يلرزازالدم حبابك للشاعر الوطن محجوب شريف

[المك نمر]

واحلالي القبلي شال شبال لمع برق المهيرة

قيرة قيرة يا مطيره

يا رزاز الدم حبابك

لما يبقى الجرح عرضة ولما نمشي الحزن سيرة

من دمانا الأرض شربت موية عزبة

كل ذرة رملة شربت حبة حبة

موية أحمر لونها قاني

فتقت ورد الأغاني

تهدي لى اسمك رمزاً للوطن كنز المحبة

قيرة قيرة يا مطيرة يا شهيد الشعب أهلاً

مش بتطلع كل يوم الشمس أجمل

وكل يوم النخل أطول زيدو قامة

وياما شفتك ياما ياما

لما شفت البدر طالع فى سما الوطن ابتسامة

إنتّ فى النهر البسافر جاري طول العمر صاحي

طبعو منك يا الملامحك من ضفافي

واللي شافك مرة شافو

واسمك الختيتو فرهد عشب أخضر فى الجناين

فى الشوارع نيمة نيمة فى مصابيح المدينة

فى فوانيس الضواحي

تملا نادي الحلة سيرتك

اسمك الخلانا نقدر فى ظلام الليل نعاين

والبتسأل عنو ده الخليتو شافع

لسه دابو

يا ما حيعجبك ، شنابو

صوتو رقان فيهو بحة

ود فلان اصرار وصحة

عندو قصة حب جميلة

جرب آلام الحراسة وحرض أولاد الدراسة

وهدّو حيل العسكرية

البنية أم طرحة كبرت

يا سلام الفنجرية

ليها راية وبى كلامها وبى اهتماماتها الجديدة

دقت أجراس القصيدة وشدت أوتار الصلابة

الكتوف اتلاحقت فى السكة يابا

واحلالي القبلي شال شبال لمع برق المهيرة

قيرة قيرة يا مطيرة يارزاز الدم حبابك

لما يبقى الجرح عرضة

ولما نمشي الحزن سيرة

[بت أبوظبي]

صح لسانك يا محجوب شريف
وبيض الله وجهك

كلامك زي الشهد
وأحلى من السكر
وشكرا يا مك نمر
اختيار موفق

ملاحظه :
تم نقل البوست من منتدى الراكوبه
إلى هنا ( منتدى الشعر والأمثال )
في مكانه الصحيح
شكرا

[المك نمر]

-لك التحية
بطعم المساء وكلمات الشاعر الوطن محجوب شريف
وشاي مغرب من داخل البيوت الكاكية ...واحلام تتحق بالوطن الحدادي
مداي ..........وبطعم الصباح في شمبات ومن بعيد مداخن بحري معلنة بداية
الحياة في المصانع ....

بنت ابوظبي ....انت وين لي زمن مافي رد علي هذه الكلمات في حق الوطن ...
ومشكورة للمرور السخي

[ibn batoota]

ل

ك التحية شاعرنا الكبير محجوب شريف
وربنا يديه الصحة والعافية...

لك التحية المك نمر علي القصيده الرائعة

بهناك كده..
إنشاءالله مانمر الشجر حاضن فروعو مقيل
ده النمر البضاير الصف محل مايميل

[المك نمر]

ابن بطوطة
تسلم من كل بلاء ..انا المك نمر البعدل الصف وقت يميل
....................ماني نمر الفروع ............وشكر للمرور السخي
منك ...لي زمن مافي واحد رد علي الحكاية شنو ...ووتسلم

[مهند عبد الرحمن]

مشكور الاخ نمر وهذه القصيدة ذكرتني ايام كورال الجامعة كنت واحد من المشاركين في الكورال الكلام ده قبل 14 سنة بس ما تقولو انا زول كبير

[المك نمر]

مهند عبد الرحمن
تسلم .. انت مننا
الله يكبرالعقول ... وين انتو يالفجاءة بنتو ..ونشاء جزوة النار ماماتت لسة
حية ....واوعي تكون القصيدة مجرد ذكري وليست فكرة..........
وتسلم علي المرور السخي

[awaser]

[size=3]يا كالنخلة هامة
قامة واستقامة
هيبة مع البساطة
واصدق مايكون
ياسلاااااااااااااااااااااااااااااام عليك يا المك
انعشتنا وفرحتنا
زيدنا من الروائع دى وبالله ما تنقطع

اواصر

[/size]