عيد الأم و ...... حاجة غايظاني شديييييييييد

[ودالدرديري]

عيد الأم مناسبة رائعة لزولة أروع من كل شيء

تخريمة من قولة تيت:
أمي حبيبتي المابشوف زيها في أي زول
يديك العافية يامرضعاني الطيبة بالصبر الجميل
ويخليك لي يا أحلى حاجة في دنيتي

نرجع لموضوعنا ونشوف الأب
ياجماعة كل مرة يقول ليك عيد الأم واليوم العالمي للمرأة وماعارف حقوق المرأة

طيب الأب دا وين ؟؟
ليه مافي عيد للأب ؟
الأم دي بقت أم كيف مش مع وجود الأب ؟
والأب دا زاتو مش هو الزول البشقى ويتعب وزيتو طلع عشان يعرس الزولة دي ؟؟
وفي النهاية هو زاااتو الزول الشقى وفتش البيت وفرشو وهيأ الظروف للزولة دي ؟؟
ومش هو الزول العمل كل الأساسيات بتاعة الحياة لتكوين الأسرة بتاعتو ؟؟
ومش هو الزول الفي النهاية كان السبب في انو الزولة دي تبقى أم ؟؟؟

نحن مابنقدر ننكر دور الأم والتعب والسهر والوهن والحاجات كلها البتتحملها عشان أولادها
والمذكورة حتى في القرآن والاحاديث

لكن الأب وين من دا كلو ؟؟؟
ووين حقوقو وليه نهضم تضحياتو ونتجاهلو ؟؟
عشان الحديث بتاع أمك .. أمك .. أمك ؟؟؟؟
طيب ليه أساساً ..... ولا لأ ممكن دي تدخلنا زقاق ضيق

ياجماعة الفكرة وضحت ؟؟؟

طيب رأيكم شنو ؟؟؟
مش الأب مظلوم ولا أنا غلطان ؟؟؟؟

يديكم العافية

ولييييييييييييييييي قدااااااااااااااااااااااام










و.................الباقي على الله

[ابراهيم الجيو]

ود الدرديري ياحنين..

اولاً كل عام ووالديك في تمام الصحة والعافية واحسن حال.


الأم والأب الأثنين أكيد بيعنو الكتير لينا بس الأب فضلوا ظاهر عليك في جميع متطلبات حيتك واحتاجاتك المادية.. أما الأم ما بتقدر ترد طلقة من طلقات الولادة ولو جزء بسيط من الأم الشقاء والتعب اللي بيراها أي أب.. وروي ان شاباً يطوف بالكعبة حاملاً أمه على ظهره فسأل عبد الله بن عمر رضي الله عنهما هل وفى لها حقها؟ فقال له ابن عمر: ولا طلقة واحدة من طلقاتها
والقرأن أيضا يا ود الدرديري ذكر الوالدين معاً ف أكثر من أية وفضل الأم وميزها في أيات أخرى

((ووصينا الإنسان بوالديه حملته أمه وهناً على وهن وفصاله في عامين أن أشكر لوالديك))

((ووصينا الإنسان بوالديه إحسانا حملته أمه كرهاً ووضعته كرهاً وحمله وفصاله ..)) الأية.


لاحظ ذكر القران للوالدين .. وبعد كدا( الأم).

ودا ما بينمع برضو ننكر فضل أبائنا علينا.. وما تزعل روحك.. نعمل يوم ليهم بتراه مناسب انت





[grade="FF4500 4B0082 0000FF 000000 F4A460"]وكل سنة وماما وبابا طيبين ياخلف [/grade]:D

[بت الشمالية]

ود الدرديري ماتزعل نفسك ياخي حسي بنكتب طلب لي حقوق الانسان انهم يخصوو يوم عيد الاب و يوم حقوق الرجل ويعملو للاب اغاني زي الام
ههههههههههههههههههههههههه

[مايا]

شوف حتى فى ده تفكيركم مادى ----
بالسودانى الدارجى
الام هى البتحمل وبترضع وبتربى وبتسهر بالليل
وغالبا ما بتنوم ولو ولده تعب هى بتتعب اكتر منه
وبتتمنى لى نفسها البتجى لى ولده تجيها هى
وهى البتشيل واول ما البيبى يخطو اول خطوه بتسند عليها هى
الام امان وحماية ورحمة لى ولده ----
فى راجل بعمل ده كله ؟؟؟
الراجل لو مرته ماتت قبل الاربعين بكون جايب التانية ده لو ما جابه من قبل ---
الراجل ما بنقدر نهضم حقه فى المصروف مع انه حسى برضو المراة ممكن
تعيش اولاده احسن عيشه لو هى بتشتغل يعنى ما مهم خالص ----
جايب بيت وعفش وبتاكل وبتشرب كده خلاص كسرته الدنيا وعايز ليك عيد ----
بعيييييييييييييييييده شديد عليكم

