ياراجل الحنة ما شالت

[رءوف]

لقيتو قاعد جنب باب الشقة حقتو.. جنبو انبوبة غاز.. متفن في واطة الله.. سلمت عليهو.. ازيك يازول.. مالك قاعد هنا؟.. عاين لي..
وهو ياشر بايدو للشقة.. وقال الشقة مقفولة وانا ما عندي مفتاح.. المفتاح جوا.. اصلها محاسن قاعدة
جوا.. لكن متحننه.. وما دايرة
تقوم تحوم وتخرب حنتها.. قالت لي انتظر لحدي ما الحنة تشيل.. واخرطها.. وبعدين اجي افتح لك
الباب.. اهه انا حسي قاعد وراجي
الحنة تشيل.. لكن يا خوي الحنة بتشيل في كم ساعة؟.. عاينت ليهو.. وكلي شفقة على هذا الزوج
الأليف.. الوديع.. الذي ابدع الفكي
بتاع محاسن.. في ان يخلق منه نعجة.. وقلت ليهو.. والله يا اخينا شيّل الحنة ومدتو بيعتمد على عوامل
كتيرة.. لكن اهمها.. نوع الحنة..نوع المحلبية او الصبغة..
انتهيت من نضمي وشرحي الوافي عن العلاقة المعقدة بين شيّل الحنة والمدة الزمنية لذلك وعاينت
ليه.. لقيتو الهم باين على وشيهو..
وعلى وشك ان يزرف الدمع الثخين.. قال لي.. تعرف الحنة نمرة واحد جايانا مخصوص من الدامر..
والمحلبية ميسو الاصلية.. محاسن
ما قاعدة تستعمل صبغة عندها حساسية الله يحفظها ويغتي عليها من عين الناس.. و بطن كرعين
محاسن صلاتي علي النبي.. جضوم ليلي علوي ...ويدين محاسن تحلف تقول خدود نانسى عجرم
وداخلات في سفنجة.. قلت ليهو يعني بي نضمك دا حنتها عشان تشيل دايره لها تلاتة ساعات.. وانا ماشي
الشغل.. كيف الحل؟.. قلت ليهو.. طيب يا اخي كلمها..
وخليها تفرتق الحنة وتقوم تفتح لك الباب.. عاين لي وبانزعاج وغضب.. نهرني لمن نطيت.. يا ود انت
ماك نصيح..؟ داير حنتها تخرب.. وتطلع شينة..
والنسوان يقعدن يتقارصن ويتونسن فيها؟.. يا اخوي كل شي ولا زعل حسونتى دي.. ان شاء الله
يرفدوني.. بس هي حنتها تطلع سمحة.. واتلفت على باب
الشقة وقعد يكورك.. يا محاسن .. محاسن.. ما شالت؟.. وجاء صوت من الداخل.. وكأنو صوت
عسكري في الحركة.. وبحدة شديدة.. قالت ليهو.. يشيلك التمساح..ياراجل ماشالت
ما قلنا لك لسه.. كرهتني الحنة زاتها يا اخي.. زولي هنا.. قعد يبلع في ريقو.. ويضحك.. وعاين لي
وقال.. والله.. الله يهديها بس.. عصبية خلاص.. الا طيبة واللهِ..وحنينة
لملمت بعضي.. ونزلت وانا ما مشيت تلاتة خطوات الا واسمع اخونا يغني.. ويدندن:
اخووك ياريا اخووك وقت الخيول ادبكن
اخوك ياريا اخووك وقت الرماح اتشبكن
ضحكت وقلت هههههههع رجال اخر زمن

[محمد نعيم]

اها كان تتصل عليهو يمكن لسا مصنقر في السلم.................
والله موش كان حنة كان بعملوا ليها في عملية تجي تفتح الباب.
عقبالك يا رءووف تلقى واحدة متل دي

[مزاهر]

والله ضحكنتي شديد والمفروض الراجل يكون عنده مفتاح وهي تكون خاته الحنة

[رءوف]

