يا أخوانا حصلوا زولنا مرسال الشوق ده ما إكون بقت عليهو حكاية نفيسة الجابت ليها الجلطة
وأخليكم مع الدراما الســودانية..
بينما كنت أجهز نفسى صباحاً للخروج من المنزل متجهاً إلى الصحيفة قالت لى زوجتى وهى تسألنى : ما مشيت لى حاجه نفيسه دى ؟
- مشيت ليها .. مش عشان أعزيهم فى وفاة حاج عبدالمنعم؟!
- وفاة شنو ؟ حاجة نفيسه جاتا جلطة وراقدة فى المستشفى !
- معقولة؟ المرة دى والله مسكينة .. راجلا حاج عبدالمنعم فراشو يا دوبك إترفع
- ما هو الفراش ده ما ذاااتو المصيبة !!
حاج عبدالمنعم تدرج كموظف بنك حتى صار مديراً لأحد الفروع قبل وصوله لسن المعاش قبل سنوات قليلة .. متزوج من (نفيسة) زميلته فى العمل قبل أكثر من ثلاثين عاماً أنجبا خلاها عدداً من البنين والبنات .. لم يكن لحاج عبدالمنعم مشاركات إجتماعية بل كان كائناً (بيتياً) ما أن يعود من عمله بالبنك و(يقرش عربيتو) فهو لا يغادر منزله إلا لأداء صلاة العشاء بمسجد الحى ، من صفاته أنه كان هادئ الطباع حسن الهندام خفيض الصوت يتحدث إليك همساً ، توفى بصورة مفاجأة قبل حوالى أسبوع .
- كيفن الفراش هو المصيبة .. ؟؟ ما فاهم
- طيب النحكى ليكا :
قالو ليكا تانى يوم للوفاة .. والبكاء حاااار .. والنسوان ديل يعملو ليك فى البدع ونفيسه دى تردح وتشيل وتوصف
- الليلة وين يا الحاج الصلاى ... خليتنى أنا والمعاى
- الليلو وين يا الأمين البأمنوهو الملايين
- وووووب يا المثالى المشيت خليتنى فى حالى
- وووووب يا الواضح أب كلامن ما فاضح
- الليلة وييينك يا الأرباب الماك كضاب
- الليلة وييينك يا الحنان الحافظ للقرآن
- ووووب وووب وووووووووووب !!
حاجه نفيسة تشيل وتردح والدموع دى ما تديك الدرب والنسوان المعاها شغالات ليها كورس قالو ما يشوفو ليكا إلا (مرا) طويلة وعريضة وقيافه .. التوب ما توب .. واللبس ما لبس .. والحنة ما حنة والدخان ما دخان .. تدخل ليك عليهن ومعاها تلاته بنات الشعر كيفن والبلوزات كيفن والإسكيرتات كيفن ومما دخلن يطقو ليكا السكلى .. وقعدوا يصرخو بى أعلى صوت لحدت ما وقفو ليكا بيت البكا على فد كراع ...
- أها وبعدين؟
- بعدين بعد ما أخدن بكيتن .. وكل واحدة شربت ليها كباية موية بارده مشن قعدن بعيد .. يتخجخجن ويبكن
والنسوان ديل كوووولهن سابو البكا وقعدن يعاينن ليهن !
- أها وبعدين ؟
- أها قالو أخت حاجه نفيسة الصغيره قالت لى ليها برااااحة فى أضانا : إنتى النسوان ديل من وين؟
قامت حاجه نفيسه ردت عليها قالت ليها : يعمينى قبال ده ما شفتهن !
- أها والحصل شنو؟
- الحصل إنو النسوان قالن لى حاجه نفيسة أمشى أسألى المرا دى وقولى ليها إنتى منو؟ قامت الحاجه مشت على المرا وقلدتا وقعدن يبكن زيييين وبعد ما قعدن فى الواطه ومسحن دموعن قامت الحاجه سألت ليك المرا قالت ليها : ما إتعرفنا على بعض يختى !!
