جهاز متابعة المغتربين

[الكباس]

مشيت السودان و لقيت نفسى مشيت جهاز المعتربين 8 ايام و انا ساهى التسويات و حلحلة الامور من شباك لى شباك
الا الامين العام و لا رئيس الجهاز الماعندو شباك باب عديل
اخرتها جواز جديد مع بطاقة خدمة الزامية مع انو الشيب ما خلا حته فى راسى
و البركة فى الشفتهم هناك
غايتو انشالله يلغوهو و لا يحلوهو
يحلنا منه الحلا بله
السودان بلد جميل الا الجهاز ده زى بتاع الناموس جهاز يخليك تفكر ميه مرة و تقول انا الجابنى شنو

[الكباس]

و رغم انو انا فى الرياض و اجهاز لقيت فيهو ناس الرياض ال استقروا فى السودان لكن برضو تدفع تدفع و من شياك لشباك

[الكباس]

و مبروك للزعيم حسن احمد حسن رئيس جمعية عزة السودان اصبح مسئول فى الجهاز
و الاستاذة الاعلامية سهير الرشيد مهدى برضو اصبحت مسئولة فى الجهاز و هى كانت رئيسة رابطة المراة فى الرياض
يعنى حيكون عندنا واسطة لكن المرة الجاية و قالو برضه نائب الامين العام من الرياض الاستاذ كرم برضو من ناس الرياض

[ABOODY8]

و مبروك للزعيم حسن احمد حسن رئيس جمعية عزة السودان اصبح مسئول فى الجهاز
و الاستاذة الاعلامية سهير الرشيد مهدى برضو اصبحت مسئولة فى الجهاز و هى كانت رئيسة رابطة المراة فى الرياض
يعنى حيكون عندنا واسطة لكن المرة الجاية و قالو برضه نائب الامين العام من الرياض الاستاذ كرم برضو من ناس الرياض

الكباس .. سلام
حسن احمد حسن ورانا ورانا
لينا سنة ساكنو في عقودات اراضي الوادي رغم اننا مسددين كامل وكاش
لينا الله كان بتبادلو فينا كده

[الكباس]

يا عبودى 8
الناس ديل ليهم خبرة طويلة فى العمل العام
و من خلال خبراتهم و معرفتهم الاكاديمية تم تعينهم فى المناصب دى لانها تحتاج مثل مؤهلاتهم و خبراتهم
و الرياض اكبر تجمع للمغتربين فى العالم

[الكباس]

شايف اليومين ديل ناس جهاز المغتربين شغالين حشد جماهيرى للانتخابات

[الكباس]

[gdwl]شارك فى مسابقة احلى أسم[/gdwl]

الخيار (1)
جهاز مكافحة المغتربين

الخيار (1)
جهاز ملاحقةالمغتربين

الخيار (1)
جهاز مناصحة المغتربين

[كشكول]

اخوي الكباس

سمعت انو الجهاز حيسمو

جهاز غسل وتنشيف المـ(خ)تربين

[الكباس]

الكشكول
ده غلبنا نسميهو شنو
تقعد يوم كامل من شباك لشباك
و من مكنة تصوير للتانية
و تدفع زكاة لناس قللبوهم ذاتها مكندشة و
نسوان قاعدات و لا بسات ارطال الدهب
و امين عام من شدة ما مرطب لامن خاتى جنبوا الحور العين