العرس مابين جرة الاصبع وليلة الدخلة

[ودالفضيل]

في الحقيقة هو موضوع الساحة غلاء المهور وترضيه ام العروس وغيره
نحنا عندنا في عاداتنا اول ماتتقدم للبت في حاجه اسمها جره الاصبع وجره الاصبع للمابعرفها
هي ان ام العروس او خالتها بتقعد في التراب وتجر اصبعها في التراب دايرين ودايرين ووو
عندما تنتهي تلقي الموضوع قارب الست سبع ملايين بالقديم ودي كلها لزوم الرضاء او قولة خير
بعد داك بتجي الشنطة ولازم تكون ستة ستة ولاعشرة عشرة مابعرف حسب اعلي شنطة زول قبلك
او اكتر لزوم ال(بوباريشن) اما تجهيز الاوضة كمان ديك حاجه تانيه خالص مارومينا ولمحاميد ودي
يااخوانا بقي الطريق للعرس في ظل العطالة وعدم جدوي المرتبات يعني الواحد بعد التخرج عاوز ليه
ثلاثة او اربعة سنين حتي تلقي عمل ودا في حالة وجود الواسطة وبعد داك تمانية سنة عشان تجهز
في الحالة دي يكون عمرك تجاوز الاربعين احتمال تكون صلاحية الابناء انتهت ويصبح العرس من غير جدوي ....
عشان كدة ياجماعة بقي في ظاهرة العروس الهندية والحكايه كالاتي:
تخسر فقط حق الطيران وتمشي المجمعات الاسلامية الهندية وتقول عاوز عروس بتلقي كل العروض وبالصداق فقط تستلم وتجي راجع وهي بتكون ماعندها اي مشكله بتسكن حتي لو كان في خيمة اوراكوبة وياجماعة دا الحل الانسب في نظري .....رايكم شنو

[الفرح المهاجر]

في الحقيقة هو موضوع الساحة غلاء المهور وترضيه ام العروس وغيره
نحنا عندنا في عاداتنا اول ماتتقدم للبت في حاجه اسمها جره الاصبع وجره الاصبع للمابعرفها
هي ان ام العروس او خالتها بتقعد في التراب وتجر اصبعها في التراب دايرين ودايرين ووو
عندما تنتهي تلقي الموضوع قارب الست سبع ملايين بالقديم ودي كلها لزوم الرضاء او قولة خير
بعد داك بتجي الشنطة ولازم تكون ستة ستة ولاعشرة عشرة مابعرف حسب اعلي شنطة زول قبلك
او اكتر لزوم ال(بوباريشن) اما تجهيز الاوضة كمان ديك حاجه تانيه خالص مارومينا ولمحاميد ودي
يااخوانا بقي الطريق للعرس في ظل العطالة وعدم جدوي المرتبات يعني الواحد بعد التخرج عاوز ليه
ثلاثة او اربعة سنين حتي تلقي عمل ودا في حالة وجود الواسطة وبعد داك تمانية سنة عشان تجهز
في الحالة دي يكون عمرك تجاوز الاربعين احتمال تكون صلاحية الابناء انتهت ويصبح العرس من غير جدوي ....
عشان كدة ياجماعة بقي في ظاهرة العروس الهندية والحكايه كالاتي:
تخسر فقط حق الطيران وتمشي المجمعات الاسلامية الهندية وتقول عاوز عروس بتلقي كل العروض وبالصداق فقط تستلم وتجي راجع وهي بتكون ماعندها اي مشكله بتسكن حتي لو كان في خيمة اوراكوبة وياجماعة دا الحل الانسب في نظري .....رايكم شنو

اخوى كلامك فى محلو
غلا المهور سبب تعاسة البت والرجل
بس اهل المرة لو فاهمين وعايزين يخارجو بنتهم
يديو بالقليل والرسول علية افضل الصلوات
قال اقلهن مهرا اكثرهن بركة لاكن زمنا بقى غير
وعشان كدا اتنزعت الرحمة والرزق والخير .
لاكن نحن لينا عادات وتقاليد
وحياتنا غيرهم انت لمن تغير مسار حياتها
من الهند عشان تعملها سودانية تكون جيبت اربعة ولد

[مهاجر في البلد]