والحديث : امك ثم امك ثم امك ثم ابوك
ما كافى بالنسبه ليكم ؟
وبعدين اذا الام ما بتستاهل او الدور البتقوم بيه فى الاسرة
مماثل لى دور الرجل ماكانوا عملو ليها عيد كان الموضوع يكون طبيعى
عملو ليها عيد ما من فراغ وبدل العيد لازم يكون كل يوم عيد -----


والمراة بى شكل عام غير انها ام بدونه الحياة ما بتمشى
والرجل قبل الاولاد بضيع -----

تخريمة :
مالك بتتكلم بى حرقه كده
ههههههههههههههههههه

راجعه تانى

[سيبو9]

صحي ليي ما في عيد للأب ولا يوم ساي مفتوح للأباء ..
كان مفروض يسمو .. عيد الأمهات والآباء .. الإتنين سوا ... عشان هم الإتنين تعبوا مع بعض و ربوا مع بعض و ..

لكن والله الأم بتستاهل أكتر من كدا .. والأب برضو .. الله يخليهم لينا .. ويوفقنا نحنا نطيعم ونحترمم ..

[align=center]تخ ..

( أصلو الزول العمل عيد الأم دا .. راجل ليس إمرأه .. قصد إنو يشكر الأم علي دورا العظيم .. وكمان المرأه بشكل عام .. طبعا هو ما حيقدر يكرم نفسو .. ويعمل ليه عيد أو للآباء اللي زيو ..
عشان كدا اللي حيعمل عيد الأب دا .. حتكون إمرأه ..لكن لهسي ما شفنا واحده بتحس بينا نحن الآباء والرجال .. وباللي قاعدين نعملو عشانم .. :D .. )[/align][/size]

مشكوور حبيبي علي الموضوع الجميل .. وتسلم

[ميمي العسل]

اولا منو القاليكم مافي عيد الأب في ناس عمالو لكن ما مهتمين بيهو لأنو عيد الأم من زمـــــــــان الناس عرفينو و مهما تلفوا ودور حتلكوا انو الأم هيا الأساس والأب بيسند عليو

[عصافير الخريف]

هههههههههه
مشكورة كتير تحياتي

[رومانسية ودائما منسية]

كل سنة لكل ام وهي طيبة وبقول للرجال ماتخافو مش حنحس ولا حانعمل لاي راجل عيد اب وكفاية للا مهات لا نهم يستاهلو

[ودالدرديري]

ود الدرديري ياحنين..

اولاً كل عام ووالديك في تمام الصحة والعافية واحسن حال.


الأم والأب الأثنين أكيد بيعنو الكتير لينا بس الأب فضلوا ظاهر عليك في جميع متطلبات حيتك واحتاجاتك المادية.. أما الأم ما بتقدر ترد طلقة من طلقات الولادة ولو جزء بسيط من الأم الشقاء والتعب اللي بيراها أي أب.. وروي ان شاباً يطوف بالكعبة حاملاً أمه على ظهره فسأل عبد الله بن عمر رضي الله عنهما هل وفى لها حقها؟ فقال له ابن عمر: ولا طلقة واحدة من طلقاتها
والقرأن أيضا يا ود الدرديري ذكر الوالدين معاً ف أكثر من أية وفضل الأم وميزها في أيات أخرى
((ووصينا الإنسان بوالديه حملته أمه وهناً على وهن وفصاله في عامين أن أشكر لوالديك))
((ووصينا الإنسان بوالديه إحسانا حملته أمه كرهاً ووضعته كرهاً وحمله وفصاله ..)) الأية.
لاحظ ذكر القران للوالدين .. وبعد كدا( الأم).
ودا ما بينمع برضو ننكر فضل أبائنا علينا.. وما تزعل روحك.. نعمل يوم ليهم بتراه مناسب انت
[grade="FF4500 4B0082 0000FF 000000 F4A460"]وكل سنة وماما وبابا طيبين ياخلف [/grade]:D

الجيو كيفك ياخ وعساك فاين
وكل عام وجميع أمهات وآباء المسلمين والمسلمات بألف خير

والله كلامك معقول
لكن انا قصدي ليه الناس مابتفكر في الأب ؟؟
على الأقل يذكروهو بالخير ساكت كدي يطيبو خاطرو والا كيف ؟؟

يديك العافية

وليييييييييييييييييييي قدااااااااااااااااااااام











و..................الباقي على الله

[سيبو9]

ومنو القال الأم ما بتستاهل .. (الجنه تحت أقدام الأمهات) .. وكلنا عارفين ما مدي حنانها وطيبتها .. ورقتها

وبعدين أنتن ابهاتكم مالو لو عملتو ليهم عيد صغيروني كدا .. ولا كتيير من حقم .. وما يستاهلو ..