اها كان تتصل عليهو يمكن لسا مصنقر في السلم.................
والله موش كان حنة كان بعملوا ليها في عملية تجي تفتح الباب.
عقبالك يا رءووف تلقى واحدة متل دي

ابرا واستبرا
معقولة نصبر الوقت دة كلو وفى النهاية نبقى كدة
بس عاوز اسال هل فى رجال مثل هذا الزوج وماذا يقول عنهم المجتمع
طبعا لازم الزوج يقدر احتياجات زوجتو مهما كانت بالنسبة له هو
اشياء بسيطة لكن فى نظر المراة اشياء مهمة ويجب التعامل معها
بطريقة حضارية

[رءوف]

والله ضحكنتي شديد والمفروض الراجل يكون عنده مفتاح وهي تكون خاته الحنة

الاخت مزاهر اشكر لك مرورك وانشاء الله دائما ضاحكة
بس السؤال لو الزوج ماعندو نسخة من المفتاح
ولو كنتى انتى الزوجة كيف بيكون تصرفك فى حالة زى دى

[القلب الملك]

هههههههههههههههههههه


لو بتعمل كدا ،،، يكون دا آخر يوم تتحنن فيه ،،،

الله يورينا زمنك يا أوفا ،،،

[رءوف]

هههههههههههههههههههه


لو بتعمل كدا ،،، يكون دا آخر يوم تتحنن فيه ،،،

الله يورينا زمنك يا أوفا ،،،

حبيبى ,,,, بصراحة ,,,هى الحنة والزينة دى لى منو ؟؟
مش لزوجها ... طيب ليه نمنعها حاجاتها الخاصة
ولو ما اتحننت تقولو عليها مبشتنة

زمنى انا الله بس اجيبو
والله لو تتحنن لى فوق راسى رضيان

[معتبر]

اوفا
الظاهر بديت تقدم تنازلات


ولا عيونك اتعودك علي النقوش الطبيعية
( الوريد الباين)
ما تسمعوا كلامو دا

[رءوف]

اوفا
الظاهر بديت تقدم تنازلات


ولا عيونك اتعودك علي النقوش الطبيعية
( الوريد الباين)
ما تسمعوا كلامو دا

ابو سن ,,, كيفنك
ياخى عاوز افهم بس الكلمتين ديل ( الوريد الباين ,,, النقوش الطبيعية)

بصراحة مش مسالة تنازلات ولا حاجة
لكل مقام مقال انا بتكلم عن الزوج لم يتزوج

مش عنقالى زينا كدة ههههههه

[معتبر]

ابو سن ,,, كيفنك
ياخى عاوز افهم بس الكلمتين ديل ( الوريد الباين ,,, النقوش الطبيعية)

بصراحة مش مسالة تنازلات ولا حاجة
لكل مقام مقال انا بتكلم عن الزوج لم يتزوج

مش عنقالى زينا كدة ههههههه

حبيبنا رءوف
خلي خيالك واسع
الوريد الباين لما يكون لون البشرة فاتح الوريد بظهر بوضوح بدون ما نقعد نفتش عليهو
والنقوش الطبيعية لما يكون كعب القدم نضيف وابيض والدم جاري
عليهو بكون جميل ومنظرو كالنقوش
الظاهر كدا بكون الكلام واضح


مودتي ياغالي

[القلب الملك]

حبيبى ,,,, بصراحة ,,,هى الحنة والزينة دى لى منو ؟؟
مش لزوجها ... طيب ليه نمنعها حاجاتها الخاصة
ولو ما اتحننت تقولو عليها مبشتنة

زمنى انا الله بس اجيبو
والله لو تتحنن لى فوق راسى رضيان

مشكلتنا ما في الحنة ،،، ممكن الواحد يعملا ويرسما ويهندسا،،،


المشكلة في الوقت والظرف ،،،

[رءوف]

حبيبنا رءوف
خلي خيالك واسع
الوريد الباين لما يكون لون البشرة فاتح الوريد بظهر بوضوح بدون ما نقعد نفتش عليهو
والنقوش الطبيعية لما يكون كعب القدم نضيف وابيض والدم جاري
عليهو بكون جميل ومنظرو كالنقوش
الظاهر كدا بكون الكلام واضح


