محتاج تعليق ورد على قصتي ممكن؟؟؟

[القلب الجريح]

مآكل ..من تهواهو.....يهواك قلبه.......

سلام عليكم
انا جيتكم احكي ليكم قصتي الحيرت الناس المعاي
واعتبره أول مشاركه لي في المنتدى
بسم الله
أتعرفت على واحده صحبة أختي واتعرفت عليها اكتر واكتر حتى ارتحت
ليها كتير وقلبي هواها واتوقع اول واحده أتأثرت بيها كنت بدور عليها
لي زمن البت الرزينه الرايقه الاصيله العاقله الماعمرها مابتقول كلمة بتجرح
حياتها حلوه أنوثتها رقيقه بت من دهب
أخلاق عاليه كلامها كل أدب واحترام
إحساس غريب وعجيب نور يضئ في عالم ألظلمه...
...
البت بعيده مني كتمت الجواي وحاولت أتكلم بس ماقدرت خفت انه تنقتطع علاقتي
معاها وقبل ماأكلمها قلت امكن دي هلاويس واوهام ساي. قعدت فترة
اراجع نفسي بحبها ولا لا وفترة طويله جدا حتى لقيت اني بحبها اكتر من نفسي
حتى قبل ماأسألها سالتها أنتي مرتبطة جوابها كان لا وكررت السؤال كتير
وكان نفس الجواب مامرتبطه قلت لي قلبي افرح عيدك قرب حتتهنئ قريب
ماقدرت اكتم اكتر من كدا فتحت ليها الموضوع واعترفت ليها بأي
حاجه جوه قلبي اعترفت ليها بكل إحساسي حتى الحروف استغربت من الكلام
البقولو قالت لي انسى الموضوع ده ياعالم قلت حاجه غلط؟
مرت الايام وانا متصبر في كلام لازم اقولو ليها احاسيس وشعور لازم اقولها حتى جات ايام
احتجت ليها وكنت عايزها تقيف معاي ونفكر كيف نمشي الايام دي كل حبيبه تقيف مع حبيبها في مواقف عصيبه وشيلو الهم مع بعض .....
ياخ مامعقوله الواحد عايش كده قلت افتح ليها الموضوع تاني وفتحته وبتطنش
وطنش مامشكله قلت امكن ماقتنعت مرت ايام وشهووووووووووور وانا خلاص
ماقدرت حتى انه يوم من الايام قلت ليها كلمة وأي عاشق بقولها لي حبيبته
وهي كلمة ياقلبي اتوقع الكلمه دي مافيها شي لي زول بحب واحده
ماتمت ثواني إلا رساله جايه زي السيف طعنتني مرتين وفي نص الرسالة
انه يا..... الاسلوب ده مابنفع معاي ** طيب انا بحب اعمل شنو؟؟؟؟؟؟؟؟لي الحق اقول اي كلمة
قدمت ليها اعتزاري وكان اول جرح من سببها واتوقع انه لو في زول مكاني
اكان قال ليها باي باي بس لو الواحد بحب حب صادق معقوله يقول كدا!!
صبرت وفته صبر ايوب وقلت ياقلبي ماتحزن كلها ايام وحتشوف الفرح
انا والبت متفقين بالمره حتى الاحاسيس والشعور في مكانها لا اكتر ولا اقل..
ماحكيت الموضوع ده لي احد حتى صحبتها الي هي اختي ماعرفت غير زول غالي
علي وعزيز جدا ودائما بنصحني في اي حاجه الي هي امي الغاليه فرحت
لانه هي عارفه انه انا ماارتبطت مع بت في الحته العايش فيها وحتى انها
من نفس الاصل يعني تنتمي لي اصل شنو .. امي قالت كلمه ربنا يسعدكم
وينور دربكم دعوه حلوه شديد من الام حتى هي اتكلمت معاها واتصلت عليها كم مره..
انا ماقصرت معاها يوميا اتصل عليها اطمن عليها , في اي حته امشي ليها بحكي
ليها حصل معاي كده وهي كمان ...
قررت اني امشي اكمل دراستي معاها واشوف مستقبلي واستقر معاها
واكون جنبها اعوضها عن الغربة العشتها واكون جنبها مااخليها تحتاج
لي حاجه ولا شي وكل ماتجيها حاجه تلقاني قدامها اساندها واقيف معاها قررت خلاص وكلمت
الوالد انه يعمل لي اجرأت السفر وفعلا عملها وكنت حفارق امي وابوي
والاخوان عشانها وحجزت لي السفر وكنت عامل ليها مفاجئه
انه اتصل عليها واقول ليها انا جنبك واقف جنب بابك ...
وجاء اليوم الاسود ولوكنت عارف حيجي اكان قتلت نفسي ولا اشوف اليوم ده
رسلت لي رساله نص الرساله** يا... عايزاك في موضوع بس اتمنى انك
