بنات المغتربين والزواج العرفي

[المعزب]

السلام عليكم .
شاهدت بالامس حلقة من برنامج مافي مشكلة علي قناة النيل الازرق واتصلت احدى البنات وقالت انها تدرس بكلية الصيدلة ووالديها
مغتربين وهي تقيم في شقة مع بنات طالبات معها وتعرفت علي زميل لها في الجامعة يسبقها بسنة وتزوجت به عرفيا وانجبت بنوتة كما قالت وهي الان تريد العودة لاهلها في الغربة
ولكن زميلها رفض ان يمسك بنتهما وهي الان في مازق وهو يريد ان يسافر لاخيه ويكون نفسه (بعد ان
صار اب يريد ان يكون نفسه ويتزوجها وهذا من سابع المستحيلات ان يأمنها بعد اللي حصل )وابوها يطالبها بسرعة العودة وإلا جاها هو في السودان )

يااولياء امور البنات المتعزبين ( المغتربين ) بناتكم برجعن السودان للدراسة والواحدة مابتعرف غير
نانسي عجرم وهيفاء والكليبات والحدائق وووو ويلقاها واحد من السعرانين من اولاد الجامعات الزين
لايخافون ربهم وهي بنت شهادة عربية ومرتاحة ويلف راسه ويتزوجه عرفيا او ياخد العايزو بدون زواج
والبنت واهلها يعانون العار والويل طول حياتهم .
فلا تخلوا بناتكم يسكن لحالهن وخلوهن يسكن مع اهلكم ليكونوا لهم حراس ومراقبين وسند لكي لا ترجعوا وتندموا مثل هذه الضحية .
والله المستعان .
أللهم امن روعاتنا واسترعوراتنا وعورات جميع المسلمين

[متحنيه بتراب السودان]

موضعك جميل جدا بس عندنا فى مصر بيحصل كل ساعة وياريت اولياء الاموربيهتمه بلا موضع ده

[بنت الأصول]

انا لله وانا اليه راجعون

اللهم استرنا فوق الأرض وتحت الأرض ويوم العرض

دي نتيجة التربية على المسلسلات والأغاني

وياأخي ما كل بنات المغتربين كده ويا ريت لو غيرت العنوان ..

الحمدلله اهلنا رسلونا للجامعات لكن الله يجزيهم كل خير اتربينا والحمدلله على ان مراقبة الله عزوجل

يعني الوقعت في الخطأ لانها ابتعدت عن من كانت تخافه ابوها او امها لو اتربت غلى الخشية من ربها لما عصته ابدا ولاننسى للصحبة أثر كبير

الله المستعااااان

جزاك الله خير

[حلوة وكلها ملح]

واااااااااااااااااااااااااااااااي اناااا
لالالاالالا ما كل البنات المغتربين كداا
حراام عليك
انا مظلوووووومة
بس برررضوو تشكراااتي ع المووضووووع

[فارس الرومانسية]

ربنا يحفظ الامة اجمع
يديك العافيه
نهارك سعيد

[المعزب]

شكرا ل متحنية بتراب الوطن وبنت الاصول وحلوة وكلها ملح علي المرو ر ،
وانا ماقاصد كل بنات المغتربين بل حددتهن لان جزء منهن وقع وسيقع في هذه المصيبة ،وهذه الزواج
يتم من بنات عايشات في السودان يعني غير محصور في بنات المغتربين ولكن بنات المغتربين هن
الصيد السهل لهؤلا الزئاب البشرية .
تحياتي

[المعزب]

شكرا لك فارس الرومانسية علي المرور.
امين .
تحياتي

[ريناد]

انا برضو شوفته الحلقة واتأثرته ليها شديد والله يكون في عونه لكن في الاصل اذا الوحده ماكانت حريصة على نفسها حتى لو اهلها كانوا معاها ممكن انها تتزوج عرفي وفي بنات من السودان بيعملو كده الموضوع ماموضوع شهادة عربية ولا سودانية

[المعزب]

شكرا لك ريناد علي المرور.
ولكن بنات المغتربين زي ماقلت صيد سهل .
ربنا يحفظ .
تحياتي

[bet-handasa]

[grade="00008b ff1493 008000 4b0082"]السلام عليكم
اولا احب احيك على موضوع النقاش
ثانيا العنوان فيهو نوع من الظلم لبنات المغتربين
البت بطبيعه الحال رقيقه فاي كلمه حلوه ممكن تلعب بي مشاعرها وتدخل في علاقه بس اي بت عندها عقل تفكر وعندها ضمير يسمح ليها انها تفعل البيرضي ربنا وضميرها
وقضيه الزواج العرفي في الجامعات ما مقتصر بس على بنات المغتربين يعني شامل لجميع بنات الجامعات
واحتمال سبب ظهورو انعدام المسوؤليه سواء عند البت نفسها او اهلها
بمعنى انو البت ما اتحملمته مسوؤليه انو اهلها ادوها ثقه لازم تحافظ على ثقتهم فيها
وكمان غياب دور الاب بمعنى انو الاب مفترض يسال من بتو اقلها تلفون صباح وتلفون المسا
يعني دور ما يقتصر على المصاريف وبس
كمان في سبب مهم جدا واحتمال ده الاساسي الا وهو غياب الوازع الديني وجهل البت بي امور دينها
الانسان لمن يحاول يرتكب معصيه لو اتذكر قبل ما يرتكبها انو ربنا موجود وهو سريع العقاب ما اظن انو ممكن يعملها
واخيرا الانسان يحكم ضميروا واخلاقو وتربيتو في تصرفاتوا
ويخت في بالوا انو اي تصرف يتصرفوا هو مسوؤل منو
اسفه للاطاله
لك ودي وتقديري[/grade]