الاخ ود الفضيل

كلامك كلو في محلو
وسبب العنوسة الظاهرة للبنات
يرجع الى
التقليد - عاوزة عريس زي عريس صاحبتي عندو سيارة اخر موديل وعمارتين ومغترب (دا إلا في الاحلام)
الخوف من قبل الشباب من المعيشة والمساعد في ذلك حالات البوبار ( ودا ضعف في الايمان )
العلاقات المتعددة للبنت وعدم الالتفات الى الرجل الجاد وتفضيل الونسة والحدائق على الجدية (ودي حظات وبتعدي )
ام العروس او خالاتها - لازم يجيب ليك الشيء الفلاني انتي هينة واللا لينة (دا البوبار الصعب المدمر)

اتمنى ان تظر كل بنت في سن الزواج الى عمرها الآن كم وكم مضت من السنين وهي جاهزة للزواج فالتظر الى ان اعمار هذه الامة بين الستين والسبعين وقليل من يبلغ السبعين كم مضى من العمر في النفخة الكذابة وكم مضى من العمر وصديقاتك قد تزوجن بالبسيط والان وسعت ارزاقهن واصبحن سعيدات ويعشن عيشة كريمة
كم مضى من العمر وانتي تنفري عن الجاد وتفضلي قضاء الاوقات في احلام وهمية

من حق اي شابة ان تحلم بفارس الاحلام الذي يسعدها ولكن هناك اسمه اكسبي زمنك وسيري حسب قول الرسول صلى الله عليه وسلم ( إذا اتاكم من ترضون دينه وخلقه فزوجوه )

ونحن ايها الشباب يجب ان نطرد الكسل والخنوع وان نشد ساعد العزم ونعمل اي عمل فالعمل كله حلال والعيب في الجلوس في الطرقات ومعاكسة المارة والقيل والقال في الناس ... يجب ان لا ننتظر الوظيفة التي نحلم بها بل يجب ان نسعى الى كسب الرزق الحلال بشتى الطرق المشروعة ... نعمل اي عمل لنوفر به كسبا حلالا وباذن الله سوف يبارك الله في البسيط

زحتى لا نضطر الى جلبها من الهند ( جمال , شعر , لون , قوام , دين ) اتمنى من اخواتنا ان يراجعن انفسهن ومن امهاتنا ان ييسرن امر الزواج

[align=center]اصلو العرس بالفاتحة يا ناس ما حلاااااااااااااااااااااااااااااال[/align][/color][/b][/u][/color]

[ودالفضيل]

الخوة الفرح المعاجر ومهاجر في البلد تسلمو علي المرور
فبالجد هو واقعنا الاليم اليوم وياما تكلمت الجرايد والاذاعات
لكن تلق الواحد بيتكلم في وسائل الاعلام ولما تجي بيتو حاجة
تانية خالص عشان كدة نفتش البديل وانشاء الله الهند تكون
الحل .وبعدين قصه انو الهندية تتسودن دي ساهلة جدا حتي
انو عاداتنا اقرب ليهم الحنة والتوب العربي مامشكلة.....

[ناجي عثمان عبد الرازق]

أخي انا لااتفق معك في بعض الامور - لان الزواج بهذا الشكل لايحصل فيه استقرار - ممكن اكون في نظرة لمسألة المهور والتكاليف والتخلي عن كثير من الاشياء لكن لازم اكون في انفاق الى حد المعقول في الزواج لانها فرحة العمر لك ولشريك الحياة وهو أي الزواج بداية لحياة كلها مصاريف ونفقات
لا اطيل عليك وأتمنى تقبل مرورى


تخريمة
في موضوع في منتدى الراكوبة بحكي عن الشروط التي تتحول الى تنازلات بسبب البورة وذهاب قطار العمر

[مهاجر في البلد]

أخي انا لااتفق معك في بعض الامور - لان الزواج بهذا الشكل لايحصل فيه استقرار - ممكن اكون في نظرة لمسألة المهور والتكاليف والتخلي عن كثير من الاشياء لكن لازم اكون في انفاق الى حد المعقول في الزواج لانها فرحة العمر لك ولشريك الحياة وهو أي الزواج بداية لحياة كلها مصاريف ونفقات
لا اطيل عليك وأتمنى تقبل مرورى


