بسم الله الرحم الرحيم
السلام عيكم ورحمة الله وبركاته
الاخوة الاعضاء الكرام والاخوات العضوات الكريمات
اردت ان اطرح عليكم موضوع بص الراكوبة ان شاء الله يعجبكم يلا نبدأ الرحلة اولاً نجهز الطريق الذ
ي نسلكة طريق مسفلت جديد لنج
توجد امجاد لتوصيل الشمار السريع
وبينما ينطلق البص الركاب ينظرون من بين الشبابيك ليستمتعو بالمناظر الخلابة وخضرة الاشجار
الناضرة ودي بتنفع مع ناس الانبراش المكسرين والمكسرات وداخل البص مشغلين اغنية للفنان الرائع
عثمان حسين وما بين الخضرة والاغنية والجكس( يسرح عمنا احمد يس الذي يمسك بعجلة القيادة ) ويقول
محدثاً نفسة (قالوا الزمن دوار يابسمة النوار ياريت تعود ايامنا ونكمل المشوار
ليها سنة بتقول لي خدني في حنانك والله رجال آخر زمن ما عندهم حنك سنين في زمنا ،،،، ما تجي
جكسوية طايرة كدة وتقول لي ياعمو احمد خدني انا كمان في حنانك علي راي المثل المتعوس متعوس ولو
يعلقو في راسو فانوس .
وما بين حديث عمو احمد يس لنفسة يقوم ينط لينا الكمساري بتاع البص اللي هو اخونا هندسسسسسه
هندسسسسسة : (يا فتاح يا عليم يا رزاق يا كريم) يلا يا استاذ ود الزوحي تذكرتك يا اخوي ما عندي ليك
زمن
ود الزوحي : بسم الله الرحمن الرحيم من بدايتة دفع كدي نشوف لي زقاق نتخارج احم احم يا هندسسسسه
كمساري زيك كدة قدر الدنيا ويقول ‘‘تذاكر‘‘ بتسكين الراء هذا لحن شنيع في حق اللغة العربية .
هندسسسسسة : لحن شنو ما تكون فاكرني احمد الصادق ولا محمود عبد العزيز بس ما تزعل اها تذاكرٌ
بضم الراء لحسن هيئة البص تفصلنا بكلامك الحلو ده .
ود الزوحي : هو انت كده يعني صلحتها يخرب بيتك وبيت العلمك اللغة انت كده شلفطت اللغة وشقلبتها بي
طريقتك دي ابن وكيع بزعل مني .
هندسسسسه : ابن وكيع ولا بن كلاكيع انت عايز تدفع ولا عايزني الكعك ليك بي عصاء في رويسك
الكبيرده واربطك في ضنب البص ده من ورا واجرك وما تلقي ليك زول يفكك
ود الزوحي : ياخ اصبر وخلي اخلاقك طويلة علي الاقل نفطر وبعدين نحاسبك كدي امشي علي الصف
بتاع الجكس المكركب داك عشان تلقي هناية التي اضمرت لها كل خل وباء وهي التي قال فيها الشاعر
اذا كان في البص هناية فلا تقترب لكي تنال وسامـــــــــــا
وميل عليها لأخذ اجراً وقول علي الدنيا الســــــــــــــــــلاما
اذا جاع بطني لست ادفع ولا يضيع وقتي في الكـــــــــــلاما
هندسسسسسسة :
حين اعود سوف تلقي من هندسسه ضرباً بالحزاما
لحدي ما يجو يلحقوك يلقوك دفعت الاجر بدراً تماما
هندسسسسه : (وهو يتقدم نحو كرسي نهاد)يارب يامسهل تذكرتك يا مرا
نهاد : مرا شنو يا ابو الشباب انت ؟؟ والله ده كلام كمان انا مدموزيل يعني آنسة يا استاذ انت اعمي ولا
شنو ؟؟
هندسسه : طيب يا مدموزيل آنسة ادينا قروشك لو سمحتي ياحنكوشة
نهاد : اصبر يا بلف انت لمن اطلع قروشي من الشنطة انت مستعجل كدة مالك التقول مودينا الجنة انت
فظيييييييييييع خالص
هندسسسسسه : الحمد لله اخيراً لقيت لي واحدة تعبرني وتدفع
وفي اللحظة دي تقوم تنط لينا مها كبيرة الشمشارات
مها : ولا يهمك يا نهودة حبيبتي انا بدفع ليك هو انا عندي زيك كم ( ثم تفتح شنطتها وتطلع المراية وتقعد
تعاين وتحرك وجهها يمين ويسار )
اسم النبي حارسني وصايني ايه الحلاوة دي ؟؟
شطة يا ناس شطة بلدي تنفع في ام فتفت بس
هندسسسسسه : يا ست مها خلصينا لا أم فتفت لا كمونية انا ما فاضي ليك البص ده مليان وخليك من
التوهان داخل المرايا ده
مها : آه يا هندوستي صبر مافي ( وترجع للشنطة للبحث فتجد قلم الروج وتنفرج اساريرها ) لقيتك يا
الاحمريكا لونك يجنن مش كده ؟؟ اها ده شنو كمان ( تطلع حجر من الشنطة وتعيدة بسرعة البرق لكي لا
يراها احد لكن من دون جدوي تقع عين اخونا هندسسسسة عليه )
هندسسسسسه : (وهو يغالب الضحك ) ده حجر بستخدموه لدعك الغشف من كعاب الرجلين كدي ورينا
تاني .
