بريدك يا بلدي

[ندى البيلسان]

[align=center]وحات ريدا غزلنا غزل
من دم القلوب الشاربة من طين الجروف
وحات ريدا نضمنا عقود
من نفس حرقانه بي نار الحروف
وحات شوقا عظيم كامن
محفور حفر جوا الضلوع والجوف

وحات أرضك
وحات عزك
وحات مجدك
بريدك أنت بس وحدك
وما في غرام أكون بعدك
بريدك أنت يا بلدي

بريد ناسك بريد أهلك بريد أرضك
بريدك أنتي يا السودان
أنت أمان أنت حنان وأنت جنان
وأنت العزة وعزة الإنسان
هواك ملكني يا السودان .
شلتك جوه حدق العين
وغنيتك وتر رنان

ومن خضرة بواديك الخضار ألوان
ومن سمرة بناتك ديل نغم فنان
ومن هيبة رجالا فيك للتاريخ بقت عنوان
ومن مدن صاحيه طول الليل
ونغم شادي أترنم
أعيد الكان حليل الكان
وفوق ضفاف نيلك

تتوسد قرانا جروف
تفيض بالخير كما الفيضان
ونار توقد وصوت حيران
أرتلوا وأقروا في القران
وفي تكبير وفي تسبيح لامن أسمعوا الأذان
وأنا مساهر في ليل الغربة متوشح سواد ليلك حرف
وجوفي من العذاب مليان

وكاتب نهار نيلك حرف مرصع بالدرر ألوان
عشان بهواك يا بلدي
عشان بهواك يا ريدي
ما أنت الفال وأنت السيرة والشبال
وجرتق عريس فرحان
ألمع في جبينو هلال
أنت الفال ومطراً شال وخوراً سال
وشجراً مالوا ليلا طال

بريدك أنت رغم الحال
أنت الدنيا وما في دنيا من غيرك
أنت النوبة والفادنية وقت أظهر نجم ليلك
أنت الحب للبهواك
أنت عذاب لعاداك
وتاريخك مسطر فوق نهر نيلك لوح مرسوم ودرر منظوم
يحكي عن أصالة الإنسان
وعن ألفات وعن الكان

شلناك أمانة في الأعناق مثل ناس حمزة والعباس
أنت فرح إنت ترح وجمال أحساس
أنت النيل قسم أرضك
وعاشت على ضفافو أجناس
بريدك أنت يا الســـــــــــــــودان
بريد ليلك بريد نيلك لمن أحضن أم درمان
كم أشجت خيال شاعر
وبيها أترنم الفنان

بريدك يا الســـــــــــــــــــودان[/align][/b]

[ابو ليلي الشاعر]

أراك تتدفقين يا ندي حبا وعشقا للوطن فهو يعني لنا كل شيء /أهنئك على هذا الاندياح في عشق الوطن/الايمان بضع وسبعون شعبه وحب الوطن شعبه من شعب الايمان /كما قال معلم البشريه(ص)
تقبلي مرور ابو ليلي

[اميرة بكلمتي رقيقة بهمستي]

تسلم اناملك يااحلي ندي

واتمني لك مزيدا من الابداع

والسودان في اعماقنا وحبه يجري في دمائنا


تحياتي

امورة

[ندى البيلسان]

أراك تتدفقين يا ندي حبا وعشقا للوطن فهو يعني لنا كل شيء /أهنئك على هذا الاندياح في عشق الوطن/الايمان بضع وسبعون شعبه وحب الوطن شعبه من شعب الايمان /كما قال معلم البشريه(ص)
تقبلي مرور ابو ليلي

سعيدة جداً بمرورك يا ابو ليلي وأنا بالجد أحب هذا البلد حد العشق ولا أرى له شبيه

[ندى البيلسان]

تسلم اناملك يااحلي ندي

واتمني لك مزيدا من الابداع

والسودان في اعماقنا وحبه يجري في دمائنا


تحياتي

امورة

يا امورة والله الروعة ذاتها .. أسعد كثيراً بمرورك .. لك مني كل التحايا العطرة

[waya]

[grade="00008B FF6347 008000 4B0082"]اسطر بي مداد الدم حروف اسمك واتبسم ,,
والملم كل غنيواتي , دوام بي حبك اترنم
واحبك ترضى كان تأبى , بيربطني بيك رحم
ما فيك دعاوي اهلنا والطيبين حنان الأم
وفيك عزة يابا , فيك الخال وفيك العم
وفيك من حبوبة حجواتها , وقت تفرح تجر النم
وأنتا دوام تكون فالنا , ونكون بي عزتك نحلم
تكون فرحتنا لو نشقى , وتكون لسطورنا قلم ,,


تشكراتي يا وطن " الندى " [/grade]

[ندى البيلسان]

[grade="00008B FF6347 008000 4B0082"]اسطر بي مداد الدم حروف اسمك واتبسم ,,
والملم كل غنيواتي , دوام بي حبك اترنم
واحبك ترضى كان تأبى , بيربطني بيك رحم
ما فيك دعاوي اهلنا والطيبين حنان الأم
وفيك عزة يابا , فيك الخال وفيك العم
وفيك من حبوبة حجواتها , وقت تفرح تجر النم
وأنتا دوام تكون فالنا , ونكون بي عزتك نحلم
تكون فرحتنا لو نشقى , وتكون لسطورنا قلم ,,


تشكراتي يا وطن " الندى " [/grade]

المرور الراقي الطيب أسعدني جداً .. سلمت ودام الذوق العالي يا أخ waya