بنت من ورق كاملة

[الغريبة]

السلام عليكم
هذا مقطع من قصيدة بت من ورق
برمت رجليها بالمشى وقت ليها اوعى تهبشى
الطيبة ما فى كل شى الجوه خلى جوه
والما بخش ماتخشيشه ودمع الظنون البينى بينك قشقشيه
وما تهبشى الطيبة ما فى كل شى
نار النضال تحت الشمس ما تمشى فيها براحتك
روحى هوى بتشمشى
والشوق على باب البريدك وشوشيه


وللقصيدة بقية

[منير]

كلام رائع يا الغريبة يديك الصحة والعافية

[حزن السنين]

مشكور يا غريبة علي الكلمات ..!!

[alex muaaz]

أنا عندي القصيدة كاملة وبستأذنك أكتبها في بوست جديد والإذن معمم لكل الأعضاء حفاظا على حقوق أختي الغريبة
ممكن تأذني لي أختي الغريبة ؟

[الغريبة]

انا عايزاها كاملةبسرعةياالكس
عليك الله بسرعة

المنتدى ملكية للجميع
والمصلحة فى النهاية بتعم الجميع
اول ما تقرا كلامى تمشى وتعملها فى بوست جديد
بســـــــــــــــــــــــــــــــــــــــرعة

[الدكتوره]

تسلمى جميلتى
دمتى بود

[الغريبة]

شكرا على مرورك يا دكتورتنا
انا عايزة القصيدة كاملة يا الكس
عليك الله

[معتز]

والله كلام حلو واسمحى لى اضيف شىء من عندى
الحب ما دوا للقلب ما تنغشى كلام الناس اسمعيه واوعى اطنشى كان فيه فايدة بموية الورد رشى وان كان فاضى غمضى عينك وانطرشى

[الغريبة]

شكرا على النصيحة
وتسلم على مرورك يا معتز

[alex muaaz]

