البوح جهرا انت حزين لي

[هجره عصافير الخريف]

بعد الحب والسلام سؤال محيرني هل نحن حزينين بالميلاد كل تعبيرنا حزينه اجمل اغانينا حزينه اجمل اشعارنا حزينه نحزن في الحب ونحزن في الفرح الواحد يكون فرحان تسالو كيفك يقول ليك بسط اشفق حزن وتشاؤم عجيب شاعرنا يقول الحزن فينا كائن يمشي علي ساقين
افتونا اين الفرح
كدي اليوم نقيف لحظه مع الزات جهرنا ونبوح لي احباب المنتدي كل واحد يقول لينا بلقي روحو وجل ايامو وين في الفرح ولا الحزن
عموما انا الحزن كاتلني عدييييييييييييييل

[kholoud]

"مشكور اخي هجره الموضوع رائع جدا جدا
الناس كلهاا حزينه والله ما براك
والله يلزمنا الصبر بس
الله يديك العافيه"

[نفسيات]

والله يا الغالى اى شى حزين بقى خالد نا عارف ليه
بس الحزن بيخلى الانسان يعيش الحياه الواقعية
يعنى لا حلم ولا غش ولو الحاجة دى ما بتجرح
او بتحرك النفس بتعدى وما بنحس بيها حتى لو كانت
اغلى ساعات الفرح فى حياتنا والحزن بيقوى الانسان
وانا بشوف انو الحزن نعمة كبيرة من ربنا لانو لو كان
الناس دائما فى فرح ما كان بيكون فى وقت لعتاب النفس

تسلم هجر عصافير الخريف موضوعك جميل

[تنبش]

الناس حزينة لانها بتعاين في حق الناس...
وما راضية بي قسمته..........[/size]

[السودانى الاصيل]

استغفر الله العظيم
اللهم اغفر لينا اخى هجرة عصافير الخريف
لنتلو هذه الايه

والله كلنا الم وحزن لا ينقطع
اسال الله ان يغفر ذنوبنا

مشكور على الموضوع

[رغودة]

انا بلقى الحزن محتل مساحة كبيرة من حياتي بسبب المرض وبسبب الفراق... وبإمتدادهم بيمتد الحزن ...
وكل ماتجي لحظة حلوة تعقبها أيام من الحزن.....
يعني مثلا أنا كنت فرحانة بعرسي وبعده طوالي حصلت وفاة في العائلة.... فكانت أيام الفرحة محدودة
وفي البداية والنهاية الحمد لله على كل حال برضو إحنا أحسن من غيرنا كتير...
وربنا يلطف بينا...

[ود الزوحي]

دائما الفرح بكون فترة وقتية وبتعدي سريع .. وغالبا ما بنتذكره كتير ..

أما الحزن فبكون محفور في الفؤاد .. بالزات إذا كان جرح من حبيب أو صديق أو أي شي مشابه ..

عشان كده بنلقى اكتر التعابير في الحزن ..


تحياااااااتي