لغتنا السودانية ... ابدااااااااع

[ملاك الشوق]

السلام عليكم ورحمة الله وبركاته


يللا ياجماعة امبارح قعدتا "اتعاور" مع اخواني مرة نتكلم بالفصحى ومرة بالسوداني وبنقارن لانو الناس قدوونا قالوا انتو يالسودانيين كلامكم سريع ومابتفهم بسهولة المهم اتبرعنا ومسكنا القضية نحنا هههههههه ..




المهم ياجماعة الخير مايفوووتكم اكتشفنا اكتشاف عظيم ..
قال ليك السوداني لمن يتكلم بالفصحى بياخد وقت طويل ولما يتكلم بالعامية فهو بتكلم بي معدل 60 كلمة بالثانية نتيجة لتأثير الأملحة السودانية المتكررة والمترسبة مما يجعل اللسان "سريع النطق" طبعاً لسى ماحددنا الانواع لانو الدراسة ما انتهت .. هههههههههههه يمديكم عالعبقرية بس <<<

في حكاية الفهم واللغة فأنا بديكم جمل بالفصحى وبالسوداني وانتو احكموا براكم .. والبتعجبو يخلي 10 ريال وراهو ويتخارج ..



1/ أريدُ أن آكلَ شيئاً حُلواً .
* بدور آكُلِي شيتاً حِلُو ..
2/ خذي دفتري واكتُبي لي .
* هاك كراسي واكتْبِيلِـي فوقُو ..
3/ لاتتحدثي كثيراً
* ماتنقي ..
4/ لا أريدُ أن أحملَ كلَّ هذهِ الأوراق وحدي
* مادايره أشيل الورق ده كلو براي ..

ههههههههههههههه
وبس .. لحدي هسي
العندو زيادة يتحفنا يابشر
مشكوورين ..


ودي

[الضراع]

استودعك الله يااخي
ودعتك لي الله يااخوووووي

ماذا اصابك
مالك عندك شنو

احضر لنا الاكل فإنني اكاد ان اتقطع من الجوع
جيب لينا الاكل الجوع قطع مصارينا

ملاك الشوق
تقبلي مروري المتواضع
بوستك والله جميل شديد

[الشمالي]

بوست جميل بس ادينا فرصة ننجر ليك فيها بعض الجمل
ومشكوورة ملاك الشوق

[مرسال الشوق]

ثكلتك امك
اللية بكتلك
الي اين انت مسرع
ياخوي الشفقة تطير
أتينا غدانا
عوووك جيبوا اللكل
من هذا القادم نحونا
داك منو الجاينا دا
اغيثوووونا
الحقوووونا
وافجعتاه
كرررر علي

وفي رواية اخري
الليلة وووووب

[عمار ود الشرفه]

يرتابني بعض الخوف من هذا اليوم
الليله اليوم ده انا متجرس منو

لقد تشاجرت مع احد الاشخاص فذهبنا الي قسم الشرطه
امس كتمت فيني ورفعونا في الطاره

لقد سكنت بالقرب منا اسره لديهم ابناء ظرفاء وبنت في منتهي الجمال
رحلو جمبنا ناس عندهم اولاد ضارباهم مسخه شديده وبت نجاضه بس

لقد قمت بانشاء مشروع صغير ولم ينجح سوف اغادر هذه البلاد
الموضوع طرشق وانا متفكفك من البلد دي





موضوع روعه

[بحلم]

موضوع راااااااااااااائع يا ملاك اللغة السودانية
تسلمى ويعطيكى العافيه

كيف حالك الان
كيفك هسى

متى سوف تتزوج
ميتن بتعرس

انى انادى عليك يا اخى
بكورك عليك ياخى

حاجة بسيطه كدا وبجيكى تانى