وهنا يقوم يجي عمو احمد يس
عم احمد يس : كدي ورينا علي راي المثل في الاعادة افادة
مها : (ترفض اخراج الحجر مرة اخري وتتعصب ) انتو سوفاج خالص ديك نهاد امشو ليها انا مالي ومالكم
هندسسسسسة : ارحمنا يارب ( ثم يلتفت الي نهاد )
نهاد : والله دي تعاسة ما بعدها تعاسة القروش دي هسي كانت هنا الشالة شنو معقولة الواحدة نظرها
يضعف بالسرعة دي ويبقي شيش بيش عيش كده ولا يمكن الشنطة دي فيها عفريت ؟
هندسسسسسة : هوي يا مرا فتشي كويس لسة الدنيا صباح والحرامية نايمين لسة ما صحو .
نهاد : هواء ينفخك ويطيرك بالشباك ما قلنا ليك قول آنسة يونسوك في الجحر قول اميين يعني عايزة اكلك
في حقك امشي لف كدة وتعال .
هندسسسسة : خلاص يا ستي بي راحتك
نهاد : (مقاطعة ) ستك بتاعة شنو يا كمساري السجم بعد الشر عني واسم الله علي وحواليا حابس حابس
امشي عامل نضارتك ذي قعر الكباية .
هندسسسسسة :اللهم طولك يا روح اها الليلة بنتظرك للصباح
وهنا يقوم يتدخل صاحب الحوش ود بنعوف
ودبنعوف : الاشكالية يا نهاد هي في العملة النقدية بركيزتها الورقية والمعدنية التي طرحتها الحكومات العلمانية والدول الحديثة كبديل للدينار والجنية الزمان ابو جمل كنا الواحد لمن يدهو جنية الصباح وهو طالع للمدرسة بشوفو قدر لوح الزنكي لكن تعالي هسي شوفي الجنية الحديث حلاوة سيما ما يجيبا الناس ديل عملوا لينا تصريفاتهم الملطوشة دي كدي امسكي الرابط ده اقصد الحبل ده اربطي بيه الشنطة دي علي الكرسي قبل ما يجيك فايروس اقصد حرامي ناطي يخطفه منك .
وفي هذه المنطقة الحبالية والرباطية تتلب هوبة
هوبة : يا راجل يا مكركب حتي في البص شايل معاك حبال يربطوك في كيبل كهرباء ويخلوك تشتغل
هزاز وما تلقي ليك خشبة تمسك فيها .
وهنا رغودة تنبرش
رغودة : هوي يا ست كركبة هوبة الراجل شايل الحبال ديل عشان لو البص ده اتعطل ولا وحل
يجرجرو بيها للاحكام ظروف وكده ( قلبت المثل ) .
عم صلاح : اها نجهتينا يا رغودة يا فالحة اللستك القدام انخرم لازم نشوف لينا محطة ولا استراحة قدام
نوقف فيها (عفواً البص واقف لمدة 15 دقيقة لأخذ النسخة الاحتياطية ) نغير اللستك ونركب النسخة
الاحطياطية الاسبير علي راي المثل المرا لمن تنبر بدري الخراب يجيك يجري والست لمن تركب البص
تخلي الرجال خس .