وهو في النهايه منو .. ال

تخ ..
(خلاص مادام أنحنا ما مهتمين بعيد الأب اللي هو أصلا مافي ... نعمل تبادل .. إنتن إهتمن بعيد الأب .. ونحنا نهتم بعيد أمهاتنا ..)

[ودالدرديري]

ود الدرديري ماتزعل نفسك ياخي حسي بنكتب طلب لي حقوق الانسان انهم يخصوو يوم عيد الاب و يوم حقوق الرجل ويعملو للاب اغاني زي الام
ههههههههههههههههههههههههه

بت الشمالية

هههههههههههه
والله كلامك بخلي الواحد يطمئن
انا قاصد الحتة دي زااااااتا حقوق الانسان
بالله لو شفتي واحد منهم خليهم يجو بي جاي
وين حقوق الأب ياناس ؟؟ ولا خلاص ماعندو حقوق ؟؟

يديك العافية

ولييييييييييييييييي قداااااااااااااااام







و.............الباقي على الله

[kholoud]

[align=center]هههههه يديك العافيه موضوع حلو والله كلام صح لكن الأم دايمااا اقرب لولد او البنت من الاب

[/size][/font][/color][/align][/b]

[kholoud]

[align=center]الأم مدرسه اذا اعدتها اعدت شعبا طيب الاعراقي

الجنه تحت اقدام الامهات [/align]

[ودالدرديري]

شوف حتى فى ده تفكيركم مادى ----
لا لا يا مايا
الموضوع ماتفكير مادي
انا قصدت اسوق الدلائل على انو تكوين الاسرة والاساسيات البتعب فيها هو الأب
وهو البمشي يسوق أهلو ويتقدم ويخطب وبعد داك يعرس ووووو لحدما الزولة دي تبقى أم
دا معناه انو الزول دا مفروض يتكرم كمان لأنو نجح في تكوين الأسرة دي

بالسودانى الدارجى
الام هى البتحمل وبترضع وبتربى وبتسهر بالليل
وغالبا ما بتنوم ولو ولده تعب هى بتتعب اكتر منه
وبتتمنى لى نفسها البتجى لى ولده تجيها هى
وهى البتشيل واول ما البيبى يخطو اول خطوه بتسند عليها هى
الام امان وحماية ورحمة لى ولده ----
فى راجل بعمل ده كله ؟؟؟
ماناكرين الحتة دي وكمان عايز اقول ليك حاجة:
دا الدور الطبيعي والمهمة الربنا خلق المرأة ليها
يعني بالعربي دا ما إجتهاد شخصي منها ولا مهارة مكتسبة بالخبرة
ربنا خلق المرأة بتكوين معين وقوة تحمل معينة وطاقة معينة
والآية : ( لا يكلف الله نفساً إلا وسعها ) - كنموذج - ودليل على كلامي
يعني ربنا ماممكن يكلفها حاجات أكبر من طاقتها مهما كان
ولو ماكدا يبقى الآية دي فيها كلام والعياذبالله

الراجل لو مرته ماتت قبل الاربعين بكون جايب التانية ده لو ما جابه من قبل ---
طيب دا واحد من الزقاقات الماعايز أخش فيها لأنها بتودي التوج
و التوج دي أسألي منها الجيو

الراجل ما بنقدر نهضم حقه فى المصروف مع انه حسى برضو المراة ممكن
تعيش اولاده احسن عيشه لو هى بتشتغل يعنى ما مهم خالص ----
جايب بيت وعفش وبتاكل وبتشرب كده خلاص كسرته الدنيا وعايز ليك عيد ----
بعيييييييييييييييييده شديد عليكم
ايواااا جينا لمربط الحصان (عشان الفرس دي أنثى )
طيب مامشكلة
نخلي البيت والعفش ونرضى بزواج الإيثار الجديد الفي السودان
اللي هو المسيار لكن بي توب ملون جديد
ونخلي المرأة تشتغل وتعيش أولادها أحسن عيشة وكل أب يمشي يشوف ليهو واحدة جديدة
كدا كويس ؟؟؟؟

