عليكم الله واسوني في مأساتي وقدمو لي يد المساعدة

[bnoota]

[align=center]احبتي أعضاء المنتدى حبيت اروي لكم هذه القصة التي حصلت لأعز صديقاتي وأرجو مساعدتي ومدي بالنصائح لعلي استطيع ان أساعدها وأخفف عنها .
أحبتي احنا في زمن كتر فيهو الظلم والاساءة حتى صار كتير من الناس يجازي الاحسان بالأساءة والعياذ بالله.
المهم لي صديقة عزيزة على قلبي عالية الاخلاق طيبة العشرة ولها من الصفات الحلوة التي تحسد عليها ما لا تحصى ولا تعد ولا أذكيها على الله من النوع اول ما تشوفها تحبها وتدخل في قلبك تحب مساعدة الغير بطبيعة وجهها البشوش القصة هي ذات يوم ونحن طالبات في الجامعة كنا مع بعض في معمل من معامل الكمبيوتر وعندما كانت خارجة من المعمل نادتها احدى الزميلات وسالتها مساعدتها في حاجة في الجهاز فبطبعها وكلامها الحلو مشت اليها وعندما خلصت كلامها معها ذهبت وتركتها لباقي شغلها المهم بعد ساعة او ساعتين جالها اتصال من نفس الزميلة وأخبرتها بانه فقدت جوالها وطلبت منها لو هي موجودة لسة بالجامعة تساعدها وتمشي للمعمل تبلغ المسؤول فقالت لها صديقتي انشاء الله ربنا يرجعه وانشاء الله اللي اخدته تكون بنت حلال وترجع وانا موجودة بالجامعة لكن المعمل قفل وبيفتح بعد ساعة خلاص ما مشكلة انا بستنلى لحد ما يفتح وببلغهم وكنت انا معاها هذه اللحظة المهم بعد فتح ذهبنا مع بعض وبلغنا المسؤؤل وقال تعالو اسالو بكرة لو رجع بتلاقو هنا في المكتب فقامت صديقتي اتصلت وكلمتها بالكلام دا وقالت لها بكرة لو ما عرفتي المكتب وصفوهو لي انا في استعداد امشي معاكي , وفعلا تاني يوم الزميلة اتصلت عليها وطلبت مساعدتها فما كان من صديقتي الا ان قالت لها جدا وين انتي هسة وذهبت معها ووالله كانت صديقتي عندها محاضرة اتاخرت بسببها اكتر من نص ساعة عشان تساعدها وبعد دا كلو كانت صديقتي كل يوم تسالها وتكلم كل بنت تلاقيها لو سمعت في حاجة حقت احد لقوها وصديقتي من النوع اللي يحب الام بشددددة وهذه الزميلة امها ما معاها فكانت تقول صديقتي انا حانة اكتر شى على امها لو اتصلت وما لقت رد وقلب الام بخاف ويجي في بالها بنتها حصل لها شى فشوفو كيف قلب صديقتي
المهم شنو تتوقعو حصل بعد كدا ؟؟؟؟ في اليوم التالت او الرابع التقينا بالزميلة وسالتها يارب تكوني لقيتي جوالك فهزت الزميلة راسها بالنفي وذهبت بعد ساعة ونصف بالظبط اتصلت عليها من نفس رقمها وعندما صديقتي رأت رقمها تهلل وجهها بالفرح وبادرتها بالحمدلله لقيتي جوالك بعدها ردت عليها الزميلة( لا ما لقيتو وانتي في مشكلة كبيرة وانا ما عايزة ادخلك في مشكلة دا بس كلام بيني وبينك ومافي اي احد حيعرفه بس انتي رجعي الجوال دا و المشكلة انتهت ) طبعا انا ما سامعة كلام البنت بس فجأة صديقتي جلست على الارض وتصرخ والله كصراخ الطفل الذي فقد امهه وتقول لها انا اجيبو من وين يا .... فما قدرت اعمل حاجة غير اني اهدئها واقول لا حول ولا قوة الا بالله العلي العظيم . وطلبت منها صديقتي ان تتكلم معها وجها لوجه فرفضت الزميلة فقالت لها صديقتي انا بجيك في مكانك فقط اديني رقم غرفتك ووين ساكنة فالتقو مع بعض وسمعتها كلام لا يليق بها ابدا فهي الانسانة العفيفة الكريمة فما كان من صديقتي الا ان تقول لها حسبي الله ونعم الوكيل تلاتة مرات وذكرتها بالشيطان وانو يحب يفرق بين الاصحاب وهذا شغله وذكرتها بدعوة المظلوم مستجابة وكانت تقول لها وانا مظلووووووووومة والله شاهد وما عندي حاجة اثبت بيها الا علم الله سبحانه ودا بلاء من ربي لي فما علي الا الصبر وانتي قولي ما عايزة تقوليه وفي يوم حنلتقي وربنا ليس بظلام للعبيد وحتعرفي مين فينا الظالم وانا ما حاوقف دعائي عليك . احبائي والله دي فقط الكلمات اللي طلعت من صديقتي في هذه اللحظة قليل اللي بيقدر يثبت نفسو ويصبر فيها ... والزميلة بعد عرفت خطأهها رجعت اليها تتاسف وتغير من كلامها ولكن ابت نفس صديقتي ان تسامحها بعد اصرارها قالت لها بمد يدي اصافحك لكن ما بيننا اي شى تاني . المشكلة التي اريد مسعدتكم فيها كيف اقدر امسح الشى دا من نفس وقلب صديقتي لانها فقدت الثقة في البنات بصفة عامة وصار عندها كره جدا للبنات والتعامل معهن وطبعا دي حاجة تلقائية لما الواحد تحصل ليهو صدمة قوية زي دي بينتج لها نتائج وتغير وبقت حكمتها دائنا اتق شر من احسنت اليه ..

