صفحة 1 من 1
حان الزفـــــــــــــاف
مرسل: الجمعة 2010.6.4 11:24 am
بواسطة الأميرالحب
حان الزفاف
أنا حالي كيفن بوصفو
يا ريت هواك لي ما أنقسم
ولا قلبي ريدك نزفو
قالوا البعيش
الدنيا ياما تشوفو
تشقيهو بي فرقة عزيز
بالحسره ريقو تنشفو
وإنشاء الله ما يحصل فراق
لقلوب بعد إتولفو
بس قولي لي أنساك كيف
وانا قلبي ريدك محنو
أبحر سنين في كون هواك
الليله فاقد مأمنو
وانا كنت قبلك
بصبر قليبي وايقنو
كايسلو لي زولاً حنين
يزيل مخاوفو يطمنو
لو ده الحصاد من كلو ريد
ناس قيس صحيح إتجننو
جوني الصحاب أنا قالوا لي
شافوها في توب الزفاف
شافوا الدموع وإتحسروا
والشوق غمام في عيونها طاف
مش عاد حرام ساكن الضفاف
ينشرا في عمرو الجفاف
طول عمري بزرع في الورود
وحصادي شوك آخر المطاف
مـــــــ أمين ـــــــــوني
منقول
هاشم عذاب
رد: حان الزفـــــــــــــاف
مرسل: الجمعة 2010.6.4 9:00 pm
بواسطة الأميرالحب
عوووووووووووووووووووك
رد: حان الزفـــــــــــــاف
مرسل: الخميس 2010.8.12 3:54 am
بواسطة الأميرالحب
يا اخوانا مافي واحد
مشوكش ذي يتألم معاي شويه ههههههه
هههههههههههههه
رد: حان الزفـــــــــــــاف
مرسل: الخميس 2010.8.12 10:29 am
بواسطة صلاح الدين محمد
كلمات رقيقه وجميله جدا
دمت بخير اخى
رد: حان الزفـــــــــــــاف
مرسل: الخميس 2010.8.12 10:35 am
بواسطة لبيب
[align=center]ياود كبوشية ياراقي
الابداع والحس العالي
انا مامشوكش لكن المرحوم هاشم مرغني أبدع في الاغنية دي عدييييييييييييييل[/align][/size]
رد: حان الزفـــــــــــــاف
مرسل: الخميس 2010.8.12 6:27 pm
بواسطة أبو محمد وراق
لبيب كتب:[align=center]ياود كبوشية ياراقي
الابداع والحس العالي
انا مامشوكش لكن المرحوم هاشم مرغني أبدع في الاغنية دي عدييييييييييييييل[/align][/size]
وأبدع قبله قائلها صديق الصبا ... عزمي أحمد خليل !!
وشكراً لك يا لبيب ! ولك ود كبوشيه !
رد: حان الزفـــــــــــــاف
مرسل: الجمعة 2010.8.13 3:58 am
بواسطة الأميرالحب
لبيب كتب:[align=center]ياود كبوشية ياراقي[/align]
[/size]الابداع والحس العالي
انا مامشوكش لكن المرحوم هاشم مرغني أبدع في الاغنية دي عدييييييييييييييل
لبيب يعني شاكوش صغير كده ما جاك
ولو بالغلت ههههههههههههههههههه
كدي شوف راسك في المرايه بتلقي الرأس صلع
رد: حان الزفـــــــــــــاف
مرسل: الجمعة 2010.8.13 4:00 am
بواسطة الأميرالحب
أبو محمد وراق كتب:وأبدع قبله قائلها صديق الصبا ... عزمي أحمد خليل !!
وشكراً لك يا لبيب ! ولك ود كبوشيه !
ابو محمد قبل ام محمد دي
ما اتشوكشت
طبعآ اكيد ادوك مرزبه هههههههههههه
رد: حان الزفـــــــــــــاف
مرسل: الجمعة 2010.8.13 7:23 am
بواسطة ود السودان نورالدين
يا مبــــــــدع
رد: حان الزفـــــــــــــاف
مرسل: الجمعة 2010.8.13 8:37 pm
بواسطة الأميرالحب
ود السودان نورالدين كتب:يا مبــــــــدع
ودالسودان نور الدين :
لك كل الود علي المرور
رد: حان الزفـــــــــــــاف
مرسل: الخميس 2012.1.12 10:52 pm
بواسطة maysoon
الامير دائما تبدع فى ماتختار
رحم الله المبدع هاشم ميرغنى واطال الله عمر الشاعر الجميل عزمى احمد خليل فانا من اكثر المعجبين باشعاره المميزة .
فى انتظار جديد ابداعاتك الامير
تحيات طيبات لك
رد: حان الزفـــــــــــــاف
مرسل: الخميس 2012.1.12 11:02 pm
بواسطة maysoon
طرونـــي ليـــك
طروني ليك وأنا كنت قايل أصلى ما بطراكا تاني
وكنت قايل طول فراقك بيمحي ريدك من زماني
إلا تاري البينا لسع لا نسيتو ولا نساني
***
وفجاءه اتذكرته ريدنا والزمان الكان معاكا
المشاوير والأماني والفرح ساعة لقاكا
حتى قلبي الكان نساك ما لو زي الما نساكا
صحه جرح الماضى تاني ومن جديد هسع بكاكا
رغم ظلمك وطول جفاكا حنّ لي أياما هواكا
***
وابتديت من تاني أندم زي كأني الكنت ظالمك
لمته نفسي وقلته يا ريت لو ظروفنا تلم وأكالمك
وأحكي ليك أنا كيف ظلمتك لما جيت غلطان ولا يمك
ورغم طول الفرقه بينا اشتهيت لو بس اسالمك
وأسألك لو طاري ريدنا ولا سارح في عوالمك
***
كان لقيت ليك قدره تنسى عاد منو البديني قدره
أنسى زي ما نسيتني إنت وبرضى أرجع تاني أطرى
الليالي البينا كانت من جمالك شايله نضره
ياما بتذكرني بيكا وياما بتبكيني ذكرى
وانت لو هناك زمانك برضى راح أتهنى بكره
من ابداعات عزمى احمد خليل
تقبل مشاركتى
تحياتى
رد: حان الزفـــــــــــــاف
مرسل: الجمعة 2012.1.13 10:52 pm
بواسطة الأميرالحب
ميسون لك التحيه ع الاضافه الراقيه مثلك
دومآ اضافاتك تنور متصفحي البسيط
كوني بود ميسون ولك جزايل الشكر