بت من ورق


هوي يا الحبيب ..
أحسن عيونك فتحن...
ونفض غبار الجامعات الكتحن ...
عبرات هواي لو سدسدن حلقك تحن لي زول سواي ما تنحنحن ..
وأنا أصلي عارفك ما بتحن ..
ليه العيوينات البريدنك تخونن .. .. وتجرحن
ليه بالدموع والنوح مع الناس .. تفضحن ..
وأنا ديمة بسأل ربي إنو الطالبات .. يسمحن ..
الطالبات .. يسمحن .. ويفرحن ..
وبالخير تملي يصبحن ..
ولو في مشيهن لكلكة .. يصلحن ..
بس لو ظهر كاشف رقم لا يصافحن .. لا ينجهن ..
***
هو شنو الفضل في الدنيا عشان الناس تذاكر .. وتمتحن ..
بس نبرى من عيشة الفقر ..
وسمح السكات في خشم سيده .. وكمان سمح الصبر ..
مادام في مدرسة مدرسة .. وأساتذة خصيصين نجاح ..
وحصص صباح .. ودرس عصر ..
حنسوي ايه .. حندق جرس أخر فصل أو ننفصل نتلمى نشوف باقي العمر ..
ماواضحة زي عين الشمس ..
واضحة كان هسي وأمس ..
***
وأصلي مارق ياضنى .. من غنوتي الأنا مدمنة ..
من بلوتي وسلواي أنا ..
من قصة لا بتأكلنا عيش لا تفر جبين هذا العناء .. من شدة فاردة الإرتخا ..
ومتمكنة من ممكنة وما ممكنة .. وايه لزومي عن القصيد وكتين تموت العاطفة ..
وكتين نعتم فكرتو ... وحروفو ذاته نلونها ..
وكتين نغدغد موجتو .. وندس عيونو وندفنها ..
ايه لزومي عن الشعر.. الماعرف معانهو ولا شيتا عنى..
وأبقى مارق ياجنى ..
كان من هناك .. أو من هنا ..
كان منهم .. أو مننا ..
من مزامير التوجس والغناء ..من صباحات الهواجس .. ومن طوابير المدارس..
ومن مروق الروح.. وأمرق من متاهات النفس ..
ماواضحة زي عين الشمس ..
واضحة في كل الجرايد والمعـابد والمصانع .. والشوارع ..
لما دور نشعر نحس .. ولما دور خاطر يمر ..
واضحة إنو سكاتو مقدود من دبر .. وكلامو مقدود من دبر ..
وضميرو مقدود من دبر.. وقميصو مقدود من دبر ..
لكن منو البشهد عليك يابت مادام كلك عذر ..
يابت وكت عرفوك جد بتخافي من ضل الضحى .. ومن بشرة الناس السمر ..
ويؤسفنا جدا إننا .. ويؤسفنا أسود مننا ..
ومحنية ضهرو من الكبر ..
وعرفوك جد بتخافي من ضل الضحى .. ومن ضحكة الناس السمر ..
عرفوك .. بس هم ماأظن عرفو العيون السمحة فيك كانت شتر ..
ويسلم ضراع الطين .. وقدح المونة ..جيت أمونة ..
حر الواضة والدة صحونها .. للولد البشيل طوريتو سباك الفجر ..
***
واتضيع سنين العمر ليه في المدرسة .. المدرسة المابتجبر الخاطر إذن ..
المدرسة المابتستر الحال بكرة .. ومبتملانا فت شوال تمر ..
ياخ ايه لزومي عن الدفاتر والمحابر والشنط والأردية والدق ودرس اليوم وحلق الراس وقليم الضفر..
ايييييييك يا سنين المدرسة .. فتين ايه يامدرسة ..
دي الجامعة لسه فيهاناس بتحب بعض .. وتلبس بعض .. وتاكل بعض ..
وتقوم بعض وتقعد بعض و........ منو العوض وليهو العوض ..
