من منتدى المقرن مباشرة إلى هنا

[ود الزوحي]

تحية تليق بمقام كل قلم مر على صفحات هذا الصرح الذي عهدته مرفأ لكل قاريء .. يود أن يستنشق قليل من نسمات ذلك الوطن الجميل .. الوطن الغالي (الســودان) ..

لا أعرف من أين أبدأ .. ولكن لابد من هذه البداية .. التي لم أود أن أبدأ بها ولم أتوقع أن تكون احدى بدايات مواضيع منتدانا الحبيب ..

نعم ..إنه ما يتبادر إلى ذهن كل لبيب قرأ هذا العنوان .. (من منتدى المقرن مباشرة إلى هنا ) ..ذلك الكم الهائل من المواضيع المنقولة لا أقصد المنقولة التي ختمت بكلمة منقول .. بل تلك المنثورات التي أثقلت كاهل هذا المنتدى .. من قصص ومواضيع منقولة بالحرف .. وعلى قولنا (بالضبانة) ..

بينما كنت اتصفح لمنتدى المقرن فوجئت بذلك التشابه العظيم .. بين مفردات الكلمات التي تنقل إلى هذا المنتدى .. ويا للهول .. وأقصد بذلك كل ما تعنيه تلك الكلمة من معنى .. كم من المواضيع المنقولة إلى هنا .. دون مراعاة حقوق النقل والقارئ .. (وضع كلمة منقول) .. مع العلم أن أكثر المواضيع المنقولة إلى هذا المنتدى اختتمت هناك ..بكلمة منقووووووووول .. التي لا أجدها في أكثر المواضيع التي نسخت إلى منتدى أنا سوداني ..

أن خاصية الفكر الموجودة في المنتديات هي للتعبير عن صفة شخص معين اختير ضمن طاقم من الأعضاء للمضي بالمنتدى نحو الأفضل .. وأيضا إلى نوعية خاصة من التميز .. وليس العكس ..

إن خاصية النقل (الأعمى) .. ليست سوى بداية لنوع من التشابه لكافة المنتديات .. وهنا تكمن المصيبة .. حين تصبح كل المنتديات متشابهه أو متقاربة المواضيع .. لا فرق بين (أنا سوداني) أو (المقرن) أو غيره من المنتديات .. وقد خصصت بالذكر منتدى المقرن لأنه هو المرجع الوحيد لأكثر المواضيع التي قرأتها بين هنا وهناك .

ليس من الضروري أن تكون صاحب مواضيع كثيرة .. بل كن صاحب موضوع مميز بعيدا عن النسخ والتشابه ..

ليس من الضروري أن تصل إلى مرحلة من المشاركات الهائلة لا تعرف من أين أتيت بها..

كن صاحب القلم الجميل .. والصفحة الشفافة .. والموضوع الجديد

عبر عن شخصك .. فمن خلال مواضيعك .. نعرف من تكون .. وكيف تفكر .. وأنت هو المستفيد في الأخير ..

لكم التحية .. ولنسمو بهذا المنتدى إلى أعلى درجات التميز .. وليصبح هو المرجع .. والمنقول منه وليس المنقول إليه ..


تحيااااااااااااتي

[بسمة الحياة]

كلامك صح
وانا بأيدك في كل كلمة

مع تحياتي

[ود الزوحي]

كلامك صح
وانا بأيدك في كل كلمة

مع تحياتي

الأخت بسمة .. أشكر لك مناولة الطرح ..

الشي الخلاني أتطرق للموضوع إنه أكترالمواضيع بقت منسوخة بطريقة متكررة .. مما أفقدت المنتدى نكهة التنوع والتجديد ..

