امثال من الشماليه

[الهمبريب]

امثال من الشماليه جمعها الباحث محجوب كرار.......


اب وشين العند الله مو زين ...المعنى واضح ويتطابق مع الحديث الشريف حول ذا الوجهين ..
اخد بت الصمد تبالك سند .....اى تزوجها لانها من بيت كريم ...
اشرب بالفرطوق لامن تلقى الشربوق ... الفرطوق والشربوق اناء القرع يستعمل فى شرب الماء ..
الله كان جاد ينفض الفى الرماد ...الله قد ينعم على العبد من الحضيض الى القمة ..
ان غلبك فعلو انظر دليلو .....اذا اردت ان تعرف ابحث عن الاسباب ..
اهلك ان بقوا كلاب هوى معاهم ...وجهة نظر شعبية الفرد مع الجماعة ..
البياكل حقو وحق رفيقو حرم طريقو ...الانسان الطماع ..
البنت بلا عنايى ماها سعاى .. التربية مطلوبة ..
المحب لى جارو ما بتيبس دارو ...انسان تخلو نفسه من الحسد ..
راجل المرتين ارنب بين كلبين ....يشيل شيلته معاهم ..
..
البصارعك كان ما رماك يتور نفسك ....التزام الحذر والحيطة ..
البيطلع من الراس يشيلو الناس... المحافظة على الاسرار..
بوم العرب ياكل نجيض النوبة ... التفاوت فى الفهم ..
اليفضل فى العقاب لابد يضوق العذاب ...الذى يتحمل المسؤولية فى البلد ..
التسويهو بى قوة يرميك فى هوة ...القوة غير محببة فى كثير من الامور ..
الحسادى ترقد وسادى ..حسادته تتبعه الى قبره ..
الحيلي قليلي والخشم بليلي ...يتكلم اكثر مما يفعل ..
الخاين من وجيهو باين ..الذى يضمر السوء فى نفسه ..
الدبرة يقردنا صاحبها .. المصيبة لا يحس بها الا صاحبها ....
درب العيشي ما فيهو نبيشي... العمل الشريف ..
الدنيا حلاتا مواصلاتا ...صلة الرحم ..
عفنة الضيف ان بات وقيل ....الذوق عند الزيارة
الغنماية الغريبي تقد الزريبي ...لمن يتزوج بعيدا عن اهله ..تقد الزريبي اى تفرق بين الاهل والاسرة الواحدة ....
الفسالى البينى ولا الجوديي الوسخانى ......التظاهر بتقديم الخدمة مع الضرر ..
الكضب مابشيل سيده ..

[waya]

[grade="00008B FF6347 008000 4B0082"]تشكراتي يا اصيل ,,,
فاهلنا كلماتهم حكم ,,, تستحق التمعن فيها ,,,

تشكراتي [/grade]

[Limia]

مـشـكور الاخو سلمت يداك ..

[( ود البورت )]

[grade="00008B FF6347 008000 4B0082"]والله اشكرك كيف مو عارف لكن اقولك مشكووووووووووور لاحلي موضوع[/grade]