تخريمة
في موضوع في منتدى الراكوبة بحكي عن الشروط التي تتحول الى تنازلات بسبب البورة وذهاب قطار العمر

الاخ الرائع صاحب الحروف الجميلة ناجي
مما لا شك فيه ان الشاب اذا كان عاطلا عن العمل وماذال الصرف عليه مستمر فاننا لا نوافق ان نزوجه لانه بذلك لن يستطيع ان يفتح بيتا فيه نفقات يومية كما ذكرت ... ولكن ان نجعل للزواج شرط بان نصرف عليه لانه فرحة العمر لك ولشريك الحياة فهذه النقطة مع اعتذاري لك نقطة ليست ذات مغزى
فانت تعلم كما يعلم الجميع ان الذي يبيع الماء او يبيع اشياء بسيطة يمكنك ان تشتري منه عمل شهر دون ان يؤثر في ميزانيتك فانه بهذه البساطة يتزوج ويعيش سعيدا ...
الشرط في الزواج يمكن ان يكون شخص يتحم المسئولية اخلاقه عالية له باب رزق وعنده امل بان الرزق سياتي مع كل مولود جديد فان المولود له رزقه المكتوب كما للزوجة رزقها ولك انت رزقك
يجب ان لا ننظر الى الامور بمنظار اليوم بل ننظر اليها من كل الزوايا
حتى لو كان الشاب من اصحاب الاموال والاعمال الكبيرة فيجب ان لا يسرف ولا يتزوج زواج بزخ لان النعمة سريعة الافول والدنيا لا تفضل على حال واحد
والنية اهم شيء في كل الاعمال

مع خالص ودي وتقديري

[الفرح المهاجر]

زحتى لا نضطر الى جلبها من الهند ( جمال , شعر , لون , قوام , دين ) اتمنى من اخواتنا ان يراجعن انفسهن ومن امهاتنا ان ييسرن امر الزواج

[align=center]اصلو العرس بالفاتحة يا ناس ما حلاااااااااااااااااااااااااااااال[/align][/color][/b][/u][/color]

[align=center]انا عندى صحبى ومعى فى الدوحة متزوج
هندية من حيدر اباد والله ماشاء الله عليهم
حلوين واولادهم حلوين واقل مهرا
الزول دا اتزوج بى شئ بسيط وابسط مماتتخيل
والله اليوم عايش اسعد انسان[/align][/size]

[ناجي عثمان عبد الرازق]

الاخ الرائع صاحب الحروف الجميلة ناجي
مما لا شك فيه ان الشاب اذا كان عاطلا عن العمل وماذال الصرف عليه مستمر فاننا لا نوافق ان نزوجه لانه بذلك لن يستطيع ان يفتح بيتا فيه نفقات يومية كما ذكرت ... ولكن ان نجعل للزواج شرط بان نصرف عليه لانه فرحة العمر لك ولشريك الحياة فهذه النقطة مع اعتذاري لك نقطة ليست ذات مغزى
فانت تعلم كما يعلم الجميع ان الذي يبيع الماء او يبيع اشياء بسيطة يمكنك ان تشتري منه عمل شهر دون ان يؤثر في ميزانيتك فانه بهذه البساطة يتزوج ويعيش سعيدا ...
الشرط في الزواج يمكن ان يكون شخص يتحم المسئولية اخلاقه عالية له باب رزق وعنده امل بان الرزق سياتي مع كل مولود جديد فان المولود له رزقه المكتوب كما للزوجة رزقها ولك انت رزقك
يجب ان لا ننظر الى الامور بمنظار اليوم بل ننظر اليها من كل الزوايا
حتى لو كان الشاب من اصحاب الاموال والاعمال الكبيرة فيجب ان لا يسرف ولا يتزوج زواج بزخ لان النعمة سريعة الافول والدنيا لا تفضل على حال واحد
والنية اهم شيء في كل الاعمال

مع خالص ودي وتقديري

أخي الفرح المهاجر
هذه الامور التي نحدثت عنها أشياء ضرورية وتقييمية لطالب الزواج فالمهر يمكن ان يبسط ولكنه قائم وهناك من الامور (شئ من عاداتنا) لابد منها لإرضاء من تود النسب منهم
- لا اقصد المبالغات حينما قلت أنه لابد من الصرف والانفاق أكثر من أني اريد الاشارة الى ان هذه الاشياء تتطلب شئ من المال
- انا متاكد تماما أن هذه الاشياء لايقاس بها الرجال بل يقاسون بالاخلاق والدين وعلاقاتهم بالاخرين
- ماأريد توصيله هو أن هذه الامور امور تقيمية أكثر
لك التحية أخي الفرح المهاجر