مودتي ياغالي

ايوا عرفت الوريد الباين
لا خلاص نوسع خيالاتنا تانى يا انت
بس انت عسل

[رءوف]

مشكلتنا ما في الحنة ،،، ممكن الواحد يعملا ويرسما ويهندسا،،،


المشكلة في الوقت والظرف ،،،

يعنى الوقت طاير ؟؟
ممكن تمشى سيارتك تولع ليك سجارة وتجى
او تقول ليها خلاص شغلى المروحة وختيها جمب كرعيك
عشان الحنة تنشف بسرعة
يعنى فى مليون حل

[مهاجر في البلد]

هههههههههههههههههه
والله يا رءوف ضحكتني وخليتني في المكتب اضحك ومعاي ضيف افتكرني بضحك فيهو اتعقد وطلع

قت لي
اخووك ياريا اخووك وقت الخيول ادبكن
اخوك ياريا اخووك وقت الرماح اتشبكن
كم بكيت وكم قشيت دموع الببكن

انا خايف بعد ما الحنة تشيل ومحاسن تفسخا تقوم تقول لي اصبر النديها مسحة بي زيت السمسم دا
واخلي الهواء اضربا شوية - محاسن دي حكومة

لكن يا ابو الرا
والله روعـــة و قوية قوية قوية

[عمار جبارة]

بخلي انبوبة الغاز جنب الباب
وبمشي لي مشوار كده
ولحدي ما اجي بتكون حنتا شالت
وراح تفتح لي الباب
وحا اكون شايل ليها هدية معاي
والكرت را يكون فيه ثلاث كلمات فقط طالق .. طالق .. طالق وبس ....

[رءوف]

هههههههههههههههههه
والله يا رءوف ضحكتني وخليتني في المكتب اضحك ومعاي ضيف افتكرني بضحك فيهو اتعقد وطلع

قت لي
اخووك ياريا اخووك وقت الخيول ادبكن
اخوك ياريا اخووك وقت الرماح اتشبكن
كم بكيت وكم قشيت دموع الببكن

انا خايف بعد ما الحنة تشيل ومحاسن تفسخا تقوم تقول لي اصبر النديها مسحة بي زيت السمسم دا
واخلي الهواء اضربا شوية - محاسن دي حكومة

لكن يا ابو الرا
والله روعـــة و قوية قوية قوية

ههههههههههههههه ههههههههههههع
مهاجر يا خى انشاءالله 24 ساعة مبسووووط يا مان
انا اسف لى صاحبك ههههههههههه
يازول زيت سمسم شنو انت كمان هسع يجوووك ناس زوبة وياسمينا يقولو عليك
من العصر الحجرى زى ما قالو لى انا ههههههههههههههع
احلى حاجة لم قعد يغنى اغانى الحماسة دى وقعد يتشكر
ويطمن نفسو انو راجل قوى وشهم
ههههه وهو الباب ما دايرين يفتحوهو ليهو
وهو شايل انبوبة الغاز وقاعد قدام الباب زى الشحاد هههههههههههههههع


لكن بى صراحة لو مرتى سمحة والله اقعد طوالى
والعجب لو عندى تسالى

مايسمعنى كمان عصافير الخريف
قبل كدة كمان قال لى انت ح تكون خاتم فى اصبع مرتك
هههههههههههههههههههههعخخخخخخخخخخخخخخخخع

[امال الناس]

هههههههههههههههههههههههههه دي مرة تمام الله يدك واحدة زيها يا رؤف

[أبو صديق]

الأخ رؤوف بالجد ده حال كتيييير من الناس ولكن بصور مختلفة غير الحنّة ههههه
وأسمح لي بالقصة دي وموضوعك كدا
لم تعد الزوجة إلى بيتها ذات ليلة ... وفي اليوم التالي قالت لزوجها أنها كانت نائمة عند صديقة لها ..! إتصل الزوج بأفضل عشر صديقات لزوجته
فأنكر الجميع رؤية زوجته تلك الليلة

الصداقة بين الرجال

لم يعد الزوج لبيته ذات ليلة ... وفي اليوم التالي قال لزوجته أنه كان نائماً عند صديق له.....! إتصلت الزوجة على أفضل عشر أصدقاء للزوج ..