- أها المرا قالت ليها شنو؟
- قالت ليها أنا إحسان زوجة المرحوم على سنة الله ورسولو وديل بناتو هادية وهديل !
- وده الجاب لى حاجه نفيسة الصدمة وجاب ليها الجلطة ؟
- لا لا .. حاجه نفيسة كانت متأكده من المرحوم عشان أصلو ما كان بيطلع من البيت .. طوااالى قالت للمرا قومى أمشى من هنا قبل ما نجيب ليكى البوليس يا مرا يا محتاله .. الحاج ده من بيتو ما بيطلع إلا يمشى يصلى العشاء فى الجامع ويقعد ليهو ساعة ساعتين فى حلقة (التلاوة) !
- أها وقالت ليها شنو؟
- قالت ليها ما أنا ذاااتى (حلقة التلاوة) دى ذااااتا
اقعد الطش بي مزاااااااج وانجر وراء مرسااال
الشوق لمن تلحقوا امات طه خالتو المرقن يفتشن
عليهو واحدة وراء التانية ولا طه رجع ولا امات طه
رجعن , الريح خت البربندي , ها جنا الجن الكلكي يمين
عملت لي لفة راس في الحباااال الشوكية
كااااااااااااااك
ما وراء بسمتى كتب:الشمالى انت بتتكلم عربي ولا لغة تانية يمين بالله ما بفهم من كلامك اى حاجة غير كاااااااااااك
ما طلباني حليفة يااا ما وراء بسمتي انا مرات بتجيني حالة
بكتب المشاركة ولما ارجع اقراها برضو ما بفهم حاجة .
كااااااااااااااااااااااك
بس الحمد لله انك فهمت كاااااااك
علما انا كاااااااااااااااك دي ما فاهمة
كاااااااااااااااااك مرحب بيك يااا بسمة
اها قدمتي للجامعة ولا لسة
الشمّالي كتب:اقعد الطش بي مزاااااااج لطش بمعني سرق وانحاااش
وانجر وراء مرسااال
الشوق لمن تلحقوا امات طه طه ده واحد رااااااح من امو وخالاتو
خالتو المرقن يفتشن دي علي وزن مرقنبو قرنبو اظنها واضحه
عليهو واحدة وراء التانية ولا طه رجع ولا امات طه
رجعن , الريح خت البربندي الريح ده واحد صاحبي والبربندي
وتد من حديد
, ها جنا الجن الكلكي يمين الجن الكلكي نوع من الجنون كهربتو ما
2500 فولت وانت ماشة لا فوقعملت لي لفة راس في الحباااال الشوكية يعني وجع مفاصل في الركب
كااااااااااااااك
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله ما قصرت يا شمو حركة غير متوقعة لكن استفدت فى حاجات كده ما كنت فاهماها وزى طه ده مشكووووووور
حقو يشغلوك فى سفارة بعد ده عشان تترجم وكده
الشمّالي كتب:اقعد الطش بي مزاااااااج وانجر وراء مرسااال
الشوق لمن تلحقوا امات طه خالتو المرقن يفتشن
عليهو واحدة وراء التانية ولا طه رجع ولا امات طه
رجعن , الريح خت البربندي , ها جنا الجن الكلكي يمين
عملت لي لفة راس في الحباااال الشوكية
كااااااااااااااك
والله يابو صديق ماعارف اقول ليك شنو
بس شايف اليومين ديل سويت ليك لحية
انا قلت يمكن الزول دا داير يحبس الجامع
لكن وكت حلقات التلاوة بقت تختلف من لحية لي لحية
بصراحة كدا انا مابضمنك
بتكون ماشي لحلقة التلاوة التانية
بس اسرع قبل رمضان
عشان في رمضان يبقن حلقتين للتلاوة
واحدة في المسجد
والتانية