[مهاجر في البلد]

[align=center]انا عندى صحبى ومعى فى الدوحة متزوج
هندية من حيدر اباد والله ماشاء الله عليهم
حلوين واولادهم حلوين واقل مهرا
الزول دا اتزوج بى شئ بسيط وابسط مماتتخيل
والله اليوم عايش اسعد انسان[/align][/size]

الاخ الفرح المهاجر

لهذا السبب نطلب من اولياء الامور والاخوات ان يفكروا جيدا
فالعمر محدود السنين .. ولا فقرا يدوم ولا هناء
هي الايام كما شاهدتها دول من سره زمن سائته ازمان
التوكل مطلوب مع القيل من الاجتهاد في طلب الرزق
لذلك يجب على كل شاب وشابة لديهم ما يسد رمفم يومهم ان يتوكلو على الله

فلو تزوج كل شبابنا من الخارج من يتزوج اخواتنا
اسأل الله تعالى ان يوفق الجميع لما فيه الخير

[الدغري]

لك التحية ود الفضيل ....... الزواج ومشاكله .............. الناس بتكبر العملية ........ لكن والله هي بسيطة جدا .......... كما جاء في الحديث أقلهن مهرا أكثرهن بركة ............... أما الزواج من خارج السودان كما له محاسنه له مساوئه .............. وصدقني مهما تزوجت ما حتجد مثل المرأة السودانية ....... كما أن الرجل السوداني مختلف ومتميز ............ كذلك المرأة السودانية لها ألف والف مزية .............

[رفعتي في ديني]

لاحظتة كتييييييييييييييييييير انو اي عرس مشيتو وكان يعني مترف بي صورة مبالغة وما عارفة جابو ليها 70 مليون وشنووشنو
ينتهي بي
طاخ
الطلاق اول شئ يعني انا لمن اشيل من الراجل قولو 30 مليون واقوم اعمل عرسي في الصالة الذهبية والناس يقولو كان عرس مبالغة بيتفسد شنو
وبعدين 30 مليون دي ما هينة لكن بنات اليومين ديل عايشن فوق الواطة شوية وما دايرين ينزلو
والراجل بعد يدفع 30 مليون بيكون فضل ليهو شنو يعني يكون بقي علي الحديدة وياحليلك تاكلي عدس فطور وغدا وعشاء
ههههههههه
انا عن نفسي بفكر يكون مهري سورة البقرة وال عمران
ولو داير يدفع علي كيفو لانو بقي الموضوع بوبااااااااااااااااااار وبس
ويلا الله يوفق اي زول

[ودالفضيل]

الاخ ناجي والمهاجر الناس كلها ماواحد وانا بقيس بالمواطن البسيط او الموظف الصغير
والناس كلها ما اصحاب اعمال عشان تصرف الصرف البزخي دا وبعدين حتي العروس زاتها لو
بتفهم دا ما حقها ليه تخلي النسوان يضيعنو في الصالات والكلام الفارغ دا .
فالعرس في الاول هو اكمال لنصف الدين وهو نعمة حبانا بها الله سبحانه وتعالي
ليه ندخل فيها مالا يرضي الله .

[saare]

وحـــيـــاة الله الله يـــطول فى عمرك
ويكتر من امثالك على الفكرة الجميلة والحلوه كتير دي
وين ووين من ناس جيب وجيب وجيب
احسن تجيب ليك واحده بتخدمك وبتعبد ربها وتريح بالك

[saare]