والحديث : امك ثم امك ثم امك ثم ابوك
ما كافى بالنسبه ليكم ؟
وبعدين اذا الام ما بتستاهل او الدور البتقوم بيه فى الاسرة
مماثل لى دور الرجل ماكانوا عملو ليها عيد كان الموضوع يكون طبيعى
عملو ليها عيد ما من فراغ وبدل العيد لازم يكون كل يوم عيد -----
ياستي الحديث على عينا وراسنا ودور الام مابننكرو بالعكس وبالعكس شديد كمان
وبعدين دورها في الاسرة مامماثل لدور الرجل بل أكبر منه و دي حقيقة
والحقيقة التانية انا شخصياً مابفرط في أمي مهما كان السبب وبحبها ليييييييي يوم الدين
لكن برضو بحب أبوي شديييييد وليييييييييييي يوم الدين برضو
دا قصدي من الكلام دا كلو

والمراة بى شكل عام غير انها ام بدونه الحياة ما بتمشى
دي انا معاك فيها مية المية وبالذات لو كانت حنيييييييينة
بتخلي الحياة ذاتها ليها طعم ولون

تخريمة :
مالك بتتكلم بى حرقه كده
ههههههههههههههههههه
والله مغيوظ شدييييد لمن بي هناااااااك

راجعه تانى
راجيك

مايا
يديك العافية ياخ

ولييييييييييييييييييي قدااااااااااااااااااااااام









و.................الباقي على الله

[ودالدرديري]

صحي ليي ما في عيد للأب ولا يوم ساي مفتوح للأباء ..
كان مفروض يسمو .. عيد الأمهات والآباء .. الإتنين سوا ... عشان هم الإتنين تعبوا مع بعض و ربوا مع بعض و ..

لكن والله الأم بتستاهل أكتر من كدا .. والأب برضو .. الله يخليهم لينا .. ويوفقنا نحنا نطيعم ونحترمم ..

[align=center]تخ ..

( أصلو الزول العمل عيد الأم دا .. راجل ليس إمرأه .. قصد إنو يشكر الأم علي دورا العظيم .. وكمان المرأه بشكل عام .. طبعا هو ما حيقدر يكرم نفسو .. ويعمل ليه عيد أو للآباء اللي زيو ..
عشان كدا اللي حيعمل عيد الأب دا .. حتكون إمرأه ..لكن لهسي ما شفنا واحده بتحس بينا نحن الآباء والرجال .. وباللي قاعدين نعملو عشانم .. :D .. )[/align]

مشكوور حبيبي علي الموضوع الجميل .. وتسلم

سيبو9

الف شكر على المرور الحلو
فعلا العمل عيد الأم هو راجل ورغم كدا تناسوا حقوقو وماعايزين يعترفو بالحتة دي
خليهم بجي يوم يعرفو لكن اليوم داك بلقونا اضربنا عن العرس زاتو

يديك العافية

وليييييييييييييييي قداااااااااااااااااام









و..............الباقي على الله




[/color][/size]

[أبعاج]

[frame="7 80"]والله ياود الدريديرى الام دى كلامها تانى ,, والله طلقه واحده من طلق الولاده تساوى معاناة الرجال عام كامل ,, وبعدين تعال شوف منو البيسهر ومنو البنظف الاطفال ,, ومنو البيرضع , ومنو البساهر الليالى
وتذكر قول الرسول
أمك
ثم
أمك
ثم
أمك
ثم
أبوك[/frame]

[ودالدرديري]

الاخوة الروائع

ميمي العسل

عصافير الخريف

رومانسية ودائما منسية

خلود

ابعاج

صباحكم خير ونور وسرور

ياجماعة انا مؤمن تماماً بمكانة الأم وبالدور البتقوم بيهو وكذلك اعلم تماماً تكريم الله لها
دي متفقين فيها
لكن انا بتسائل ليه الأب مظلوم في الحتة دي ؟؟
ليه مانكرمو ونعمل ليهو عيد زي عيد الأم ونتغنى بشكرو وحبه ؟؟؟
يعني مابيستاهل ؟؟؟

يديكم العافية


وليييييييييييييييييييي قدااااااااااااااااااااااام











و.................الباقي على الله

[السودانى الاصيل]

ود الشيخ يا اخوى

ازيك وان شاء الله تكون بخير
عيد الام دا ما تقييم لبر الام وهو اصلا مين الجابو وشرعو وصار عيد
الاعياد اتنين بس والباقى زياده
امك برها ما ترفع صوتك عليها ما تفضل عليها زوجتك احترما برها اتقرب ليها
تكون عملتها ليها عيد دائم
وكذلك الاب ما شرط تعمل ليهو عيد نفس الكلام الفوق دا امك وابوك برهم

قال تعالى: وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيراً [الإسراء:24،23].