هندسسسسسة : الطف يا لطيف انا الليلة مالي الصابحني منو ؟؟
لا في كديسة سودا
لا حتة فارة ضكر
يارب غفرانك
ولا عتراض علي القدر
اعاين من حولي وافتكر
القي النتيجة تقول
وش الركاب عكر
وفي منطقة عكر وما كشر دي تجينا الاخت روينة
روينة : يا هندسسسسة نهي رسول الله صلي الله علية وسلم عن الطيرة والفأل السيئ . لا للتشاؤم يا
هندسسسسسة طول بالك
هندسسسسسة : يا روينة أختي الناس ديل ما خلوا لي صبر وده كلو من الفار مرقني من الجنة والحور
العين وركبني البص وخلاني ذي الحمالة بدون زير .
هندسسسسسسسه : يلا يا جماعة انزلو خلونا نغير الملعون ده مع انو مغيرنو قبل يومين لكن البص
مشحون شمارات والواح تلج
ركاب ما يدفعوا واللستك كمان انخرم
ان شاء الله لاترجعوا ولا توصلوا الحرم
وتلم فيكم عطشة وما تلاقو غير شربة كرم
من يد واحد خياط جزم يبيع نقيع الصرم
عم احمد يس : علي راي المثل قليل الحظ يلقي العضم في الكرشة
وبعد ذالك يقوم الركاب من مقاعدهم للنزول من البص المكركب ده ويندفعون الي الباب في سباق خاص
ومعافرة وخناق .
بكور : أي أي عفصتوني في رجلي انتو ما بتشوفو هسي رجلي دي لو اتكسرت دكتور واحد ما فيكم عشان
يعالجني
مجدي عكاشة : ولا يهمك يا بكور لو نأجر طيارة لازم نعالجك بس بعدين تدينا صوتك في الانتخابات ما
تنسي
محمد نعيم : ياجماعة الخير اهدو شوية كلنا ح ننزل وبعدين معاك يا بكور انت ما شايف البص ده كلو
دكاترة ودكتورات وممرضين وممرضات وشمشارين وشمشارات
هندسسسسسة :
ملعونة دي الدكترة
والخيبة والمنظرة
بالذمة يا عاقلين
مش رجعونا لي ورا ؟
هندسسسسسة : هوي انتو لسة بتعالجو في بكور قبل ما يتكسر هو الزمن ده فيه دكاترة علي الطلاق كلهم
مواسير انزلو سرعة ريحونا .
يـتبـــــع
السلام عيكم ورحمة الله وبركاته
الاخوة الاعضاء الكرام والاخوات العضوات الكريمات
اردت ان اطرح عليكم موضوع بص الراكوبة ان شاء الله يعجبكم يلا نبدأ الرحلة اولاً نجهز الطريق الذ
ي نسلكة طريق مسفلت جديد لنج
توجد امجاد لتوصيل الشمار السريع
وبينما ينطلق البص الركاب ينظرون من بين الشبابيك ليستمتعو بالمناظر الخلابة وخضرة الاشجار
الناضرة ودي بتنفع مع ناس الانبراش المكسرين والمكسرات وداخل البص مشغلين اغنية للفنان الرائع
عثمان حسين وما بين الخضرة والاغنية والجكس( يسرح عمنا احمد يس الذي يمسك بعجلة القيادة ) ويقول
محدثاً نفسة (قالوا الزمن دوار يابسمة النوار ياريت تعود ايامنا ونكمل المشوار
ليها سنة بتقول لي خدني في حنانك والله رجال آخر زمن ما عندهم حنك سنين في زمنا ،،،، ما تجي
جكسوية طايرة كدة وتقول لي ياعمو احمد خدني انا كمان في حنانك علي راي المثل المتعوس متعوس ولو
يعلقو في راسو فانوس .
وما بين حديث عمو احمد يس لنفسة يقوم ينط لينا الكمساري بتاع البص اللي هو اخونا هندسسسسسه
هندسسسسسة : (يا فتاح يا عليم يا رزاق يا كريم) يلا يا استاذ ود الزوحي تذكرتك يا اخوي ما عندي ليك
زمن
ود الزوحي : بسم الله الرحمن الرحيم من بدايتة دفع كدي نشوف لي زقاق نتخارج احم احم يا هندسسسسه
كمساري زيك كدة قدر الدنيا ويقول ‘‘تذاكر‘‘ بتسكين الراء هذا لحن شنيع في حق اللغة العربية .
هندسسسسسة : لحن شنو ما تكون فاكرني احمد الصادق ولا محمود عبد العزيز بس ما تزعل اها تذاكرٌ
بضم الراء لحسن هيئة البص تفصلنا بكلامك الحلو ده .