وفي ناس تجمع ورق فاضي وتمر .. تنجح فشل .. تسرق حصاد غيرها وتمر ..
وكتير في ناس بتفط سطر..
***
ياشعب أصحى كفاك شقى .. وكفاك خطاك على الجمر ..
لمتين حنحلم بالغناء .. لمتين نعدي من الضياع والحرقة والندم ونمر ..
وسمح السكات الفي خشم سيده .. وكمان سمح الصبر ..
والدنيامازالت بخير ... والدنيا مازال فقر..
وأنا زي دراويش العشق .. ماسقت خطوات الرحيل ..
لكن مشيتها وبالجبر ..لكن مشيتها وفوق جمر ..
وحبيبتي قالت لي تعال ..تعال
ومرقت من جلدي القديم .. ودرعت توب الصبينة .. ومشيتلها ..وانا منتشي
سنتين ولا قعدت عيوني مع عيونها اتونست ..لا في الخيال لا قيتها .. لالاقتني هي ..
سنتين ولا بندالنا سكة ولا خطانا بتنتهي ..
سنتين ورغم الإبتعاد والعشنا من خوف وارتعاد لسه ..
سعاد هي بتستحي...... وأنا بشتهي وأنا بستحي ....وهي بتشتهي ..
ومابين النعم واللقيا كان حرفي النهي ..
وانا خاطري من كتر الهموم الساعة خمسة نسى .. وسهي .. وفي الهم غرق .. وبالشوق حرق ..
وحبيبتي قالت تعال ..
خافت وكت قتليها شيخ .. مسكينة
مابتعرف الفرق بين الدراويش والشيوخ ...
بين الصفيقات والعرق.... بين الغرق والماغرق ..
تاريها زينا يا خلق طينة ومطينة بالعشق ... ومقتولة لحد السكات ..ومتيمة
بس كنت ديمة بعلمها إنو الحزن زاد الفرح .. والفرحة نفسها مؤلمة ..
والعافية أسمح منها ..لو حتى كانت بلسمها ..
والشمس في توب من حلال .. والقمرة أكبر مجرمة .. وكضابة ومابتحلب لبن ..
القمرة كضابة مابتحلب لبن ..
ومليانة زيف ومهضلمة وممسوخة .. ومهما اتبرجت مازي مصابيح السما ..
والقدرة ما بتنفات شبر .. والسترة ميها الكمكمة .. والناس سواسية كالمشط ..
والحرة دينها ملجمة .. والحلوة مي حلوة طعم .. والمرة ربنا قاسمها ..
والقسمة مابالأيد كمان ... الأيد هي زاتها مقسمة ..
أصبع كبير .. واصبع صغير ..واصبع وسط .. واصبع نضم .. واصبع بدخل خاتمها ..
وتفرق بداية الشوق كتير وكتين تصل للخاتمها ..
ما الريدة بتشوف بي تحت .. والحب موشح بالعمى ..
وما بفهم النور الإ زول عاش في دياجر مظملة ..
النجمة مابتعني الوضوح .. و العتمة ميها الهضلمة ..
الوشمة مانسمة جروح .. والبسمة عز البفهمها ..
والنسمة في العين لو تفوح تحرق حشى البتنسمها..
والوجعة باردة على الببوح .. وتسل روحية البكتمها ..
والروح بتمرق مابتموت ..
الروح بتمرق مابتموت .. والجدة بتقيم مأتمها ..
ونحن انعكاسات للنجوم .. والواضة ضل راميها السماء..
وأنا ما رميت إذ رميت وأي عاشق مارمى .. ضحك المشيب برأسه فبكى ثم نادى سلما ..
وبكت بغات الطير حين كبا حزينا .. حزينا مرغما ..
***
وريتها معنى القارعة وربك دمدم . حفظتها الناس والفلق والحمد والإخلاص وطه ولم يكن والعاديات وكأنما ..ماكان في شي ..
