رباعيات شعر الدوبيت شارك بما تحفظ

[حافظكو]

هذه المساحة للترويح عن النفس
والمطارحة بالشعر الرباعي السوداني الأصيل أرجو من الأخوة المشاركة
وهاكم دي مني

نحن من تبينا مافيش رجال هزتنا موية النار شرابنا ولحم الأسود مزتنا
حشود الرجال تخشى وتهاب مرقتنا فرش البيت حرير ترقد عليو وزتنا

[aatif abdalla]

الكتوف واقعة والعيون ياناس مويتن ناقعة

الوجن قادحات في الظلام فاقعة

قصدي شبالة وراضي بي صاقعة

[عمار ود الشرفه]

كملت النضم يا حافظكو وجبت التايه

اصلو دمك صافي تحوير المعردب لونك
بدر الكون جبينك والضلمة قرونك
ما دام انت زي نجف الخواجة عيونك
كيف يتداوي من مرضو ويطيب مجنونك

وشرفتنا في المنتدي ,, وذكرتنا بي هواء البطانة وناسه والليله ننم لي الصباح

[محبة ديومة]

كان حافظة كان رشيتكم بيها لكن مااااا عندي

افتش واجيكم

[حافظكو]

الليلة الغرام أصبح حكايـتو حكاية
اه من ألمـــو ونارو دي القلايــــــة
ابواتي الشويخ اكتبولي محـــايــــة
كان يبرد حشاي ودمعتي البكايــــة

من بنات أفكاري

[عاشق أمونة]

والله يا شباب حمستونا وخليتونا ننفض الغبار من الراس ونقول نغني معاكم
مررررررررررررررررررررررررررروررررررررررررررررركم غايتنا
غايتو حاجة كدة بسيطة يا ليت تنال اعجباكم ،،،،،،،،،،،،،،،
البرد جانا والحضن الدافي فينو
ضلوعنا اتلاصقت من اللحاف ملتو لا عينو
يا ناس ود حسونة انهمو يكوسو وينو
البرد خلاص قتلنا واعضانا اشتكت لي حنينوووو

[عاشق أمونة]

عيونك الحنينة الكاتلة العرب وغيرهم
اردافك مع الساق تلخبطهم تدور مصيرهم
نبكيك والله من الفراق جننتي حريمهم
عذبت العذارى طلعت صليبهم

[عاشق أمونة]

يا شباب أخوكم أديب قديم من أيام جامعة الخرطوم السنتر كانت لها هيبتها قبل لا ياكل عليها الدهر ويشرب
تقبلووووووووووووووووووووني بحلوي وبمري

[عاشق أمونة]

مكياجك
إنت الزينة الخلقك ربي وعلاك
ومن خير القبائل زينك وخطاك
بت حسب ونسب ومال وأكيد من عرفك حباك
ديفة صيدة براري تجنني كل من حباك

[عاشق أمونة]

اخواني في المنتدى العزاز اهلي الساكنين البلد وسط
الزيكم بس عندي طلب صغير او كما نسميه ايام ما كنا في الابتدائي صغنوني
بسألكم عايز لي معلومة عن استثمار صغير من راس مال معقول يعني
بس يكون مربح