بالجد حزين رغم الفرح !!!!!!!!!

[الهمبريب]

بالجد فرحنا وانبسطنا بى زواج اخونا مختار .......ولكن وسط الافراح كانت هناك اشياء احزنتنى

وقد سألت نفسى كثيرا لماذا يحدث هذا بالرغم من الانطباع الجميل الذى انطبع فى دواخلى من خلال تعاملى

مع مجموعه من الاخوان .....

كنت امنى النفس بأن يحضر مناسبة اخونا مختار كل اعضاء المنتدى ....وعلى اقل تقدير الذين يسكنون

فى العاصمه .......وعلى اسواء الفروض ناس امدرمان .....

ولكن للاسف لم يحضر احد !!!!!!!!!!!!!!!!!!!!!!!!!!!

حتى الاخوان البنعرفهم واتلاقينا فى منهم الجا المستشفى ولم يحضر العرس

بالجد الانطباع الاخدتو من حادث اخونا مختار ....من سؤال الناس عن احوالو والزيارات التى تمت

بالجد فرحته وانبسطه لانو الناس مهتمه وبتسأل وتعامل الناس مامحصور فى موقع انا سودانى وبس

بل حسيت بى ترابط الناس ودى حاجه اى زول بيتمناها وبيفتخر بيها .....

اسئله كتيره تدور فى ذهنى وبالجد محتار

هل عدم الحضور تقصير من اخونا مختار فى عدم دعوة الاخوان ؟

هل وقوف الاخوان يقتصر على المحن والحوادث والاحزان؟؟

هل الناس ماخده موقف من اخونا مختار ؟

هل مختار لا يستحق ان نشاركه افراحه ؟

بالجد ما عارف السبب شنو لكن بالجد احزننى هذا الموقف ....اتمنى القى اجابه

وان شاء الله يكون المانع خير

وبتمنى كل عضو يمر على هذا الموضوع يورينى ما جاء العرس ليه ....عشان لو اللوم على حبيبو نلومو

والاعضاءبراءه .........ولو من الاعضاء نحب نعرف السبب ولو من باب العلم بالشئ

بالجد رايكم مهم

وانا فى انتـــــظاركــــــــــــــــــــــــــــــــــــــــــــــــــــــم حبايبى

[zaina]

نحن لانعلم ظروف الناس فهنالك من تمنعه الظروف عن الحضور لذلك لاتحزن

[الهمبريب]

زينه تحياتى

اولا انتى ما وريتينا ظروفك شنو؟

ولا جاوبتى على اى سؤال من اسئلتى ...

انا عايز ارسى على بر زى ما بيقولو

شكرا على المرور والرد واتمنى تجاوبى ليه ما جيتى العرس !!!!!!

لك كل الاحترام والتقدير

[الفرح المهاجر]

شئ موسف منكم يا اهل الخرطوم
وياريت كنتو تشاركو حبيبو الفرحة
والله لانة رجل يستاهل كل خير
ورجل بمعنى الكلمة بس اتلومت ياناس
الخرطوم بالذات ناس الرابطة
الكن الظروف حكامة

[الهمبريب]

الفرح المهاجر
تحيــــــــــــــــــاتى وتقديرى

شكرا على الكلام الطيب وفعلا ناس الخرطوم اتلومو

بس ياريت يحسو بى تقصيرهم

اشكر مشاعرك الطيبه ولك كل التقدير

[ريانه إمام]

[grade="00008B FF6347 008000 4B0082"]انا غايتو عن نفسي ما سمعت بالعرس ،،

لو كنت سمعت أكيد بقوم بالواجب ،، عندنا كم مختار نحن ،،

ومن هنا بقول ليو ألف ألف مبروك ،،

ان شاء الله بيت مال وعيال ،،

وابدا ما مشكله ،، بنجيك في السمايه

بس اوع تعمل رايح وما تكلمنا ،،

تحياتي ،،[/grade]

[بكور]

الغالى الهمبريب انا زعلت جدا عشان ما قدرت اوصلكم ولى هسى زعلان وحاسى انى مقصر شدييد وليك ولى مختار الحق تزعلو لكن الظروف ما بى يدى وانا جوابى حيكون فى اسئلتك

هل عدم الحضور تقصير من اخونا مختار فى عدم دعوة الاخوان ؟

طبعا لأ وانا من الناس الما محتاج دعوه عشان اجى

هل وقوف الاخوان يقتصر على المحن والحوادث والاحزان؟؟

ـــــــــــــــــ

هل الناس ماخده موقف من اخونا مختار ؟

ههههههههههههههه

هل مختار لا يستحق ان نشاركه افراحه ؟

لو مختار ما بستحق مين البستحق

السبب يا سيدى هو انو امتحانات السنه يوم 25\7 وانا الاسبوع ده شغال اختبارات اعمال السنه والله غير الجامعه ما قادر اطلع لكن ان شاء الله الاسبوع الجاى بديك تلفون عشان نمشى عليه لانى اليوم اتكلمت معاه وعدتو انى حأصلو الاسبوع الجاى رايك شنو ؟؟