مخطط مدينة طيبه

[ابواكرم]

لكم منى اجمل الاوقات وتقبل الله صيامنا وقيامنا
كنت اريد مساعده من الاخوه الاعضاء ارغب فى شراء قطعة ارض سكنيه وسمعت بان هناك مخطط سكنى اسمومدينة طيبه رايكم شنو؟ده الرابط بتاعوا http://www.socotrasudan.com/tibah/

[ابواكرم]

مافى اى ردود او مساعده حتى الآن ؟
يعنى مافى زول سمع بمخطط مدينة طيبه ولا الحكاية شنو؟

[مها]

[grade="008000 008000 008000 008000"]اهلا اخى ابو اكرم انا والله ما سمعت والرابط ما فتح لى النت عندى تقيل شديد
هى فى اى منطقه بالتفصيل ممكن اسال ليك
وكل سنه وانت طيب[/grade]

[ابواكرم]

لك التحيه الاخت مها واشكرك على الاهتمام ،،،،
تقع مدينة طيبة السكنية شمال مدينة الفاتح وشرق مدينة النخيل السكنية ( مشروع سابق لشركة سوقطرة ) وجنوب الإذاعة الجديدة ( إذاعة ولاية الخرطوم ) في منطقة بحري بمحلية شرق النيل – أي شرق مدينة الخرطوم . تبعد مدينة طيبة عن كبري المنشية حوالي ( 17 كلم ) وبمدة زمنية تقدر بحوالي ( 20 ) دقيقة عن وسط الخرطوم وتتوفر مواصلات عامة من والي وسط الخرطوم .

موعد تسليم المشروع فى نهاية سنة 2010 ( حسب كلامهم)
جربى الرابط ده يمكن يجى معاكى http://www.socotrasudan.com/

[ودالعاصمة]

والله فى الحقيقة يااخ ابو اكرم انا اتخرجتة من كلية الهندسة المدنية وعندى اصحابى شغالين فى شركة سوقطرة وحتى كانو عرضو على انو اشوف لى بيت فى المدن السكنية البتعملة الشركة فى الخرطوم
والحقيقة كانو شغالين فى المدينة السكنية الكانت فى امدرمان وماعندى فكرة عن الفى بحرى الجمب كبرى المنشية وانا ممكن اشرح ليك بتاعت امدرمان وهى كالاتى...
اولا المدينة مجهزة بكل الوسائل الخدمية من طرق ومستشفيات ومساجد ..الخ. وعلما بى انو الشركة بتسلمك قطعة سكنية مساحة300مترمربع وتدفع قيمة 2.5مليون والباقى على اقساط تصل لى 500جنية شهريا بالجديد وتصل القيمة الكلية لى 20ــــ25 حسب اعتقادى وحسب موقع القطعة والمنطقة هى آخر امدرمان جنب المستشفى او تقريبا ورا سوق ليبيا
دى مايخص الفى امدرمان اما الفى بحرى ممكن اتحرى ليك منها وافيدك اكتر اذا مالقيت قطة للآن
ورد لى عشان اوريك التفاصيل

ولك منى السلام والاحترام

[ابواكرم]

لك التحيه يا ود العاصمه واشكرك على المرور,,,,
يا باشمهندس اسال لى من المنطقه هل هى جيده من ناحيه السكن لان المناطق دى كلها زراعيه
وبعدين ناس الشركه ملتزمين فى كلامهم ؟؟
ندا الى سكان بحرى افيدونا الله يخليكم؟؟
وكل سنه وانتم طيبيين،،،

[ودالعاصمة]

وانتة طيب انشاءالله
وبكرة انشاء الله ارجة منى الرد للمنطقة المعنية
بس اسال ليك منها واجى اوريك

[نهر المحبه]

طيب لو سمحتو انا عايزه اسال
البيوت كلها مساحتها واحده
ودايره وصف شامل عنها

[ودالعاصمة]

آى يانهر كلها مساحتة واحدة وهى 300 متر (دى طبعا الفى امدرمان)
والوصف الدقيق ليها هى عبارة عن اراضى سكنية لكن طبعا فاضية
وفيها طرق ومستشفيات ومراكذ صحية يعنى المدينة مجهزة بى كلياتة
بس القطع انتى البتبنيها بى طرقتك ....
وشركة سوقطرة اصلا شركة متخصصة فى مجال الطرق ولو دايرة يبنوها ليك
ممكن ...
ارجو انك تكونى عرفتى الدايراو

[نهر المحبه]

مشكور اخوي وما قصرت
بس مساحتها صغيره وبعيده
ايوا فهمته

[( ود البورت )]

والله ده اول ملاه اسمع بيه