وبعد ده كلو بتنتشي .. ولا بتستحي ولا بتختشي ..
وقرمت كرعي بالمشي .. وكلمتها قتليها أوع تدقشي ..
الطيبة مافي كل شي ..
وما تهبشي .. الجو خليهو جو فيك والمابخش ماتخششي ..
ودمع الظنون البيني بينك قشقشي .. والشوق على باب البريدك وشوشي ..
ونار النضال جنب الشمس ماتمشي عليها روحي هوي بتشمشي ..
وكان جاك خريف الوجعة سويلك بيوت في داخلاتك وعشعشي .. أديني احساس إني شي ..
وقرمت كرعي بالمشي .. وكلمتها ..
خلي بالك يا بينة .. العمارات البناطحن والمعاني القرمزية ...
أوع تسرق من ملامحك أو تغير فيك شوية ..
ماني شايل هم قرايتك إنت قراية .. وذكية ..
أبقي جد ياحلوة فاهمة وأبقي واعية وكوني حية ..
أصلو في الجامعة العريضة .. وفي بيوت الداخلية ..
في الحبايب .. وفي القرايب .. وفي البقاسموك الأسية ..
الإ برضو خلي بالك .. هي المصايب مي شوية ..
العقارب والكهارب و الدبايب والمصايب .. وألف سوسة وألف حية ..
وإنت سمحة ..إنت قمحة ولسه نية ...
ولو دقست أسأليني أنا الدقست وأكلوني السمسمية ..
في زمنا وحات عيونك بدفنوك يازول حية ..
أبقي واظبة على صلاتك .. قومي كل ما نادى حي ..
وخلي بالك في الشوارع .. والمسافات القصية ..
وفي مشاوير العصاري .. وإنت ساعة المغربية في الحدائق والكباري والملاهي الأجبينة ..
والوليدات الأخيرلك من تصاحبيهم بينة .. والبنيات البظلطن وشهم..
والبتعمل فيها شيخة أو تقول بتشوف لها طيا .. وفي القراية سجم رمادهم ..
أبقي مارقة وناغمي ليا ..
مرة تلقى الضمة شدة .. ومرة تلقى الشدة مدة ... وعادي تلقى الخمسة مية ..
واسمع ... اسمع ..
يا تسمع في البغنن ..
الله ليا .. كر عليا ... جيبو ليا .. وسـ...... عاد ده كلام ..
ونحن يا حليلنا الغلابة .. بلعبننا وكوعليا ..
ودايرة بيرقر .. ودايرة شية ..
زدايرة طرحية وتيك وملحة .. ودايرة جستي وميج ومسحة ..
وخصلة تايه .. وشنطة بطة ..
وعمو أسرع كان قبطت وزولي نطة .. ودي المحطة وهنا لقطة وهنا ...
هيي يا إنت هيي وتاني هيي وهييييين ... عندكم كلب ولا أجي بالدرب .. أطفر ولا بدفر المال شنو ..
أبوك لا راضي لا راضي .. كيسك فاضي ولا نمشي القاضي ..أشخت شخيت ...........
***
وفي النهاية القصة فكة .. دي الحضارة الدينها فك .. ولاحقة حبوبة أمي مكة ..
وعاملة فيها رشيقة حية .. ومهما نصرخ هيا هيا ..
ومهما نصرخ هيا هيا ..
وفي البتنسى أبوها يقدح .. في ضنى أيامو الشقية ..
عشان هي تقرا .. وبكرة تنجح .. وتحيا مستورة ورضية ..
وفي الحليلهم أماتهم يبكن بوراهم ووب وحيا ... الإ ينسى جمال محنة ..
حليل زمنكن يارضية .. لا فؤادكن مرة حن .. ولا طرن بالمرة جيا ..
الشفايف مي شفايف .. والشعر سوون كية ..
وبدن الإسكيرتي شرطة.. وتاني فوق الركبة طية ..
وبمرقن .........


