خواطر رءوف

[رءوف]

كتبت ليك
لا بينى بينك ريدة .. لا قصة غرام
إخترت ليك
أجمل حروف .. وأصدق فواصل نادرة
فى لغة الكلام
لا قصدى ألهو معاكى بى كلمات غنا
لا شعرى ليك مرجيحة من شعر الغمام
كتبت ليك والله يا قمر الزمان
شان جيتى بى زمن المحنة
وشفت فى عينيكى .. حس أهلى القُدام
......................
كتبت ليك وأنا جايى من زمن الشقا
الممدود على وش الثوانى .. مظللا
تتمدد الساعات سنين
تتفتح الأحزان غريبة .. ومذهلة
وأشتاق أفتش نسمة .. فى الزمن العذاب
وأيامى من كتر الأسى
وكتر العزوف .. والإغتراب
صارت حروف مترهلة
لحظات أسيفة .. ومهملة
........................
كتبت ليك
ووقفت ليك .. لامن لقيتك جايه من قلب الطريق
ولمحت فيك راحة المشاوير البعيدة
ونفحة النسمة الحنينة
الجاية من قلب الطريق
حسيت عجايب الدنيا .. إتلمـّت .. بقت
جايـّانى من عصراً سحيق
عينيكى حس أطفال بنادوا القمرة لى الغايب .. يعود
وجبينك الضوّاى
حجا الحبـّوبة فى الزمن السعيد
..........................
وأنا فى قساوة الموحش
الزمن المكهرب .. بى الحريق
أنا حيلتى أيه
قوليلى يا قمر الزمان
غير أتـّكى .. وأحلم معاك
وأحضن أماسى الصحو ..
والأمل البريق


ونتواصل حبايبنا

[نبع الاحساس]

رءوف كلام جميل رائع ومعبر
بس ياريت لو نقلته منتدى الخواطر
مع الناس التعبانه بهناك

[رءوف]

رءوف كلام جميل رائع ومعبر
بس ياريت لو نقلته منتدى الخواطر
مع الناس التعبانه بهناك

اختى نبع الاحساس
الجماعة البى هناك ديل ناس متخصصين وانا ماقدرهم نحنا يادوب تاتى يارشا تاتى
داير اعمل لى حاجة براى بى هنا كان مالجماعة هسع يقومو يحزفوهو ولا ينقلوهو

[رءوف]

أملنا الباقى يسرح بى

وأسافر لى زمن تانى

تبقى الدنيا فى عينى

هجعة خطوة .. فى سكة فرح مفقود

ورحلة موجة فى بحر الأسى .. الممدود

ورجعة غنوة من درب الضنى المهدود

.. وأفتش ليك

*******

وأفتش ليك حنانى معاى

أمانى تصارع المكتوب

عشانك لا مسافة تطول

ولا بتصعب معاكى .. دروب

وقلبى عليك

وعلى الوعد الحزين .. مصلوب

وراجع ليك

*******
وأفتش ليك

أجوب الدنيا .. وأرجع ليك

أجيك فارساً يشق صمت المتاهة .. الطال

يواعدك بى حكاوى الشوق

وبى شمساً .. وراها منال

وبى فرحاً يغرد .. فى سماك ألحان

ويجيب البهجة للأطفال

[نهر المحبه]

حلوه الحروف جمعتها وكتبتها
وبكل صدق احساس نزلتها
كمل ياخوي وصوغ الكلام
واحنا معاك للختام

[مهاجر في البلد]

روعــــــــــــــــــــــة يا رؤوف

مشكور على الخواطر الجميلة

[عصافير الخريف]

الله عليك ياروعه
فان كانت الزهور قد جفت و ضاع عبيرها ... و لم يبقى منها غير الاشواك

((( فلا تنسى انها منحتك عطرا جميلا أسعدك)))

[رءوف]

حلوه الحروف جمعتها وكتبتها
وبكل صدق احساس نزلتها
كمل ياخوي وصوغ الكلام
واحنا معاك للختام

شكرا لك وهاك دى هدية

ليه غبتى يا قمرة
نركب جياد الليل
وإنشرّ بينّا صباح
سفر العتامير .. ليل
نرجاكَ فى المطرة
أرجع تعال .. يا شليل
دِرع الأميرة .. سـِرِق
سووهو حِدوة خيل
بحر العطاشا .. نِشِف
نشرب بواقى السيل
******
صُدْ لى ملامحك .. يا حراز
ريح العوارِض ... غرّبتْ
فرتِق ضفايرك .. لى الرزاز
... جية العصافير .. قرّبتْ

