...__________
طه سليمان -----> مــشــكــلــة دولــيــة
__________
وإليكم كلمات الأغنية...
" مشكلة مشكلة دولية...مشكلة مشكلة...
*****
سمعنا كلام جابو ناس الحلة...
تعال من فوق تعال إتدلىّ...
يا أوكامبو شيل قرارك يلا...
نحنا عز العز نحنا ما بنتذل ّ...
مشكلة مشكلة دولية...مشكلة مشكلة...
*****
نحب النيل وبنقيـّـل جمبو...
النيل يا زول الغريب بحلمبو...
شباب العز السلام نسلمبو...
دقوا لي تـُم تـُم أوعى من أوكامبو...
مشكلة مشكلة قومية...مشكلة مشكلة...
*****
الخواجات قالوا تاني نعيدا...
الاستعمار بي طريقة جديدة...
هم ديل قايلين نحنا زي الصيدة...
والبلد يوم داك الله واحد سيدا...
مشكلة مشكلة وطنية...مشكلة مشكلة...
*****
شوفوا اسرائيل واليهود في غزة...
ديل بمارسوا الموت بي شراهة ولذة...
الحرق قلبي فيني أثر وحز ّ...
نحنا كيف ساكتين وساكتة فينا العزة...
مشكلة مشكلة عربية...مشكلة مشكلة...
*****
الادارات نحنا ما بنعيبا...
بالمليارات جابو لينا لعيبة...
المحترفين غايتو قصة غريبة...
ديل بزيدو الدين ويبقوا لينا مصيبة...
مشكلة مشكلة كروية...مشكلة مشكلة...
*****
الشمارات أصلو ما بخليها...
القوالات والسواطة الفيها...
فتشوا الطيبين جابوا لينا فضيحة...
قالوا ده الإعلام نجهونا نجيهة...
مشكلة مشكلة صحفية...مشكلة مشكلة...
*****
سمحة سماح عيون الصيدة...
جدي ّ الريل أنا قليبي بريدا...
مشيت الدونكي عشان أسالم إيدا...
بنية فزت مني بنية نافرة عنيدة...
مشكلة مشكلة شخصية...مشكلة مشكلة..."...
خايف أقول إنت زاتك يا طه بقيت " مشكلة فنية " الناس تزعل مني...
في انتظار تعليقات شباب المنتدى الحلوين...
تحياتي.....ود أزهري..