ماتزعل ومابقدر اقوله الا لمن تجي **اتصلت عليها يابت الحلال قولي الموضوع انا سامع
بكل جراءه يا.. انا مرتبطه ماستوعبت الكلمه كويس واحتمال استوعبتها
لكن قعدت اكرر ليها قلت امكن غلطت ولا حاجه بس كررتها انها مرتبطه
في الساعه دي جانتني صدمه وحاجة وقعت كده في راسي يابت قولي
كلام غير ده قالت نفس الكلام طيب ليه؟؟ ليه ؟؟ وليه؟؟ ماقدرت اتكلم
معاها قفلت التلفون ماقدرت انوم وعشت ايام صعبه صدمه كانه واحده
بتحبك وخانتك العبره واقفه وخفت على نفسي تحصل لي حاجه
مامتوقع ياناس البت البحبها تطلع مرتبطه وكمان علاقتها معاهو تمت سنه
طيب في البداية لي سكتي على الاقل اكان اسي تقريبا اكون نسيتك
كرهتها ومسحت رقمها وكان اسبوع وايام عصيبه عشتها وهي مرتاحه
ماهمها الزول الحبها ده وماهمها انه جرحته بعد ماكل السواء ليها
عايش الالم واقاسي الوحده وهي مرتاحه مع حبييها تسمع منه كلمة حلوه
ويسمع منها كلمة حلوه وانا قلبي بنزف دم ليه عشان حبيت يعني
ولا عشان بعيد منها ولا عشان شافتني جادي واعتقد هي شافت درجة
حبي ليها ....
ماكلمت امي عشان خفت تقول انها بت ماعندها كلمة....تلعب بشعور الناس..
بتلعب على الناس ...وحاجات كتيره دافعت عنها, لغيت حجزي ولغيت اي حاجه حتى مستقلبي خليتو
وفي اكتر من كده ياناس في زول يخلي مستقلبه لي زول!!!! ده انا الخليتو
عايش ظلام وحياة كئيبه لاني بنيت معاها احلامي طوبه طوبه لحدي ماوصلت ببيها
القمه والظلمه دي بتروح لمن تجيني لانها هي شمعة حياتي ونور دربي واملي
الوحيد انا ماقطعت الامل بعد كل العملته فيني حياتي كلها في يدها ماتتوقعو انا
حبيت البت دي قدر كيف واقسم بالله واقسم بالله واقسم بالله انه حتى حبيبها
امكن ماحباها لي الدرجه دي بس انا مظلوم والمظلوم دائما بنتصر انا بحبها
وحافضل احبها ومستحيل الحب اهدي لي بت تاني مستحيل غيرها وغير كده الشي
الي عرفته انه مامتفقين هي وحبيبها وبينهم مشاكل تتوقعو ياناس انه حيستمروا...
اليوم البترجع لي حيرجع لي النور واعيش وانا سعيد احميها من كل الشرور
واسعدها واخليها ملكة وسط الناس وترجع لي حياتي الكنت فيها انسان يتصف
بالاحساس والشعور وانا كلمتها انه انا وانتي قصه ماحتنتهي لمن قلبك يهواني
مفتاح سعادتي وحياتي واي حاجه عندها وانا مابقطع الامل حاكون منتظرها...
وصعبه انه تفارق حبيبها عشاني لكن ماعارف اقول شنو حاصبر حاصبر وحاصبر
لمن تجي وتنوري دربي في الساعه ديك حتلقي قلبي منتظرك وحاوعدها انه
ماحنفترق الا الموووووووووووووت وحكون جنبها
انتو ياعشاق اكيد حتفهموني واتمنى انه ماتخشوا في مواقف زي
دي وانتو يابنات لو مرت عليكم الحاله دي حاولو تكونو صريحين وواضحين
عشان الناس ماتخت فكره عنكم وعشان الزول الحباكم مايتعلق بيكم ومايكون
ضحيه زي اانا ضحية من ضحايا الحب من طرررررررررف وااااااااااااحد!!!!
اتمنى تساعدوني وتقولو لي مرت عليكم حاله زي دي قبل كده ؟؟
واتمنى انكم تردو علي وانا جيتكم اخو ليكم
وبدعي ليكم انه الله يديكم السعاده وينور دربكم وادعي ليكم يااخواني
انه الله يبعدكم عن المواقف دي لانها صعبه شديد ومابقدر اشوفكم وانتو
في حالات زي دي دعوااااااااااااتكم انه الله يصبرني وانه يرجع لي القلب
البحبه والسلام خير ختاااااام
لو في ملاحظه او استفسار اكتبوه مع الرد وانشاء الله برد ليكم
>>>>فأنهرتي في لحظة المشوار رحلتنا
كأنك من جبال الثلج قد ذابا
والقلب يخفق في الاضلاع اوجاعا<<<<