[سيبو9]

[align=center]ود الزوحي ,, الإنسان الرائع

فعلا ، معظم المواضيع حاليا في المنتدي عباره عن نقل .. لكن للأسف قليل بنلقي كلمة منقول

والموضوع دا مهم جدا جدا ,, لكن البعض بيعتبرو غير

إتمني يكون في تنبيه تاني من المشرف العام ,, بخصوص الموضوع ,, بطريقه تصل للجميع

مشكوووور حبيبي ,,[/align][/b][/size]

[جمال النقر]

ود الزوجي لك التحية
وكانك تقرأ أفكاري وهذا مايؤلمني كثيرا
فنحن حقيقة في حوجة لمواضيع جديدة وطرح جديد
ناخد وندي فيه .. وانا أصبحت أقرأ المواضيع التي أحس وأري انها غير منقولة
... لكن عند المداخلات لو اقتبسنا حديث او مقولة او رأي فلاباس

لك التحية ولي عودة
[overline]ملحوظة[/overline]:ـ
كلامي ده مامنقول لكن ( حاجة فيك خلتني أرجع للقلم ..وأتحدي بالحرف الالم )

[ود الزوحي]

[align=center]ود الزوحي ,, الإنسان الرائع

فعلا ، معظم المواضيع حاليا في المنتدي عباره عن نقل .. لكن للأسف قليل بنلقي كلمة منقول

والموضوع دا مهم جدا جدا ,, لكن البعض بيعتبرو غير

إتمني يكون في تنبيه تاني من المشرف العام ,, بخصوص الموضوع ,, بطريقه تصل للجميع

مشكوووور حبيبي ,,[/align][/b][/size]

حبيبنا .. سيبو

عجبني شديد كونو لقيتك بيجاي .. فرحت أكتر بردك ع موضوع الطرح .. انا صراحة الأيامات الفاتت ده كلها كنت بتصفح في كمية المواضيع الكتيرة البقت تنزل في المنتدى ..

واتفاجأت بتشابه فكرة المواضيع بما في ذلك النقل من منتديات أخرى إلى هنا دون ذكر نقلية الموضوع ..

وده هو الشي الخلاني أفتح الموضوع ده ..

أتمنى إنو يكون في حل جذري للمواضيع عشان الناس ما تمل من المنتدى ده

تحياااااااااتي

[ود الزوحي]

ود الزوجي لك التحية
وكانك تقرأ أفكاري وهذا مايؤلمني كثيرا
فنحن حقيقة في حوجة لمواضيع جديدة وطرح جديد
ناخد وندي فيه .. وانا أصبحت أقرأ المواضيع التي أحس وأري انها غير منقولة
... لكن عند المداخلات لو اقتبسنا حديث او مقولة او رأي فلاباس

لك التحية ولي عودة
[overline]ملحوظة[/overline]:ـ
كلامي ده مامنقول لكن ( حاجة فيك خلتني أرجع للقلم ..وأتحدي بالحرف الالم )

ابو الجيم .. حبابك ألف .. بما إنو انت زاتك عندك نفس وجهة النظر انا شايف إنو ده كلام جميل كونو ما أنا براي الشايف الشي ده .. وده أكبر دليل على إنو المواضيع بقت كلها متشابهه ومتكررة ..

مشكوووووووور

[نهر المحبه]

مشكور يا ود الزوحي لتسليط الضوء على الموضوع المهم ده
وان شاء الغلطات دي تاني ما تتكرر
ويارب الراكوبه ترجع زي زمان حاسه فيها زي جو من الملل ما عارفين سببه شنو
يمكن عشان الخريف والمطر وكده ولا انتو رايكم شنو

[عثمان ابو ليلى]

احييك يا ود الزنجى




لكن عندى اضافه


لو انا عضو فى منتدى اخر فلنفرض المقرن ونزلت فيهو مواضيع هناك ومواضيع من بنات افكارى هل معنى كده انو مواضيعى دى بقت حكر على المقرن بس ؟؟؟



لو انا سجلت فى منتدى اخر هل لازم اسجل بى نفس الاسم المسجل بيهو فى المنتدى القبلو ؟؟


ابدا طبعا عشان كده فى ناس بتقع فى اخطاء فى حق اعضاء اصحاب مواضيع فى منتديات اخرى وحبو ينقلوها هنا كى تعم الفائده


وما اظن لو انا جبت موضوع حقى من منتدى انا مشارك فيهو لازم اكتب فيهو كلمة منقول



ولا شنو ؟؟؟

[ابن عوف]

تحية تليق بمقام كل قلم مر على صفحات هذا الصرح الذي عهدته مرفأ لكل قاريء .. يود أن يستنشق قليل من نسمات ذلك الوطن الجميل .. الوطن الغالي (الســودان) ..

