أبطال والدهب أرتال

[mubark59]

--------------------------------------------------------------------------------

أبطال القوى والله الدهب جابو
وحطمو كم رقم وكل الوفود هابو
فى درب الدهب طريقنا يادابو
نفوت ناس العجب وهيثم وناس كابو
فى ال800 متر شادين لى كرابو
كاكى اولم وفات لى اترابو
وإسماعيل بطل أفرح لى أصحابو
وعايزين نكرمم نزيدم عشان جابو
رفعونا البلد ونسونا أتعابو
وعايزين بس معاهم الرامى نشابو
نكون ابطال رماية نصيب مع الصابو
أبطال العاب قوى النصر وأسبابو
أبطال العاب قوى النصر وأسبابو

الرجوع الى المقدمة

[الفراش الحائر]

سفيرنا ..جنابو مبارك
كما عهدناه ..
رقيق وراقى وقومى كالعادة
دائما يذكرنا بمن ظلمهم الاعلام وغفل عنهم الزمن
هاجر بجسده ..ولكن بقى قلبه وعقله فى السودان
دائما يحمل معه السودان ...فى غربته
بافراحه واتراحه وانتصاراته ..والامه
عندما نقرأ اشعارة ...نتوارى خجلا
وراء عصبيتنا ولونيتنا الصارخه
تحياتى يا مبارك ...فانت النقطه البيضاء الوحيده
الباقيه ..على صفحه منتدى الرياضه

تخريمه :
وينك مختفى ليك مده..

[mubark59]

الاخ الغالى الفراش الحائر ان شاء الحيرة ماتشغاك ويعود سفرى ويعود سفرك لارضنا غالية يوم القاك يالرايع علّى تسأل ...... ومن الفرحة بى سؤالك كأنى حداك , لك الشكر وأنت تسأل عنى . صراحة مانى غايب ومانى حاضر الاّ بس زحمة بنادر وسوف أكتب رغم الزمن الاصلو عاصر!!!!والان تجد قصيدة طويلة للارباب بعنوان الارباب والانسحاب