صفحة من خواطري

[اطياف الخريف]

اليوم ليس يوما عاديا فها قد اقتطعت لكم صفحة أخرى من خواطري المتواضعة لتقرؤها معي....

وهي بعنوان"صمت الذهول"...


ما أكبرها وأعظمها من صدمة عندما تنهار العلاقة بينك وبين صديق العمر وتكتشف انك لم تكن تعني له شيئا بينما كان يعني لك الكثير....

وما أسوءها من ساعة تلك التي يرميك بكلمات لم تكن تعتقد يوما انه سيقولها لأعدائه ويتركك وسط نظرات الذهول والحيرة حيث تكون (ويا للعجب) أنت المقصود بكلماته....


يا للمأساة !!......انه هو !!


انه نفس الشخص!!.......نفس الملامح!!


لقد تغير الزمان........ وتغير المكان.......وبقيت أنت كما أنت.......



ولكن لم يبق من صديقك إلا الصورة...وبعض ملامح من صداقة كانت قد ملأت الكون!!!




هنا وهنا فقط تتذكر (متأخرا) قول الشاعر:
..احذر عدوك مرة واحذر صديقك ألف مرة..
..فلربما انقلب الصديق فكـان اعلم بالمضرة..




هاهي ذي الصفحة الثانية أهديها لكل من يقرأها ومازال نبضي من القلب يبوح بعبق من الحب الصادق الذي ينبعث عبر أحرف أسمائكم التي لا زالت تتناثر بين السطور..

[مهاجر في البلد]

الاخت اطياف الخريف

خـــواطرك جميلة رغم نبرة الحزن الواضحة فيها
غير اني التمست فيها صدقا واخلاصا نابع من القلب الصادق

لا أسفا على صديق او حبيب جاءت به الايام وذهب مع اول نسمة ومع اول اختبار حقيقي للصداقة او الحب فكثير منا لا يدري ماذا تخبيء له الايام

في انتظار المزيد من خواطرك الرائعة

[اطياف الخريف]

الاخت اطياف الخريف

خـــواطرك جميلة رغم نبرة الحزن الواضحة فيها
غير اني التمست فيها صدقا واخلاصا نابع من القلب الصادق

لا أسفا على صديق او حبيب جاءت به الايام وذهب مع اول نسمة ومع اول اختبار حقيقي للصداقة او الحب فكثير منا لا يدري ماذا تخبيء له الايام

في انتظار المزيد من خواطرك الرائعة

اخي تسلم على المرور الرائع
لكن مالحزن الا في القلب !!

[الهنوف]

[align=center]خييتو اطياف الخريف
ابداع لاحرمنا هالتواصل الطيب منك
يعطيك الف عافيه
ننتظر جديدك الاحلى
تقبل تواجدي وودي[/align][/b]

[اطياف الخريف]

[align=center]خييتو اطياف الخريف
ابداع لاحرمنا هالتواصل الطيب منك
يعطيك الف عافيه
ننتظر جديدك الاحلى
تقبل تواجدي وودي[/align][/b]

مشكووووورة على المرور الكريم

[اطياف الخريف]

الليلة قطعت صفحة لكن المرة دي قصيدة ....
اتمنتى تعجبكم الكلمات دي " تاليف على السريع لي عيونكم "

القصيدة بي عنوا ن / قلبي الكبير
قلبي الكبير في حضرتك اصبح مليان شقوق...

كان لي العيون برضو مليانة شوق...

وكل الحواس شاعرة بي حبة فروق...

حتى النظر ما بيميز بين تحت وفوق ...

يدي في عز البرد تلمس حروق...

عاشق جمالك وكل الحروف ...

تشهد تقول سكة هواك مليانة خوف ...

على اي حال في الغد نشوووف ...

وين تودينا الظروف ...

نتفارق او نتجمع نصبح الووف ...

اتمنى انها تعجبكم
تحياتي

[عصافير الخريف]

روعة في الكلمات مشكورة كتير اختي اطياف
عاشق جمالك وكل الحروف ...

تشهد تقول سكة هواك مليانة خوف ...

على اي حال في الغد نشوووف ...

[اطياف الخريف]

روعة في الكلمات مشكورة كتير اختي اطياف
عاشق جمالك وكل الحروف ...

تشهد تقول سكة هواك مليانة خوف ...

على اي حال في الغد نشوووف ...

يسلمووووووووووو
شنو الغيبة الطويلة دي

[loayabdalla]

حليل زمان وايام زمان يوم كنا ياحنين حنان
بس غيرك انت الزمان ياريت بقيت زيك كمان
لو مره واحده على قسيت انا اتنسيت ياناس خلاص لمونى فى سكة خلاص


كلماتك رائعة مع كل التقدير

[هاشم أحمد خلف الله]

لقد تغير الزمان........ وتغير المكان.......وبقيت أنت كما أنت.......



ولكن لم يبق من صديقك إلا الصورة...وبعض ملامح من صداقة كانت قد ملأت الكون!!!




.

