يلا ياناس السعوديه نكون رابطه

[الهايم]

نحن هنا في انا سوداني طبعاً مليون في الميه سودانين لكن بامكاننا نكون رابطه للسودانين المقيمين بالسعوديه حتى نتواصل فيها عسى ان تجمعنا الظروف ونكون متعارفين على بعض ونساعد بعض من كل النواحي هي فكره منكم من يؤيد ومنكم من يعارض انا طرحتها ناقشوها وقولو رايكم شنو؟ نرشح رئس الرابطه (( عابده )) حتى نظهر باننا نقدس المراه ونعطها حقوقها كامله : منكم من يقول لابارك الله في قوم ....... ألخ المهم هو اختراح ونشارك لكي نصل لي شله تتكامل :
اما بعد نقول المراه هي الام ويالها من عظمه امي: اختي زوجتي بنتي حبيبتي صديقتي







راي صواباً يحتمل الخطا **** وراي غيري خطاً يحتمل الصواب

[همسة حنين]

شنوشنو غيرتكم دي شفيو ناس ليبيا قلتو تقلدوهم لاحولة ووووووووووووووووب علي منكم وانا اقول منو ادانا عين

[الهايم]

همسه والله لاعلم لي بي اي رابطه ولو تلاحظي تلقيني جديد في المنتدى لكن راودتني الفكره وابين علي لوكنت اقلد

[همسة حنين]

لالا انا بهزار
وحتى لو انت بتقلد لينا الشرف انو رابطتتنا تعجبك واتقلده

[أبعاج]

نحن هنا في انا سوداني طبعاً مليون في الميه سودانين لكن بامكاننا نكون رابطه للسودانين المقيمين بالسعوديه حتى نتواصل فيها عسى ان تجمعنا الظروف ونكون متعارفين على بعض ونساعد بعض من كل النواحي هي فكره منكم من يؤيد ومنكم من يعارض انا طرحتها ناقشوها وقولو رايكم شنو؟ نرشح رئس الرابطه (( عابده )) حتى نظهر باننا نقدس المراه ونعطها حقوقها كامله : منكم من يقول لابارك الله في قوم ....... ألخ المهم هو اختراح ونشارك لكي نصل لي شله تتكامل :
اما بعد نقول المراه هي الام ويالها من عظمه امي: اختي زوجتي بنتي حبيبتي صديقتي






راي صواباً يحتمل الخطا **** وراي غيري خطاً يحتمل الصواب

يالهايم أنت عاوز تكون رابطه ولا عاوز تتكلم عن حقوق المرأة , , أول شى خلينا نكون الرابطه وبعدين نشوف منو الرئيس , وممكن تكون أنت الرئيس!!

[نسمة الفجر]

السلام عليكم ورحمة الله وبركاته
أحسن يكون الرئيس رجل وأفضل من أنو تكون مرأة

[الهايم]

حباب ابوعاج والله حبابك فل نكون ونحترم رايك ولك العتبا حتى ترضى وشكرا للاجابه ونشكر نسعيكم واتمنا ان يكون عمل خير: والله شهامتك من اسمك يادراج المحن ابعاج أخوي

[الهايم]

نشكر تجاوبك يا نسمه الفجر وبعدين نرشح نحن ممكن نصوت المانع شنو

[ودالدرديري]

الهايم كلامك سمح

شكلك مالفيت جوه المنتدى لأنك لو لفيت حتلقى الروابط موجودة

رابطة الرياض و رابطة الخرطوم ورابطة الدوحة وغيرها كتير

حاول حوم شوية كدا في منتدى الاصدقاء والاحبة وحتلقى حاجات كتيرة في بالك


يديك العافية

وليييييييييييييييييييييييييي قدااااااااااااااااااام










و..................الباقي على الله

[الهايم]

شكرا ود الدرديري واكيد بحوم بس اول نثبت الوجود وبنحوس وبنحوم علي كل شي بس الرابطه لكل السعوديه جمعا وبعد داك التوفيق من الله واحترم رايك وخالص تحياتي

[الهايم]

همسة حنين **** جايكم ياناس ليبيا*** مقبوله منك المزحه ما احلا الدنيا بتواصلها الامباشر**


++أغلى حياتي من ثواني بها
ألقـــاك..!
لولاك ما تسوى حياتي
كدرهــا..!
ودنيا خلت من صافي الود
ويــــاك..!
ان شاء الله تكسف شمسها مع
قـــمرها..!