ود الزوحي : هو انت كده يعني صلحتها يخرب بيتك وبيت العلمك اللغة انت كده شلفطت اللغة وشقلبتها بي
طريقتك دي ابن وكيع بزعل مني .
هندسسسسه : ابن وكيع ولا بن كلاكيع انت عايز تدفع ولا عايزني الكعك ليك بي عصاء في رويسك
الكبيرده واربطك في ضنب البص ده من ورا واجرك وما تلقي ليك زول يفكك
ود الزوحي : ياخ اصبر وخلي اخلاقك طويلة علي الاقل نفطر وبعدين نحاسبك كدي امشي علي الصف
بتاع الجكس المكركب داك عشان تلقي هناية التي اضمرت لها كل خل وباء وهي التي قال فيها الشاعر
اذا كان في البص هناية فلا تقترب لكي تنال وسامـــــــــــا
وميل عليها لأخذ اجراً وقول علي الدنيا الســــــــــــــــــلاما
اذا جاع بطني لست ادفع ولا يضيع وقتي في الكـــــــــــلاما
هندسسسسسسة :
حين اعود سوف تلقي من هندسسه ضرباً بالحزاما
لحدي ما يجو يلحقوك يلقوك دفعت الاجر بدراً تماما
هندسسسسه : (وهو يتقدم نحو كرسي نهاد)يارب يامسهل تذكرتك يا مرا
نهاد : مرا شنو يا ابو الشباب انت ؟؟ والله ده كلام كمان انا مدموزيل يعني آنسة يا استاذ انت اعمي ولا
شنو ؟؟
هندسسه : طيب يا مدموزيل آنسة ادينا قروشك لو سمحتي ياحنكوشة
نهاد : اصبر يا بلف انت لمن اطلع قروشي من الشنطة انت مستعجل كدة مالك التقول مودينا الجنة انت
فظيييييييييييع خالص
هندسسسسسه : الحمد لله اخيراً لقيت لي واحدة تعبرني وتدفع
وفي اللحظة دي تقوم تنط لينا مها كبيرة الشمشارات
مها : ولا يهمك يا نهودة حبيبتي انا بدفع ليك هو انا عندي زيك كم ( ثم تفتح شنطتها وتطلع المراية وتقعد
تعاين وتحرك وجهها يمين ويسار )
اسم النبي حارسني وصايني ايه الحلاوة دي ؟؟
شطة يا ناس شطة بلدي تنفع في ام فتفت بس
هندسسسسسه : يا ست مها خلصينا لا أم فتفت لا كمونية انا ما فاضي ليك البص ده مليان وخليك من
التوهان داخل المرايا ده
مها : آه يا هندوستي صبر مافي ( وترجع للشنطة للبحث فتجد قلم الروج وتنفرج اساريرها ) لقيتك يا
الاحمريكا لونك يجنن مش كده ؟؟ اها ده شنو كمان ( تطلع حجر من الشنطة وتعيدة بسرعة البرق لكي لا
يراها احد لكن من دون جدوي تقع عين اخونا هندسسسسة عليه )
هندسسسسسه : (وهو يغالب الضحك ) ده حجر بستخدموه لدعك الغشف من كعاب الرجلين كدي ورينا
تاني .
وهنا يقوم يجي عمو احمد يس
عم احمد يس : كدي ورينا علي راي المثل في الاعادة افادة
مها : (ترفض اخراج الحجر مرة اخري وتتعصب ) انتو سوفاج خالص ديك نهاد امشو ليها انا مالي ومالكم
هندسسسسسة : ارحمنا يارب ( ثم يلتفت الي نهاد )
نهاد : والله دي تعاسة ما بعدها تعاسة القروش دي هسي كانت هنا الشالة شنو معقولة الواحدة نظرها
يضعف بالسرعة دي ويبقي شيش بيش عيش كده ولا يمكن الشنطة دي فيها عفريت ؟
هندسسسسسة : هوي يا مرا فتشي كويس لسة الدنيا صباح والحرامية نايمين لسة ما صحو .
نهاد : هواء ينفخك ويطيرك بالشباك ما قلنا ليك قول آنسة يونسوك في الجحر قول اميين يعني عايزة اكلك
في حقك امشي لف كدة وتعال .
هندسسسسة : خلاص يا ستي بي راحتك
نهاد : (مقاطعة ) ستك بتاعة شنو يا كمساري السجم بعد الشر عني واسم الله علي وحواليا حابس حابس
امشي عامل نضارتك ذي قعر الكباية .
