انت لي ما بتمسك يدي واحنا طالعين سوا

[khalsami]

مجكسين


'إنت ليه ما بتمسك ايدي واحنا طالعين سوا؟'


'‏لأ طبعاً يا روحي... أفرضي زول من اهلك شافنا؟ ولا واحد من أهلي؟ على الاقل كِده بنقدر نزوغ من الزرزره, لكن إن ‏شاء الله يا حبيبتي باكر آخدك وامسك إيدك قدام الدنيا كلها '.
..................................


مخطوبين

‏

'إنت ليه ما بتمسك ايدي واحنا طالعين سوا؟'


'علشان ما داير زول يعلّق علينا ويقول الجماعة ما مصدقين انهم مخطوبين...

وبعدين
بصراحة كده أنا ما برضى أي زول يتكلم على حبيبتي...
..................................


متزوجين


'إنت ليه ما بتمسك ايدي واحنا طالعين سوا؟'


'يا حبيبتي إحنا ما مراهقين عشان نقعد نمسك إيدين بعض في الشارع وكده!!....

إحنا اتنين
متزوجين ومحترمين وعندنا بيتنا نسوّي فيهو اللي عاوزينه'..
..................................


متزوجين وعندهم عيال


'إنت ليه ما بتمسك ايدي واحنا طالعين سوا؟'




'يعني امسك إيدك انتي ولا امسك إيد الشافع ولا اشيل الأكياس دي كلها، ولاّ شنو يعني؟!'
مُصيبة شنو الوقعنا فيها دي يا ربي؟؟؟
..................................


بعد 25 سنه من الكفاح المُسلـّح


'إنت ليه ما بتمسك ايدي واحنا طالعين سوا؟'


'إيد شنو دي اللي بمسكها هسه بعد العُمُر ده! إنتي دايره راجل بـِتـّك يقول علينا كبرنا وخرّفنا؟!

يا وليّه أكبَري عليك الله

[khalsami]

واحده سالت مسطول وقالت ليهو انتو ليه الواحد
في الخطوبه بكون كلامه طاعم ولما يعرس بكون كله قطامه

بي سرعه رد عليها : في واحد بعد مايقبض السمكه بشرك ليها (وش خبيث)

[أبعاج]

والله أنت رهيييب يا خال سامى أنا لسه بضحك !!!

[الباشا الوجيه]

تسللللللللم يا مان كلام جميل يديك العافية
والعجب رد المسطووووووووووول خطير
تقبل مروري ودمت

[khalsami]

ابعاج والباشا نورتو البوست بمروركم كدي النسعلكم بتمسكو ايد المدام انتو ولا تسمعو الصحات فك فك فك يدك من البوهية اللينة بيني وبينك الشارع السوداني ما برحم احسن نمسك حبل ال ص ب ر ولا ما كدا (وش زول هارشاهو مرتو هههههههههههههههه)