لا أعرف من أين أبدأ .. ولكن لابد من هذه البداية .. التي لم أود أن أبدأ بها ولم أتوقع أن تكون احدى بدايات مواضيع منتدانا الحبيب ..



عبر عن شخصك .. فمن خلال مواضيعك .. نعرف من تكون .. وكيف تفكر .. وأنت هو المستفيد في الأخير ..

لكم التحية .. ولنسمو بهذا المنتدى إلى أعلى درجات التميز .. وليصبح هو المرجع .. والمنقول منه وليس المنقول إليه ..


تحيااااااااااااتي




[/font][/color]

ودالزوحى ما اقدر الا


دمت بود

[ود الزوحي]

احييك يا ود الزنجى




لكن عندى اضافه


لو انا عضو فى منتدى اخر فلنفرض المقرن ونزلت فيهو مواضيع هناك ومواضيع من بنات افكارى هل معنى كده انو مواضيعى دى بقت حكر على المقرن بس ؟؟؟



لو انا سجلت فى منتدى اخر هل لازم اسجل بى نفس الاسم المسجل بيهو فى المنتدى القبلو ؟؟


ابدا طبعا عشان كده فى ناس بتقع فى اخطاء فى حق اعضاء اصحاب مواضيع فى منتديات اخرى وحبو ينقلوها هنا كى تعم الفائده


وما اظن لو انا جبت موضوع حقى من منتدى انا مشارك فيهو لازم اكتب فيهو كلمة منقول



ولا شنو ؟؟؟

طيب يا حبيبنا لو كان الموضوع ده أصلا مكتوب في منتدى آخر وكان مختوم بكلمة منقول .. ده نسميه شنو ..


بعدين ما أعتقد إن المواضيع ده كلها تكون ما بين منتدى المقرن وانا سوداني بس ..ع الأقل يكون في تغيير .. منتدى تاني مثلا .. انا لاحظت كمية المواضيع ده أكترها من المقرن .. وعشاك كمان في مكان شبيه بمنتدى الراكوبة ..

تحيااااااااااتي

[ود الزوحي]

ودالزوحى ما اقدر الا


دمت بود

سعدت بمرورك الجميل زيك .. اخوي ود أبنعوف

[الأسير22]

ود الزوحي لك التحية



موش ممكن المواضيع دي تكون منقولة من هنا إلى هناك ؟




بما إنو هناك مكتوب منقول وهنا مامكتوب

[ود الزوحي]

ود الزوحي لك التحية



موش ممكن المواضيع دي تكون منقولة من هنا إلى هناك ؟




بما إنو هناك مكتوب منقول وهنا مامكتوب

الأسير حبابك .. أشكرك لمرورك

انا ما كتبت الموضوع ده بس كده .. لكن لأني فعلا في الأيامات الأخيرة .. كنت بمر بأكتر من موضوع في قسم الراكوبة بالذات .. ولقيت إنو في مواضيع نزلت بعد ما أنا قريتا في منتدى المقرن .. يعني ما أظن إنو الزول جابا هنا بعداك اتنقلت هناك .. لأنو فترة التاريخ بتحكم ..

ثم تانيا ما مشكلة لو احد نقل موضوع ده مافيه شي .. مالو أحسن تعم الفايدة تعم الجميع .. بس برضو انا شايف إنو الموضوع وكتابته ده من ثقافات المنتديات .. ولازم الناس تلتزم بيها ..

تحياااااااااااااتي

[ود الزوحي]

مشكور يا ود الزوحي لتسليط الضوء على الموضوع المهم ده
وان شاء الغلطات دي تاني ما تتكرر
ويارب الراكوبه ترجع زي زمان حاسه فيها زي جو من الملل ما عارفين سببه شنو
يمكن عشان الخريف والمطر وكده ولا انتو رايكم شنو

والله يا نهر .. الشي الخلاني أكتب الموضوع ده زاااااااااااتو .. هو خوفي على الراكوبة لأنو هي الحتة الوحيدة البنمشي نتونس فيها وما دايرينها تكون غير كده .. بالذات حتة المواضيع البقت كتيرة ومتكررة ..
بعدين انت خلي حتة جايبنو من برا ده .. بقت كمان تجيب ليها تكرار مواضيع ..

تسلمي ع المرور .. والله يجيب لينا المطرة ده