اتخيل نفسك وفجأة كدا بقيت أب او بقيتي ام....!!
في زات الظروف ونفس الاوضاع بي كل طبائعك وتصرفاتك الحالية....
يعني الشباب مثلا...
بترجع البيت متي مادير.وبتساهر مع اصحابك لحدي.... من الزمن في الشارع
ومدور ليك سجارة بي مزاااااااااج في نص الحوش.وتصحي الساعة....بعد منتصف النهار
وقبل ماتفتح كويس تطمن علي كيس( السفة) تحت السرير وفي ناس بختو تحت المخدة عااااااادي
غير مبالين بمايلحق من اضرار. وتصلي الصبح بالتلتلا وبعد زمنو طبعا.وصلاة الجمعة طواااليي
شايلاك نومة
والبنات شالغين...
_ والله انا بعمل ليكم أي حاجة بس ما ادخل المطبخ.الكلام دا( للحاجة) طبعا.
_وياامي انا الليلة عندي محاضرة متاخرة ما ح أجي بدري.واصلا لافي محاضرة لا حاجة في حفلة بي
( احمد الصادق) راااااااابة
_ والونسة كلها وشك مااااالغة بتعملي لي شنو وريني..؟
-وابوي اوووعك تقول لي امشي ناس عمتك (فلان) لابريدا هي ولا بناتا العاملات ذي ال... ديل.
_خلونا من دا وادوني قروش دايرة هدوم لي بداية السمستر
دا تصور بسيط جدا لي واقع (امهات واباء المستقبل)والمفروض انهم ح يربو اجيال صالحة للمجتمع
بتفتكرو انو منهم رجا....؟
والله ياربي الاولاد البقومو يلقو امهم وابوهم عاملين كدا ح يطلعو كيف...؟
ام ان مسؤلية الامومة ولابوة مسؤلية لم نعد جديرون بحملها؟
وكيف كان اباءنا وامهاتنا وهم في مثل سننا هذة لنراهم جديرون بكل هذا الاعجاب الان؟
ولاانتو رايكم شنو..................؟
إذا كان الآباء والأمهات جديرون بالإعجاب فكان أولى الأبناء يكونوا كذلك.
ما ذكرتي من مظاهر سالبة للشباب والشابات كل على حدة. من أين جاءوا بها؟ ممكن يكون من الآباء أنفسهم. أو ممكن يكون من عوامل خارج نطاق الأسرة مثلاً مجتمع المدرسة أو الجامعة أو الأصدقاء...الخ.
والحالتين مسئول عنها الآباء لأنهم ممكن يسيطروا عليها بمجرد ظهورها على أبنائهم من مرحلة الطفولة وما يليها من مراحل كل حسب.
ولكن في المقابل الكثير من الشباب والشابات يعرف أن هذه مظاهر سالبة ولن تُفلح عندما يكون هو رب الأسرة. بكون واضع في الاعتبار أنه لما يتزوج ح يتغير. وطبعاً التغيير في البداية بيكون صعب.
عشان كدة الشاب أو الشابة أحسن يبتدي يغير الحاجات السالبة وهو عارفها ومدركها تماماً في نفسه ولا يربط التغيير فقط مع اقتراب مواعيد الزواج.
وفي الواقع كلما يبتدي الشاب في التغيير للأحسن ويظهر بالشخصية المسئولة هو بكون أقرب للزواج ويلقى فرصة في الزواج ، سواءً الشاب أو الشابة.
(مش مرات بنسمع والله البت دي ما شاء الله ست بيت أريتها لولدي )
أما إذا لم يسعى للتغيير والاتجاه نحو المسئولية فقد يتأخر النصيب . وإن لم يتأخر سيجد صعوبة مستقبلاً في التغيير وقد يورث هذه السلوكيات لأبنائه. ناهيك عن أنه يكون ما شايف داعي للتغير في الأساس.
مشكورة [fot1]نورة[/fot1] على الطرح الهادف وهو ما عهدناه في كل أطروحاتك.
احب احيك (معتز) علي مبدرارتك السباقة في كافة المواضيع...
