ياجماعةتعالوا نفتش الاصيل

[ام صبا]

سلامى
ياخوانا الاصيل ليه يومين مختفى وحقيقة فقدناه
فياترى مختفى عشان يتأكد من حب الناس ليه
ولا ليه اسباب ونتمنى يكون بالف خير

[ahmedBolbol]

والله يا ام صبا بالجد وحشنا وانا لى يومين بترقب فيهو
ما شايف ليهو خبر ابدا ولا صوت ولاصورة حيرنى
ولا فاتح الماسنجر شى عجيب والله اكون مالوووووووو
الاصيل انت ويييييييييييييييييييييييييييييييييييييين ياعسل

[معتز]

والله بالجد الاصيل مختفي ليه كم يوم
وهوا ما معودنا علي كدا
ان شاء الله مانعه خير

[ادهم]

ياحليك يالاصيل ياخوى


والله وحشتنا موت

لا لا المسعله دى ياخوان فيها كلام تانى

انا لازم اعرف القصه شنو

[صياد النجوم]

خايف إكون بنات الجمعيه ختفنو

وعايزات فديه الله يستر

الاصيل لوماجاء خلال يومين

حابلغ الانتربول الدولي

[ام صبا]

خلاص يابلبل2 وادهم وقرفان انتوا بعاد بنعذركم
نحنا هنا فى الرياض حنعمل حملة تفتيش ولو ما لقيناه
يكون اختطف
ويالاصيل اظهر وبان حيرت الناس

[waya]

وعند أهل الشمار " الخبر اليقين "

الأصيل يا شباب ,, زول حارة وأخو أخوان ,,

الأيام دي " وزير " العريس النفض الكيس " محمد نعيم "

يعني بالعربي كده ما فاضي ليكم ,,

وقال بالخشم العريض :

تاني البيقول لي غير " الوزير " برميه في " الزير "









بس أوع تزحوا منو " الواو " القدام " الوزير "

[الشماسي]

والله يالاصيل بتبالغ عديل الكلام دا ماحلو منك الناس يفتشوا فيك بالفتاشه ومالامين فيك غايتو انا معاك في الرياض لو مختفي عشان حاجه سمحه قول لي اجي اساعدك انا بحب عمل الخير وينوبنا من الخير نصيب ولو مزنوق وحاجه مقعداك غصب راجيك لما تنتهي جني وجن التلتله ولو مزنوق في قروش شوف ليك زول يدينا الاتنين ولو وزير بالجد الله يهنيك وعقبالك

[ahmedBolbol]

شمس الزول ده شكلو قبضو مع ناس ام العشرة
اخر مرة كان بتكلم معاى قال لى انا ماشى ازورهم
وشايل معامهو عمود وفواكه وكده عاوز ارفع من معنواتم شوية
لكن شكلو كده ربطو معاهم اصلو ام العشرة دى ما مضمونة
تكون اتسلبطة فيهو صاح ولا انا قلطان.............

[فكي تاهر]

هي يا ام البنيه
ما لقيتيه لحدي اسع

[الشماسي]

[align=center]والله لا غلطان لا حاجه انت جبت الرايحه عديل الله يستر
لكن يابلبل اخوي نحن خلينا جنب الحيطه بس تقوم تجينا حاجه طايره تودرنا[/align][/size]

[ahmedBolbol]

يامان ما تخاف وتعال نشوف الزول ده وين ونطلعو
والله انا الاصيل ده ما برضة فيهو
باروح بالدم نفديك يا اصيل
بالروح بالدم نفديك يا اصيل
والبرشك بالموية انا برشو بالدم

[bet-handasa]

والله يالاصيل ياحليلك وفقدناك خلاص تعال بس شويه كده عشان الناس ديل عملو فيلم اجنبي والبطل خطفو اللهو انت تعال حل الحاصل

[ام صبا]

هي يا ام البنيه
ما لقيتيه لحدي اسع

ما لقيناه لكن عرفنا انه بخير نشكرك على سؤالك

[عمرالنعيم عثمان]

