احبك ولكني لن......

[نهر المحبه]

أثناء مشاهدتي لإحدى قنوات التلفزيون....
شدني برنامج مستضاف فيه ضيف معروف....تابعت النقاش ...ووصل الى مرحلة الاسئله عن حياته الشخصيه....
هل يوجد هناك شخص وما الى ذلك....
كان رده انه يحب شخص ولكنه لا ينوي الارتباط به برابط زواج او غيره....
له اسبابه...التي لطالما هو مقتنع به ...
اود ان اسالكم هل يمكن ان تحب شخص فقط لمجرد الحب فقط .....
من دون ان يكون لك النيه في بناء اسره وما الى ذلك معه....
ساترك المساحه هكذا للسؤال لكي ارى ردودكم....
وبعد ذلك نرى الجوانب الاخرى للموضوع
لكم التحيه أحبتي....

[بعد الزمن]

سؤال صعب شديد

انا البعرفوا انوا واحد بحب واحده
وبخلى الموضوع ماشي لمن
يرسي ع بر وبعدين
يقرر هل هي الانسانة
المناسبة لمواصلة الطريق معاها ولا لا
وبيدخل ف حسابات اخرى

وشكرا

[سودانية صريحة]

يمكن لأنو الزواج مقبرة الحب

[محمد الجزائري]

شكرااااااااا اختي

والصراحة انا عكس هذااا

من يحبها يجب عليه ان يتزوج بها

واذا لم يريد أن يتزوجها المفروض ان يخبرها ويتخلى عنها

[نهر المحبه]

سؤال صعب شديد

انا البعرفوا انوا واحد بحب واحده
وبخلى الموضوع ماشي لمن
يرسي ع بر وبعدين
يقرر هل هي الانسانة
المناسبة لمواصلة الطريق معاها ولا لا
وبيدخل ف حسابات اخرى

وشكرا

مشكور بعد الزمن على المداخله...
صحيح ده الشي الكلنا بنعرفو ومتعودين عليه من زمان انه الشخص بحب شخص عشان يكمل معاه وكده
يعني انت في رايك انه ما من حقه انه يحب بالطريقه دي....
او بطريقه اخرى انت بتشوف انه اي قصة حب لازم يكون نهايتها الارتباط؟؟؟؟

[نهر المحبه]

يمكن لأنو الزواج مقبرة الحب

مشكوره يا سودانيه صريحه على المداخله....
قد تكون دي وجهة نظر البعض... ولكل شخص أسبابه بس انا ضد المقوله انه الزواج مقبرة الحب...لانه في مقوله تانيه بتعارضها وهي انه الحب بيجي بعد الزواج....
انتي رايك شنو؟؟؟؟

[نهر المحبه]

شكرااااااااا اختي

والصراحة انا عكس هذااا

من يحبها يجب عليه ان يتزوج بها

واذا لم يريد أن يتزوجها المفروض ان يخبرها ويتخلى عنها

لك الشكر محمد الجزائري....
ووجهة نظرك احترمها...
والصراحه مهمه

[الشمالي]

انا لا اعتقد ان الزواج مقبرة الحب
وكثيرا ما سمعنا ان الحب الصادق
ياتي بعد الزواج عليه فان الزواج
يزيد الحب وهجاً وبريقاً ,
وان حدث عكس ذلك فهذا يعني
ان هنااك خلل من البداية وكل الشكر

[عطر الورد]

انا فى نظرى بالنسبه للبنت ما تخلى الشاب العب بمشاعره وما تضيع وقتها لانو كل يوم محسوب على الانسان يعنى الواحده تعدى حب وفى النهايه ما ترتبط بلالانسان الكان معظم وقتها بتكلم فيهو وامكن رفضت نااااااااااس كتيره عشانو
المفروض من البدايه اكون فى وضوح فى العلاقه يعنى

ورد على بعض الاخوه الزواج مقبره بالعكس ليه مقبره الزواج استقرار وحياه فيها الحلوه وما الحلو يعنى اى شخص بقدر اكيّف حياتو زى ما هو عايز مع شريك حياتو

[الدغري]

الحب اذا لم يكن ينوى به الزواج

فهذا ليس حبا


يدخل في المحرمات

[عسجد]

و الله انا من وجهة نظري انو الجواز اهم حاجة او مافي فايدة من الحب بدون او الحب ساكت من غير نية جواز بيعتبر حاجة منافية للشرع او الدين لانو شنو فايدتو من غير زواج
يعني شنو نهايتو
دي وجهة نظري او معا احترامي للوجهات النظر الاخرى

[ذكرى الجراح]

لك التحيه نهر المحبه

يمكن رأي يكون قريب لرأي عسجد

الفايده شنو من الحب من غير زواج

لانو زي ماإحنا عارفين إنو نهاية الحب العرس

والحب من غير عرس ده مابيكون بيحبه ده بيكون جكس ساي

إلا لوعندو أسباب بتخلي مايعرسه

أما أنا من زمان وجهة نظري الحب بعد العرس

وديه الحاجه الأيده الدين الأسلامي

وده طبعآ مابيمنع إنو يكون في حب قوي جدآ قبل العرس

( أنا صحباتي في الجامعه كانو بيقولوا لي خالف تعرف )

أغلبم بيحبوا إلا أنا

أو ماعارفه يمكن مالاقيت الزول الأقنعني

تقبلي مروري

[السنبلاية]

فى الحقيقة الحياة بدون احساس بالحب تكاد تكون معدومة


الحب اساس الحياة من وجهة نظرى ولا شىء غيره


واذا كان الشخص المزكور هو يحب ولا ينوى الزواج بمن يحب !!

بكل صراحة فهو كاذب لا يستحق حتى انا نرهق انفسنا فى التفكير بما فى دواخلهو

ومع الاسف هذا قليل من كثير يوجد فى مجتمعاتنا العربية

اتمنى التوفيق للجميع ,,,,,,,,,,,,
تحيااااتى