حقيقي يامعتز كلامك معقول بس الاباء والمهات ديل العليهم ماشوية هم تعبو فيك وربوك علي اساس انك وصلت مرحلة تقدر تميز فيها الصاح من الغلط وتصنع تجربتك في الحياة بي نفسك
لكن في كمية من الشباب بيخزلو اهلم حتي بتلقي الابو مستقرب يقوليك الولد دا جاب العمايل دي من وين؟ دي ماتربيتي...؟
بعداك يامعتز انت الواحد بكون كبر وبقي راجل قدر ابو ولسة محتاج يزكرو بي انو والله مفروض تبطل سجاير عشان صحتك وعشان لو لقيت واحد من اولادك بعمل كدا بابترضي
ولا مفروض تحسن ايمانياتك لانك في يوم من الايام ح تكون قدوة واولادك ح يتعلمو كل الصاح والغلط وح تكون مرجعية لي قيم وتفاصيل كتييييرة تانية
والا اشكاليات صلة الرحم وعلاقاتنا بي اهلنا البقت بمثابة اعباء الا يلزوك ليها لز عشان تمش
نحن فعلا محتاجين نربي روحنا اول عشان نقدر نربي اجيال
في إعتقادي الشخصي فيما ذكرتي ماممكن الشخص فينا
يواجه حياه جديده ومجتمع جديد بنفس الطباع عندما يكون لاتوجد لديه مسؤوليه غير نفسه
فالبتأكيد الواحد فينا بكون مقدر كون إنو دخل مساحه أكبر للمسؤليه وأصبح يمثل كيان مستقل
حامل معه مجموعه من المسؤوليات والأشخاص للوصول بهم لبر الأمان .
وبعدين في مبادئ بتكون مزروعه في زاتنا من أهلنا صحيح بتجينا فترات بنحب التمرد على صفات
معينه لكن بتبقى المبادئ المحرك الأساسي البنلجأ ليهو لتقويم مسار حياتنا بالرغم من أي نوع من التمرد
أي فترة بتتمتع بخواصها وأساليبه( وهنا نجد مشاكل الزواج في سن مبكر لعدم إيفاء كل فتره حقها
فيؤدي لإختصار بعض ممرات الحياه التي يحتاجها الإنسان لصقل معدنه )
فعموما أعتقد المقارنه مافيها تكافؤ وماعادله في جعل الصفات قبل هي نفسها
في موضع بعد فلابد من الموازنه بين التصرف قبل و بعد وبين كونك
فرد إلى كونك جماعه فالطبيعه البشريه تجبلك على التغيير ليحدث التكافؤ.
وبالتأكيد لابد من المرور بفترة عجز لعدم توقع حجم المسؤوليه إلا بعد دخولها فعليا
لكن في النهايه بالتعاون والمشاوره يمكن التقليل من آثارها السالبه.
وبعدين يانوره أهلنا برضو مانالوا الجداره والإعجاب الكبير ده إلا بعد ماخاضوا في تجارب
وبرضو بعض أنواع التمرد إلى أن وصلوا مرحلة الإستقرار والإكتفاء الذاتي.
يعني يانوره لسا الناس فيها رجا وبرضو حقدروا يتحملو المسؤوليه طالما أصولنا مازالت بخير.
بس قولو خير
والله أعلم........ لاأدري أ أصبت الحديث أم كنت خارج نطاق الحوار ولكن يظل رأي وقابل للتغيير
زي كأني اتكلمت كتير وعذرا للإطاله وتسلمي على الموضوع
هو ممكن فعلاً لما تشوف شباب الأيام دي ... بتتبادر الأسئلة الزي دي في بالك
طيب اذا كانو الشباب ديل كدة بكرة المستقبل حيكونو ابنائهم كيف ؟؟؟
بس انا بشوف انو الواحد كل مايتقدم في العمر .... عقلو بيتفتح ... ومداركو بتتوسع
يعني بتغير ... يعني انا لما اشوف تصرفات بت عمرها 15 سنة هسي وبعد 10 سنة
قدام ... حلقاها بقت اعقل واتغير فيها كتير .... ودة نتيجة ... العمر ... الظروف ... الناس
البيقابلوها .... وغير كدة الواحد لما يكون عندو طفل .... بمجرد انو حس بشعور الابوة
اكيد حيغير حاجة في نفسو .. وحيحاول يكون قدوه ليهم ..... انا خالي زمان كان بيدخن .. وقدر
ماحاولنا معاهو ماخلاها .. ولما بقى عندو اطفال ... اظنو راجع حساباتو وحسبها صح .. وخلى
التدخين ... وفي واحدة صاحبتي تصرفاته تصرفات اطفال ولا جايبة خبر للدنيا ... اتزوجت صغيرة وعمرها 17 وهسي وهي عمرها 22 وعندها طفلين ... اتغيرت تغير جذري بقت قمة العقل وقمة
الرزانة وخلت كتير من العادات والطبايع السيئة الكانت فيها ... والأمثلة كتير ....وكتير مابنسمع
اعترافات من الناس الكبار انهم كانو في فترات شبابهم .... صعبين بسبعد مرور السنين وبعد بقى
عندهم اسرة مسؤلين عنها ....اتغيرو وأهم قدامنا هسي قدوة لينا ... المهم المباديء المزروعة في دواخلنا
لدي الشباب الشرقي عامة والشباب السوداني خاصة مفهوم عجيب
وهي انه طالما لم يتزوج فهو يجب ان يتصرف بطيش
فتجد الفرد منهم كثيرا ما يتصرف بلا مسئولية ولكن الشاهد ايضا انهم كثيرا او غاليا من يتحملون المسئولية بدافع شخصي حيانا وبدافع الظهور امام المجتمع وبضغط منه حينا اخر وهذا لا ينفي انه حينا قليلا ما يغلب طبع المرؤء محاولة تطبعه
حقيقي ما اكذب عليك
اعشق جدا الحرية رغم مرارة .. الوحدة
فموضوع تخيل انى اب .. موضوع جميل للغاية .. فبخليني حاليآ اقدر اشكل الطفل دة زى ما انا عايز او اخلية يحدد معالم شخصيتة من خلال التجارب الممكن يخوضها ..