هندسسسسسة :اللهم طولك يا روح اها الليلة بنتظرك للصباح
وهنا يقوم يتدخل صاحب الحوش ود بنعوف
ودبنعوف : الاشكالية يا نهاد هي في العملة النقدية بركيزتها الورقية والمعدنية التي طرحتها الحكومات العلمانية والدول الحديثة كبديل للدينار والجنية الزمان ابو جمل كنا الواحد لمن يدهو جنية الصباح وهو طالع للمدرسة بشوفو قدر لوح الزنكي لكن تعالي هسي شوفي الجنية الحديث حلاوة سيما ما يجيبا الناس ديل عملوا لينا تصريفاتهم الملطوشة دي كدي امسكي الرابط ده اقصد الحبل ده اربطي بيه الشنطة دي علي الكرسي قبل ما يجيك فايروس اقصد حرامي ناطي يخطفه منك .
وفي هذه المنطقة الحبالية والرباطية تتلب هوبة
هوبة : يا راجل يا مكركب حتي في البص شايل معاك حبال يربطوك في كيبل كهرباء ويخلوك تشتغل
هزاز وما تلقي ليك خشبة تمسك فيها .
وهنا رغودة تنبرش
رغودة : هوي يا ست كركبة هوبة الراجل شايل الحبال ديل عشان لو البص ده اتعطل ولا وحل
يجرجرو بيها للاحكام ظروف وكده ( قلبت المثل ) .
عم صلاح : اها نجهتينا يا رغودة يا فالحة اللستك القدام انخرم لازم نشوف لينا محطة ولا استراحة قدام
نوقف فيها (عفواً البص واقف لمدة 15 دقيقة لأخذ النسخة الاحتياطية ) نغير اللستك ونركب النسخة
الاحطياطية الاسبير علي راي المثل المرا لمن تنبر بدري الخراب يجيك يجري والست لمن تركب البص
تخلي الرجال خس .
هندسسسسسة : الطف يا لطيف انا الليلة مالي الصابحني منو ؟؟
لا في كديسة سودا
لا حتة فارة ضكر
يارب غفرانك
ولا عتراض علي القدر
اعاين من حولي وافتكر
القي النتيجة تقول
وش الركاب عكر
وفي منطقة عكر وما كشر دي تجينا الاخت روينة
روينة : يا هندسسسسة نهي رسول الله صلي الله علية وسلم عن الطيرة والفأل السيئ . لا للتشاؤم يا
هندسسسسسة طول بالك
هندسسسسسة : يا روينة أختي الناس ديل ما خلوا لي صبر وده كلو من الفار مرقني من الجنة والحور
العين وركبني البص وخلاني ذي الحمالة بدون زير .
هندسسسسسسسه : يلا يا جماعة انزلو خلونا نغير الملعون ده مع انو مغيرنو قبل يومين لكن البص
مشحون شمارات والواح تلج
ركاب ما يدفعوا واللستك كمان انخرم
ان شاء الله لاترجعوا ولا توصلوا الحرم
وتلم فيكم عطشة وما تلاقو غير شربة كرم
من يد واحد خياط جزم يبيع نقيع الصرم
عم احمد يس : علي راي المثل قليل الحظ يلقي العضم في الكرشة
وبعد ذالك يقوم الركاب من مقاعدهم للنزول من البص المكركب ده ويندفعون الي الباب في سباق خاص
ومعافرة وخناق .
بكور : أي أي عفصتوني في رجلي انتو ما بتشوفو هسي رجلي دي لو اتكسرت دكتور واحد ما فيكم عشان
يعالجني
مجدي عكاشة : ولا يهمك يا بكور لو نأجر طيارة لازم نعالجك بس بعدين تدينا صوتك في الانتخابات ما
تنسي
محمد نعيم : ياجماعة الخير اهدو شوية كلنا ح ننزل وبعدين معاك يا بكور انت ما شايف البص ده كلو
دكاترة ودكتورات وممرضين وممرضات وشمشارين وشمشارات
هندسسسسسة :
ملعونة دي الدكترة
والخيبة والمنظرة
بالذمة يا عاقلين
مش رجعونا لي ورا ؟
هندسسسسسة : هوي انتو لسة بتعالجو في بكور قبل ما يتكسر هو الزمن ده فيه دكاترة علي الطلاق كلهم
مواسير انزلو سرعة ريحونا .
يـتبـــــع