[ود الخير]

يسلمو اخى الكريم
بس الرابطه من ناحيه جغرافيه مستحيله
ممكن رابطه جده الرياض الدمام المدينه
والله التفاعل الاجتماعى مطلوب
بت ولى ولد بعد تكوين الترابط
مشكور

[الهايم]

هندسسسسسه اختي العزيزه نحن نكونها هنا وربما تتطور خارج المنتدى ويكون بعد داك مدينه مدينه وسوف تعم ان شاء الله صح صعبه بس العزيمه والصبر والترابط مثل ما قلتي حميد


اتمنا ان يتحقق حلمي ونتعاون والباقي على الله




لاحظتي انا سوداني يجمعنا ولو على البعد مع الجميع هي ايضا رابطه كبيره نشكر الله عليها

** ومشكووووووووووره وتحياتي لكي ودعواتي بالتوفيق

[صلاح يحيى سليمان]

العضو الكريم الهايم

كما ذكر لك الاخ ود الدرديرى هنالك مشاركة مثبته
باسم رابطة انا سودانى فى السعودية ( كان اسم المشاركة
رابطة انا سودانى فى الرياض ...تم دمج مشاركة لها
من منتدى المغتربين بنفس الفكرة من الاخ محمد نعيم)
لتشمل كل الاعضاء فى السعودية.


وشكرا

[الهايم]

لا باس المهم رااابطه جامعه ولكم الشكر والعرفان على المرور الرايع وسوف ننضم لها حتى تشمل الجميع

[ابن عوف]

الهايم يديك العافية


اولا انت مقيم وين فى السعودية

لانه فى رابطة فى الرياض وبداية رابطة فى جدة يمكن تتكون روابط على حسب المقيمين فى المناطق

بالسعودية

ودمت بعافية

[الهايم]

ود ابنعوف لك الشكر والتحيه

انا مقيم بالشرقيه: الهفوف

واتنما من اهل الشرقيه رابطه قويه باسم الشريقيه وتنظم لكم

وربما تجيبنا الظروف بجده فنجد الاخوه والاصدقاء وتكون علاقه لي قدام

ربنا يوفق لعمل الخير ويجعنا كلنا في بلدنا بالعافيه

طرحك عظيم ويعجبني ولك الود

[ابن عوف]

ود ابنعوف لك الشكر والتحيه

انا مقيم بالشرقيه: الهفوف

واتنما من اهل الشرقيه رابطه قويه باسم الشريقيه وتنظم لكم

وربما تجيبنا الظروف بجده فنجد الاخوه والاصدقاء وتكون علاقه لي قدام

ربنا يوفق لعمل الخير ويجعنا كلنا في بلدنا بالعافيه

طرحك عظيم ويعجبني ولك الود

يديك العافية
ويسعد مساك بكل نور

طيب ممكن تعمل بوست تحصر فيه ناس الهفوف وتشوف عددهم وبعد كدا ممكن تنسق للتجتمع معهم
اهم نقطة تشوف العدد
وربنا يوفق

[الهايم]

اللهم يوفق الجميع اخ ودابنعوف شكرا للمورور وللنصايح
ان شاء الله ننسق مع الكل وتقبل خالص تحياتي

[ابن عوف]

اللهم يوفق الجميع اخ ودابنعوف شكرا للمورور وللنصايح
ان شاء الله ننسق مع الكل وتقبل خالص تحياتي

يلا يا اخى الهايم

حرك شوية واعمل بوست بالهفوف احصر فيه العدد


الموضوع ما ساهل شد حيلك خليه يشوف النور

وان شاء الله معك