حان الزفـــــــــــــاف

[الأميرالحب]

حان الزفاف
أنا حالي كيفن بوصفو
يا ريت هواك لي ما أنقسم
ولا قلبي ريدك نزفو

قالوا البعيش
الدنيا ياما تشوفو
تشقيهو بي فرقة عزيز
بالحسره ريقو تنشفو
وإنشاء الله ما يحصل فراق
لقلوب بعد إتولفو

بس قولي لي أنساك كيف
وانا قلبي ريدك محنو
أبحر سنين في كون هواك
الليله فاقد مأمنو
وانا كنت قبلك
بصبر قليبي وايقنو
كايسلو لي زولاً حنين
يزيل مخاوفو يطمنو
لو ده الحصاد من كلو ريد
ناس قيس صحيح إتجننو

جوني الصحاب أنا قالوا لي
شافوها في توب الزفاف
شافوا الدموع وإتحسروا
والشوق غمام في عيونها طاف
مش عاد حرام ساكن الضفاف
ينشرا في عمرو الجفاف
طول عمري بزرع في الورود
وحصادي شوك آخر المطاف

مـــــــ أمين ـــــــــوني
منقول
هاشم عذاب

[الأميرالحب]

عوووووووووووووووووووك

[الأميرالحب]

يا اخوانا مافي واحد
مشوكش ذي يتألم معاي شويه ههههههه
هههههههههههههه

[صلاح الدين محمد]

كلمات رقيقه وجميله جدا

دمت بخير اخى

[لبيب]

[align=center]ياود كبوشية ياراقي
الابداع والحس العالي
انا مامشوكش لكن المرحوم هاشم مرغني أبدع في الاغنية دي عدييييييييييييييل[/align][/size]

[أبو محمد وراق]

[align=center]ياود كبوشية ياراقي
الابداع والحس العالي
انا مامشوكش لكن المرحوم هاشم مرغني أبدع في الاغنية دي عدييييييييييييييل[/align][/size]

وأبدع قبله قائلها صديق الصبا ... عزمي أحمد خليل !!
وشكراً لك يا لبيب ! ولك ود كبوشيه !

[الأميرالحب]

[align=center]ياود كبوشية ياراقي[/align]
[/size]

الابداع والحس العالي
انا مامشوكش لكن المرحوم هاشم مرغني أبدع في الاغنية دي عدييييييييييييييل

لبيب يعني شاكوش صغير كده ما جاك
ولو بالغلت ههههههههههههههههههه
كدي شوف راسك في المرايه بتلقي الرأس صلع

[الأميرالحب]

وأبدع قبله قائلها صديق الصبا ... عزمي أحمد خليل !!
وشكراً لك يا لبيب ! ولك ود كبوشيه !

ابو محمد قبل ام محمد دي
ما اتشوكشت
طبعآ اكيد ادوك مرزبه هههههههههههه

[ود السودان نورالدين]

يا مبــــــــدع

[الأميرالحب]

يا مبــــــــدع

ودالسودان نور الدين :

لك كل الود علي المرور

[maysoon]

الامير دائما تبدع فى ماتختار
رحم الله المبدع هاشم ميرغنى واطال الله عمر الشاعر الجميل عزمى احمد خليل فانا من اكثر المعجبين باشعاره المميزة .

فى انتظار جديد ابداعاتك الامير


تحيات طيبات لك

[maysoon]

طرونـــي ليـــك

طروني ليك وأنا كنت قايل أصلى ما بطراكا تاني
وكنت قايل طول فراقك بيمحي ريدك من زماني
إلا تاري البينا لسع لا نسيتو ولا نساني
***
وفجاءه اتذكرته ريدنا والزمان الكان معاكا
المشاوير والأماني والفرح ساعة لقاكا
حتى قلبي الكان نساك ما لو زي الما نساكا
صحه جرح الماضى تاني ومن جديد هسع بكاكا
رغم ظلمك وطول جفاكا حنّ لي أياما هواكا
***
وابتديت من تاني أندم زي كأني الكنت ظالمك
لمته نفسي وقلته يا ريت لو ظروفنا تلم وأكالمك
وأحكي ليك أنا كيف ظلمتك لما جيت غلطان ولا يمك
ورغم طول الفرقه بينا اشتهيت لو بس اسالمك
وأسألك لو طاري ريدنا ولا سارح في عوالمك
***
كان لقيت ليك قدره تنسى عاد منو البديني قدره
أنسى زي ما نسيتني إنت وبرضى أرجع تاني أطرى
الليالي البينا كانت من جمالك شايله نضره
ياما بتذكرني بيكا وياما بتبكيني ذكرى
وانت لو هناك زمانك برضى راح أتهنى بكره

من ابداعات عزمى احمد خليل

تقبل مشاركتى


تحياتى

[الأميرالحب]

ميسون لك التحيه ع الاضافه الراقيه مثلك
دومآ اضافاتك تنور متصفحي البسيط
كوني بود ميسون ولك جزايل الشكر