[ميمي العسل]

يا جماعه الأم بتعمل اكتر من الأب اولا هي البتحمل وهي البترضع وهي وهي وهي وهي وهي وهي وهي
اما الأب فما عليو الأ العب معو جيب لو المصاريف البتصرفو وبس

[مايا]

----
لا لا يا مايا
الموضوع ماتفكير مادي
انا قصدت اسوق الدلائل على انو تكوين الاسرة والاساسيات البتعب فيها هو الأب
وهو البمشي يسوق أهلو ويتقدم ويخطب وبعد داك يعرس ووووو لحدما الزولة دي تبقى أم
دا معناه انو الزول دا مفروض يتكرم كمان لأنو نجح في تكوين الأسرة دي

هل يتوازى نجاحك فى تكوين اسرة مع دور الام --- هناك فارق
نعم كونته اسرة وجبته بيت واولاد وزوجه وبتصرف عليهم ده لزاما عليك تعملو
زى ما الام ملزومه بى تربية اطفاله والاهتمام بى البيت الانته جبته وبيك انته شخصيا
انته مسؤليتك محصورة فى المصاريف لكن الام البيت والاولاد والزوج -----
الى جانب حاجه مهمة جدا ---- انته فى اى وقت ممكن تخلئ مسؤليتك وتقول ليها
مع السلامة وتمشى وتكون اسرة جديدة ---- لكن الام مسؤلية بتكون متواصله
لغاية ما اولاده يتزوجو -----

ماناكرين الحتة دي وكمان عايز اقول ليك حاجة:
دا الدور الطبيعي والمهمة الربنا خلق المرأة ليها
يعني بالعربي دا ما إجتهاد شخصي منها ولا مهارة مكتسبة بالخبرة
ربنا خلق المرأة بتكوين معين وقوة تحمل معينة وطاقة معينة
والآية : ( لا يكلف الله نفساً إلا وسعها ) - كنموذج - ودليل على كلامي
يعني ربنا ماممكن يكلفها حاجات أكبر من طاقتها مهما كان
ولو ماكدا يبقى الآية دي فيها كلام والعياذبالله

ما هو عشان طاقته الماليها حدود دى كرموها وعملو ليها عيد
وده ابسط حقوقه

الراجل لو مرته ماتت قبل الاربعين بكون جايب التانية ده لو ما جابه من قبل ---
طيب دا واحد من الزقاقات الماعايز أخش فيها لأنها بتودي التوج
و التوج دي أسألي منها الجيو


ايواااا جينا لمربط الحصان (عشان الفرس دي أنثى )
طيب مامشكلة
نخلي البيت والعفش ونرضى بزواج الإيثار الجديد الفي السودان
اللي هو المسيار لكن بي توب ملون جديد
ونخلي المرأة تشتغل وتعيش أولادها أحسن عيشة وكل أب يمشي يشوف ليهو واحدة جديدة
كدا كويس ؟؟؟؟

كده تمام جدا


ياستي الحديث على عينا وراسنا ودور الام مابننكرو بالعكس وبالعكس شديد كمان
وبعدين دورها في الاسرة مامماثل لدور الرجل بل أكبر منه و دي حقيقة
والحقيقة التانية انا شخصياً مابفرط في أمي مهما كان السبب وبحبها ليييييييي يوم الدين
لكن برضو بحب أبوي شديييييد وليييييييييييي يوم الدين برضو
دا قصدي من الكلام دا كلو

يبقى تطالب بى حفلة صغيرة مرقه حلوه مشد عيد مره وحده
مباااااااااااااالغه

دي انا معاك فيها مية المية وبالذات لو كانت حنيييييييينة
بتخلي الحياة ذاتها ليها طعم ولون

كويس اتفقنا فى حاجه

والله مغيوظ شدييييد لمن بي هناااااااك

سلامتك يازول ياراقى من الغيظ
انته تستاهل كل يوم عيد مش فى السنه مرة

الحته دى ما جريت واطى لسه متمسكه بى كلامى
لكن انته غالى على شديد

راجعه تانى
راجيك

مايا
يديك العافية ياخ

ولييييييييييييييييييي قدااااااااااااااااااااااام









و.................الباقي على الله

---------------------------------------------