رايكم شنو في الحكاية الفظيعة دي..

[raymystrio17]

حكاية الشغل البقي بي الواسطات دا .... انتو رايكم شنو يا اخوانا ما حاجة تقفل النفس؟؟

متخرجين وقاعدين نحوص من تقديم لي تقديم ومن معاينة لي معاينة وكلو كلام ساي ..
رايكم شنو أنتو .. نخش لينا في باقة ونبقي من طلبة الي طُلب ولا كيف ...؟؟؟
ولا أنتو عندكم واسطلات..............؟؟؟ الله أداكم ...
وبالمناسبة لو في زول جادي وبلقي لينا شغل ما تبخلو علينا نحن أولاد بلد برضو..
والمؤهلات:

هندسة كهرباء عامة دبلوم تلاتة سنوات
شهادة خبره سنة - في الهيئة القومية للكهرباء
شهادة خبره سنة - مستشفي الخرطوم التعليمي وحدة الحاسوب
شهادة خبره 5 شهور - محطة محمود محمد شريف الحرارية
إجادة اللغة الإنجليزية


وأنا عارف البلقي فيكم طريقة ما بقصر

ولو قصرتو تكونو بالغتو وعملتوها ظاهره... هوي بهظر ساي


ومشكووووووووووووووورين 17 مره في الحالتين

[ضياء الروووح]

سلام عليكم اخي في السودان الا واسطه لاكن حاول اغترب بتلقى شغل بالهبل وتقبل مروري

[TETO]

[align=center]الحكـآيهـ دي منتشـرهـ كتير ,,

يعنـي عنـدك وـآسطهـ كل اموورك بتمشـي عسسل × عسسل ,,

ما محتـآج اي شي ,,

بس الي ما عندهم واسطهـ هم الي بتبشتنوـآ في النهـآيهـ ,,


تحيـآتي ليك [/align][/size]

[أبعاج]

الشغل كثير بس أنتو مادايرين
والله العظيم أنا شفت شاب سعودى خريج جامعه بكالريوس هندسه ,, عندما لم يجد شغل بمؤهله أشتغل ممرض ,, وهو شغال حتى الآن ومبسوط
أنتو عاوزين الراحات وعندكم االأنفه والترفع كمان

[غرام الروح]

اخى استريو دا المرقنا من السودان
ذى ماقالت ليك اختنا ضياء الروح
ابقى مارق بتشتغل ربنا يعينك
بس ابعاج بالغ سعودى ومالاقى شغل
هويشتغل ليش

[ضليت]

والله يا حبيبنا كلامك مية مية
وده السبب الخلانا نطلع من السودان
وما تسمع كلام زول يقول ليك اغترب
مع احترامى لراى ضياء
ولك التحية

[Limia]

يس بتفق معاكم الشغل بقه واسطات سااااااى حتى لو عندك الموهلات العلميه وخلو الطرف من الالزاميه وياااااااعمو ابعاج والله فى امثال كتيره لشبابنا مكافحين رضو يشتغلو كماسره وبياعين مويه وهم عندهم مواهلات ومتخرجين من اعرق الجامعات لكن نقول شنوو !

[raymystrio17]

و الله يا ابعاج انت ماعارف حاجة ساي وشاني علينا بالتقيل ..... لو علي الشغل أنا جربت كل حاجة وذي ما قالو صنعة في اليد ضمان من الفقر ....
بس أنت حكمت علينا من غير ما تعرف عننا حاجة وكونو الزول يفتش عن الأفضل دي حاجة كويسة ولا أنا غلطان ياجماعة
والله يسامحك 17 مره يا حبيبنا....

[الملثم]

أنا عايذ أرد لي ضياء الروووح و بس

عمرك ما تشجعي إنسان إنو يسيب وطنو عشان لقمة عيش
و إلا نحنا نبقى ما رجال و لا أسيد بلد زي ما بقول.

ربنا يديك العافية..............
لكن دي نصيحة عمري ليك .