حبيبى يا مصطفى سيد احمد

[عمرالقايد]

لكل من يعشق الراحل المقيم مصطفى سيد احمد

اكا عضو فى هذا المنتدى

بس قصيدة او بيت عجبك

[فارس الرومانسية]

[mark=00FF00]الغالى @ عمر

ادفقى؟؟؟؟!!!

كيف اجاوب عن هوانا
ثم يغلبنى السؤال
لم يتأرج منان بين مظنه واحتمال
ما بحسك دونك انت الحقائق
فى الظلال
والحرف يعرف مداه حتى لو جن الخيال
ادفقى ما تكونى رقراق
ابقى يا ضل يا سموس
استنهضى الشوق الجلوس
وهجك زانى فى ليل اليباب
ما تخافى من دم الغروب لو رتش اللوحه الغياب
ما دام ضميرنا الفينا حى
ملحوقه يا مدن السراب
نديانه بى فرح التساب
ادفقى
وفجى الوجع
فارسك رجع
نورك سطع نور بويتاتنا الفساح
رفعت المصابيح الصباح
متكيه دمعه وسنبله
اليله فى ايدينا السلاح
ريشه وكندكه ومطرقه
هديتك احسن____يا ظروف ___مخضره دانيه القطوف



عزيزى عمر هناك الكثير والكثير جدا
وايضا هناك اشياء لاجيال
لم تولد
مصطفى سيد احمد ظاهره لن ولم تتكرر فى السودان
الا رحم الله المبدع واسكنه فسيح الجنات
نعم
ستبقى اغنياته والحانه
تسرى فى عروقنا عبر الزمان والازمان[/mark]

[كجووول]

الحاج ود عجبنا

كلمات الفرجونى

[align=center]عمنا الحاج ود عجبنا .. فى الفريق ياهو الركيزة
هو البشيل حمل الرضاعة
وعندو كلمة على الجماعة
فى الطريق باقيلنا .. تاية
وكل طيب ليهو غاية
وللضعيف تلقاهو ساند
يقهر الكعب المعاند
وللضيوف ديوانو فاتح .. ديل يهلوا .. وديل يقوموا

*************
عمنا الحاج ود عجبنا
من سنين أيام جهلتو
يسأل المولى السلامة
وسترة الحال .. والكرامة

************
عمنا الحاج ود عجبنا
فى ليلة من ذات الليالى
فى زمن حظر التجول
جاهو ضيف فى راس حداشر
رحب الحاج بيهو .. جداً
فرّشولو .. ونزلوهو .. وكاسو للعشا .. ما أتلقالو
ما الرغيف ممحوق .. مقصّر
والبلد فى حال معسِّر
وعمنا الحاج فى مبادؤو
وجبة الضيف زى فريضة
وهسة ضاقت بى العريضة
ضيفو كيف يترك عشاهو
من ده زايد إختشاهو
وجاتو فكرة
يمشى للفرن المجاور
ولى لجان العيش .. يشاور
بس عشا الضيف .. يا جماعة
ضيفى نازل .. ليهو ساعة
شاكلوهو ودفروهو ونهروهو .. وجاتو دورية الطوارى
وأمسى بايت فى الحراسة
وناسو جنـّوا .. للصباح ما عرفوا حاجة
وجاهم الخبر المؤكد
ود عجبنا فى الحراسة .. ماشى محكمة الطوارى

************
ناسو .. أولادو .. وبناتو
عرفوا حالو .. بدرى فاتوا
راحوا محكمة الطوارى
وفيها فى نص الخلايق
شافوا حالاً ما لايق
عمنا الحاج بى جلالو .. فوقو حس السوط يولول
فوق قفاهو .. فوق زنودو .. وفوق رجولو
ومرة فوق فِججاً حشايم
أصلو ما قايل بهونن .. حتى لو نزلن هجايم
إلاّ لكن الليالى
هى البتِترْخِص كل غالى

*************
حاكمو الولد المنصّب .. كتفو بالدبّور .. مقصّب
إنت يا حاج يا مخالف
زول مخرّف وعقلو تالف
إنت ياحاج ماكا دارى ؟
ذِلة الناس فى الطوارى؟
أجلدوهو .. وغرموهو .. ونفذوا الحكم البهينو ..
شان يفتِّح تانى عينو
تسمع السوط ليهو خاوية
وفوق قفا الحاج صيحتو .. داوية
وفجأة .. رفع الحاج عيونو
شاف بنات ولدو .. وبناتو
كلهن واقفات يعاينن
دمعتن فى العين ترقرِق
ووجعتن فى الجوف .. تحرّق
والحزن ليهن يفرّق
دى النجوم الفى سماهن
كل سوط نازل عليهو من شعاع الضو .. عماهن

**************
عمك الحاج دمعو .. سرّف
وسيلو فوق أشنابو .. زرّف
تم حكمو .. وراح بيوتو
نفسو مكسورة .. وذليلة
كيف ملاقاة الحليلة
وصحوة الروح العليلة

*************
فى البيوت الجوّة .. غادى
عمك الحاج .. ما أعتيادى
وفوقو متلمِّين جماعتو
والسكيلى ضرب .. حزاينى
وقالوا ناداهو المنادى
فارق الدنيا المهينة
يقطع الذلّة .. وسنينا
وفوق فراش ودعجبنا
بسمع الزول البوصى
أقفلوا الحوش يا جماعة
وطفّوا أنوار الرتاين
داك حرس حظر التجول .. من بعيد ليكن بعاين[/align]
[/color]

[movek=left]كجووووووول[/movek]

[babikir14]

: كل عام وانتم بخير والسودان بالف خير وتحيه حاره لجميع الاعضاء والزوار