قصه صحبت جوطه ياشباب ((حزينه))

[جوطه]

هاي ازيكم حبايبي انا انشا تمام عايزه احكي ليكم قصه صحبتي واعز صحبه لي طبعا هي بتقرا مختبرات طبيه التقانه من دفعه عام 2006 حبيبها اسمو وائل وهي اسمها ساره حيدر ساكنه بحري الصبابي وهي
وحيده بين سبعه اخوانا وبوها مغترب في الامارات 8سنوات المهم عرسا كان بعد التخريج بشهرين تقريباطبعا حبيبها وائل بحبها ليهو سنتين المهم يالحبان بدات مراسيم عرسها كانت دايما بتحب التغير وما بتحي حاجاتها تكون زي الباقين تكون مختلفه المهم اختارت ان يكون رقيص العروس قبل الزفاف وتاني يوم الزفاف وابوها جه يوم الرقيص الصباح وكان متلهف انو يشوف بنتو طبعا هي بتجهز ماشافت ابوها قام ابوها ناديني قال لي يابتي كان بتقدري تسرقي لي ساره بس اشوفها من بعيد والله ياجماعه قطع قلبي مشيت كلمتها حاولت تهرب الناس قبضونا وابو وحلفوا انها ماتطلع لابوها الا بعد الرقيص وجات الساعه 8 وجات الغنايه قسمه وبدا الرقيص جات باول فستان والله ياجماعه سبحان الخلقا كانت حاجه كده مبالللللللغه ورقصت رقيص خطيرررررر بالجد طبعا العروس بترقص بكم فستان مشت تلبس الفستان التاني قالت لي اناخايفه شديد قلتا ليهو ده احساس طبيعي وقريت ليها سوره يس وحصنتها من راساها لرجلا واول ما طلعت للناس الكهربا قطعت التفت علي وقالت لي شفتي انا خايفه قلتا ليها خلي العواره اول مره الكهربا تقطع في السودان؟؟ماحبيت احسسا انو في شي بعدين الكهربا جات وفي نص الرقيص قطعت تاني اخوانا وامها خافو شديد قالو خلاص ماترقص تاني والناس بدات تكورك وقالو دايرينها ترقص تاني قامت طلعت تاني وكل ما الكهربا تقطع تعاين لي وانا بعيده منها وانا ببتسم ليها المهم بدت الرقصه قمتا مشيت لقسمه قلتا ليها عليك الله لو سمحتي تخلي الناس يقولو ماشا الله قالت لي طيب وقالت ليهم ياناس قولوا ماشا الله الناس قالت وكملت الرقصه ولمن بدت البعدها بدت ترقص وبعديت رقدت في صدر راجلا الناس تكورك وتزغرت قايلنها جابت قووون القون هو انو العروس تقع والعريس ما يحلق يمسكا ويزغرتو شديد ويصفقوا والله يا اخوانا اول ما وقعت كده قلبي قبضني قبضه ماعاديه وجسمي كلو كشا ماعارفه جريت عليها كل ما احاول ارفعا تقع تاني دموعي نزلت بدون ما احس وقلتا اي وائل ارفعا معاي وبقينا نحاول نشيل فيها ابت كلو كلو تقوم ووائل اتجمد من الخلعه بقيت انادي فيهو ماسامعني وانادي الناس حسيت الناس كلها اتجمدت وبتعاين لساره وسبحان الله قدر مافتشتا توبها الكانت لابساهو مالقيتو كلو كلو فكيت الشال من رقبه وائل وجرينا المستشفى اول ماشافها الدكتور ناداني قال لي انتي اختها ؟؟ قلتا ليهو لا انا صحبتا المقربه قال لي والله ساره دي ميته ليها نص ساعه والله ماعرفتا اعمل شنو بالجد ابكي اشرط هدومي اقع ادخل عليها واحضنا وقعت في الارض وابكي ابكي ابكي ابكي طبعا الناس كلها عرفت في شنو واول مارجعنا البيت والله منظر لحد ما اموت ماانساهو ابدا الناس بهدوم السهره والميكب والدهب فاعدين يبكو والخيمه مكتوب عليها افراح كزام والمكرفون والكراسي والحته الكانت واقفه فيها ساره والحاجات الكانت بترقص بيها واالكاميرا والله منظر الله يرحما ويغفر ليها ويزكرا بالخير وانا متاكده انو دي عين بليز نصيحه بلاش من رقيص العروس ده بلييييز اوكي ولحد هسي نفسي اعرف توبها وين؟ وقلبي مقطوع عليها:001:

[zaina]

الموت يااختى ليس له اى علاقة بالعين وهو قدر مكتوب حتى وان لم نستوعب ماحصل
ربنا يرحمها ويغفر لها

[Busted]

الله يرحمه ويغفر لي جميع المسلمين
وماممكن الزول يتشام من حاجه ما ليه علاقه ده المكتوب عند الله وربنا يصبرك وصبر كل زول بعرفه ونسال الله الحفظ من عيون الناس والله يرحم كل حبيب
شكرا

[شمعة امل]

[Center]

ربنا يغفر ليها ويرحمها

ويرحمنا جميعا ,,,
[/align]

[مجنونه بس حنونه]

والله بتكون عين
الله يسامحم بس
الله يديك العافيه

[سلمي200005]

اللهم نسالك حسن الخاتمة

[ملاك الورد]

ربنا يرحمها
و يسكنها فسيح جناته