في هذين المقطعين حكمة بالغة جداُ
ليته يقرأ ويتعلم من الأيام كما قال الشاعر
الجميل إسحاق الحلنقي

بتتعلم من الأيام مصيرك بكره تتعلم
وتعرف كيف يكون الريد وليه الناس بتتآلم

[اطياف الخريف]

ها انا قد جئت من ضبابية الغياب الى منتداكم الالق
واعزرونى ان طال الغياب

سأتبعثر ها هنا

سأنهمر بكل نواحي الدنيا كما نهلت من شهد الحب حد التورد

سأنثر الفوضى العارمة بكل زخمها السرمدى

غاليتى تعالى نطلق البلابل ونحرر الاريج الاسير بين
مسام النرجس

علنى انهل عافية الوقوف وانسج متعة التفرد

وانا ارتعش وسط صقيع اشواقى اليك

كالمطر اسقي و اروي

وانت كالعطر تعطي و تُبقي

ايهما أكرم انتي ام انا

عطرى ام مطرك مطرى ام عطرك لا ادرى
واخر المطاف كلنا بحر انتشاء

[اطياف الخريف]

اليوم احببت ان اقطع صفحة اخرى من خواطري
اتمنى ان تعجبكم

اليوم قصيدة بعنوان/[align=center]الحب عذاب

[/align][/B]

مرات اقول انا عايزة اعيش من غير قلب
خلاص عليك اعلنت يا قلبي الحرب
انا كم جرعت المر كتير ولقيتو جد ما بنشرب
ابعد بعيد يا قلبي وافضل تغترب
*******
انته جد ما ليك مكان بين الضلوع
لبستني الاحزان دروع
اوعك تفكر تاني فى الحب واوع تتمنى الرجوع
حبيت كتير وانا ايه جنيت غير الندم
جواي كان امال كتير والحب انهدم
انا عايز احس يوم بالامان
حتى الامان قلبي اتعدم
**************
لو جاني احساس يوم احب ماعايز احب
لو حتى كان فى الحب ده روحي بيهو دواي
ماعايز احب وخلاص كفاية على جروحى وعايز اعيش يا قليب براي
ياروحي افضل ليك تروحي بد يشيل الحب وروحي
***********
شكلك بديت والله تدق يا قلبي تاني
اوعك تصدق يا قليب للحب معاني
تفرح دقايق وبالسنين تفضل تعاني
احلفك بالمولى يا قليب بس عشاني
اوع يوم ترجع تحن للحب ده تاني
الحب كتل والله جد جواي اماني
الحب نسيتو سنين طويلة هو ما نساني ؟؟
انا لو اموت افضل ما عايز احب والله تاني
ولو بنى الحب لي قصور بدل المباني
*******
شكلك بقول والله حنيت ليهو شديد
يا قليب كمان فرحان وحاسي بجد سعيد
ما بخدعك يا قلبي جد فكرت فيهو
لقيتو جد انسان عظيم كان عايز الاقيهو
واجبي نحوك اقنعك ما تشتهيهو
لو عاود الجرح النزيف منو البداويهو
والله يا قليب ليك جد والله بريد
وانا بنصحك الحب وعيد
وبحذرك تحذير شديد
اوعك تريد
اوعك تحن .. واوعك تلين
الحب عذاب .. الحب انين
الحب دا لو كان وين .. وين
انا مستحيل بيهو استعين
هو عمرو ما كان لي معين

تحياتي

[اطياف الخريف]

وينكم ما اديتوني رايكم

[العمده2]

*******

ما بخدعك يا قلبي جد فكرت فيهو
لقيتو جد انسان عظيم كان عايز الاقيهو
واجبي نحوك اقنعك ما تشتهيهو
لو عاود الجرح النزيف منو البداويهو
والله يا قليب ليك جد والله بريد
وانا بنصحك الحب وعيد
وبحذرك تحذير شديد
اوعك تريد

يا اختى اطياف بدون اى مجامله طبعا
انتى بجد مشروع شاعره مبدعه وذات احساس
رهيف وخيال واسع 0 واصلى واوعك من الملل
الله يعطيكى الف عافيه

[اطياف الخريف]

[quote="العمده2"]*******

ما بخدعك يا قلبي جد فكرت فيهو
لقيتو جد انسان عظيم كان عايز الاقيهو
واجبي نحوك اقنعك ما تشتهيهو
لو عاود الجرح النزيف منو البداويهو
والله يا قليب ليك جد والله بريد
وانا بنصحك الحب وعيد
وبحذرك تحذير شديد
اوعك تريد

يا اختى اطياف بدون اى مجامله طبعا
انتى بجد مشروع شاعره مبدعه وذات احساس
رهيف وخيال واسع 0 واصلى واوعك من الملل
الله يعطيكى الف عافيه

[/quote

يعطيك الف عافية اخي العمده سلمت يداك

[اطياف الخريف]

الليلة قطعت صفحة تانية وهي برضو قصيدة

بعيشك زي صباح العيد

فرح ممزوج بغنوة ريد

واشوفك في عيون الناس

جمال في اصلو راقي فريد

واشيل من ريدم احساسات

اعيشا براي غنا وتغريد

ومناي انا كل صباح يطلع

يكون شايل معاه جديد

ويسرح عقلى يمشي بعيييييد

وتصدح بي مناها الروح

اريتو صباحك انتا سعيد

صباح نديان

بهي وتريان

وبي صوت المحنة ملان

ينادي سماحة الدنيا ويقول للناس

صباحكم زين

صباح النور على الغالييين

صباح سكر

دهب صافي ويمين اندر

طعم قهوة وعطر صندل

صباحك كلو اشراقات

ومن كل الجمال اجمل

[اطياف الخريف]

يلا ادوني رايكم سريييييييع