احبائي لا تبخلو علي بنصائحكم ومساعدتكم لعلي اقدر انا اساعدها..[/align][/size][/size]

[بت صيدله]

والله قصه مؤثره جدا وان بعض الظن اثم الظلم ماحاجه ساهله بس اكيد باذن الله بتتجاوز الموقف ده وتنساهو الانسان سموهو انسان عشان بينسى وربنا يديم المحبه والموده بينك وبين صاحبتك كفايه انو عندها صديقه تحبها وتقيف معاها وتتالم عشانها وده شي نادر الايام دي تقبلي مروري مع بالغ ودي بت صيدله

[الهايم]

القصه مؤلمه بس لاتعني نهاية العالم لازالت الدنيا بخير وحكمة الحياه الواحد ينظر لي اصابع اليد ماهي سواء ويعني زي ماقلتي اتقي شر من احسن اليه

انا كان لي صديق اقرب من اخي المهم ساعده لي درجة العرس شاركتهو كل شي وكان بيننا شراكه في راس مال ليقل عن 100 ألف ريال وخانني في كل كشي حتى انو لم يصدق مع نفسه
احتسبت الله وصبرة البجي من السماء تلزمو الارض ولازالت علاقتي معه طيبه بس ضاع منو كل شي وندم ولازال في اسو حال


انا شبعان في خيانات اغرب الناس لدي بس عندي علاج سريع وه انك تعامل الناس بالله والنيه البيضا وخليها تشوف قولي لها فلقراء موضوعي هذا وبعد فتره تشوف



ان تسامحها وان لاتدعو عليها ان تترك امرها لله وتعامها مثل اول وهي الجارحه سوف تنحرج عندما تجد انها لازالت تعامل بنفس المستوى الاول بس تكون حزره والله المعين

[ود الزوحي]

نصيحة مني .. خليها براها ماتسأليها الدنياكفيلة تنسيها وتعلما كيف تنسى زي الحاجات ده ..

تحيااااااااااااتي

[bnoota]

تسلمي اختي بنت صيدلية على المرور وانشاء الله ربنا يصلح احوالنا كلنا

[bnoota]

[align=center]اخي الهايم مشكور على المرور وفعلا الخيانة كثيرة جدا الايام دي ومن اقرب الناس بس نسال الله السلامة وانشاءالله اخليها تقرا كلامك دا عشان يخفف عليها .[/align]

[bnoota]

[align=center]اخي ود الزوحي شكرا على المرور
لكن لما واحد يشوف صاحبو متالم ما بقدر اسكت بحاول يخفف عليهو وانشاء الله اعمل بنصيحتك . والد نيا فعلا بتنسيها ماسي الدنيا كتيرة[/align][/color]

[الهايم]

رزقك الله حب
المصطفي واحياك
بسنته وحشرك في
زمرته واوردك حوضه
وسقاك بكفه وادخلك
الجنة برفقته وأكرمك
بمجاورته كل ثانيه
وانتم طيبون**