[السودانى الاصيل]

الاخ العزيز القلب الجريح
اولا اشكرك جدا على صراحتك وثقتك فى اخوانك اعضاء انا سودانى فيا ريت طالما
طرحت الموضوع تسمع كلام اخوانك الاكبر منك والذين مروا بتجارب اصعب من تجربتك
اخى انت حتى الان عمرك 20 عاما وانت بصراحه لسه بدرى عليك على الزواج والتفكير فى
الزواج وانا احسست تماما والله بقصتك ودرجة حبك لهذه البنت والتى هى نموذج لكثير من الفتيات
وانت احببتها بصدق واخلاص وهى تعلم بذلك ووعدتك وانت بنيت امالك على هذا الاساس وبعد ذلك
تبيعك ولا تبالى بعذابك من اجلها والحلول يا اخى هى كالحبوب التى طعمها مر ولكن فيها الشفاء
وعليك باتباع الاتى اذا كنت تريد الخروج من هذه المشكله
1/ تتصل عليها للمره الاخيره وتسالها بصوره واضحه ومختصره كالاتى
انا كما تعلمين احبك وهدفى هو الزواج منك بسنة الله ورسوله فما ردك
2/ اجابه واحده هى التى تعتمدها موافقه وهى ( انا ايضا احبك واريد ان تتزوجنى ويمكنك الحضور
لمقابلة الوالد فى اليوم الفلانى
3/ اى اجابه غير ذلك فهى لا تحبك وتحب غيرك مثلا افكر او برد عليك بكره او اى تهرب من الاجابه
عليك بالاتى :
1/ امسح جميع الارقام التى تخصها والرسائل التى تخصها ولا تتطاوع مشاعرك امضى فى مسح جميع
الارقام او الرسائل او اى وسيله توصلك اليها بحيث انك لو حاولت تتراجع لا تستطيع
2/ استعين باصحابك واجلس معهم خاصه الفكاهيين منهم حتى يضحكون رغم المك واملاء برنامجك
وكلما تاتى اليك زكراها قم بعمل وتجاهل
3/ اهم شئ الصلاة الصلاة الصلاة فى وقتها ومع بداية الاذان صلى بخشوع واتلو القران وصم
كل اثنين وخميس
4/ ابحث عن انسانه تعوضك اجمل منها واطيب منها وتقدم لها وتزوجها بسرعه واكيييييييييد حا تلقى
وانا متاكد حا تتضحك على نفسك كيف انا كنت فاكر انى ما حا اقدر انساها
5/ اذا لم تفعل ما وصفته لك البديل هو ضياع مستقبلك وراء السراب وراء انسانه ما بتستحقك
ولن تبالى بمشاعرك فلماذا تهب نفسك لانسانه تبيعك لماذا هذا ظلم لنفسك افيق يا اخى وسمى الانسان
انسان لانه ينسى ومنتدى انا سودانى بنسيك امش على راكوبتنا بنسيك يلا فرفش واضحك يا اخوى