أحسن أسكت ....... أحسن أسكت ..

شدي حيلك يا بنية .........
شدي حيلك ........


شكرا

[استارو]

اخى المتالق
alex muaaz
انت دائماً عندي تميز يستديم نقاء
عندك ترقص الآمال تنبض روعة اللقياء
تشرق كل ايامي جمال محبة وصفاء
وتملأ فرحتي الطرقات والآفاق والارجاء
سلمت يمينك
ما أروع هذا البوح
وما أصفي هذا العبير
المنساب بين حروفك
وما أجمل مشاعرك
حين تسكبها سكب
إبداع متجدد مع نبض
الوريد، تعصر الروح
فى حروف قلمك
وتنتشي
الكلمات .

.
.
.
.
ننتظر جديدكـ الرائع
دمتى بخير

[Still I Need U]

[align=center]جميل ورائع خالص Alex ،،
هنا يبدأ العضو تميزه بالأشياء التي تعكس مدي ثقافته ،،
وحبه للثقافة العامة ،،
أتمني منك مواصلة إبداعك ،،[/align][/size]

[الغريبة]

مبالغة
من الفرحة بالجد دايرة اجـــــــــــــــــــــن
تسلم يالكس
والله شكرا والله ما قصرت

[جذاب وما كذاب]

[frame="7 80"]تسلم يا مبدع

والله ما بتقصر

كلام زي مويه الدهب البحريني [/frame]

[alex muaaz]

شكرا استارو على مرورك ولك مني كل الود الإحترام
وشكرا استيل على مرورك وتشجيعك الغالي
وهذه لك أختي الغريبة
ولك مني التحية والود والإحترام أخي جذاب وما كذاب

[ودالدرديري]

من القصائد المشهورة في مجتمع الجامعات بالسودان وهي تحكي حال كاتبها (طالب بجامعة الجزيرة) بحثت عنها كثيراً ووجدتها في أحد المنتديات الصديقة ونقلتها لكم لروعتها ونسبة لأنها طويلة بعض الشيء فقد قمت بتقسيمها الى أجزاء وإليكم الجزء الأول أتمنى أن تنال إعجابكم :



