فى الأونه الأخيره , وبالتحديد وقت انطلاق وعمل شركة سودانى العملاقه فى خدمات الهاتف الجوال , اطلقت شعار اعلانى (سودانى وخليك سودانى )
وطبعا الشعار بيخدم اهداف الشركه التوسعيه وانتشارها فى بقاع السودان الكبير ولاغبار فى ذلك , مع تمنياتى لها بالتوفيق والازدهار .
بس انا استعرت الشعار ومع بعض التعديل ليحمل معنى آخر غير الاعلان ؟؟؟ وليكن دعوه الى جميع السودانيين بالخارج بما فيهم انا نفسى !! كل واحد يوضع خطه اقصاها ثلاث سنوات للرجوع الى ارض الوطن , والمشاركه فى التنميه ونهضة ورفعة السودان .
ولا داعى للبحث عن الاعذار لنظل بعيدا عن ارض الوطن الحبيب ( وخليك سودانى ) .
لانه فى رأى الشخصى اى زول خارج الوطن ما سودانى اذا لم يشارك فى تنمية البلاد
لانه الوطن محتاج الى كل يد عامله فى كل القطاعات , مع احترامى الى الكل وما بشكك فى وطنية اى زول!! وسوداننا الحبيب يملك الكثير ؟؟؟ ويحتاج الى كل يد عامله مخلصه
ومافى داعى للكلام المهبط للعزم (يا عم دى بلد مابتقدم ؟؟؟ وخلافه !! ) لانه مافى بلد بتتقدم الا بسواعد اهلها.
وخليك سودانى
اخونا الغالى عوض فاضل
اولا التحيه لك يا اخى وانت تهتم بقضيه من القضايا الوطنيه
اما بالنسبه للرجوع الى ارض الوطن فيا اخى لو وجد كل مغترب ما يجعله
مستقر فى حياته بارض الوطن لما انتظر ثانيه يجابه الصعاب والغربه والوحده
وفى بعض المناطق الاهانه
ما الذى يجعله يقاسى وهو يجد نفس الشئ بين اهله واحبابه
ولكن الواقع لابد منه والحقيقه هى اذا تحدثت عن تجربتى الشخصيه
انا خريج جامعة النيلين بكلاريوس المحاسبه بعد التخرج بحثت عن عمل بياس وذلك
لاننى ارى من تخرج امامى باربع سنوات وهم يجلسون بالجامعه ويتشاورون فى الحل
وهذه المشكله سببها تخريج الجامعات السودانيه لاعداد كبيييره من الطلاب فى تخصص
وهى تحتاج لعشر العدد من الطلاب اضافة الى ان الموظفين القدامى يسيطرون على الوظائف
لتجاربهم مع المؤسسات والتخرج سنوى بهذه الدفعات
بحثت عن عمل فلم احصل وعندما حصلت على عمل براتب لا يكفى لمصروفى الشخصى
حتى اصل مقر العمل هذه حقيقه
فعملت فى مهن اخرى لا صلة لها بدراستى وهى من باب عدم العطاله فقط وانتظار مصروف
الوالد بعد التخرج
وهذا الحال عاااااااااااااام فى اغلب ظروف زملائى الطلاب لاننى على اتصال بهم يشكون عدم
وجود فرص عمل وحتى ان وجدت رواتب ضعيفه بالمقارنه مع الاحتياجات الباهظه لتكوين حياة
الشاب
الأخ عوض
لك التجلة والتقدير
... الوطن وما أدراك ما الوطن ....
ليس هناك بأغلى من الوطن ولا يعرف ذلك إلا من ذاق مرارة الغربة ....
... والله كل لحظة وكل ثانية يعيشها الانسان بعيدا عن أرض الوطن هي خصما من حياهته ومن عمره وعلى حساب أشياء كثيرة .
أنا عن نفسي أتمنى أن أرجع اليوم قبل الغد ....
وحتى هذه اللظة كل يوم بمني نفسي بالأماني ...
لكن المعادلة جد صعبة .... تعال أحسبها معاك واحد + واحد
... أنا الآن بالسعودية ومعي أولادي خريج المرتب لا يصل الأربعة ألف ........... يقسم المرتب كالآتي :
....... السكن للعائلة لا يقل عن 1200
.... المصاريف الشهرية لا تقل عن 1500 غير مصاريف العلاج ( ربنا يسترها )
.... أسرتين في السودان كل أسرة على ألقل 600 المجموع ( 1200 )
... مصاريف الأولاد معي 400
.. بداية العام الدراسي بالسودان رسوم دراسية
... حالات طائة بالسودان ومساعدات ...........
وبعد ذلك الآن بفكر أرجع لكن كيف الله يعلم
واذا رجعت ... لا أمتلك بيت ... عايز زمن حتى أدور على وظيفة ..
كيف يكون الحل ...
ولك التحية
ودعواتك
تحياتى الى جميع الاخوه المشاركين , وكل اعضاء المنتدى والزوار .
اسف جداً على التأخير !! وذلك لعملى فى البحر !! وارتباطى بالشبكه غير محدد ؟؟ وعلى حسب الظروف !!!!؟؟؟
من خلال عملى فى البحر واحتكاكى ببعض الجنسيات العربيه والغير عربيه, ومن خلال زياراتى الى الموانى وبالتحديد العربيه , بنقل ليكم بعض الملاحظات .
اولاً : من خلال عملى مع الاخوه المصريين والسوريين والمغاربه !! همهم الاول والاخير جمع المال والرجوع الى الوطن .
وياريت مافى زول يقول لى ديل اولاد شنو... ؟؟؟ وماعارف ؟؟؟ انا صراحة ما شفت منهم الا الخير , عمل بجهد واخلاص وكسب حلال , وده دفعنى الى السؤال ليه ما اكون مثلهم ؟؟؟
وفعلاً ارتبطت بزيارتى للوطن وكل سنه عندى شهر على الاقل بالسودان .
ثانياً: من زياراتى الى موانى الخليج ؟؟ شفت فيها العجب !!؟ وخلونا مع الاخوه السودانيين
شفت مجموعه ليست بالقليله سواء فى المياديين العامه او فى مراكز التسويق او فى الشارع وهم راكبين السيارات الحديثه و الفخمه !! الاهم لاحسد وربنا يذيدهم .
وطبعاً اى زول معاه اسره فى بلد الغربه !! للاسف لها تأثيرات سلبيه ؟؟ على العائل وعلى افراد الآسره ؟؟ بمعنى انشغال العائل لتلبيه احتياجات الآسره من ماديات وخلافه ؟؟
وبالتالى انقطاعه عن زياره الوطن , تكيف افراد الآسره مع الحياه المعيشيه اليوميه والتعود عليها !! يؤدى الى فكره عدم الرجوع الى الوطن والعيش فيه ؟؟
ولاحظت انه الاخوه المصريين ما بيصحبوا معهم آسرهم الا فى حدود ضيقه جداً .
والى الاخوه المشاركين , اذا اردت ان ترجع الى الوطن لابد ان ترجع أسرتك اولاً , وكل شئ
بالتخطيط والمصابره بيتحقق انشاء الله .
ولنا لقاء بأذن الله
