صدقيني بقيت أخاف...!!!ا

[احمرعين]

صدقيني بقيت أخاف
ركب النسيم لو مرّ طاف
ونور القمر...
لمّن يفَر ّ توبو الشفيف
فوق الروابي والضفاف
في كل مقام تسبيني ذكرى
و مع كل ذكرى ...
تسيّر الآهات زفاف

صدقيني لو قلت ليك...
إنّو الصباح
أصبح مسار موكب جراح
وسجع القماري والصِداح
صداه في الوجدان نواح
ماأصلو كان...
من نور محيّاك الصباح
وهمسك الآسر صِداح

صدقيني ...
حتى المطر ساعة يزور
سايقو الدعاش
وريحة التراب تحت الرشاش
بعد الفرح وبدل السرور...
باتت تزيد قلبي إرتعاش
عشان في كلّ حال بتذكّرك
وفي كل حين بلقاك معايْ
مغروسة في سوح الفؤاد
ومسكوبة في مسْرب دمايْ

[لبيب]

[align=center]أحمر عين والله قصيدة جميلة
أحييك على هذا الإبداع ياراقي[/align][/size]

[احمرعين]

[align=center]أحمر عين والله قصيدة جميلة
أحييك على هذا الإبداع ياراقي[/align][/size]

شكرا ليك لبيب وطلّتك بالدنيا ياخي...تسلم أبداً.

تحياتي وامنياتي الطيبة

[نورس سنجه]

تسلم والله

[احمرعين]

تسلم والله

سلمك الله نورس سنجة ومشكور علي المرور الطيب.

[عم عبدالرحيم]

قصيدة روعه
الله يديك العافيه

[احمرعين]

قصيدة روعه
الله يديك العافيه

ياألف أهلا بي عم عبدالرحيم...شكرا على المرور الرائع وتسلم ياخي.

[راشد ود نادوس]

الخوف لا مامعانا لكن قصيدك عاجبانا
ومزيد من الإبداع

[Batta]

انا قبضت زول في المنتدى دا صح قاعد يحب

يللا ما تخاف على سيدك الحب