ســـــــــــــــــوداني وافـتخـــــر

[زعيم القدار]

انا سودانى
صباح الخير علي الشباب
ماذا نكتب وماذا نقول في حق هذا الوطن الغالى يعجز اللسان عن القول عندما يجد نفسه امامه ........... فيه تحس بلأمان وفيه تحس انك انسان وفيه تستمتع بالحياه انه السودان أنه الوطن الذي قال فيه الشاعر الفذ ابراهيم ابنعوف


وطنى قبلك وقبل قبلك ولا غلابه
يلا ياتاريخ اقيف اسمع معاي ابداالكتابه
شوف بلدنا من البدايه ولى النهايه
من شروقا لا غروبا من شمالا ولا جنوبا
كل قريه كل مدينه تلقى بلدى على الهدايه
تلقى فى اللوح والمحايا فى الشرافا فى الدوايه
فى عداء صالحا يقيم الليل على الاقدام حفايا
فى ترانيم راعى بمزمارو يعزف وحولو سارحات السعايا
تلقا فى الدوبيت وقت يحكى ويشق الليل
مع ناسا مهود ليلا فوق ضهر المطايا
فى سماحه بت بلدنا الفى المكاتب فى المصانع وفى الفصول بهمه شاغلاها القرايه
بلدى سكسك لابسا مريم فى اضان كلتوم حجايا
وفى حنان اماّ مقالدى وليدا فى اللولايا
تقولو انشاء الله تكبر ياجنايا
فى كليمه الطيبه كلمه واشريرى وجيتا من وين ياعشايا
فى حنين اهلى الغبش اهل الدبارا اهل الدرايا
بلدى العفه والاخلاق وقيدا للرجال خناق
بلدى كرم يوشك من سحابه
ياهو ممنا ويانا منو ولا غلابه
يابلد عاشق ترابا من ترابك عشقى نابع
زينه فوق ارضك طبيعتك جنه الله بلا منازع
انت طيب ياحبيب طيبه فوق صدرك منابع
انتا توتيل انتا بركل راسى للقاصدك يضارع
ياتواريخ للحضاره وياحضاره كتابا ناصع
ويابطولاتا تجلجل فى العصور والمجد تابع
يجرى نيلك فو ق عديلك يسرى بالخير والمنافع
شافه جنات فوق صفاه وطيبه من عرق المزارع
ياسلام عند المغيرب سرب طير لوكعرو راجع
وغنت الانسام شجونك وصفق الموج البصارع
فى خريفك زاهى ريفك كاسيا خضرة وصيدو راتع
وفى البعيد حد ماتعاين حاضن السماء للمزارع
تلقى تربالا مشمر فى البرد والحر يضارع
وهسى ماشى على ديار وراضى بالقسمو الله قانع
من صفاتك جنب بناتك لبسن التهذيب مقانع
وبحياهن بى عفافن طششن عين المقامع
السميحات ياحلاتن يشبهن البدر طالع
فتحت زهرة صباهن عاشقن للحسره قارع
مرحبابك بشبابك شيبك الفى حماك يدافع
وشعب اصمد فى صدروا وسيفوا للفتنه راجع
ياوطن ليك التحيه من رجال جفت المضاجع
حيهم وعرف خطاهم ساعى للغيط والمصانع
ياحياتى زكرياتى ياهواي من قمت شافع
كم احبك وودى حبك لااجادل ولا امانع
ياوطن اهواك مخاطب ياوطن اهواك مسامع
ياوطن اهواك قضيه فيها خاصم وليها راجع

تحياتى

[عبد الرحمن محمد عبد الرحمن الصقيرابي]

اهلين بيك يا ملك

[نسيم الموج]

مشكور يازعيم على الكلام الحلو عن بلدك
لانو بالجد يستاهل كل الكلام او كلامك صح انو الواحد يعجز لسانه انو يعبر عن بلده
وانا بنصح اي سوداني مفكر يطلع بره بلدو ما يطلع لانو بيتعذب زي ما انا متعذبه بالشوق الى بلدي الحبيب
سودانا مافي زيو مهما كان
اسفه لاني هبطه ليكم معنوياتكم بس اعمل شنو ده كلو من الشوق
تقبل مروري اخوي زعيم

[بعد الزمن]

وطنى
انت روحى
انت حياتى
انت وجودي
انت نارك
لى جنة
على ترابك
احب ان ادفن

وطنى انت ابى وامى
انت كل شيء لى
بدونك انا مجرد نكرة


اشكرك اخى
على هذه الروح الوطنية
ودمتى بخير