[مايا]

نصيحه من اخت لى اخوها ----

بس بدون زعل ----

البت دى تنساها تماما ---- لانها زوله ما صريحة وما احترمة مشاعرك
وانتوا فى بداية القصة كذبة عليك طيب بعدين حتعمل شنو -----

على الاقل كانت تحترم انك صارحتها بى مشاعرك وتقول ليك من اول مرة
انها مرتبطة ----

وفى حاجه مهمة شديد ----- انه هى ما كلمتك من بدرى كانت عايزاك تصل
لى ابعد درجة فى الحب عشان تضمنك جمبها ---- واذا علاقتها الاوله فشلت
انته تكون موجود ----- بالجد دى حاجة سئ جدا ----

المشاعر دى انبل حاجه والما بحترم مشاعرك ما تخلى ليه مكان فى قلبك
والبنات كتار ---- دائما اول حب بيكون صعب التخلى عنه ----
ولكن بى الاراده كل شئ بيهون -----

وزى ما نصحك الاخ سودانى انه املاء وقتك وطلع واتونس واعمل صداقات حلوه
وماتخلى عندك فراغ ---- وكلها ايام معدوده وجروحك تلتئم -----

ربنا يوفقك يارب ويعوضك احسن منها
متوقعه ردك حتقول لى مافى احسن !!!! صاح ؟

[هوبة]

عزيزي ,,,,,

انت صاحب كلمات رائعة جدا وجذابه ,,,,,

نصيحتي ليك : انسااااااااااااااها ,,,,, مع احترامي ليها ما بتستاهل حبك ,,,,, لانو حبك نادر الوجود حاول تنسى ,,,,, وانا متاكدة انك بكرة ح تلاقي روح روحك ,,,,, لسه الطريق قدامك ,,,, وبشكرك شديد على صراحتك وبالتوفيق انشاء الله ,,,,

تقبل مروري يا غالي ,,,,

[gadora_968]

انا نصيحتي ليك انك تنساها بالرقم من صعوبة الموضوع
حتي لو رجعت ليك مرة ثانية بعد المحاولة برضو انساها لأنها مابتستاهلك
لأنو اللعب بمشاعر الناس ماحاجة صعبة
وكيف تاني حاتقدر تعيش معاها حتكون دايما مامطمئن معاها

[يا دنيا لا]

الاخ الكريم سلامات :

اولا ما في داعي للاحزان دي كلها لان العلاقة بدت من الاول

بعدم الصراحة علي الاقل من طرفها هي وتاني حاجه ما تدي

بنت كل مشاعرك وتصبح ملك لها حاول التريث لان ما كل

البنات بحترمن المشاعر وذي ما بقولوا حواء ولدت غيرها

كتيييييييييييير خليك قوي دائما ........... ومشكوووووور

[زوبه]

اخي العزيز اصعب حاجه في الدنيا حب من طرف واحد لانو كلو عذاب والم وجراح
وحابه اقدم ليك نصيحتي :ما حقوليك انساها لانك اصلا ماحتقدر تنساها بس حاول اتناساها امشي وشوف مستقبلك ودراستك لانو مافي زول في الدنيا دي حينفعك غير نفسك ومستقبلك ويمكن هناك في الجامعه تلاقي البت التستاهلك وتبادلك نفس المشاعر والاحاسيس وتنسيك الماضي الاليم وانت لسه قدامك الطريق طويل ويادوبك في بداية العمر (الي نساك انساه والي هواك اهواه)