليمية لن تستطيع معها هذه الوزارة التي عَهدَ إليها أمر الطلاب والتعليم أن تطالب من تمتحن بأن يحقق دَرجات نجاح وهي تدخله في هذا الإرباك بعد أن فشلت في توفير الكتاب المدرسي.
المشهد الثاني
اسعار الكتاب الواحد تفوق قدرة المواطن السوداني
تتوالى المشاهد والطالب السوداني ليه الله
ايـــــــــــــــن دور الوزارة؟؟؟؟؟؟؟؟؟

[ذكرى الجراح]

التعليم والصحه في السودان فشلت من زمان

ومافي زول بيقدر ينكر ده

الناس ماشه برحمة العليم القدير

بالنسبه لمثالك ده إحنا كنا في الجامعه استاذ ماده من المواد منزل شيت

بنمشي نشتري من مكتبه معينه

البيشتري الشيت بينجحو والمابيشتري الشيت يشيل الماده

ده كلو عشان متفق مع بتاع المكتبه يتقاسمو القروش

[pink]

ذكرتيني بكلامك ده استاذة كانت بتهدد الشفع
تقول ليهم البجي درس العصر بوريه الامتحان وهو ناجح
و الما بجي ياخد علقة ويرسب حتى لو مذاكر كويس
لكن الممتحنين ديل؟؟ده مستقبل ولا شنو
تــســلــمــي لي يا ذكرى

[سودانية صريحة]

السؤال هو الى متى ؟

[The Sniper]

مشكورة اختي علي الطرح

ربنا يصلح احوال السودان




دمتي بود

[pink]

السؤال هو الى متى ؟

فعلا ده السؤال الى متى؟؟
لكن بايدنا شنو ؟المفروض الوزارة تحس
تسلمي عزيزتي سودانية

[pink]

مشكورة اختي علي الطرح

ربنا يصلح احوال السودان




دمتي بود

ربنا يسمع منك العزيز sniper

تــســـلــــم

[pink]

عندي سؤال هل في زول بيعرف اسم وزير التربية ولتعليم السوداني اسمو منو؟

[نوسه2]

التعليم في السودان بقي كارثه ومامعروف حاتتحل متن الله يكون في عون الاجيال الاسه والجايه .التعليم بقي عندك قروش تتعلم ماعندك تضيع ربنا يحسن احوال السودان ومشكوره علي الموضوع الرايع لانو جد موضوع عايز وقفه

[pink]

المشكلة الاكبر انو مافي اي جهة
الى الان عملت مبادرة من اي نوع
لحل المشكلة

بالجنبة تسلمي غاليتي نوسة2
ومرحب بيك

[pink]

المشكلة الاكبر انو مافي اي جهة
الى الان عملت مبادرة من اي نوع
لحل المشكلة

تسلمي غاليتي نوسة2
ومرحب بيك