[المعزب]

شكرا لك بنت هندسة علي المرور وعلي الكلمة المعبرة .
ياحبايبنا انا عايز اوضح نقطة انا المألمني في القصة ان المغترب يعتبر نفسه بنك يرسل الفلوس وبس
ودي المصيبة الاكبر .
امالو كانت عملت تلك العملة بنت عايشة في السودان تبقى المصيبة اكبر لان اهلها اكيد موجودين ،وبتحصل
وحاتحصل حتي يقضي ألله امرا كان مفعولا .
تحياتي

[ابووديع]

السلام عليكم ورحمة الله وبركاته
ياخي الكريم اصابع اللايد ما واحدة فيها الطويل وفيها القصير
وارسل رسالة من خلالكم الي الشباب الموجودين في الجامعات ان يتقوا اللة في بنات المغتربين وليعرفوا انهوا كما تدين تدان ونسال اللة عزوجل ان يصبر والدين هذة الفتاة في ماغترفتة يداها بها التسوي بايدك تغلب اجاويدك وبعدين كل هذا الكلام يعتمد بشكل اساسي على تربية البنت منذ نعومة اظافرها يعني لو كانت البت دي صريحة مع امها ما كان دة حصل واللة المستعان مشكوووووور والله يعطيك الف عافيه ابو وديع

[نور الدنيا]

ماتظلموا بنات المغتربين صح هناك في حالات كتيره لكن مادرجة يمسكوا البنات عند اهلهم في بنات اهلهم واثقين منهم شديد بكلامكم ده بتلفتوا البنات للحاجه دي وبالمناسبه بنات السودان هم ليهم التأثير الاكبر على بنات المغتربين مشكله البنات انهم يكونوا في الغربه مقفولين ومابيعرفوا كويس في العلاقه بين البنت والولد ويمشوا هناك ينفتحوا شديد,,,,,,,,,,,,,,,,


الله يستر علينا وعلى جميع البنات...........

[sf77rm]

يعطيك الف عافية اخوي عالموضوع الساخن دا ,,,
وربنا يحظ بناتنا وبنات المسلمين عامة داخل وخارج السودان

[الشقي]

يديك العافية الاخ العزيز علي هذا الموضوع الشيق
وربنا يحفظ بناتناالمغتربين وغير المغتربين
ليه انتي ركزتا علي بنات المغتربين معا انو دا حاص
معي البنات كلهم ودي ظاهرة خطيرة جدا
انت قولته بنات المغتربين صيدهم سهل انا عاوز اعرف السبب شنو

[زوبه]

الله يستر علينا وعلى جميع بنات المسلمين والمسلمات
طيب الحل شنو عشان البنات يكملو دراستهم ويرجعو لي اهاليهم سالمين غانمين

[المعزب]

عزيزي الشقي انا ركزت علي بنات المغتربين لانهن كما اسلفت صيد سهل ومقفلات في الغربة
وبناتنا في السودان البعض منهن كذلك ولاكن الغالبية حريصات وعارفات الشباب واساليبه
تحياتي

[المعزب]

شكرا للجميع علي المرور
شكرا ليك زوبة علي المرور .
والحل مخافة ألله ، الواحدة تمشي تدرس وبس لاعلاقات عاطفية ولا بطيخ .الواحدة تنتبه لدراسته
وتخت في باله غربة اهلها وتعبن عشان يوفروا ليها مستوي معيشي محترم تكمل بيه مسيرة تعليمه .
ممكن بنزوة صقيرة تحطم البنت حياة العائلة بالكامل كما فعلت س .
أحفظ ألله يحفظك .
تحياتي

[osman hassan]

موضوع جميل جدا بس صدقني يا معزب الفكرة ما فكرة مغتربين وغيرهم وما فكرة ولد او بنت الفكرة فكرة نا س عرفوا يربو وناس لا نا س اتربت على الخوف من الاب والام في وجودهم وناس اتربوا على الصاح والخطا وفي النهاية لازم الناس ترجع للدين عشان نعرف نعيش في مجتمع اصبحت الاشياء الجيدة هي الشواذ . تقبل مروري

[المعزب]

شكرا لك اخي عثمان علي المرور.
وصحيح التربية ليها كبير الاثر في التنشئة .
ألله المستعان .
تحياتي