ياجماعه انا من الصباح فى الرياض لافي ماخليت قسم شرطة مادخلتوا وكملت لي اتنين تنك بنزين الكامرى دى من الصباح ماوفقت ماعارفنوامشى وين ياجماعه انافترت خلاص من اللف مشطت الرياض تمشيط الزول داء هنا مافى وبت هندسة برضوا غايبة امكن مشى ليهن غايتوا اناماعارف بس المحل الساكنة فيهو بت هندسة مامشيت ليهو والله يام صبا ربنا اجمع بيهوا السودانى اصيل وماهين الزول ده بس كان جونا ناس ادهم وبلبل فتشوا معانا يكونوا ماقصروا انابنزلن فى فندق 5يوم على حسابى رايكم شنو ياشباب بتجوا

[ام صبا]

[quote="عمرالنعيم عثمان"]ياجماعه انا من الصباح لافي ماخليت قسم شرطة مادخلتوا وكنلت لي اتنين تنك بنزين الكامرى دى من الصباح ماوفقت ماعرفنوامشى وين ياجماعه انافترت خلاص من اللف مشطت الرياض تمشيط الزول داء هنا مافى وبت هندسة برضوا غايبة امكن مشى ليهنغايتوا اناماعارف بس المحل الساكنة فيهو بت هندسة مامشيت ليهو والله يام صبا ربنا اجمع بيهوا السودانى اصيل وماهين الزول ده بس كان جونا ناس ادهم وبلبل فتشوا معانا يكونوا ماقصروا انابنزلن فى فندق 5يوم على حسابى رايكم شنو ياشباب بتجوا [/QUOT



انت خليك جاهز كان ما ظهر ماجاتك راحه
انت والشماسى من الرياض
ويجوا ناس بلبل2 وادهم لكن احساسى بقول
الاصيل بكره بيظهر اكيد اعضاء الجمعية
مابهونوا عليه

[كيوبيد]

يا جماعة دى اسمها استراحة محارب
او الهدو الذى يسبق العاصفة
وسودانى اصيل بكرة بيجيكم بى بوست
يخلى الناس تتضاير
وكان بالجد وزير نقول ليهو الف مبروك وعقبالك{نا}
وبالجد وحشتنا كتاباتك يا ملك

[الشماسي]

والله انا جاهز وراجيك من حسي وقتك التجهز اديني خبر طوالي
الاصيل والله كدا كفايه المده طالت شديد اظهر حبه واختفي تاني ماتخلينا برانا نحن ماصدقنا لقينا لينا ناس نهظر ونضحك معاهم ونفقدهم ويفقدونا
اظهر وبان عليك الامان

[السودانى الاصيل]

سلامى
ياخوانا الاصيل ليه يومين مختفى وحقيقة فقدناه
فياترى مختفى عشان يتأكد من حب الناس ليه
ولا ليه اسباب ونتمنى يكون بالف خير

الهنا كووووووووولهم

والله شرفتمونا واحرجتم مشاعرنا الحلوه منها

وخاصة اختنا ام صبا
حقيقه ما ندمان على المشاكل الدورتهن معاها
وتانى ناوى عليها

علشان لو غبت يوم اضمن البفقدنى
مشكوره ساى وبس يا ام صبا

عندك هديــــــــــــــه تجى تستلميها
من قلبى عبر الاثير وهى عباره عن
طقم حب واخاء مقدم من مؤسسة الحنان المحدوده

شكرا وحات الله لكل الهنــــــــــــــــــــــا
والكانوا جايين والمختفين وسالوا عننا بواسطة الشعيرات الدمويه الحامله للحنان والاخاء

وجيــــــــــــــــــــــــــتكم :D

[ام صبا]

الحمدلله انك رجعت والمنتدى نور
وتعرف يا اصيل الهدية الانا بحسها
هي الخلتنى افتش واسأل عليك وخلت
كل الناس تفتش عليك وهي حب الناس
ليك والله دي نعمة من الكريم
واهلا بيك وياريت تانى ما تعمله لانك خلاص
تأكدت من حب الناس ليك