بت من ورق


هوي يا الحبيب ..أحسن عيونك فتحن...
ونفض غبار الجامعات الكتحن ...
عبرات هواي لو سدسدن حلقك دحين لي زول سواي ما تنحنحن ..
وأنا أصلي عارفك ما بتحن ..
ليه العوينات البريدنك تخونن .. .. وتجرحن
ليه بالدموع والنوح مع الناس .. تفضحن ..
وأنا ديمة بسأل ربي إنو ... طالباتنا يسمحن ..
يسمحن .. ويفرحن ..وبالخير تملي يصبحن ..
ولو في مشيهن لكلكة .. يصلحن ..
هو شنو الفضل في الدنيا شان الناس تذاكر .. وتمتحن ..
بس نبرى من عيشة الفقر ..
وسمح السكات الفي خشم سيدو .. وكمان سمح الصبر ..
مادام في مدرسة مدرسة .. وأساتذة خصيصين نجاح ..
وحصص صباح .. ودرس عصر ..
حنسوي ايه .. حندق جرس أخر فصل أو ننفصل نتلم نشوف باقي العمر ..
ماواضحة زي عين الشمس ..واضحة كان هسي وأمس ..
و أصلي مارق ياضنى .. من غنوتي الأنا مدمنة ..
من بلوتي وسلواي أنا ..
من قصة لا بتأكلنا عيش لا تفر جبين هذا العناء ..
من شدة فاردة الإرتخا ..متمكنة من ممكنة وما ممكنة ..
وايه لزوم يعني القصيد وكتين تموت العاطفة ..
وكتين نعتم فكرتو ... وحروفو ذاتا نلونا ..
وكتين نقدقد مهجتو .. وندس عيونو وندفنا ..
ايه لزوم يعني الشعر.. الماعرف معناهو لا شيتا عنى..
وأبقى مارق ياجنى .. كان من هناك .. أو من هنا كان منهم .. أو مننا ..
من مزامير التوجس والغناء ..من صباحات الهواجس .. ومن طوابير المدارس..
ومن مروق الروح.. وأمرق من متاهات النفس ماواضحة زي عين الشمس ..
واضحة في كل الجرايد والقصائد والمعـابد والمصانع .. والشوارع ..
لما دون نشعر نحس .. ولما دون خاطر يمر ..
واضحة إنو ... سكاتو مقدود من دبر .. وكلامو مقدود من دبر ..
وضميرو مقدود من دبر.. وقميصو مقدود من دبر ..
لكن منو البشهد عليك يابت مادام كلك عذر ؟؟؟؟
يابت مادام عرفوك جد بتخافي من ضل الضحى .. ومن بشرة الناس السمر ..
يؤسفنا جداً إننا .. يوسفنا أسود مننا ..ومحنية ضهرو من الكبر ..
وعرفوك جد بتخافي من ضل الضحى .. ومن ضحكة الناس السمر ..
عرفوك .. بس هم ماأظن فهمو العيون السمحة فيك كانت شتر ..
ويسلم ضراع الطين .. وقدح المونة ..
جيت أمونة حر الواطة وادٌٌٌة صحونا
للولد البشيل طوريتو سباق الفجر ..
وتضيع سنين العمر ليه في المدرسة .. المدرسة المابتجبر الخاطر إذن ..
المدرسة المابتستر الحال ..ما بتملانا فد شوال تمر ..
ياخ ايه لزوم يعني الدفاتر والمحابر والشنط والأردية
والدق ودرس اليوم وحلق الراس وقليم الضفر..
ايييييييك يا سنين المدرسة .. فتينا ليه يامدرسة ..
دي الجامعة لسع فيها ناس بتحب بعض .. وتلبس بعض .. وتاكل بعض ..
وتقوم بعض وتقعد بعض و........ منو العوض و ليهو العوض ..
ناس تجمع ورق فاضي وتمر .. تنجح فشل .. تسرق حصاد غيرا وتمر ..
وكتير في ناس بتفط سطر..
ياشعب أصحى كفاك شقى .. وكفاك خطاك على الجمر ..
لمتين حنحلم بالغناء .. لمتين نعدي من الضياع والفرقة والحرقة ونمر ..
وسمح السكات الفي خشم سيدو .. وكمان سمح الصبر ..
والدنيا مازالت بخير ... والدنيا مازالت فقر..
وأنا زي دراويش العشق .. ماسقتا خطوات الرحيل ..
لكن مشيتا وبالجبر ..لكن مشيتا وفوق جمر ..
وحبيبتي قالت لي تعال ..تعال
ومرقت من جلدي القديم .. ودرعت توب الصبينة .. ومشيتلها ..وانا منتشي
سنتين ولا قعدت عيوني مع عيونها اتونست ..لا في الخيال لاقيتا .. لالاقتني هي ..
سنتين ولا باينالنا سكة ولا خطانا بتنتهي ..
سنتين ورغم الإبتعاد والعشنا من خوف وارتعاد
لسع سعاد هي بتستحي...... وأنا بشتهي وأنا بستحي ....وهي بتشتهي ..
ومابين نعم واللقيا كان حرفين نهي ..
وانا خاطري من كتر الهموم الساعة خمسة نسى .. وسهي
وفي الهم غرق .. وبالشوق حرق وحبيبتي قالت لي تعال ..
خافت وكت قتليها شيخ ..
مسكينة ماعارفة الفرق بين الدراويش والشيوخ ...
بين الصفيقات والعرق.... بين الغرق والماغرق ..
تاريها زينا يا خلق طينة ومطينة بالعشق ... ومقتولة لى حد السكات ..ومتيمة
بس كنت ديمة بعلما إنو الحزن زاد الفرح .. والفرحة نفسها مؤلمة ..
والعافية أسمح منها ..لو حتى كانت بلسما ..
والشمس في توب من حلال .. والقمرة أكبر مجرمة وكضابة مابتحلب لبن ..
مليانة زيف ومهضلمة وممسوخة .. مهما اتبرجت مازي مصابيح السما ..
والقدرة ما بتنفات شبر .. والسترة ميها الكمكمة ..
والناس سواسية كالمشط .. والحرة دينها ملجما
والحلوة مي حلوة طعم .. والمرة ربنا قاسما ..
والقسمة مابالأيد كمان ... الأيد هي زاتها مقسمة ..
أصبع صغير.. واصبع كبير..واصبع وسط .. واصبع نضم .. واصبع بدخل خاتما ..
وتفرق بداية الشوق كتير وكتين تصل للخاتما ..
ما الريدة بتشوف بي تحت .. والحب موشح بالعمى ..
وما بفهم النور الإ زول عاش في دياجر مظلمة ..
النجمة مابتعني الوضوح .. العتمة ميها الهضلمة ..
الوشمة مانسمة جروح .. والبسمة عز للبفهما ..
والنسمة في الصيف لو تفوح تحرق حشى البتنسما..
والوجعة باااااردة على الببوح .. وتسل رويحة البكتما ..
والروح بتمرق مابتموت ..والجتة بتقيم مأتما ..
واحنا انعكاسات للنجوم .. والواطة ضل راميه السماء..
وأنا ما رميت إذا رميت وأي عاشق مارمى
ضحك المشيب برأسه فبكى و نادى سلما ..
و سمت بغاث الطير حين كبا حزيناً مرغما ..

