رويان من قليبك يمه

[FAISAL]

[frame="8 80"]رويان من قليبك يمه
شوق وحنان وريــد
وغرقان من عفوك والله
من ماقُم وليــــــــيد
تفضل في القب ذكراك
مهما فُت بعـــد
وكل مازاد عفوك علي
أقول هل من مزيــــد
ماسافرت شان ارتاح
أعيش هاني وسعيــد
ولا هم العرس يايمه
كان بيت القصيـــد
لا تقولي ان فات خلاك
جافاك الوليــد
شاغلاه المدائن العايمة
أسراتنو غيــــد
مابشغلني عنك حاشا
لا مال لا وليـــد
ولا بتمنعني شوفتك يمه
أغلال الحديــد
ماكان قصدي اهجرك يمه
لما رحل بعيـــد
قصدي امسح دموع بالحسرة
جاري علي الخديــــد
لا تلوميني كان قصرت
اتاخر بريـــــدي
ماهو جفا السبب والله
مانسيان أكــــد
بينك وبين وليدك يمه
بالو صبح شريـــد
بين يرضيك وبين ياوالدة
يرضي طموح عنيـــد
رضالك يايمه كل مناي
وغاية ماأريـــد
وتحقيق الهدف مابيبقي
بالتمن الزهيـــد
يومي قليبي في ذكراكي
يجترّ ويعيـــد
طيفك مابيبارح لحظة
حاميني الغميـــد
الله براهو عالم يمه
مشغولبك شديـــد
ومناي جمبك أعيش والله
لو كان لي ايـــد
لازم يمه انسيك الشجن واللوعة
والفرح الوئيـــد
لازم تنسي زمناً فات
وتعيشي زمن جديـــد
لازم كل تعبك فيي
اتعبو فيك وازيـــد
ولازم اشيل همومك يمه
والبسك الجديـــد
دينك فوقي مابتحلّ
لايوم الوعيـــد
شباب فدك وماكفي
ليك عمري الوحيـــد
مابتلهيني عنك دنيا
مابيمسكني قيـــد
ما إنتي الفرح والراحة
والهوي والرصيـــد
ليك سلامي مامحدود
من الارقام يزيـــد
عدد ذرات تراب الكون
جبال وسهول وبيـــد
عدد ما أشرقت انوار
وطلّ صباح جديـــد
وعدد مانسمة هبّت باكر
وداعبت الجريـــد
كل مناي تلقي العافية
والعمر المديـــد
وتفرحي بي يوم الفال
وتباركي لي الجديـــد
يوم داك بالفرح نتلاقي
ونتقاقلد شديـــد
وتبقي الدنيا بسمت ليّ
وجات زي ما أريـــد
جاييك جاي لي عينيك
منها ما أحيـــد
ومنها نستمد الراحة
ومنك نستفيـــد
ويتمدد فرحنا ويبقي
عمري انا كلو عيـــد
وفي حضنك للدنيا
لون وطعم جديـــد[/frame]

[saare]

[align=center]الله عليك يــــســـــــلــــــــــــموا[/align][/size]

[محمد سليمان]

تـــــــــــــــــــــــسلم يارائع علي الابـــــــــــــــداع

[دق التحيه قدامك سودانيه]

الله عليك مافي اغلا من الام
تسلم
تقبل تحياتي

[جلكسي والعالم عكسي]

تسلمي
تقبلي مروري

[FAISAL]

شكرا علي المرور
saare
محمد سليمان
انين العالم
جلكسي
ودمت ومزيد من التواصل والابداع ودمتم




تخريمة
جلكسي انت دنقلاوي ولاشنو
اخوك ضكر هههههههههههههههههههههههههههههههههههه