دور الاب فى السودان او المجتمعات الاخري
دور الاب كما اتعودنا فى تربيتنا ان هو الحامي وهو القانون وهو الدولة والرئيس .. اما المتابع الاساسي لمسيرة التربية والاخلاق والرعاية الصحية فهو بيكون فى عاتق الام ... واذا انهار واحد من الاتنين فبالتأكيد ممكن يحصل خلل فى التربية ..
المجتمع الشبابي اليوم
ماعايز اقول ان متهور او طائش لاني فى حد زاتي جزء من المجتمع دة
لكن ما فى مقارنة ما بين شباب اليوم وشباب الامس .. فعشان كدة ما بقدر اقارن .. ما بين الاب وابنو فى السلوك ..
لان الرجل بيكتسب شخصيتو من التجارب والذكريات والاحداث البتمر بية خلال فترة تحولو من مراهق لى شاب .. الاحداث التاريخية كانت بتقدر تخلق من المراهق مسئول .. فبعضهم بيصرف علي البيت وبيتحمل مسئولية اخوانو وهو شاب .. وبعضهم بيحقق نجاحات علي مستوى عملو او دراستو .. لان الخدمات فى الوقت داك الغريب انها كانت موفرة ..
والسوق بيستوعب الجميع .. وكاانت العطالة او المراهقة او الطيش ( عيب ) كبير فى المجتمع عشان كدة كان الشاب فى الزمن داك بيكون حريص علي ان يكون مسئول ..
اما الليلة الطيش او العطالة او التهور .. ما عيب .. بالعكس المجتمع ذات نفسو بيساعد فيك عشان تكون مراهق حتي سن 30 .. وغير مبالي للتحولات المن حولك .. وكمان بتلقي العديد من الشباب يقتسمو معك الاحساس باللامبالاه .....!!
فموضوع اوجهه الشبه ما بين الاب وابنو بالنسبة لى معدومة .. تحديدآ فى مجتمعنا دة
اما انى اتخيل انى اب ..
فحكاية جميلة خالص .. وما اقدر احدد هل حكون مسئول
ام غير مسئول .. لان المسئولية سلوك بتحددو الظروف المحيطة بيك
والشخصية البينظر ليك بيها الاخرين ..........!!
مجدي..
الاحساس بالابوة او اللامومة بلاشك هو احساس جميل واعتقد انة من الاشياء التي لا تحتمل الوصف يقدر ماتصدقها التجرية
الدور الاداري للاب والاشرافي للام هو واقع اغلبية المجتمعات
اختلف معك تماما في كون ان اللامبالاة والطيش اصبحت (ماعيب) قد تكون تتم بتحريض اجتماعي ولكن دعنا نقول (نسبي) وان وجدت المحفزات الاجتماعية فيطل الفرد مخير مابين الطيش اون يصبح اكثر مسؤلية والإ انطبق علينا القول:
نعيب زماننا والعيب فينا ومالزمننا عيب سوانا
سمسم...
والله عبارة انو ا(لواحد بتجيهو فرات بيحب التمرد علي مبادئ معينة د)ي انا معاك فيها مية المية
اناشخيصيا مريت بي فترات عصيبة ذي دي واعتقد انها كانت من أخصيب الفترات اكثر المراحل الاستفدتا منها وطالما كانت المرجعية للمبائ فا تخيل لي الواحد مامكن تجيو عوجة
شايفة في روح تفائل كدا عامة والناس مطمنة لي انو الزمن كفيل
والله يطمنكم ونقول ياراااااااااااااب
اتخيل نفسك وفجأة كدا بقيت أب او بقيتي ام....!!
في زات الظروف ونفس الاوضاع بي كل طبائعك وتصرفاتك الحالية....
يعني الشباب مثلا...
بترجع البيت متي مادير.وبتساهر مع اصحابك لحدي.... من الزمن في الشارع
ومدور ليك سجارة بي مزاااااااااج في نص الحوش.وتصحي الساعة....بعد منتصف النهار
وقبل ماتفتح كويس تطمن علي كيس( السفة) تحت السرير وفي ناس بختو تحت المخدة عااااااادي
غير مبالين بمايلحق من اضرار. وتصلي الصبح بالتلتلا وبعد زمنو طبعا.وصلاة الجمعة طواااليي
شايلاك نومة
والبنات شالغين...
