رد واحد مشوكش

[زعيم القدار]

جايه تسالي عني تاني ترجعي الماضي وتردي
الف لا لا انا ما بعود عودي من دربك وصدي
وما بخافي عليكي حالنا في بعادك زاد وجدي
وإلا عزت نفسي تآبي عندي اسمي والله مدي
ويلا من دنياي عدي
اصلي دنيا الريد نسيتا وكم ورها انا ضقت شهدي
وقلبي عاهتنو ما اعشق واحبقي صادق فيهو وعدي
وما تقولي قليبي قاسي ما كتير مديت يدي
وكم هوت الخمسة احرف انتي درب الريد تسدي
ويلا من دنياي عدي
شوفي غيري اكيد بتلقي انا ما براي في الدنيا وحدي
يرضي بيكي تعزبيهو ويرضي بيكي محل تودي
لو تفكري ليكي ارجع انتي نجم الليل ده عدي
لو قدرتي حسبتي نجمو يبقي ارجع ليك بعهدي
ما خلاص جفت بحورك وتاني مركبك *** ما بـــــــــتعدي ويلا من دنياي عدي

[عبد الرحمن محمد عبد الرحمن الصقيرابي]

[بعد الزمن]

تسلم على الروعة
كلامات معبرة ولوحة فى غاية الجمال

[معتصم ودالهودى]

قصيدة ( أعذريني )
( لما اتذكر اسم الشاعر بجي اكتبو )

اعذريني ..
تاني مـا بقدر ارجّع زي زمان عمري وسنيني

لـو سؤالك عني قصدك إنو عـــاوزة تحـسسيني
اني لسـع في خيالك.. انتي برضك جوه عيني

ولسه في وجداني عايشه وباقيه فيهو تآنسيني
ليكي كل الـود مصفى وليـكي اشواقي وحنيني

وبرضو في ذاكـرتي لحظة انت جيتي تودعيني
وكنت بترجاك واقوليـك مرة واحده اسمعيني

أبقي في دنيايـا فرحـه وابقي للايـام مـعيني
وابقي انت الدنيا ذاتها وجيبي ريدك واصرعيني

ويلا نحيا نحـب بعضنا ونبقى نسرح في الاماني
وتـبقى كـل الدنيا فرحـه ونغـزل الامــال أغـاني

وكت بدفق في مشاعـري وسايل انهار ليك حناني
ونظـرتك كانت غـريبة وفيها كان اغـرب معاني

ولسه في يوم داك افكر وبرضي في الحسرات اعاني
وكلما حـاولت أهجـع الـقى طيفك قـام وجـاني

أعذريني ..
كنتي بالجد انت غايه ..
وكنتي في عيني آيه ..
وكنتي لى قلبي المكان الفيهو بتناسى الرزايا
وكنتي شاطئ للاماني وكنتي احلامي ومنايا

وفجـأة مـا لقيتك مـعايا ..
وبى وراك ضاعت خطايا ..
وتهت اعصر في مواجعي وفوق خشوم الناس حكايه

أعذريني ..
خـلي صورتـك تـبقى فـي عـيني مـكانا
وخلي قلبي يعيش عفافو اصلو بعدك تاه وعانى

وبى الفضل لى من كرامه تاني ما بحمل اهانه
ويبقى باقي العمر ماشي ويحكي للعشاق هـوانا
قصة من اجمل حـكاوي الريده كانت في زمانا

[معتصم ودالهودى]

أنا تعبتا خلاص من جورك انـت علـى
تزعل بدون اسباب ومن تانى ترجع لـى
خليك معاى واضح لا يبقـى قولـك نـى
يا انت ابقى معاى يا انتـى ماليـك بـى

[دلوعة النيل]

الاخ الغالي..
زعيم القدار..

لك خالص الشكر والتقدير على القصيدة الرائعة وعلى الكلمات الجميلة والمعبرة والعبارات المنمقة..
حقا ما أصعب أن تنثر عبارات الألم والأسى لحبيب قد تعلق قلبك بحبه في يوم من الأيام..

تقبل مروري..
مع ارق واجمل تحياتي..

[زعيم القدار]

الاخ عبده الصغير شاكرين علي المرور وتقبل تحياتي