السلام عليكم
كيف حالكم اعضاء منتدى ((انا سوداني))
-------------------------------------------------
انا سودانيه عايشه في السعوديه ..وعمري ما رحت السودان ...
حاليا ابغى ادرس الجامعه هناك....
بس ابغى اعرف ايش احسن جامعه وكيف النظام هناك يعني برسوم ولا لا...
لان ماعندي احد هناك اساله ...
وكيف سكن الطالبات ..وابغى اعرف كم النسبه الي تدخل كليه اعلام..
انا دخلت وسالتكم لاني اعتبرتكم اهلي وماراح تقصروا معاي...
ايش المطلوب مني لاني سمعت بيخسفو في الدرجات هناك ...وباذات اللي جاي من السعوديه...
حاليا هذي الاسئله اللي في راسي...
اتمني انكم ماتحرموني من المعلومات اللي عندكم...
اختكم ابتسام
] الأخت ابتسام
السلام عليكم .. وبعد
ما عليك الا الدخول على موقع الجامعات السودانية لمعرفة الكليات وكافة الشروط المطلوبة أو الدخول على موقع لجنة القبول للجامعات السودانية ,,
و الله الموفق]
من المؤسف نجد من وصلت المرحلة الجامعية ولم تعرف أو تتعرف على أهلها بالسودان
المعذرة هل أنت مقطوعة من شجرة؟؟ وين العم الخالة الجد ؟؟
أين الانتماء لقبيلة السودنييين ؟؟
لو كنت مدير التعليم العالي ما قبلت أمثالك ؟؟
لا تزعلي // علينا أن نواجه ونعترف بعيوبنا وعيوب أسرناالتي وفدت للغربة
عموما // هنالك ماهو ذنب منك وما هو ذنب على غيرك (تربية )
اسهل ما في الدنيا العودة للوطن ــ والدراسة أحسن من كل بقاع العالم ــ وافضل الجامعات بل الناس الطيبين أهلي الغبش ما احلى التواجد بينهم والعيش الكريم
كل ما عليك أن تعقدي العزم وكل ما يصعب عليك تجدي وطني الحل وبني وطن رماح مسددة في وجه كل مشكلة تواجههك أخو فاطمه موجود
اشكر كل من رد عليا...
بس كلامك يا اخ((النورس المهاجر)))
كثير منه ماله داعي يعني انا جيت استنجد فيكم...
وابشرك ماني مقطوعه من شجره ...لان كل اهلي من خوال واعمام..هنا في السعوديه...
واذا على التربيه ...وحب الوطن موجوده بس ماهي شعار انادي فيه....ياريت كل من جلس في بلده كان وطني ...كانت البلد بخير
اتمنى قبل ما تهاجمني وانت ماتعرفني ...تلتمس العذر ...لسودانيه مغتربه...
ياريت تفكر ليش اغلب السودانيين هاجروا للسعوديه ...وليش مايفكرو يرجعوا....
إنــــتي مع إحترامي ليك نصف عمرك ضايع
بس ممكن تعوضي وتعرفي انا كنت زيك بس مشيت
ورفته وهسي اموت وامشي السودان وما أجي نهائيآآ
احسن الجامعات الفي الخرطوم
ياجماعة ابتسام محتاجة لينا
ما عيب انو الواحد يسأل وما كل الناس عارفين انو الانترنت يوفر اي شيء وان الجامعات السودانية كلها لديها مواقع تفاعلية ... ربما لا تدرك الاخت وكثير غيرها لا يدرك ان الدراسة نفسها اصبحت عبر الانترنت والانتساب اصبح عبر النت بواسطة رقم لكل دارس
اخي النورس المهاجرحتى لو اننا اعتبرنا مثلا ان الاخت السائلة تريد فقط سؤالا ليس له معنى ولكنه اتى بمعنى
طيب لو احنا ردينا ليها رد منطقي واعتبرناها جاهلة بابجديات التقديم والمرور على المواقع
عادي ممكن نوجهها وبتوجيهنا لها ممكن يستفيد اخرون
ويكون المنتدى قدم خدمة تظل محفوظة حتى في محركات البحث الاخرى
اولا أختي ابتسام انتي تقدمي حسب مجالك ورغبتك واي جامعة لها مجموعة من الكليات والمدارس تحدد نسبة القبول بناءا على النسبة الاعامة للنجاح وهنالك جامعات خاصة لا تندرج تحت لائحة دليل القبول والجامعات الخاصة رغم انها قوية منهجا وانضباطا وامكانيات إلا انها بمبالغ طائلة مثلا الصيدلة في كلية الرازي والوطنية بمبلغ 10 الف جنيه اي ما يعادل 5 الف دولار سنويا لمدة خمسة سنوات وهنالك نفس الصيدلة في بعض الجامعات مثل جامعة الخرطوم وغيرها قد تدرسينها بدون فلوس وذلك حسب نتيجتك المتحصلة عليها بعد المعادلة
ولمعلومات اوفى ادخلى الى موقع القبول السوداني في الرابط ادناه الرابط
أعتذر وبشدة من الكلام الجارح بنيتي (ابتسام) انا ممن أنكوى بنيران الغربة وممن عايش مأسي الغربة لأبناء السودانيين لذا كنت أتمنى أن لا تكوني ضحية الإغتراب بنسيان الأهل والتكبر عليهم بل التكبر والكبرياء على الوطن ومن بالوطن وخوفي الأكبر من أنك لم تلجئي للوطن الإ محطة تعليمية فقط .