_ والله انا بعمل ليكم أي حاجة بس ما ادخل المطبخ.الكلام دا( للحاجة) طبعا.
_وياامي انا الليلة عندي محاضرة متاخرة ما ح أجي بدري.واصلا لافي محاضرة لا حاجة في حفلة بي
( احمد الصادق) راااااااابة
_ والونسة كلها وشك مااااالغة بتعملي لي شنو وريني..؟
-وابوي اوووعك تقول لي امشي ناس عمتك (فلان) لابريدا هي ولا بناتا العاملات ذي ال... ديل.
_خلونا من دا وادوني قروش دايرة هدوم لي بداية السمستر
دا تصور بسيط جدا لي واقع (امهات واباء المستقبل)والمفروض انهم ح يربو اجيال صالحة للمجتمع
بتفتكرو انو منهم رجا....؟
والله ياربي الاولاد البقومو يلقو امهم وابوهم عاملين كدا ح يطلعو كيف...؟
ام ان مسؤلية الامومة ولابوة مسؤلية لم نعد جديرون بحملها؟
وكيف كان اباءنا وامهاتنا وهم في مثل سننا هذة لنراهم جديرون بكل هذا الاعجاب الان؟
ولاانتو رايكم شنو..................؟
نورة ... بالغتِ ف رسم الصورة
خليتيني اراجع كلام كنت بكتب فيه لي just rambling ... وح اترجمه وانزلو ف افتح قلبك .. شان خاطر كلامك ده ..
كلام معتز وسمسم وياسمينة ومجدي كلو في محلو .. وانتِ أخدت خلاصتُه في الآخر ,,,
القوّم شعر جلدي في الصورة الرسمتيها دي انها واقعية جدا ,, مع بعض التفاوت في الأسلوب ..
كدي يا نورة انا بمشي واجيك أقعد مع بتي اشوف طبظاتي قدر شنو... بلحيل شاغلتيني يا بنية ...
لخمتوني ...
كل سنة وانت طيبين وعاقلين ... وامهات وآباء مستقبليين بإذن الله
إذا كان الآباء والأمهات جديرون بالإعجاب فكان أولى الأبناء يكونوا كذلك.
من أين جاءوا بها؟ ممكن يكون من الآباء أنفسهم. أو ممكن يكون من عوامل خارج نطاق الأسرة مثلاً مجتمع المدرسة أو الجامعة أو الأصدقاء...الخ.
والحالتين مسئول عنها الآباء لأنهم ممكن يسيطروا عليها بمجرد ظهورها
عجبنى جدا سطرك القلت فيهو "ممكن يسيطروا فيها بمجرد ظهورها"
انا حتى الان بستغرب من حاجة كدة بقت متفشية جدا بتتقال من الاباء والامهات عموما: "اولاد الزمن ديل برى منهم شقيين شقاوة "
لاحظت ان شقاوة الاطفال اصبحت تنسب للزمن وليس لاسلوب التربية
واصلا الخلل الرئيسى راجع للتربية فى المقام الاول ولطريقة تعامل الوالدين معهم منذ الصغر
"ياجماعة غالبية المشاكل البتجى من الابناء مرجعها الاول للوالدين"
يستحيل يكونو اب او ام جديرين بالمسؤلية ويصعب عليهم حل مشاكل الابناء
مشكلتنا ياسادة انو الغالبية العظمى بتجهل اسلوب التربية
بتربى على طريقة"ياكل... يشرب... ينوم... يدرس... يلبو ليهوا طلباتوا ... يشتغل ..يعرس وممكن وارد ينقل الفلم ده لاولادو"
ولما تحصل مشكلة او سلوك غير سوى من الابن او البنت تنسب المشكلة للمجتمع او الاعلام او حتى الاصدقاء"دى ممكن تحصل لكن بتكون السيطرة بسهولة اذا كانت العلاقة بين الابن والوالدين فيها نوع من الصداقة "ودى للاسف نادرة جدا لطريقة التربية المعمول بها
يانورة ياخى كتيرين جدا لقيتهم من ناس "نجيب اولاد كفاية اننا نقريهم احسن قراية ونلبى ليهم طلباتهم"
وذى ديل بعدين يجوا يشتكوا"اولادنا ديل برى منهم"مش ياهو بيحصل كدة كتيير
فى الحالة دى ينطبق عليهم :
"نعيب ابنائنا والعيب فينا ومالابنائنا عيب سوانا" اها كدة ولاماغلط
)
أقعد مع بتي اشوف طبظاتي قدر شنو... بلحيل شاغلتيني يا بنية ...