ثمانية منهم أكدوا أنه كان نائماً

عندهم .. وإثنان أقسما أنه لا يزال عندهم

كذا الرجال والا بلاش

أهل فزعة دايما حتى ولو ما عارفين حاجة

[مهاجر في البلد]

ههههههههههههههه ههههههههههههع
مهاجر يا خى انشاءالله 24 ساعة مبسووووط يا مان
انا اسف لى صاحبك ههههههههههه
يازول زيت سمسم شنو انت كمان هسع يجوووك ناس زوبة وياسمينا يقولو عليك
من العصر الحجرى زى ما قالو لى انا ههههههههههههههع
احلى حاجة لم قعد يغنى اغانى الحماسة دى وقعد يتشكر
ويطمن نفسو انو راجل قوى وشهم
ههههه وهو الباب ما دايرين يفتحوهو ليهو
وهو شايل انبوبة الغاز وقاعد قدام الباب زى الشحاد هههههههههههههههع


لكن بى صراحة لو مرتى سمحة والله اقعد طوالى
والعجب لو عندى تسالى

مايسمعنى كمان عصافير الخريف
قبل كدة كمان قال لى انت ح تكون خاتم فى اصبع مرتك
هههههههههههههههههههههعخخخخخخخخخخخخخخخخع

الضيف ما مشيت لحقتو في الاستقبال تحت ... وشرحت لي وقريتو الموضوع

والله يا رءوف الواحد بقى خايف من الحتة دي خوف شديد
اسي اخوك عامل زي الاسد المربعن والتمساح العشاري
وكلمتي زي السيف وعندي بت خالتي دائما بتقول لي انتي عشان طولة لسانك دا حا تجيب ليك واحدة توريك النجوم عز الضهر وتلبسك خاتم
اسي ضربت ليها تلفون وقت ليها


اخووك ياريا اخووك وقت الخيول ادبكن
اخوك ياريا اخووك وقت الرماح اتشبكن

والمشكلة تقوم تجي شينة وتحكمني حكم قرقوش
الله يستر وتجي بت الخالة تقول اخوي ياريا ...

[رءوف]

الضيف ما مشيت لحقتو في الاستقبال تحت ... وشرحت لي وقريتو الموضوع

والله يا رءوف الواحد بقى خايف من الحتة دي خوف شديد
اسي اخوك عامل زي الاسد المربعن والتمساح العشاري
وكلمتي زي السيف وعندي بت خالتي دائما بتقول لي انتي عشان طولة لسانك دا حا تجيب ليك واحدة توريك النجوم عز الضهر وتلبسك خاتم
اسي ضربت ليها تلفون وقت ليها


اخووك ياريا اخووك وقت الخيول ادبكن
اخوك ياريا اخووك وقت الرماح اتشبكن

والمشكلة تقوم تجي شينة وتحكمني حكم قرقوش
الله يستر وتجي بت الخالة تقول اخوي ياريا ...

انت فى دة وكان شفت انا بعملو لى شنو فى البيت تستغرب
وخاصة شقيقاتى ههههههههههههههع تصدق بس منتظرين
يشوفو زوجتى دى شكلها ح يكون كيف ..طبعا اخوك
دائما بقول ليهم انا زوجتى فى الارض مابتمشى

الاخت الكبيرة دائما تقول لى والله انا خايفة
بى شلاقتك دى تجيبها لينا ريالتها سايلة
شوف بالله الحسادة دى ..يعنى حتى الاخوات ما عاوزين
الاخ اجيب زوجة اجمل منهم

بس داير اقول ليك حاجة
الزوجة كان بقت سمحة

احم احم



الرجالة تطير
واخوووووك يا عازةةةةةة