كلنا سوينا اجرام وانحنا صغار او اسي
ما تقولو ما سوينا
وبزات انتو يا بنات
عارفكم انا مثلا كسرت النور حق جاركم
دقيت ولد جيرانكم
جريت شعر اختك لمن بكت
سويت كم مقلب كدا وكدا اكيد فهمتوني
انا صراحة
مرة كنا في المدرسة وراجعين من الفسحة
وانا دخلت الصف اول واحد وختيت جردل الزبالة فوق الباب بي طريقة حلوة
يعني اول ما تفتح الباب يقع فوق راس الي يخش وطلعت من الشباك
زمان عندنا بيت مهجور وفيهو مخزن يعني بعيد من بيوت الفريق شوية واخوي الكبير كان بهرشني
المهم الحاج قال لينا تمشوا تجيبوا حاجة من المخزن ,طلعنا الحاجة وختيانها في الحمار واتاكدت اني ما محتاج لاخوي تاني وعايز اكسب رضا الحاج المهم قلت لاخوي الكبير خش جوة المخزن ابوي داسي حاجات جوة انا شفتها قام طوالي صدق ودخل المخزن انا طوالي قفلت عليهو بالطبله وركبت الحمار وخليتو مطبول لقريب المغرب وبعديها اخدت علقة مظبوطه
لاكن احلى واحده كنت بعمل فيها لانو التانيات مابتحكن
هي
انو كان فى مصريين شغالين يبنو فى عمارة جمبنا وبعد داك كنتا بطلع من بيتنا حوالى الساعة 12 ليلا وامشى اتجاه العمارة بيكونو مشغلين انوار عشان يشتغلو بى الليل والمسافة بين العمارة جوه والمفتاح بتاع الكهرباء بعيده
اجى انزل مفتاح الكهرباء والناس شغالين فوق فى سلالم واماكن صعبة
واجي جاري واسمع الصراخ بتاعهم بيعيطو عيط مره فيهم واحد وقع وكسر رجله
موضوع حلو بس مقالب زمان العملت كتيرة
شديد لاكن فى واحد معلق على الذاكرة ولمن بشوف
الزول الطبقت فيهو المقلب بضحك لليوم
وهو
عندنا صاحبنا فى المدرسة والوقت داك نقرا
فى المتوسطة عندو واحدة معذباهو مكسراها ومطلع عينى
قال لى البنت دى انا بحبها وانت علاقتك بيها كويسة كدى شوفا لى
قلت ليهو خلاص اليوم اجيب ليك خبرا.
تانى يوم قابلتو قلت ليهو قالت ليك اليوم المساء وراء المدرسة نتقابل
مشيت البيت شوفت لى توب ختيتو فى كيس وطلعت وراء المدرسة
ويلا البس التوب وتعال اقدل فى الشارع صاحبنا كلما مرة يجى جنبى ويرجع
تانى يجى جنبى ويرجع المهم فى الاخر ناديتو بى اسمو قام قال لى انتى
فلانة قلت ليهو اى والله الزول يلا قول بسم الله وكب الحنك وانتى لية ماتردى
على جواباتى .................... والموضوع اخد طابع الحنك وجرسة وفى النهاية قال لى
بحبك وانا ماقادر اصمد من الضحك وهوبس ما سمعنى فى النهاية قلت ليهوبصوت حنين ورقيق
خلاص بكرة بعد المدرسة نتقابل ومشيت منو قال لى بقدمك قولت ليهو كل واحد
بى شارعو عشان مايشوفونى معاك .والشئ الاغرب من كدا ما ميز الصوت نهائى
تانى يوم سالتو اها الحصل شنو قال لى كبيت الحنك والامور رشحت تمام
وما كلمتو دا انا الا يوم عرس وحكيت ليهو القصة فى ليلة الحنة.