[رءوف]

روعــــــــــــــــــــــة يا رؤوف

مشكور على الخواطر الجميلة

شكرا يا ملك ولك هذه هدية

طفلة حلوة وشايلة لونة .. ترسم الوطن الشباب
كل خط فى اللوحة باين .. من دموع الطفلة يحكى الدموع
النفوس تبقى السحاب
القلوب تبقى الأيادى .. نزرع الوطن اليباب
راسمة فى اللوحة القمارى .. فيها وش النيل حزين
الضفاف كان لونا أحمر .. الشجر كان لونو أخضر
الجباه عرق بيضارى .. حمرة النيل واصفرارو
راسمة جوه اللوحة طفلة .. الفرح فى عيونا صفق
غير النيل إنحدارو
لابسة من السعدة قرقاب .. شايلة فى الأيد الطوارى
مارقة
شلة من أطفال مدارس .. فى نظام ماشين سوا رددوا الخبر بالوتر
الزمن فى اللوحة بشر الجروف فتحت مداها
الغيوم شايلة المطر الترابلة هناك كبار
شتتوا العيش للمواسم
العيون شايلة
من بعيد فى اللوحة عامل الآيادى على السنابل
ودع الليل والفتر .. خدرالوطن اليباب

[رءوف]

الله عليك ياروعه
فان كانت الزهور قد جفت و ضاع عبيرها ... و لم يبقى منها غير الاشواك

((( فلا تنسى انها منحتك عطرا جميلا أسعدك)))

ياسلام عليك يافنان تسلم وتقبل منى هذه هدية لك مع خالص شكرى وتقديرى

نفسى فى داخلك أعاين
نفسى فى داخلك أعاين
وأروى روحى وأشوف منابعك
الصحرا فى عينيا تتواثب جناين
ماخدة صوتك من جداول
وما خدة صورتك من كهارب
مولداً ميدانو حافل
كلما يصبـِّح ... تجيهو الناس جحافلْ
يا سلام
**********
لمـّا تعبرى فى الشوارع
شوفى كيف الناس تصارع
ناس تطفـِّر .. وناس تدفـِّر
فى البشابى على نجومك
وفى البخبْ .. كايس تخومِك
وكل زول من عِنْ سُلافك ..
لا لا .. قال دايرلُو كاسْ
********
مرّة طربان .. شلت صوتك شان أغنى
قلت آه ياليل .. وآه
إنتى أول .. وإنتى تانى .. وإنتى تالت
وإنتى رابع
نافرة زى صيد الخلا
وصافية زى نبع المنابع
وقلتى لى غناى .. خلاص
****
حلوة عينيك زى صحابى
عنيدة كيف ... تشبه شريحتين من شبابى
حلوة عينيك زى صحابى
وزى عِنب .. طوّل معتـّق فى الخوابى
وسمحة زى ما تقول ضيوفاً .. دقـّوا بابى
.. فرحى بيهم سال .. ملا .. حتى الكبابي

[رءوف]

سنين الغربة


ما بان عليك سفر العمر
لسة الربيع يا دابو زار
لسة الضفاف المترعة
بتفيض ندى وتطرح ثمار
وأنا جوة قلبى المشتهيك .. الناس عليك ناداها فال فى
نزفت جراحات الودار .. عيوننا نام إبتهار
جوه العيون أطفال فرح .. لمة زفاف
جوه العيون تشرق شموس .. يرحل جفاف
ندمان بتغرق فى النعيم وحنان غمر عاشقين.. رهاف
وأنا جوه قلبى كل بيت
وأنا جوه قلبى المشتهيك .. نزفت جراحات الودار
يازهرة طالت بالفرح بتاقص أنوار المساء
ما بان عليم أثر القطاف
ولا جاتك أيام القساء
ما اروعك وانت الشباب
بحمرة الريد أكتسى
وانا جوه قلبى المشتهيك
وانا جوه قلبى كل بيت
نزفت جراحات كل بيت

[عصافير الخريف]

احم احم احم
مشكورررر