..............................

----- يــــتـــــبــــع ــــــــــ

[ودالدرديري]

بت من ورق (2)


وريتا معنى القارعة وعقرو ودمدم عليهم ربهم .
حفظتها الناس والفلق والحمد والإخلاص وطه ولم يكن والعاديات وكأنما ..ماكان في شي ..
وبعد ده كلو بتنتشي .. لا بتستحي ولا بتختشي ..
وقرمت كرعي بالمشي .. وكلمتها قتليها أوع تدقشي ..
الطيبة مافي كل شي وما تهبشي ..
الجوه خليو جوه فيك والمابخش ماتخششي ..
ودمع الظنون البيني بينك قشقشي .. والشوق على باب البريدك وشوشي ..
ونار النضال جنب الشمس ماتمشي فيها روحي هوي بتشمشي ..
وكان جاك خريف الوجعة سويلك بيوت في داخلي ابني وعشعشي ..
و أديني احساس إني شي ..
وقرمت كرعي بالمشي .. وكلمتها ..
خلي بالك يا بنية .. العمارات البناطحن والمعاني القرمزية ...
أوع تسرق من ملامحك أو تغير فيك شوية ..
ماني شايل هم قرايتك إتي قراية .. وذكية ..
أبقي جد ياحلوة فاهمة وأبقي واعية وكوني حية ..
أصلو في الجامعة العريضة .. وفي بيوت الداخلية ..
في الحبايب .. وفي القرايب .. وفي البقاسموك الأسية ..
الإ برضو خلي بالك .. هي المصايب مي شوية ..
العقارب والكهارب و الدبايب والمصايب .. وألف سوسة وألف حية ..
وإتي سمحة ..إتي قمحة ولسه نية ...
ولو دقستي أسأليني أنا الدقستا وأكلوني السمسمية ..
في زمنا وحات عيونك بدفنوك يازولة حية ..
أبقي واظبة على صلاتك .. قومي كل ما نادى حيا ..
وخلي بالك في الشوارع .. والمسافات القصية ..
وفي مشاوير العصاري .. وإنت ساعة المغربية
في الحدائق والكباري والملاهي الأجنبية ..
والوليدات الأخيرلك من تصاحبيهم بنية ..
والبنيات البظلطن وشهن..والبتعمل فيها شيخة أو تقول شايفالا طيه
وفي القراية سجم رمادن .. أبقي مارقة وناغمي ليا ..
مرة تلقى الضمة شدة .. ومرة تلقى الشدة مدة ... وعادي تلقى الخمسة مية ..
واسمع ... اسمع ..
أوع تسمعي للبغنن ..في البغنن
الله ليا .. و كر عليا ... وجيبو ليا .. و سـو...... عاد ده كلام ؟؟
ونحن يا حليلنا الغلابة .. يلعبنبنا كر عليا ..
ودايرة بيرقر .. ودايرة شية ..

....................

---------------- يتبع------------

[sarona]

بت من ورق (2)


الإ برضو خلي بالك .. هي المصايب مي شوية ..
العقارب والكهارب و الدبايب والمصايب .. وألف سوسة وألف حية ..
وإتي سمحة ..إتي قمحة ولسه نية ...
ولو دقستي أسأليني أنا الدقستا وأكلوني السمسمية ..
في زمنا وحات عيونك بدفنوك يازولة حية ..
أبقي واظبة على صلاتك .. قومي كل ما نادى حيا ..
وخلي بالك في الشوارع .. والمسافات القصية ..
وفي مشاوير العصاري .. وإنت ساعة المغربية
في الحدائق والكباري والملاهي الأجنبية ..
والوليدات الأخيرلك من تصاحبيهم بنية ..
والبنيات البظلطن وشهن..والبتعمل فيها شيخة أو تقول شايفالا طيه
وفي القراية سجم رمادن .. أبقي مارقة وناغمي ليا ..
مرة تلقى الضمة شدة .. ومرة تلقى الشدة مدة ... وعادي تلقى الخمسة مية ..
....................

---------------- يتبع------------

ود الدرديري بركه الجمعت ....

وبصراحه القصيده روعه وتستحق فعلا بحثك عنها

.
.
.

[ودالدرديري]

سارونا


يديك الف عافية يابتنا على المرور الجميل
تستاهلي السمح ان شاءالله


ولييييييييييييييي قدااااااااااااااام













و................الباقي على الله

[ودالدرديري]

بت من ورق (3)
.........

وفي النهاية القصة فكة .. دي الحضارة الديــنـا فكا .. ولاحقة حبوبة أمي مكة ..
وعاملة فيها رشيقة حية .. ومهما نصرخ هيا هيا ..
في البتنسى أبوها يقدح .. في ضل أيامو الشقية ..
عشان هي تقرا .. وبكرة تنجح .. وتحيا مستورة ورضية ..
وفي الحليل أماتن يبكن بوراهن ووب و حيا
الإ هن سجم المحنة حليل زمنكن يارضية ..
لا فؤادكن مرة حن .. ولا طرن بالمرة جيا
الشفايف مي شفايف .. والشعر سوونلو كية ..
و يدن الإسكيرت شرطة.. وتاني فوق الركبة طية ..
ويمرقن ......... أحسن أسكت ....... أحسن أسكت ..

شدي حيلك يا بنية .........

شدي حيلك يا بنية .....

شدي حيلك يا بنية .....






انتهى