أتمنى ليك توفيق وتجديني أول الماديين إليك يهده للمساعد وخاصة أنني الآن قريبا سأستقر بالبلاد ولدي خبرات واسعة في مجااال التعليم العالي .
[
size=6]أتمنى السماح والمسامحة %%% وخدي زهرة رضا من أرض الجزيرة %%% وقطرات مودة من نيلنا العظيم%%% لكي خالص الأمنيات بالتوفيق والسداد %%%[/size]
Mr.NENO
اكيد فاتني نص عمري ..لاني بعيده عن وطني..
=============
مهاجر في البلد
شكرا اخوي على كلامك ...وتسلم على الرابط
=============
النورس المهاجر
اخوي النورس حصل خير...ومسموح دنيا واخره
السلام عليكم
كيف حالكم اعضاء منتدى ((انا سوداني))
-------------------------------------------------
انا سودانيه عايشه في السعوديه ..وعمري ما رحت السودان ...
حاليا ابغى ادرس الجامعه هناك....
بس ابغى اعرف ايش احسن جامعه وكيف النظام هناك يعني برسوم ولا لا...
لان ماعندي احد هناك اساله ...
وكيف سكن الطالبات ..وابغى اعرف كم النسبه الي تدخل كليه اعلام..
انا دخلت وسالتكم لاني اعتبرتكم اهلي وماراح تقصروا معاي...
ايش المطلوب مني لاني سمعت بيخسفو في الدرجات هناك ...وباذات اللي جاي من السعوديه...
حاليا هذي الاسئله اللي في راسي...
اتمني انكم ماتحرموني من المعلومات اللي عندكم...
اختكم ابتسام
ابغى أقصد داير أقولك في البداية أنا ما عارف الظروف الأحمتك من السودان شنو ؟؟ وبقول ليك من دون سؤال عن جامعات أحزمي حقيبتك وأكيد عندك (قرايب) في الوطن تنزلي عندهم فليس من سمع كمن رأى وهناك برااكي حتعرفي الجامعة الأنسب والوضع الأكثر مناسبة لك ..
وبالتوفيق يا ابتسام..
السلام عليكم :
اولا فى حاجة اسمها التسجيل العام وده فيه خصم لى الدرجات
وبدوكي اتسجلى اسم الكيلة والجامعة الدايره
ويسمحلك بأكثر من رغبة ويتم اختيارك على حسب درجات
والمقاعد المسموح بيها , وليس شرطا ان يتم قبولك
فى ولاية الخرطوم قد يكون فى احد اقاليم السودان
ثانيا التسجيل الخاص وده على حسابك مافيه خصم درجات
وده تمشى لى الكلية الدايرها وانت وحظك اذا لقتى
عندهم , مقاعد شاغرة لى ناس التسجيل الخاص
ثالثا :
فى الداخليات وتابعة للصندوق القومي لدعم الطلاب
وديل تقديم ليهم طلب لى السكن
الأخت ابتسام
السلام عليكم .. وبعد
ما عليك الا الدخول على موقع الجامعات السودانية لمعرفة الكليات وكافة الشروط المطلوبة أو الدخول على موقع لجنة القبول للجامعات السودانية