لاحظتة كتييييييييييييييييييير انو اي عرس مشيتو وكان يعني مترف بي صورة مبالغة وما عارفة جابو ليها 70 مليون وشنووشنو
ينتهي بي
طاخ
الطلاق اول شئ يعني انا لمن اشيل من الراجل قولو 30 مليون واقوم اعمل عرسي في الصالة الذهبية والناس يقولو كان عرس مبالغة بيتفسد شنو
وبعدين 30 مليون دي ما هينة لكن بنات اليومين ديل عايشن فوق الواطة شوية وما دايرين ينزلو
والراجل بعد يدفع 30 مليون بيكون فضل ليهو شنو يعني يكون بقي علي الحديدة وياحليلك تاكلي عدس فطور وغدا وعشاء
ههههههههه
انا عن نفسي بفكر يكون مهري سورة البقرة وال عمران
ولو داير يدفع علي كيفو لانو بقي الموضوع بوبااااااااااااااااااار وبس
ويلا الله يوفق اي زول

ماتنسى الزول الداير يعرسك بى سورة البقرة بيجي واكيد حيلاقى رجال البيت يعني ماحتكوني انتى فى نصهم وبرضو اكيد الوالد او الوالده او الاخوان هيقولو البيت والسكن والعمل وكلام زي ده دايما ماتحسبيها من ناحيتك انت بس

[بعد الزمن]

يا حليل ايام زمان فى الزمن الجميل لو بتقول داير وااااااحده
ناس اهلها بجدعوها ليك من الحيطة , كانوا دايرين
السترة لى بناتهم
اما هسع لو ماشي تخطب كأنك ماشي تشتري عربية
تدخل فى مساومات مادية , والشيلة بتهد بدنك
والمهر بقسم ظهرك , والبعد العرس الدايانه
حارسليك الباب ما بتقتر تمرق ولا تدخل
بتكون ماشي من خور لى خور وبتتاوق
علشااااااااان زول منهم ما يشوفك
ويجى يطلع باقيك زاتوا اذا فضل فيك باقي
ليه ما تكون امور العرس حاجة ميسرة ومسهلة
وناس العروسة , ما يتحامقوا علشااااااان مصلحة
بنتهم , وبالطريقة ده ببقوا حجرة عثرة فى مستقبلها
وبعدين بدوها لى زول ستينى ولا سبعنى , بجهجه
حياتها, وتبقى ليهم فى رقبتهم , لازم يكون فيه
تراخي فى حكاية المهر والشيلة وتكون
حاجة فى متناول الجميع الميسور والمعسور

برمة :
العرس فى الهند , حاجة روعة , تجى وتشحن معاك طوالى , لا شيلة ولا غيروا
بس حق التذكرة , وكمااااااااان الهنود فى الجمال , حاجة ما داير كلام

وشكرا

[ودالفضيل]

يا حليل ايام زمان فى الزمن الجميل لو بتقول داير وااااااحده
ناس اهلها بجدعوها ليك من الحيطة , كانوا دايرين
السترة لى بناتهم
اما هسع لو ماشي تخطب كأنك ماشي تشتري عربية
تدخل فى مساومات مادية , والشيلة بتهد بدنك
والمهر بقسم ظهرك , والبعد العرس الدايانه
حارسليك الباب ما بتقتر تمرق ولا تدخل
بتكون ماشي من خور لى خور وبتتاوق
علشااااااااان زول منهم ما يشوفك
ويجى يطلع باقيك زاتوا اذا فضل فيك باقي
ليه ما تكون امور العرس حاجة ميسرة ومسهلة
وناس العروسة , ما يتحامقوا علشااااااان مصلحة
بنتهم , وبالطريقة ده ببقوا حجرة عثرة فى مستقبلها
وبعدين بدوها لى زول ستينى ولا سبعنى , بجهجه
حياتها, وتبقى ليهم فى رقبتهم , لازم يكون فيه
تراخي فى حكاية المهر والشيلة وتكون
حاجة فى متناول الجميع الميسور والمعسور

برمة :
العرس فى الهند , حاجة روعة , تجى وتشحن معاك طوالى , لا شيلة ولا غيروا
بس حق التذكرة , وكمااااااااان الهنود فى الجمال , حاجة ما داير كلام

وشكرا

بعد الزمن احييك علي المرور
الهنود مشهورين بالجمال الشعر واللون حتي الدين والاخلاق وطاعة الزوج
دي هي الحاجات المطلوبه في المرأة سيبك من التكشيرة وصرة الوجه مع الصباح
ولو ماجبت المطلوب ليلتك سوده ارجو من كل الشباب العاوز يعرس يفكر في الموضوع
دا كويس والمسألة ساهله جدا.....

[سودانية اصلية]

يسلمو ماقصرت