مابين الشهادة .. والخدمة الوطنية .... حلم العودة للوطن

[ود الزوحي]

إييييييييييك والله مامتذكر... ده أول جملة قالها لي واحد سألتو آخر مرة مشيت متين السودان ؟ والسبب عارفين كان شنو ؟

قال إنو خلص الجامعة وسافر خارج البلد عشان يشوف وظيفة ولمن لقى الوظيفة المناسبة قال يرجع السودان عشان يجيب شهادته الخلاها في الجامعة فلقى إنو لازم يقضي الخدمة الوطنية عشان يجيب الشهادة أو إنو تضيع عليه فرصة الوظيفة التي قلما توجد بسهولة في هذا الزمن حتى لو كان في الغربة ... عشان كده اضطر انو يشتغل في الغربة بدون شهادة ... وهو الآن شغال بالخبرة اللي عنده بس متناسي أمر الشهادة لغاية ما يجي من ربنا فرج.
و بقى متخرج أو رجل جامعي مع وقف التنفيذ ... حتى بقى يحلم متين يقدر يرجع السودان وخايف إنو لو نزل ما يقدر يسافر لأنو لازم يخلص موضوع الخدمة الوطنية اللي بقت مفرقة بينه وبين بلده وشهادته ... فيا ترى هل مشكلته ده ممكن تتحلا عما قريب ....


تحياااااااااااااااااتي

[أبعاج]

[سالومي]

انا بقول انو احسن يرجع السودان
ويخلص الي عليه
عشان مايضيع الزمن ألي هوفيه
ويضيع مستقبله ويضيع نفسه
هذا رأي انا
مع تحياتي

[mohammad]

يرجع السودان

[Abubakr]

الاخ العزيز/ود الزوحى

تحياتى وإحتراماتى

والله الزول ده مشكلته عويص وصعبة جداً وذكرتنى قول الشاعر (مع إختلاف المناسبة) طبعاً:

ويلاه إن نظرت .. وإن هى أعرضت، وقع السهام ونزعهن أليمُ

يعنى كان عاينت وب وكان ما عاينت ووبين

بس زى صاحبنا ده:
كان ما رجع ووبين وكان رجع 6000000000 ووب

لكن أنا فى إعتقادى إنو يستطيع تقدير المسألة ودراسة مخاطر ترك الوظيفة الحالية، لانو ما عارفين ظروفو شنو؟؟ متزوج ولا لا ؟؟ يمكن أهلو بعتمدو عليهو فى المصاريف؟؟ إمكن عندو أخوانو لسى طلبه .. إمكن .. إمكن.. لكن عموماُ هو طالما تخرج ما فى مشكلة فمسألة إستلام الشهادات عندها مليون ألف طريقة وطريقة (واللبيب يفهم) ولو إنو حيفقد زمن خبره مهم جدا ، إذ تفرق المسألة كثيراَ لو كان شغال بى شهاداتو.

لكن خليهو يشوف الطرق التانية... وناس السودان ما بتغلبهم حاجة.. خليه يستعين بى صديق من السودان وما حيجاوب غلط أنا متأكد إنشاء الله.

يديك 1000 عافية يا زوحى
وربنا يفك كربة صاحبنا ده..

تسلم

[سامى عادل]

انا عندي فكرة اجيبو لية الخدمة الوطنية هنا اقضية وارجع إخليها في البلد التاني وامكن هي ما ترجع السودان وابقي خايف اجي راجع البلد الفيها الوظيفة وهي تكون السبب

[زوزو الجامعي]

هلا طيب ليه مايرجع ويقضى الخدمه ويرتاح يعني ده ماسبب يخليه يفوت وكلها كم شهر وتخلص