والله مافضل ليهو الا يدقنى
هههههههههههههههههههه الذيب الجريح يا مجرم عايز تكتشف اشرار المنتدى
و لا يهمك سجلني معاك
دي من ابسط العمليات الاجراميه العملتها
كان الوالده زرعت زي زهور و نباتات مفيده في الحوش و كنت سنة سادسه
عملت مركب كده الله اعلم اسمه شنو مكوناته غريبه ما خليت نوع من انواع المنظفات
من ديتول و كلوركس و صابون بدرة و معطر ملابس ما خليت حاجه ما كبيتها ححتى البيبسي و الفلاش و الميردنا
المهم طلع ابداع ... و عشان اجرب مفعوله قلت اجربه في زهور الوالده
كبيته فيها اليوم التاني الورود دابت مع الوروق المهم بقت زي الملوخيه و لحدي هسي هي ما عارفه منو القتل زهورها
في قصص اخرى لو قلتها بعتبروني مجرمه و بودوني المحكمه ما في داعي
ههههههههههههههههههههه
انا زمان كنت فى الحلة مسجل خطر
كل ما امشي لى سيد دكان
يقولي شبطان ما مبيع
وزاتوا دايرين انقفل
ولا تلاقه واقفلي فى الباب
ومعاه عكازوا, بقلي تقرب اكتر
بفتح راسك
وهسع انا بقيت وردة سلام
والايام ديك مشت من غير رجعة
والله طلعتوا ما هينين وبذات والفرح وعمو النعيم
انا كنت بعمل مصايب وما في ولد ولا بت في الحلة
ما جرب واخد مني علقة
بس عقلنا خلاص ومافي داعي لاني لو حكيت حتخافوا مني
انا كنت مؤدبة وخوافة ما عملت حاجة تذكر لكن احكى ليكم دى بتاعت خالى
لما كان صغير كان شيطان بمعنى الكلمة وكل يوم طاردنو من البيت بسبب مشكلة يوم كان زعلان من ابوهو شديد وقال الا انتقم منو المهم قام مشي لافى فى الحلة وشاف صاحب ابوه راجع من الشغل للبيت قام ابتسم ابتسامة شيطانيية وجاب ليهو فحمة كبيرة وكتب قدام باب البيت بتاعنا نظام لما ابوه يجى من الشغل يشوف الكتابة وكتب بالحرف الواحد(السيد محمد نود بكل اسف ان نقدم لك التعزى الحارة فقد توفى فلان الفلانى(زولنا داك)الى رحمة الله يوم السبت الفائت )جدى قاعد يبكى وضرب لى باقى الاصصحاب واتلموا ولموا قروش لمرت المرحوم واجرو حافلة ومشو والرجال طوال السكة يبكو ويقرو قران
ولما وصلو ما لقو اى خيمة عزا قاموا دقو الباب وفتح ليهم المرحوم زااااااااااااااتو كلهم اتبلمو وكل واحد الدموع عشرة عشرة قام جدى حلف الليلة ما اخليك ورجع البيت لقاهو نايم وربطو فى العمود مصمم خصيصا له عشان يدقوه ودقوه دق اليوم داك
كل ما اشوفو بقعد اضحك.
انا ما عملت حاجة بتاعة اجرام لكن مرة كنت زهجان وكان معانا بنات في الفصل قمت قرصت عيني
لواحدة من البنات ومشت اشتكتني للاستاذ بتاع العلوم جلدوني عشرة صيتان زعلت من الاستاذ
قمت كتبت ليهو جواب بأسم البت وعملت منه نسخة تانية ورسلت ليهو الاصل وبعد كم يوم قمت فضحتو
قدام المدير بتاع المدرسة ولما المدير سألني من الاثبات طلعت ليهو النسخة التانية المدير شالها وواجه
بيها الاستاذ في الحتة دي الاستاذ اتهجم وما قدر يبرر موقفو قام طلع من المكتب وللان ما رجع للتدريس
انا ما عملت حاجة بتاعة اجرام لكن مرة كنت زهجان وكان معانا بنات في الفصل قمت قرصت عيني
لواحدة من البنات ومشت اشتكتني للاستاذ بتاع العلوم جلدوني عشرة صيتان زعلت من الاستاذ
قمت كتبت ليهو جواب بأسم البت وعملت منه نسخة تانية ورسلت ليهو الاصل وبعد كم يوم قمت فضحتو
قدام المدير بتاع المدرسة ولما المدير سألني من الاثبات طلعت ليهو النسخة التانية المدير شالها وواجه
بيها الاستاذ في الحتة دي الاستاذ اتهجم وما قدر يبرر موقفو قام طلع من المكتب وللان ما رجع للتدريس
صراحة انت يا ذيب مجرم شديييييييد حرام عليك تعمل كدا في الصف هههههههههههههه