مشكوووووووره
خالص تحياتي

[zaina]

نسيان الالام صفة ملازمة للانسان وبدونه لانستطيع ان نكمل مشوار الحياة الطويل بحلاوته ومرارته

الصدمات المؤلمة من المقربين او الزملاء ينتج عنها رد فعل نفسى ولكنه يزول مع مرور الايام فربما صديقتك تحتاج لوقت لتنسى ماحدث (اعفوا عمن ظلمك)

[bnoota]

اللهم اميييين جمعا يا رب
تسلم اخي الهايم

[bnoota]

مشكورة اختي زينة تسلميييي على المرور

[مهاجر_101]

مشكوووووور والله يعطيف الف عافيه
لا بد من الجد ولاجتهاد
لا أحد ينجح بالموهبة فقط؛الله يعطي الموهبة والعمل ويحولها الي عبقرية
اذا تعذر عليك الفوز اجعل من يسبقك يكسر الرقم القياسي
ليست الاشاعات الكاذبة وحدها مؤذية فهناك حقائق كثيرة لا يجوزتناقلها
لاتنتظر النجاح اذا بقيت محميا تحت شجرة العائلة

[سندس]

قصة مؤثرة فعلا والظلم حاار وقاسي علينا تحمله .... لكن هي تجربة والحياة تجارب والزمن دا للاسف الطيبة الزايدة مامقبولة ومدعاة للسخرية ..لكن المفروض من صديقتك انها ماتكون ندمانة على خير عملتو
تاني شي اكبر رد اعتبار ليها اعتذار الفتاة منها وان كان لايزيل اثر الظلم تالت شي المفروض تتقبل الصدمة دي وهي فعلا اتقبلتها بقوة وماكانت ضعيفة رابعا المفروض تكون عارفة انو ماكل البنات واحد
وتعرف تميز بين الصالح والطالح ماتتتعمق في علاقاتها الا لمن تتاكد من حسن النية..وان شاء الله يبقى درس بس ماياثر في حياتها بسلبية............ ربنا يرفع عنها وانتي كوني معاها دايما بتنسى اكيد وترجع لطبيعتها وسمي الانسان انسان من النسيان ...وقولي ليها كوني شرسة شوية عشان مايتاكل حقك هو دا الزمن للاسف...

[bnoota]

تسلم يا مهاجر .
تحياااااتي

[bnoota]

تسلمي سندس على الكلمات المعبرة .
والله يسترنا جميعا في هذا الزمن فعلا زمن عجيب.
تحياااااتي حبيبتي..

[محمد سليمان]

~*¤ô§ô¤*~*¤ô§ô¤*~اختي العزيزه بصراحه قصه مؤثره جداجدا
من المستحيلات انو زول لو نظلم من اي حد يرجع ليهو زي الاول
وحتا ازا حصل حتكون علاقه هامشيه مبنيه علي ماحدث سابقا
وبصراحه عندها حق
والشي الثاني : هي مامخصمها لانو بتدخل في تحريم وكده
عين العقل العملتو
المثل بيقول الباب البيجيب الريح سدووو واستريح ........



الدنيا ساعه جعلها طاعه والنفس طماعه فعودها القناعه

تحياتي اختي الغاليه




وتقبلي مروري
~*¤ô§ô¤*~*¤ô§ô¤*~

[king]

سلام عليكم اختي العزيزه صحبتك ما تزعل لانه ربنا وراه نيه الزوله من اول مره عشان ما كان تكون بينهم اي صداقه . لعلمك اختي قليل من يصاحب في مجتمع الجامعات هذا الزمن باخص البنات مع احترامي لكم لانهن او معظمهن كثيرات الغيره من بعضوبتعات مصالح الحمد لله وجدتك بالقرب منها تاخذ حزر لان امثال هذه كثر من الجنسين.

[مومو و بس]

تسلمي اختي ع الموضوع المواثر واعتقد انو دي عبره للكل الناس








وتقبلي مروري

[الديامي الاصلي]

يا بنوتا
زن من وزنك بما وزنك به فزنه ......... ومن ظن انك دونه اترك هواه ازن وهنه
وبس
تقبلي مروري

[bnoota]

تسلم من كل شر اخي محمد سليمان على مرورك
الظلم اصعب حاجة في الحياة ونسيانه اصعب . وعلى قولك الباب اللي بجيلك منه الريح سدو واستريح .